مع إحترامي

الموضوع في ',, البُريمِي Our Cafe ,,' بواسطة همسة حنين, بتاريخ ‏16 مارس 2009.

حالة الموضوع:
مغلق
  1. همسة حنين

    همسة حنين ¬°•| عضو مميز |•°¬

    احـتـرامــي.. لـلـحـرامــي

    صاحب المجـد العصامـي

    صبـر مـع حنكـة وحيطـة

    وابـتـدا بسـرقـة بسـيـطـة

    وبعـدهـا سـرقـة بسيـطـة

    وبعـدهـا تَـعـدى محـيـطـه

    وصار في الصف الأمامي
    احـتـرامــي.. لـلـحـرامــي




    صاحـب النفـس العفيـفـة

    صـاحــب الـيــد النظـيـفـة

    جـاب هالـثـروة المخيـفـة

    من معاشـه فـي الوظيفـة

    وصار في الصف الأمامي
    احـتـرامــي.. لـلـحـرامــي



    يـولــي تطـبـيـق الـنـظــام

    أولــــويــــة واهــتـــمـــام

    مـــــا يــقـــرب لـلــحــرام

    إلا فـــي جــنــح الــظــلام

    صار في الصـف الأمامـي

    احـتـرامــي.. لـلـحـرامــي


    يـســرق بـهـمـة دؤوبــــة

    يـكــدح ويـمـلـي جـيـوبـه

    يعـرق ويـرجـي المثـوبـة

    مـا يـخـاف مــن العقـوبـة

    صار في الصـف الأمامـي

    احـتـرامــي.. لـلـحـرامــي


    صـار يحكـي فــي الفـضـا

    عــن نـزاهـة مــا مـضــى

    وكـيــف آمــــن بـالـقـضـا

    وغيـر حقـه مــا ارتـضـى

    صار في الصـف الأمامـي

    احـتـرامــي.. لـلـحـرامــي


    احـتــرامــي لـلـنــكــوص

    عــن قوانـيـن ونـصـوص

    احــتــرامـــي لــلــفــســاد

    وأكــــل أمــــوال الـعـبــاد


    والــجــشــع والازديــــــاد

    والـتـحــول فــــي الــبــلاد

    مـن عمومـي للخـصـوص

    احـتــرامــي لــلــصــوص
     
  2. العاثرة

    العاثرة ¬°•| عضــو مــهــم|•°¬

    ههههههههههههههههههههههههههههههههه
    نو بليز لا تزيدينا خرااب
    انا كنت ناويه اصير حراميه
    بس ادور حد يتبنى موهبتي
    خخخ
     




  3. حلوه منج خخخخخخخخ
     
  4. غريس

    غريس ¬°•| عضو فعّال |•°¬

    ههههههههههههههههههههههههههههههههههههههههه

    يعطيج العفايه ع رسم الابتساامه ... هااذي كااتبنها الامير السعوودي عبدالرحمن مساعد .. ومن اروع االامسياات ..حضرها عاالم داخل وبرا القااعه عالم ياالسه وعاالم وااقفه ما لااقيه مكاان .. بصرااحه الريال كتابااته فن ×فن . .. اذكر بيوومها قاال لهم شنو بعد تبوون تسمعوون قاال واحد له نبي نسمع قصيدتة البعووضه ..قال له ما فيه عندي قصيده بهالاسم فيه قصيده لي باسم الذباابه اذا تبي خخخخ وضحك العاالم ضحك بالقااعه .. امسيه ما تنسى كوميديه مرتبه ومنوعه

    تشكري خيتوو ع رسم الابتساامه لا عدمنااج
     
  5. همسة حنين

    همسة حنين ¬°•| عضو مميز |•°¬

    شرايج تقدرين أحين تصيرين حرامية؟
    بس لا تقولين همسة حنين قالتلي
    أنا ما أشجع على الخراب

    منقود منقود
    بس إذا صرتي حرامية وحصلتي وايد فلوس
    .....................................
     
  6. همسة حنين

    همسة حنين ¬°•| عضو مميز |•°¬

    شكرا على مرورك أخوي غريس
    وياهلا فيك
    تسلم على الرد
     
  7. العاثرة

    العاثرة ¬°•| عضــو مــهــم|•°¬

    لا افا عليج مب وشايه انا
    بس اذا صرت حراميه أد الدونيا<<مصري يازعم
    بذكر فضلج الذي لن انساه
    خخخخخخخخخ
    بس جد اول شي بسطوا عليه هو خزنة المنتدى
    هع
     
  8. همسة حنين

    همسة حنين ¬°•| عضو مميز |•°¬

    عيب عيب لا تسويها
    بعدين بيكنسلونا

    ههههههههههه
     
  9. العاثرة

    العاثرة ¬°•| عضــو مــهــم|•°¬

    وين الديموخراطيه وين راي الشعب والحريه هع<<<خير وين عايشه الحبيبه
    انا احتج وبقوة المفروض يخلون اللي يبا يصير دكتور يصير دكتور
    والي يبا يسرق خل يسرق وجدامه الرحمن
    هع
     
  10. دندونة البريمي

    دندونة البريمي ¬°•| مُشرفَة سابقة|•°¬

    هههههههههههههههههههه منو اكبر حراميه بالمنتدى؟
    العاثرة ابا اصير حراميه شو رايج؟ صارو ينزلوا فيهم قصايد هع هع
     
  11. همسة حنين

    همسة حنين ¬°•| عضو مميز |•°¬


    هههههه عليج سوالف
    هو سالفة الدكتوراه زينة

    أوك يخلونج تاخذين دكتوراه في الحرامية
    شرايج ولا يصير خاطرج إلا طيب

    تامرين بشي بعد يالعاثرة

    هو أصلا فها الزمن محد قوي شروى الحرامي

    :patch_sante:
     
  12. همسة حنين

    همسة حنين ¬°•| عضو مميز |•°¬

    صراحة أنا ما دل وين الديموخراطية دوريها وين تحاوم؟؟!

    أول ما تحصلينا سويلي خبر أوك
     
حالة الموضوع:
مغلق

مشاركة هذه الصفحة