░◄ لحظــات لا تنـــسى "من طفولتنا "►░

الموضوع في ',, البريمي لـِ مساحة حرة ,,' بواسطة شعشبونه, بتاريخ ‏20 مارس 2009.

  1. شعشبونه

    شعشبونه ¬°•|Her Highness|•°¬

    ░◄ لحظــات لا تنـــسى "من طفولتنا "►░


    السلامــ عليكمــ ورحمة الله وبركـاتهـ ..~~!!




    مرحبا السااااع جميعا ..~~!!



    اليوم اقدملكمــ ...

    ...~~!!احداث من طفولتي التي لا تنسى !!~~...




    عندما كنّــا نقطن في منزلنا القديم ... تقريبا قبل 9 سنوات ^^ ...

    كنا لا نعرف سوا ...دكـ ـان .. راعي الجرايد .. والربيه ..~~!!

    ^^... لمـ نكن جهلاء بل كنا .. وما زلنا ,, المخربين نمبر ون !!

    يعني مخربين ودفشين ومشاغبين بلا مــــــــــــــــــــــنافس ...~~!!

    >>هع خلونا نرد موظوعنا ,,,...,, هذي مقتطفات من طفولتي الاولى



    1- خداع العبقراء >>شو جمع عبقري؟ ,,,"اي عبقراء يااللا مخابيل " هع



    ....نجلس جميعا .. العائلهـ الكريمه في تلك الصاله التي كنديشنها خربان ..

    .. الجهال ... مشاكس , صانع الاوهام ريتا سبشل ..عموه المياسه وغيرهم ..

    هع .. نسمع تنقيعات الكنديشن ... تليها صوت ثلاجتنا الخربانه .. يجتمع الازعاج

    لا نجد سوا ازعاج ورا ازعاج لكن في نصف الصاله نقعد .. وفي نص الدائره ..

    3 ربيات وحده مسروقه من بوق ابوي وحده مسروقه من عند راعي الدكان ووحده

    قاصين عجارنا المسكين " عاطينه نص كبيره وعاطنا ربيه هع " نسمع تنقيعات آخرى

    لكن هذه التنقعات فريده من نوعها ... ومميزه ايظا .. انها تنقيعات >>"راعــي الجراايد "<<!

    والكــل يصرخ فجأه رااااعـــــــــــــــــي الجـــرايـــــــــــــــــــــــــــــــــــــــــد!!

    نذهب ونشتري مجله ماجد "مافي غيرها " ومرات يوم تزيد عندنا ربيه نشتري بلونه

    او ستكر تويتي .او دفتر الوان "بس ذا يوم نتهنقر" على زمان اول مجله ماجد كانت شي

    شي عظييييم ..~~!! هع " معنا ما نعرف نقرا " نسير نوديها حق عموه المياسه او خت سبشل

    الكبيره !! هع ..~~!! يوم نوديلها اياها تسير غرفتها وتسكر ععمرها وتاخذ راحتها الين ماتخلص

    قاريتنها ونوقف طابور ورا الباب و عيونا البريئات .. يبحلقن فالباب ..~~!! فجأه نسمع صوت

    فتح الباب .... نصرخ """"هييييييييي خلصت ونيلس نسوي حلقه " فالصاله اللي ما فيها شي على

    ما يرام "على قيد الحياه " وتيلس الفيلسوفه العمه \ المياسه .. تتفلسف وتخرف القصه من عندها

    ونحن مندمجيين ومصدقيين عبطولات ". زنجبيل ... موزه الحبوبه .. كسلان جدا ... امونه المزيونه

    "عاد انا ماذكر ذا العقل يباله صيانه او فورمات " هع .... وهذي قصه مجله ماجد ....~~!!!




    2- انا و الدكان


    >> الموووهيم ..... في يوم من ايام الصيف ..,,,... ^^ عطاني ابوي ربيه !!

    وتعرفون من زمان اللي عنده ربيه هنقري ومدري شو نقول عنه ..~~!!

    هع ... سرت من البيت طالعه الى الدكان ... وحامله الهموم والمئاسي وراي

    "كيف بقابل ذيلاك الجهال اللي فالبيت بيسرقوو حلاوتي" و مدرشو قدامي المهم

    رحت انا متبيشره عندي درهم سرت ما عرفت شو اشتري بنص شتريت شبس

    خل وع وع وع " عاد انا اكره شي اسمه خل" بنص (عاد ها عموه تمووت عليه)


    وبالنص الثانيه شتريتبها حلاوه منتهيا هالسويره اللي متروسه الوان المهم

    يوم دخلت البيت لقيت عموه المياسه قدامي و انا مشتريه هذاك الشبس عشان اذوقه

    ليش هي تحبه ؟ وعطيتها اياه ... ما شااء الله العقبه الثانيه والاخطر .. كل الجهال

    متولفيين "صح انا ليش اقوول جهال وتقريبا كنت اصغرهم ؟ " هع وشوفو

    الصاله اللي هم فيها كانو يطالعو زورو "انا كنت اخافه مثل ما اخاف مدهش "

    والغرفه اللي بروحلها بعد هالغرفه يعني لازم اتخطا هذي اول يلست افكر

    امش ببططيء عشان ما يكشفوني "الاخت وايد متأثره بتوم وجيري"

    او اركظ بسرعه ومحد يشوفني؟ واوني عاد احسب عمري سريعه وركظ بشوطي ..

    وهاه هع !! اخووي شافني ويلاه حليله من زمان كان طيب رحمته الين الحين طيب

    بس معاي "مصلحه " هع وعطيته هذيك الحلاوه المنتهيه المسكين احيده كان kg1

    وغاب اسبوع عن المدرسه ... بسبب الحلاوه ... هع وريتا سارت تبا تقلده وتزط وتزط

    وما مرظت هع هع هع .....



    !! اتريا مروراتكم الغاويات !! هع !!


    وسلامتكمـ يالغاليين ...هع !!


     
  2. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    خخخخخخخخخخخخخخخخخخخ


    عبقراء عبقراء تنقيعة حلوة <<<<<عباقرة





    خخخخخخخخخخ تذكريني بطفولتي وحليلي اكثر واحد يكفخونه خخخخخخخخخخخخخخخخخ


    واول ما اشتري شي خمسين واحد يقول عطني حبة وحدة كل مرة اعطي واحد لين ما شفت كيس البطاطس وصحت قلت كيف خلص


    خخخخخخخخخخخخخخخخخخخخ


    حتى انا ما احبه مال الخل وع



    مملح احسن


    لا يكون حلاوة مال حليب البقر خخخخخخخخخخخخخخخخخخخخخخخخخخخخخخخخخخخخخخخخ



    نحن ما ايي صوبنا راعي الجرايد



    وكيف ياكم مشاكس البيت وصانع الاوهام >>>>>>>>المشاغبين تولفوا

    خخخخخخخخخخخخخخخخخخ





    صدق لحظات لا تنسى وتشكرين على اليوميات
     
  3. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    صراااح موضوع حلو

    تتذكري شعشبونه يوم تسرقي مني الحلاوة

    وتضحكي على امج تيلسي تصيحي وانتي ولاشي كله كذب على شاان تشتريلج


    انا اتذكر يوم اظهر براء البيت العب لابس هااف ههههه

    والحااله والحيااه غير عندناا

    حتى الدكاان نشوف الدرهم واايد

    ونشوف الخمس درااهم ويقصون عليناا يعطوناا درهم يقولولناا هذي اكثر ههههه


    شكرا اختي على الموضوع الرائع

    ان شاء الله نشوفج دوم على ابدااااع وتواصل في

    منتديا الغالي
     
  4. @@هاجـ الليل ـس@@

    @@هاجـ الليل ـس@@ ¬°•| عضــو مــهــم|•°¬

    شعشبونه


    تسملي اختي الكريمه ع هذا الموضوع الشيق

    جميل الانسان ان يسترجع ماضي الطفوله

    والاجمل ان يعيش تلك الاحظات


    مشكوره ع هذا الطرح المميز

    سووري اختي الكريمه شكلي قريت النك غلط وعبالي ولد



    تقبلي مروري






    @@هاجـ الليل ـس@@
     
  5. سبونج بوب

    سبونج بوب ¬°•|عضو موقوف |•°¬

    وافضيحتاااه ><"

    شعشبونة يالدووبة فضحتينا ..


    هذيلا كانو يسكنو عندنا فنفس البيت بعدين راحو عنا وصار البيت هادي هع..


    هيه احيد ذاك اليوم كنت ابا افتك من المدرسة بأي طريقة ..بس كانت عندي مناعة قوية ضد الامراض ما عرف من وين :(
     
  6. هههههههههههه

    والله حركآت ..

    ذكرتيني بقبل ..

    ايييييييييييييييييي ايآآآ هآآآآآآآآآآآآ...


    سوآلفج حلوه ..

    وآصلي الابدآع ..
     
  7. special

    special ¬°•| اسْتًغْفِرُ الله |•°¬

    خخخخخخخخخخخخخخ..
    هههههههههههه,,
    هع هع...

    عجيـــــــــب.. هع!!
    _____________

    أتذكره راعي الجرايد كان يجي مره فالاسبوع..
    ههه.. أحلى شي يوم مجلة ماجد.. ماشاءالله علينا مثقفين من يوم كنا صغار.. احمم احمم..
    >>> ههه الي يسمع يصدق ^^"
    تصدقي كنت ابا أكتب هذي اقصه وارسلها حق مجلة ماجد..
    بس محد متفيق فهالزمااان ><",,
    أيام حيلوه كانت..
    عائله كامله فبيت واحد ^^..
    وشو الأحلى من لمة العيله؟

    تصلميــ،ــن بنت العم!
     
  8. شعشبونه

    شعشبونه ¬°•|Her Highness|•°¬



    هع انا بفولكـ من وين يو عيال العم .. تراهم عيال عمي ...


    وصح كنّـا نسكن فنفس البيت .... هع .. ودومني انظرب من قبلهم >> اقصد العكس هع




    تســلمـ فاير سلاش عالمرور
     
  9. شعشبونه

    شعشبونه ¬°•|Her Highness|•°¬

    --------------------------------------------------------------------------------


    ثانكس ...

    متى سرقت ؟ انا ما اسرق هم يسرقوني اتم فاكه حلقي ..~~!!


    انا ما اتشكى >.<" عندي يدين . اظرببهم .. عندي لسان اسبهم "ومطوله يباله قص"
    وعندي ريول ارفسهم وعندي ظروس ...عشان اعظهم ... انت تعرفني؟ اقصد تقربلي؟


    هع من هيك فذاك البيت ما يسوي هيك؟


    هيه وياليتها من حياه ... !! ونعرف نعيش ..~~!!

    صراحه ايام لا تنسى ..~~!!

    هيه صح احيد مشاكس وريتا جي يسوبي ..~~!!


    العفو عمرورك الاروع ^^"



    فالكـ طيب ..~~!!
     
  10. شعشبونه

    شعشبونه ¬°•|Her Highness|•°¬




    تسلمـ خويه عالمرور ... معلي معلي ... حاول فالمره القادمه هع !!
     
  11. حضرة جنــــاااابي

    حضرة جنــــاااابي ¬°•| عضو مبتدى |•°¬

    خخخخخخخخخخخخخخخخخخخخخخخخخخخخخخخخخخخخخخخخخخخخخخخخ


    هههههه:) والله تذكرت أياااام لمااا كنا صغاااار

    اذكر كنا وااااااااااايد نروووح الدكاااااااان عشان نسرق حلااااوة

    والله ما انسى ايااام العصاابات نحن واخوااااني


    كل وااحد يضم فمخباااااه تقريبا كرتووون كااافي :)خخخخخخخخخخخخ


    ولو يعرف راااعي الدكااان ماظنتي يخلينا بحالناااا...بيرفع علينا قضيـــة نصب واحتيــــــــأأأأل...خخخخخخخخخخ



    صراااحة الموضوع روووعة ومشكووورة عالطرح
     
  12. شعشبونه

    شعشبونه ¬°•|Her Highness|•°¬

    --------------------------------------------------------------------------------


    اي فظايح يوم انتو رؤساء الفظايح .. هع وبروحج كنتي تصلحيلي وتمسحي و تخبصي





    شو فكونا ياللا يلسو يتهاوشو من بيكون له السلطح بعد الحاكم صانع الاوهام "ديبو البطل"

    من الدكان ..~~!!
     
  13. شعشبونه

    شعشبونه ¬°•|Her Highness|•°¬

    حاااااظرييين ولا يهمج توصيني بشي بعد يميييه > هع

    ^^"
     
  14. شعشبونه

    شعشبونه ¬°•|Her Highness|•°¬



    هيه والله ذكريــــــــــــــاآآآآآآاااااات ..~~!!


    الله يرحم ايام زمان وطانكيو بنت العم عالمرور ..~~!!



    الــــــــــــــــــــــــــــــــــــــــــــــــــسنع ..~~!!
     
  15. شعشبونه

    شعشبونه ¬°•|Her Highness|•°¬

    هيه والله اياااام زمااان ..~~!!


    بس شو الكابوس ""دكتور الاسنان هاهاها"
     
  16. special

    special ¬°•| اسْتًغْفِرُ الله |•°¬

    ههههه,,
    خخخ.. ديبو البصل قصدج..
    السطح كان ملك الجميع.. هع هع,,
    كنا دوم نروح ونتسلق ومدري شو..
    أذكر كان هناك نحل لو ماخاب ضني,,
     
  17. شعشبونه

    شعشبونه ¬°•|Her Highness|•°¬

    كــان قصدي السلطه بس حمود كسر الفص ويوم يكتب ينقص ويزيد من هنده!
     
  18. غازي

    غازي ¬°•| مصّور هآوي |•°¬

    وبالنص الثانيه شتريتبها حلاوه منتهيا هالسويره اللي متروسه الوان المهم

    يوم دخلت البيت لقيت عموه المياسه قدامي و انا مشتريه هذاك الشبس عشان اذوقه

    ليش هي تحبه ؟ وعطيتها اياه ... ما شااء الله العقبه الثانيه والاخطر .. كل الجهال

    متولفيين "صح انا ليش اقوول جهال وتقريبا كنت اصغرهم ؟ " هع وشوفو

    الصاله اللي هم فيها كانو يطالعو زورو "انا كنت اخافه مثل ما اخاف مدهش "

    والغرفه اللي بروحلها بعد هالغرفه يعني لازم اتخطا هذي اول يلست افكر

    امش ببططيء عشان ما يكشفوني "الاخت وايد متأثره بتوم وجيري"

    ههههههههههههههههههههههههههههههه

    تسلمين اختي على الموضوع الشيق
    ما احلااا الطفووله

    تسلم ايدج على الموضوع الشيق

    تحيااتي
     
  19. شعشبونه

    شعشبونه ¬°•|Her Highness|•°¬

    ^^ العفو خويه ..~~!!
    هع اعدتولي البهجه يوم عيبكم ..~~!!
    اخجلتم تواظعي من مروراتكم..~~!!
     
  20. شرطي مرور

    شرطي مرور ¬°•| عضــو شرف |•°¬

    ذكرت أيام يا خلي تمظن


    عورتي فوادنا كنت عايشة معاناه مع الجهال ماكلين كل حلاوتج

    ذكريات حلوه
     

مشاركة هذه الصفحة