صرت وحيده

الموضوع في ',, البُريمِي لِـ/ للشٌعرٍوالْقصِيْد,,' بواسطة غربة الروح, بتاريخ ‏25 مارس 2009.

حالة الموضوع:
مغلق
  1. غربة الروح

    غربة الروح ¬°•| عضو مميز |•°¬

    السلام عليكم .. شحالكم؟؟؟
    تصدقوا عندي دفتر كاتبه فيه قصايد من العام والاسبوع الماضي حصلته ويلست اقراه وشوي وبصيح ...قلبت المواجع:( .... وهاي ثاني وحده اكتبها..

    حالي تغير وكل أحوالي تغيرت..
    صرت وحيده ومن وحدتي تألمت..
    يا ما شكيت ويا ما تكلمت..
    بس إللي حولي طنشوني وتكتمت..
    صرت اعاني فدنيتي وتحملت..
    وكل الجروح والضيق ذقت وجربت..
    مر الحياه وحلوها ما عاد فرقت..
    التعب والضيق ملكوا حياتي وكتفيت..
    ماعرفت النوم فحياتي وسهرت..
    وليلي كنه عز الصبح لا قمت..
    ورجيت الزمن وقلت يا ليت وقفت..
    تراها الدنيا ضاقت بي وستسلمت..

    هاي كاتبتنها لما كنت سنه أولى ... كنت اداوم بروحي ... وكانت الوحده بالنسبالي واااايد صعبه لأني أول مره اجربها فحياتي..
    وللأسف أحين اعيشها للمره الثانيه:(...
     
  2. أبو سلطااان

    أبو سلطااان مؤسس و رئيس الفريق التطويري إداري

    يعطيج ألف عافيه أختي ع الكلمات النابعه من القلب ...

    و إن شاء الله تسعدي بحياتج و الله يجعلج باللمه الحلوه و يبعد عنج الوحده و الأحزان ...

    ألف شكر و ننتظر المزيد من هذه المشاعر المكتومه ...
     
  3. سعود الظاهري

    سعود الظاهري :: إداري سابق ومؤسس ::

    يا عينـــي أنااا [​IMG] .. روعهـ الصراحه
    القصيده ما نروم عليها عجبتني حيل و ربي وحزينه
    أحسج تميلين للون الحزن ماعرف ليش


    .
    .
    .

    سلمـتي شاعرتنااا ع هالابداعـ [​IMG]





    بترقــب يديدج أختي [​IMG]
     
  4. غربة الروح

    غربة الروح ¬°•| عضو مميز |•°¬

    آآآمييين جميعا إن شاء الله...

    وتسلم يا الطيب ع الرد الحلو ..
     
  5. غربة الروح

    غربة الروح ¬°•| عضو مميز |•°¬


    اميل للون الحزن ... صح كلامك .. أنا مب حزينه ..بس أحيانا تنتابني ونات حزن..
    شاعرتكم مره وحده .... جنها عوده علي ... خخخخخ!!!
    تسلم الشيخ ع الرد الحلو ...
     
  6. سعود الظاهري

    سعود الظاهري :: إداري سابق ومؤسس ::

    طالبنج طلبه قولي تم
    أحم أحم


    أباج تسوين فيني قصيده .هههههه
    أدري مابترديني




    أنتظر خخخخخ
    ود
     
  7. غربة الروح

    غربة الروح ¬°•| عضو مميز |•°¬

    قصيده فيك مره وحده!!!

    عاد شو أقول فيها؟؟
     
  8. سعود الظاهري

    سعود الظاهري :: إداري سابق ومؤسس ::

    مالي خص تسوين قصيده فيني . قصيدة مدح طبها مب ذم هههههه
    أنتظر هاه
    أي شي أي منج حلو أختي
    ود!
     
  9. خافق احساس

    خافق احساس الفرَيق الإدِاري إداري

    ^^"

    ما شااء الله صراحة الابيات عجووبية

    عيبتني

    طلعتي شااعرة من ورانا لووول

    عاد ننتظر الزووود

    ،،،

    احترامات
     
  10. السَعيدي

    السَعيدي <font color="#ff0000">¬°•| إداري سابق|•°¬</span></



    ما شاء الله عليج
    وايد حلو انج تكتبي شعر او خواطر واتيي بعد فتره وتحصليه
    وايد وناسه واحساس جميل جداً

    صح لسانج على هالكلمات الحوله

    نتريا الزود من جداج

     
  11. غربة الروح

    غربة الروح ¬°•| عضو مميز |•°¬

    تسلمين الشيخه ع المرور الطيب ...
    أي شاعره أي بطيخ !!!
    ها خرابيطي
     
  12. غربة الروح

    غربة الروح ¬°•| عضو مميز |•°¬

    الظاهري ما احب ازعل حد ...بسويلك إن شاء الله ..بس عاد انتظرني شوي ...لين ماتييني القريحه الشعريه هع
     
  13. غربة الروح

    غربة الروح ¬°•| عضو مميز |•°¬

    تسلم الأرجنتيني ع الرد الحلو ...
    بصراحه لما قريت الأبيات حسيت عمري اعيش هاييج اللحظات بكل مافيها..الحمد لله ع كل حال ..
     
  14. غربة الروح

    غربة الروح ¬°•| عضو مميز |•°¬


    تسلم يمينج خافق احساس ع المرور الطيب ..
     
  15. بصراااحة

    بصراااحة ¬°•| عضــو شرف |•°¬

    صح لسانج ع الكلام الجميل ..
     
  16. غربة الروح

    غربة الروح ¬°•| عضو مميز |•°¬

    تسلم أخوي ع المرور الطيب...
     
حالة الموضوع:
مغلق

مشاركة هذه الصفحة