"لله في خلقه شؤون"

الموضوع في 'مركز أخبَار وقَضَايَا مُحـَافَظة البـُريمِي' بواسطة احمد, بتاريخ ‏22 فبراير 2008.

  1. احمد

    احمد ¬°•| عضو مبتدى |•°¬

    السلا م عليكم
    تذكرون من فترة لاقين ريال ف شوارع البريمي ونقلوه للمستشفى وساءت حالته وايد و اضطروا ينقلوه مستشفى خولة ..
    و لسوء حظه ما حد تعرف عليه , ولا حد سئل عنه , لكن قامت مجموعة من الشباب بالتعاون مع الشرطة بنشر صوره في البنوك و مكاتب التامين , لعل و عسى حد يتعرف عليه , وانتشر خبره و نشرت الصور على الانترنت وعرضت على عدد من محطات دول الخليج...

    الخبر اللي ما حلو انه رجع من خولة لمستشفى البريمي, وحاليا مشلول لايتحرك ولا يقدر يتكلم . ( وكمل على هالحال سنة ويمكن اكثر)
    لكن ولله الحمد بعد دعوات الناس الطيبين , وانتشار صورته في النت, تعرفوا عليه اخوانه , وطلع الريال من باكستان وييو اهله من هناك ليتعرفوا عليه , و في لحظات من الفرح والسعادة لكن تتخلها نظرات الدهشة والحزن لحالة اخوهم انهمرت دموع الناس الي كانوا موجودين و بدا الريال اللي كان مشلول وما يقدر يتحرك ,بتحريك اصابعه ونزلت من عينه دمعه غسلت كل حزنه و طلعت مع الدمعه مشاعر اليأس اللي كانت في قلبه انه ما بيرجع لاهله مرة ثانية .
    الريال بعده حالته تعبانة وشفائه بالكامل غير مضمون , لكن مع هذا تبقى مشيئة ربك هي اللي تمشي وتصير
    ( اسمه غلام و القصة من مصدر موثوق 100%.
     

    الملفات المرفقة:


  2. هيه نعم اخوي اذكر القصه قديمه شويه من 6 شهور تقريبا
    وكان فاقد الذاكره ....
    شكرا على الخبر وهذا مب غريب على عيال البريمي ناس طيبين بشهادة الجميع
    وانا اصادف كثير من السياح وكثيرا ما يمدحون في البريمي وناسها الطيبين



    بارك الله فيك على الخبر ولا تحرمنا من مواضيعك المميزه اخوي الكريم
     
  3. الغــريب

    الغــريب ¬°•| نعم نعم |•°¬

    سبحااان الله


    الله يشفيه ويرده لاهله سالم
     
  4. بنت العرب

    بنت العرب ¬°•| مشرفة سابقة|•°¬

    سبحاان الله

    صدق انها قصه مؤثره
     
  5. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    سبحااااااااااااااااااان الله اكيد لما شاف اهله يمكن نص الالم اللى كان يعانيه راح ،،

    ونسأل الله ان يشفيه ،،،
     
  6. 【شخص متحدي】

    【شخص متحدي】 ¬°•| عضو فعّال |•°¬

    تسلم اخوي احمد غالخبريه
    لا هنت الغالي
     
  7. جوري

    جوري ¬°•| عضو مثالي |•°¬

    واللله صحت لما جرييييي تالموضوووع


    صدج مسكييييييييين
     

مشاركة هذه الصفحة