ليش نرقم سياراتنا بارقام الامارات واحنا عمانيين

الموضوع في ',, البُريمِي للِحِوار و النقَاشْ ,,' بواسطة وحيد بدنياي, بتاريخ ‏20 مارس 2009.

حالة الموضوع:
مغلق
  1. وحيد بدنياي

    وحيد بدنياي ¬°•| عضو جديد |•°¬

    السلام عليكم
    انا من البريمي واشوف الاغلبيه الكثيره من العمانيين مرقمين سياراتهم بارقام الامارت (ابوظبي - دبي ) الاكثر انتشارا
    قلنا نلبس ظبياني لانا على الحدود ساكنين بس نحاول الحصول ع رقم الامارات لسياراتنا ليش
    اخواني ابي نتناقش بصراحه
     
  2. سعود الظاهري

    سعود الظاهري :: إداري سابق ومؤسس ::

    بسم الله الرحمن الرحيم
    وحيد بدنياي وفقت أخي العزيز على الطرح الطيب
    ومن وجهت نظري لان معضم أهالي البريمي يشتغلون في العين أو أبوظبي يعني في الامارات ثانيا رقم عمان لونه مايشجع أصفر ياخي حطوه أبيض أو أي لون غير الاصفر.الاصفر لون بالله عليكم ومب الارقام السيارات بس شوف معضم أهالي البريمي بل 90% عندهم أرقام شبكة الامارات ..

    أحترامي
     
  3. دايم السيف

    دايم السيف ¬°•| عضو فعّال |•°¬

    عزيزي طارح الموضوع أنا أرى إن اللبس او لوحة السياره لا تدل على الوطنيه ومدى حبك لوطنك ...

    السب الرئيسي إن معضم سيارات البريمي بلوحة الإمارات هو ::
    إن معظم السيارات تم شرائها من أسواق الإمارات للسيارات المستخدمه وطبعا بارقام الإمارات ، فالشاري يستخسر يدفع فلوس التصدير وغيرها من الإجرائات التي يترتب عليها تغير الرقم ، والدليل إن رقم الإمارات منتشر بجميع أنحاء السلطنه مو البريمي بس........

    ثانيا رقم قطر أيضا إنتشر فالفتره الأخيره لنفس السبب.....

    والأهم من هاذا كله إحنا كلنا أهل وإخوان وحبايب والدول وحده والأرقام واحد ماتفرج.....
     
  4. اممم صرآحه اللون الاصفر مآيشجع ..

    وبعدين شرآت مآقآل اخوي الظآهري ..

    هل البريمي اغلبيتهم يشتغلون فالعين ..

    لا هنت ع الطرح شيخي ..

    فحفظ الرحمن ..
     
  5. بريماوية

    بريماوية ¬°•| عضو مميز |•°¬

    والله أحس أكشخ أرقام الامارات

    وجهة نظري
    ^^
     
  6. بصرحه السالفه لا سالفة وطنيه ولا شي الرقم ما يدل على وطنيتك ولا اللبس
    وبعدين الكل حرا الي يريد يرقم فيه وانا من البريمي وعندي رقم عمان على قولتكم اصفر ما حلو تره ما تعزك غير بلادك والكل منكطم عندهم رقم عمان فالبيت صح مع احترمي الارى الجميع
     
  7. شبيك لبيك

    شبيك لبيك ¬°•| عضو مثالي |•°¬

    الصرررراحة وبدون زعل ارقام الامارات أكشخ وأحلى

    وألوانهن مقبوووول مب أصفرررر

    وأنا من رايي اذا تغير لون الرقم وشكله يكون أفضل وبيشجع العمانيين اللي فالبريمي

    يرقمون سيارتهم بأرقام عمـــــــــان....وهاذي وجهة نظررررري
     
  8. بصراااحة

    بصراااحة ¬°•| عضــو شرف |•°¬


    وبغيت بس انبه للي ما عنده خبر انه (_الظبيانيه_) ع قولتكم هذي مب امراتيه .. هذا اللبس لبس البريمي الاصلي والكل يعرف التاريخ ..

    انا اوافق اخوي الظاهري بالراي ع موضوع الارقام ...
     
  9. بنت عز وقلبي ما يهتز

    بنت عز وقلبي ما يهتز ¬°•| عضو مميز |•°¬

    مشكــــــوووووووووور أخوي ( وحيد بدنياي ) إختيار موفق للموضوع

    وبصراحه اللي يحط ارقام الامارات او غيرها ما عنده وطنية ابدا
    ومب شرط اللي يداوم فالعين يحط رقم الامارات .. انا اداوم فالعين ومب حاطه على سيارتي رقم الامارات ... وبالعكس لازم تفنخرون بالاصفر فديييييته والله ...

    ..... السموحه مــن الـــكـــل ....
    فديييييييييييييييييييييييت
     
  10. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    مممممممممممممممم نفس الشي اللبس نلبس كندورة قطرية بس ما تقلل بإنتمائنا لبلدنا عمان في اشياء وايد شبيهة باختيار سكان البريمي لاشياء ما تنتمي لوطنهم مب بس الارقام انتوا لاتنسون مثل ما تكون دبي وجهة يقصدها الاجانب البريمي يقصدها الخليجيين عشان اجتماعية البريمي لانه البريمي اجتماعيا الكل ايي صوبها شوفو موضوع شامسية البريمي الي عن الشعب العماني من اكثر الشعوب سعادة البريمي يا اخوي استوت منصة تبني تراث وتقاليد الاخر في ما بينها المادة نكسبهم من تراثنا ونكثب من تراثهم تبادل تراثي بحتة اذا استوى تبادل تراثي يتبعه عفويا تبادل فكري ويتبعه عفويا تبادل مادي <<<<<ليش نتعامل بالدرهم ونحن عمانيين )))) وايد اشياء والسبب التضخم الاجتماعي وعلاقة البريمي بالمدن والدول لمجاورة البريمي لها سمعة عالمية وخليجية كبيرة اجتماعيا وسياحيا لا تنسى هالشي !!!!!!! هاذي الظاهرة في طريق تنمية انا احب اسميه طريق التنمية الاخوية الخليجية !!!! الكل ينتمي للأخر!!!والاخر ينتمي للكل!! مابني هناك يبنا هنا ليرتفع اساس الاخوية والتسامح



    من خلال دراستي لعلم المجتمع

    فايرسلاش



    وشكرا على الموضوع وحيد بدنياي
     
    آخر تعديل: ‏21 مارس 2009
  11. وحيد بدنياي

    وحيد بدنياي ¬°•| عضو جديد |•°¬

    ربي لك الحمد والشكر خلقتني وقدرت لي اعيش بهذا البلد الطيب عمان
    ويا جماعة بلا مجاملة انا افتخر كوني عماني (فديت العماني) طيب مسامح بسيط
    انا مثلا اروح دايما المبزره واداور بسيارتي وافتخر (سيارتي برقم عمان) سيروا بريطانيا وشوفوا وش لون ارقامهم
    حنا والامارات وقطر وكل دول الخليج اهل وحبايب
    بس ما فكرتوا ليش الاماراتي ما يرقم عمان او مثلا القطري ......... فكروا
    اتمنى انا ما نحاول نوهم نفسنا انا منهم باخذ ارقامهم
    ربي احفظني لهذا البلد ارفع راسه
    تذكرتوا لما فازت عمان بكاس الخليج قبل كم شهر ... هل افتخرتم
    معظمكم الصق الوان العلم ع سيارته
     
    آخر تعديل: ‏21 مارس 2009
  12. سبونج بوب

    سبونج بوب ¬°•|عضو موقوف |•°¬

    السلام عليكم ..

    من وجهه نظري ونفس ما قال اخوي الظاهري انه يمكن هم يشتغلون فالعين او ابوظبي ..

    وبعدين ما فيها شي اذا حطو رقم الامارات مب نحن اخوان ؟

    وبعدين البريمي لازقة فالعين يعني اكييد بيكون حد عنده رقم الامارات ..
    انزين حتى نحن اللي فالعين ..تقريبا كل اللي فحارتنا عندهم رقم عمان ..

    احس ما فيها شي ..

    والسموحة
     
  13. Sμilε

    Sμilε ¬°•| » نقـآء يسڪْننيّ|•°¬

    اخوي لا تخلط فالامور ...

    شو دخل هذا فذاك...

    اخوي يا وحيد بدنياي يا مهندس البترول

    اصلا هالمواضيع حتى ما تناقش من وجهة نظري
    من متى قمنا نقول عمان والامارات فهالبلاد
    من حفظنا فوادنا وعرفنا الدنيا كلنا بلاد وحده
    ما في داعي للتعصب
    صح حدود وخرابيط بس مافي فرق كلنا اهل
    فما بنيي نفرق بين رقم احمر واصفر واخضر

    هذا وجهة نظري وكلن له رايه
     
  14. السيف

    السيف ¬°•| عُضوٍ شًرٍفٌ |•°¬

    والله شوفي شبيك لبيك لوغيرو لونه اي لون هل البريمي ما بيركبوه

    وما العاذره لي يداومو في دبي وابوظبي انا اعرف شباب يداومو في مسقط ومركبين ارقام الامارات

    هذا شي نفسي دايمن متألقين بالغير و نسيانين عمارنا
     
  15. شرطي مرور

    شرطي مرور ¬°•| عضــو شرف |•°¬

    مسا الخير يا حلوووووووووووين موضوع جميل وشيق الصراحة

    أختي الفاضلة بنت عز وقلبي ما يهتز

    أنتي الظاهر الوظيفة اللي إنتي فيها ما تسمح أنج ترقمي سيارة بإسمج أو ما تتسجل بإسمج في الإمارات

    عشان جذا مرقمتها عمان

    ثاني شي مو شرط أنه الشخص مسجل سيارته رقم غير عمان معناته انه ما عنده وطنية

    لا أختي عندنا وطنية وأكثر بعد بس بخصوص تسجيل السيارات أرقام الإمارات فيه أسباب من ضمنها

    حكم دوامنا وشغلنا

    أرجوا أنج ما ترمي كلام بدون هدف واضح وما يكون جارح
     
  16. شرطي مرور

    شرطي مرور ¬°•| عضــو شرف |•°¬

    أصدقائي ليش أنتوا شابينها حرب على بعض

    ليش ما تحطوا المقارانات في التعامل بالنسبه للتسجيل

    للميزات بالنسبه للتأمين

    في عمان أذا رقمت سيارة برقم عمان
    1- كم قيمة التأمين ؟

    من 75 ريال إلى 90 ريال ويزيد على حسب نوع السيارة تأمين عمان والإمارات

    2- لاقدر الله صار عليك حادث وانت الغلطان وحولت الموضوع للتأمين كم قيمت فتح الملف بالنسبة للتأمين ضد الغير ؟

    فتح الملف 50 ريال عماني ليش

    الإمارات لا يوجد مبلغ لفتح الملف إلا إذا كان التأمين شامل فقط

    شكل الرقم واللوان المختارة له دور
    أنا عندي سيارتين رقم الإمارات وما أشتكي من أنهن رقم الإمارات وأخوي عنده سيارتين ويحسب ألف حساب يوم يجي يجدد
    كم راح يكلفنه لأنه كل مره يزيدوا التأمين

    ثاني شي نحن حركتنا أكثر شي بين البريمي ودولة الإمارات كلها بس عمان حدنا إذا وصلنا مسقط مره فالسنة

    إذا جينا من ناحية التمويل أي بنك بيمولك في عمان بنسة تمويل أقل من 7 % أو 8 % بينما الإمارات نسبة التمويل ما تتعدى 3.75 % للسيارة الجديدة و 5 % للسيارة المستعمله

    وبعد وين سوق السيارات المستعملة ..... في البريمي لا يوجد أغلب سيارات معارض البريمي....وأغلبها شاصيها رايح
    وإذا حصلت سيارة وحلوه وكشوخية طبعاً أسحب معك شركة تمويل كامله عشان تشتريها لأنه السعر دبل يعني الضعف

    أظن كل هالفوارق تشجع إنه الواحد يرقم الإمارات وكل شخص ينظر لمصلحته

    ولا دخل للوطنية فالموضوع لا تخلطوا الحابل بالنابل

    وعمان تاج على راس كل عماني ويفتخر فيه أنا شغال بالإمارات وعز وفخري عمان وأفتخر إني عماني

    شكراً طارح الموضوع على الطرح الجميل

    السموحة هذي وجهة نظري بالنسبة للموضوع الرجاء محد ياخذ بخاطره

    ملاحظة : الرجاء من من يضع الرد لا يجرح بالردووووود
     
    آخر تعديل بواسطة المشرف: ‏22 مارس 2009
  17. السيف

    السيف ¬°•| عُضوٍ شًرٍفٌ |•°¬


    تسلم الاخ شرطي مرور على توظيح الموظوع

    ولاكن في بعض الشغلات نسيتهم اسأل نفسك كم بتأمن السياراه في الامارات
    واذا بغيت تسوي تأمين عمان كم بتدفع
    وغير غلاست ادنوك وغيره
    اما عشان التمويل عند حق في كلامك صح عندنا التمويل في عمان استغلالين لدرجه

    ونشاله الموضوع للنقاش وليس للمشاده

    دمة بود
     
    آخر تعديل بواسطة المشرف: ‏22 مارس 2009
  18. دايم السيف

    دايم السيف ¬°•| عضو فعّال |•°¬





    أنا بصراحه لو أكون عايش فبوظبي مو البريمي بخلي رجم عمان على سيارتي مو عشان الوطنيه أو غيره بس لسبب في نفسي .......................
     
    آخر تعديل بواسطة المشرف: ‏22 مارس 2009
  19. كيـِـآטּ

    كيـِـآטּ ¬°•| مشرفة سابقة|•°¬

    وعليكم السلام ورحمة الله وبركاته


    أعتقد أخواني الكرام هذا موضوع نقاش

    مب حلبة مصارعة



    للنقاش فقط وأي رد يخرج عن الموضوع
    راح أحذفه
     
    آخر تعديل: ‏22 مارس 2009
  20. مجروحــه وآكااابــر

    مجروحــه وآكااابــر ¬°•| عضو مبتدى |•°¬

    تسلم أخوي... وحيد بدنياي ...

    بصراحه انا مثلك مستغربه من اهل البريمي وبالعكس الأصفرواااايد حلوووووووو
     
حالة الموضوع:
مغلق

مشاركة هذه الصفحة