اوراق مكشوفة ..فشيلة ؟؟

الموضوع في ',, البُريمِي لِـلخَواطِر ,,' بواسطة قلب الأسد, بتاريخ ‏22 فبراير 2008.

  1. قلب الأسد

    قلب الأسد ¬°•| عضــو شرف |•°¬

    بدايه القصه عن شايب اسمه عمــر وربااااش .... ( قلبه خضر ) ما يشوف بنت الا ينفتن ومشهور بانه حبيب
    ومايخلي بنت في حالهاا الا يتغزل فيهااا



    فيه بنت ملكعه وصاحبة مقالب اسمها( ميثـــــة )قالت في نفسها انا ليه ما اروح
    للشايب وامزح معه واضحكه شوي واشوف ردة فعله كيف تكون



    راحت له وردت عليه السلام كيف حالك يا شايب
    رد السلام والله بخير الله يسلمك

    وفجأه عطته ظهرها ومشت بدون استأذان

    ولع الشايب من حركتها قال فيها كم بيت يستعطفها فيها
    ويقول انها ذكرته الماضي و اذا ما عطيتيني وجه
    لحقت باخوي حمود اللي في قبره ويذكر التاريخ واليوم اللي قابلها فيه

    يقول الشايب عمــر:

    يا بنت خوذي خاطري وارحميني

    لا تجرحين العود بعيونك السـود

    غضي نظرك وغطي الوجنتينـي

    لعل يومٍ جدد الجرح مـا يعـود

    يوم انتهى مع مرمسات السنينـي

    جتني صواديفه على غير مقصود

    باول شهر عشره نهـار الثنينـي

    عمـــر مروا به على جنازة حمود

    البنت كانت تقصد من استفزازه انها تجاريه
    في الشعر وترد عليه والمسكين ما كان يدري انها شاعره
    وعلى باله ما خذ راحته في التغزل


    ردت البنت ( ميثة ):

    يا شايب الرحمن وينـك ووينـي

    عزي لحالك قدمك الباب مسـدود

    قلبك عطوف وجاه قلـبٍ متينـي

    والبنت ما تشفق على مغازل العود

    حبل الرجا مقطوع بينـك وبينـي

    مثل الغليث اللي رعا قلبه الـدود

    اقفى شبابـك والعـرب مقبلينـي


    يا عود ما يرجع من العمر مفقود]حطمته يوم قالت له انك عود
    وان الشباب ما يرجع وان ما فيه امل تعطيه وجه
    حس العود انه تورط وقال كم بيت يقول لها صدي عني
    انه ما يبي الغزل بعد ما وصل عمره ثمانين سنه



    يقول عمـــــــر

    يا بنت صـدي بالعيـون الظليلـه

    لا صد عنـك الله نهـار القيامـه

    مالي ومالك يالفـروع الطويلـه

    لو فيك من رسم البـداوه علامـه

    يابنت مـا لـي بالثمانيـن حيلـه

    اهدف كما تهدف على البير قامـه

    اقفى شبابي والدهر شفـت ميلـه

    يالله حسـن الخاتمـه والسلامـه

    اعطيك موجز والبضاعـه قليلـه
    واخذت لك من صافي الماء سنامه


    راحت الايام والشايب مسكين سنه خذله معها شايب
    وهي بنت وتقول له كيف اعطي شايب وجه


    بعد فتره مرته مره ثانيه وردت عليه السلام
    واستفزته وراحت وخلته ولع الشايب وقال ليه
    ما ابين لها في كم بيت انها بتشيب مثلي
    واني رجال طيب وان الناس تنصاني ومعروف بالكرم
    واني ما ابي منها غير التحيه والترحيب



    يقول عمـــــــر

    يا بنت ما جاس الكبـر والخشونـه

    وعادت شباب اليوم يجفل من الشيب

    ياسرع ما وبلـك تمـزع مزونـه

    يالفاتنـه يـا ام الثمـان الرعابيـب

    يا بنت مـا بينـي وبينـك مهونـه

    كلمة شرف نبي تحيـه وترحيـب

    الله مـن عـودٍ ثقيـلـه طنـونـه

    ينصاه راع المشكلـه والمواجيـب

    على الكرم والديـن نفسـه حنونـه

    تلقاه بالاجـواد شـرق وتغاريـب


    جهز الابيات وارسلها مع عجوز ووعد العجوز بهديه
    اذا وصلت الرساله لها راحت العجوز وعطت البنت الابيات شافتها البنت
    وقفلت على العجوز في غرفه وقالت مثل
    ما جيتي بابياته ترجعني بابياتي
    العجوز مسكينه قالت طلعيني ولا ابي منكم شي
    الله لا يعودكم انتم واوراقكم


    ردت البنت ابيات اقوى من الاولى واكثر تحطيم
    مسكين الشايب ما احد رحمه حتى لو حاول يستعطف

    اتقول البنت ( ميثة ) :


    العود عود وطايحـاتٍ سنونـه

    من كثر ما يرقد على جرة الذيب

    عودٍ مهرقل والعرب ما يبونـه

    ياعود ما لك في طويل المراقيب

    اقفى شباب العود راحت حتونه

    مثل اليتيم اللي بكا ما له مجيب

    جداه ينثر دمعـة ٍ مـن عيونـه

    غريق موجٍ ما لقا له مقاضيـب



    اتمنا انها عجبتكم
     
  2. رفيق العمر

    رفيق العمر ¬°•| شــاعر و كاتب |•°¬



    مرمرحبا اخوي الغالي قلب الاسد
    دائما نرى التميز منك ولكن دائما تتحفنا بتميزك كل حين
    اعجبتني مشاركتك كثيرا ...واسلوب الطرح الاكثر من رائع
    دمت ميزا يا قلب المنتدى ودامت ديارك عامره بالافراح والمسرات


    رفيق العمر
     
  3. اليامي

    اليامي ¬°•| بـ ق ــايا ذكـريـات |•°¬

  4. قلب الأسد

    قلب الأسد ¬°•| عضــو شرف |•°¬

    ابجد لي فرحة غامرة اخوي رفيع ع المرور الذي يرفع من معنوياتي

    لك مني اغلى واجمل تحية انت واخوي اليامي
     
  5. دانة غزر

    دانة غزر رئيسة المشرفين إداري

    وطلعت البنت مب سهله وعرفت ترد عليه

    تسلم اخوي قلب الاسد على هالمشاركه الغاويه

    الله يعطيك الف عااافيه والى الامااااااااااام دوووووووووم
     
  6. قلب الأسد

    قلب الأسد ¬°•| عضــو شرف |•°¬

    بسمة حزن تسلمين ع المرور

    اكيد عجبتك السالفة

    ابامانه هالموضوع مسوونه يوم كنت فالكلية

    كل ما اتخيل اكتب


    ااااااااااه كل ما اقراها اتذكر ايام الكلية


    تسلمين اختي ع المرور

    واتمنا انه عجبك هالاوراق المكشوفة خخخخخخخ
     

مشاركة هذه الصفحة