يقولون في البريمي...قصيدة من السعودية

الموضوع في ',, البُريمِي لِـ/ للشٌعرٍوالْقصِيْد,,' بواسطة في الصميم, بتاريخ ‏18 أكتوبر 2007.

  1. في الصميم

    في الصميم ¬°•| خارج الخط |•°¬

    لست أديبا ولكن هذه القصيدة للشاعر عبدالله الحميداني

    أنا منوتي جيبٍ مـن الـوارد اليابـان
    جديد الموديـل مواصفاتـه خليجيّـه

    على رغبتي فكسار لوحاته من عمـان
    وباسم البريمي يـوم جـا للسعوديّـه

    حجزنا له الرقم المميّز مـن الديـوان
    على صرف لوحاته من جهات رسميّه

    ولا نزلّوه المعرض إلاّ مـن مسيّـان
    و لا دبّـر إلاّ لوحتينـه خصوصـيّـه

    عليه اذكر الله و اتعوّذ من الشيطـان
    عسى الله يحفظه من عيون الشريطيّه

    ليا دق سلفه كّن حسّه صهيل حصـان
    و حسّ المكينه مثـل نفّـاث حربيّـه

    ليا ما تقدّم يعحبـك صـدره المليـان
    ليا طبّ في الزحمه تضيـع العليميّـه

    غشاه البياض من المحيا ليا الشكمان
    مثل نوّةٍ طلت علـى نجـد عصريّـه

    على شبك صدّامه مثل برقع الشيهـان
    مثل قلب سلسالٍ على صـدر حوريّـه

    ابو رفرف و ونش أكتروني و ماجلاًن
    وشاشه على الطبلون بأرقـام سريّـه

    مراتب من الجلد الطبيعي و زرّ آمـان
    وقيـره أوتوماتيـك و أدراج مخفيّـه

    فخامه من احدث ما ورد روعة الأتقان
    قطاع الوكالـه مـا دخلهـا تجاريّـه

    وله اسبير مخفي تحت بدْيه ولا ينبان
    مع سبيـر علاّقـي مغطّـى بطاقيّـه

    عليه الخطوط اللّي من الزعفران ألوان
    تطوّى علـى جنبـه تطوّايـة الحيّـه

    وخطٍ رمادي تحت زيقه على البيبـان
    ابا وصفّه بطـراف غتـره حساويّـه

    حلالاه يا مسرى من الليل يا سلطـان
    لا خلّيـت وجهـه للديـار الجنوبيّـه

    ليا ما سطع نوره على نايد الضلعـان
    تنشدّ له البـدوان مـع كـل طرقيّـه

    يشجّعك فالممشى خفيف و وسيع بطان
    ليا طـوّل الممشـى يزيـدك حياويّـه

    سلامي على الفكسار ما هلّت الأمـزان
    ليا بكرّ الوسمي وانـا فـي حراويّـه

    هو اللي فرق شركة تايوتا عن النيسان
    ولو لاه مـا جـا للوكـالات شعبيّـه
     
  2. مخاوي دمعه

    مخاوي دمعه ¬°•| عضو فعّال |•°¬

    اشكرك على هالابيات الجميله والنقل الغاوي
    اسميك بدعت وما عليك قصوووور
     
  3. ظبيه العين

    ظبيه العين ¬°•| مراقبة سابقة|•°¬

    مشكووور على القصيدة الروووعه
     
  4. سعود الظاهري

    سعود الظاهري :: إداري سابق ومؤسس ::

    حليلة الشاعر قصيدة حلو وتسلم على طرحها
     
  5. الغــريب

    الغــريب ¬°•| نعم نعم |•°¬

    مشكووووووور اخوي ع نقل القصيده

    روووعه
     
  6. الجررريح

    الجررريح ¬°•| عضو مميز جدا |•°¬

    كلمااااات روووعه وجميله
    تقبل مروري..
     

مشاركة هذه الصفحة