{~أمٍّيْ و أبٍـًوِيً بٍـًتٍنْسًـ~ـوِنِيْ بًـ ع ـًـٍد مٌـ~ـوِتـٍـَي؟!؟!..~}

ولد شيوخ

¬°•| عضو مميز |•°¬
إنضم
12 سبتمبر 2008
المشاركات
349
العمر
39
الإقامة
العين دار الزين

{~أمٍّيْ و أبٍـًوِيً بٍـًتٍنْسًـ~ـوِنِيْ بًـ ع ـًـٍد مٌـ~ـوِتـٍـَي؟!؟!..~}


أمس مصدوم وأبكي وأشكي
وأعاني من جرحي وحياتي
واليوم..
ألعب وأمزح وفرحان
وأضحك والبسمة ما تفارق شفاتي
أهتم يوم .......و أطنش أيام
أتكلم شهر.........واسمع أعوام
أضحك مع ناس وأبكي على ناس
أشوفهم فجأة وأفقدهم بدون إحساس
وفي لحظه قاسية.....



أفارقهم ولا أقوى..والعيشة بموتهم بلوى
لان الموت ما يرحم
بس القلوب ما تهتم
أقابل ناس تفرحني
أساعدها وتساعدني
أعاتبها وتعاتبني
وأسايرها وتسايرنيأنا هذي حياتي مع الدنيا...


في لحظه تغيرت كل معاني حياتي
صدفة...
بيوم وعرفتك وسمعتني وسمعتك
ضحكنا مع بعض كثير
مثل براءة طفل صغير
بكيت شوي...؟
شكيت هموم..
وعدتك هالبكى ما يدوم...
أعترفت بقلب لك أرتاح
قلب مات بطعن الجراح
وفجأة...
حصل يوم وفقدتني وتلتفت ما لقيتني...
ورن جوالي ما احد يسمع.....


الكل منشغل يدعي يقول يا رب له أشفع...
ترد هالمرة أمي تقولك :..........خلاص ما ينفع تركنا ورحل بعيد ...
والكفن توه حضنه جديد...!!
سامحه وبالخير أذكره..
أطلبوا له الجنة وفرحوه..
ولو انه غلطت بيوم عليك أعذره
ولو مرة قسى عليك أو قصر لا تلومه
تذكر دايم انه أحتاجلك ومالقالك
تذكر انك في يوم ضايقته



تقفل أمي جوالي وتحضنه وتبكي....
وهي ما تدري عن حــــــــــــــــــــــالي
ما بــــــــقى غير ذكرياتي وصوري
وثيابي وعطري وأوراقي
إلى متى ما بأبقي في بال كل غالي...؟
شهر........... شهرين......... سنة........ سنيتين..... ولا طول العمر


أمي وأبوي بينسوني... ولا بيذكروني بعد موتي
وإخواني بيفقدوني ولا بيخبون عنهم موتي
حياتي انتهت خلاص في لحظه تسرع...
وانا ما طلبت من اللي غلطت عليهم يسامحوني

الوقت فات...
وأنا ما كتبت وصاتى..
دخلوني على أمي جسد بدون روح
إحساس ثابت ما أتحرك
قربت مني رفعتني وبكت تودعني
شالني أبوي لقبري دفنوني



دفنوني قبل لا أقولك:
يا خوي لا تنساني
واذكر أيامي معك
ما يطلبك قلبي
إلا دعوة
وانك تدعي له
بالرحمة



مسكني أبوي و ودعني
نزلت دمعته تطهرني
شاف وجهي لآخر مرة
حضني بقلب به حسرة
ويقول مسكين ما تهنى بس الموت ما يرحم........



دخلني لقبري وشاف التراب يغطيني
سمعت خطاه وهو يمشي بس الموت ما يرحم
ورجع يقول لأمي:
خلاص غالينــا راح عن العين ...... و الموت ما يرحم
 

ريماني

¬°•| عضو مبتدى |•°¬
إنضم
11 مارس 2009
المشاركات
37
الإقامة
فبيت ابوي
آآآآآآآه اشكثر هالسؤاال يتعب
وماندري اذا صدج بيذكرونا!!


موضووعك كلمااته روووعه وحرك شي بدااخلي
وماقدرت ما امر واشكرك عليه
 

ملاكـ ♥ الروح

¬°•| عضو مثالي |•°¬
إنضم
19 مايو 2008
المشاركات
1,377
الإقامة
روحي البريمي
تسلم ياولد شيوخ .......الانسان غريب فى هالدنيا ...والموت مايرحم

أفارقهم ولا أقوى..والعيشة بموتهم بلوى
لان الموت ما يرحم
بس القلوب ما تهتم
أقابل ناس تفرحني
أساعدها وتساعدني
أعاتبها وتعاتبني
وأسايرها وتسايرنيأنا هذي حياتي مع الدنيا...


نحياتى لك
 

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)
آآآآآآآآآآآآآآآآآآآآآآآآآآآه حرقت فواااااااااااااادي
وعندي إمتحان عقب شوي ... اهئ اهئ اهئ

أنا متأكده أن أمي وأبوي وأخواني ما بينسوني
لأنهم يحبوني واااايد الحمدلله

تسلم وتقبل مروري^_^
 

شرطي مرور

¬°•| عضــو شرف |•°¬
إنضم
24 فبراير 2009
المشاركات
2,273
الإقامة
فوق عالي السحب
بسكم صيحتونا يا جماعة الخير

حطوا شي يبهج النفس ويسعدها


شكرا موضوع جميل ورائع
 

@@هاجـ الليل ـس@@

¬°•| عضــو مــهــم|•°¬
إنضم
16 نوفمبر 2008
المشاركات
818
الإقامة
في قلب من احب
الوقت فات...
وأنا ما كتبت وصاتى..
دخلوني على أمي جسد بدون روح
إحساس ثابت ما أتحرك
قربت مني رفعتني وبكت تودعني
شالني أبوي لقبري دفنوني



اخي الكريم تسلم ع هذي الكلمات التى لها صدى كبير في قلوبنا




@@هاجس الليل@@
 

معاند زمانه

¬°•| عضو مبتدى |•°¬
إنضم
23 مارس 2009
المشاركات
11
مـــن غـــيــر أبـــويـــن

تــدري وش اللي يجرح القلب جرحيــــن
ويمـــد حبــــل الحـــزن فيـــك ويشــــــده

انـــك تناظــر طفــل مـن غيـــر ابويــــن
يمشــــي ودمعــــة سايــل فـــوق خــــــده

منظــر صعيـب ويقســـم القلب قسميـــــن
لا قــام يمســــح دمعـــــة بكــــف يـــــــده

يمشـي ولا يــدري طريقــة علـى ويـــــن
ليــن التعـــــب من كثـــر ماتــــاه هـــــده

اثقـــل حـــروف يشيلـهـا فـيـــه حرفيــــن
لا أب يــــــدري بــــــــه ولا أم تـــــــرده

في خطوتــه رحلـــة ودمعـــة وسـكيـــــن
وحــــــظ توســــد بالمــراســـي مـخـــــده

جيــت اسألـة باللـه قـللــي ولــد ميـــن ؟؟
وبغــى يجــاوب .. واختنــق صــوت رده

أنـــا يتيـــــم ومــا لدربــــي عنــاويــــــن
وجــــزر الحـــزن فينــي يســـاوي لمـــده

وطعــم الطفولــــة ما عرفتـه لهـا لحيــــن
وثــوب السعــــادة صـــرت مانيـب قــــده

ابكــي إلـــى من شفت غيــري سعيديــــن
ليـــن البكــــــا فينــــي يوصـــــل لحـــده

واقفـــى ورحت امسح دموعي من العيــن
وعينـــــي تناظــــر دمعتـــه فـــوق خــده

وهذا اللـــي يجـــرح القلــــب جرحيــــن
ويمــد حبـــل الحــــزن غصـب ويشــــده
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
كلمات توجع القلب وتبكي العين


فعلا مواقف كل انسان راح يعيشها ويتمنى يرجع للدنيا ليوم واحد بس عشان يراضي من زعل ويواسي من استغنى عنه

ويرضي والدينه ويساعد المحتاي ويصلي ركعتين لربه


لكن بعد مايفوت الفوت ماينفع الصوت




تسلم اخوي ع الطرح الراقي والجميل


توفقت فالطرح

يعطيك الف عافيه
 

°ღ°♥ بنت قابوس ♥°ღ°

¬°•| عضو مميز |•°¬
إنضم
28 مارس 2009
المشاركات
353
الإقامة
قٌــلٌــ مسقط ــــبٌ
ولد آلشيوخ

هيجت الجرح النازف الذي لن يندمل

كلنا بهذه الحياة راحلون

و الان غافلون

كان هنا بالامس ,,,

و اليوم و مانه يوما لم يكن,,,

اتاملهم اراقبهم ...

هل ينتظرونه او يسألون ؟؟؟

و كانه لم يكن ...

ضحكاته تملآ المكان...

نداؤه ما ازال اسمعه,,,

.... لن اقول لما رحلت و وتركتني ؟؟؟

يا الله . ... يا الله ... لا اله الا انت

يا ارحم الراحمين ... ارحم موتانى فلا ارحم منك يا الهي...

عاليتي ...

تاكد ... هناك دوما اناس لا يستطعون نسياننا

و هما نوعان

الذين اسانا لهم بشدة

و الذين احبونا بشدة

و هنئا لمن كثر من احبوه

... اعتذر على الاطالة

لكن فعلا تاثرت لما قرات

شكرا على الانتقاء

بحفظ المولى
 

بنت الكعبي

¬°•| عضو مميز جدا |•°¬
إنضم
5 مايو 2008
المشاركات
528
الإقامة
داخل بيتنا
اسميك عووووووووووووووووووووووووورت فواديه ياخويه

يسلمواااااااااااااااااااااا
 

اثير

¬°•| مشرفة سابقة |•°¬
إنضم
21 مارس 2009
المشاركات
2,181
الإقامة
جميرا
تقفل أمي جوالي وتحضنه وتبكي....
وهي ما تدري عن حــــــــــــــــــــــالي
ما بــــــــقى غير ذكرياتي وصوري
وثيابي وعطري وأوراقي
إلى متى ما بأبقي في بال كل غالي...؟
شهر........... شهرين......... سنة........ سنيتين..... ولا طول العمر




موووتي ولا دمعه امي

بصراحه كلمتت في قمه الرووعه تعوور القلب ابدعتفي طرحك واحتيارك للكلمات المنااسبه ويعطيك الف عافيه تقبل مروووري
 
أ

أ¥أ£أ“ أ‡أ،أ£أ”أƒأڑأ‘

زائر
مشكور اخوي ع الطرح الرائع

يعطيك العافيه
 
أعلى