ماكذبت أمي عليّ .. يوم قالت ..

الموضوع في ',, البريمي لـِ مساحة حرة ,,' بواسطة غازي, بتاريخ ‏13 مارس 2009.

  1. غازي

    غازي ¬°•| مصّور هآوي |•°¬

    [​IMG]

    [​IMG]



    ماكذبت أمي عليّ .. يوم قالت ..




    ماكذبت أمي عليّ ..
    ياجنيني ...
    لاتنام إلا متوضي ...
    وصل .. لله ركعتين ..
    واقرالك لو آيتين ..
    وارفع يديك وتضرع .. بالدعاء ..
    يشرق النور بجبينك ..
    ماتجيك أحلام توحش ..
    وماتقوم الصبح ..
    مهموم .. وحزين ..



    ماكذبت أمي عليّ ..
    يوم قالت .. ياجنيني ...
    لاتفرط في صلاتك ..
    ولايغرك حب ذاتك ..
    ولايبل الريق مسكر ..
    حتى لو يبست لهاتك ..
    ياجنيني ..
    إحرص .. تصلى جماعه ..
    وكل ساعه ..
    راقب الله في حياتك ..






    ماكذبت أمي عليّ ..
    يوم قالت .. ياجنيني ...
    لاتصير إنسان جارح ..
    إضحك بوجه الجميع ..
    عامل الناس بتسامح ..
    لاتفرط في حقوقك ...
    لاتجامل في النصائح ..
    ولاتثور .. تصير فاضح ..
    وإن لمست عيب صاحب ..
    لاتنافق .. ولاتصارح ..
    وإنتبه من هالنصيحه ..
    لاتصير إنسان غامض ..
    ولاتصير إنسان واضح ..







    ..
    ماكذبت أمي عليّ .. يوم قالت ..
    ياجنيني ...
    إحذر .. أولادك ومالك ..
    لاتجافيهم وتقسى ..
    ولاتبالغ في دلالك ..
    ربهم بالخير .. تربح
    وعلم النفس القناعه ..
    وعلم القلب الشجاعه ..
    ولاتغطي العين وتحلم
    وتخدع الرآي بخيالك ..






    ماكذبت أمي عليّ .. يوم قالت ..
    ياجنيني ...
    إنتبه .. لاتبني دارك
    قبل ماتختار جارك
    وفكر بحق المجوره!!!
    لايحس إنك ظلمته ..
    وإلا إنك يوم خنّته ..
    وإلا توذيه بصغارك ..







    ماكذبت أمي عليّ ..
    يوم قالت .. ياجنيني ...
    إن وعدتَ وعد .. فاصدق
    إحذر تزل بلسانك ..
    أو تقلل يوم شانك ..
    عش عزيز النفس تسلم ..
    حاجتك للناس .. علقم ..
    لاتبين ضعف حالك ..
    أو يغرك زود مالك ..
    ولاتهين إنسان .. تندم ..






    ماكذبت أمي عليّ ..
    يوم قالت .. ياجنيني ...
    خلك إنسان بكرامه ..
    لاتغرك هالأمور ..
    المناصب ..
    والقصور ..
    فكَّر بيوم القيامه ..
    فكَّر إنك ماأنت خالد ..
    رحلة الدنيا قصيره ..
    تلقى نفسك في سلامه ..






    ماكذبت أمي عليّ ..
    يوم قالت .. ياجنيني ...
    إحذر تصير البخيل ..
    واحذر تبذر وتطّغى
    واحذر تعيش بخساسه ..
    أو ذليل ..
    ولاتنام بيوم خالي ..
    لاتنام بدون لاتفعل جميل ..
    تلقى نفسك في معزه ..
    تلقى روحك في شموخ ..
    ياجنيني ..
    عش أصيل ....
    ومت أصيل ..







    ماكذبت أمي عليّ .. يوم قالت .. ياجنيني ...
    كل ماسويتْ فيني ..
    أو في أبوك ..
    تبي تشوفه من عيالك ..
    ياجنيني ..
    بر فينا تلقى بِرك ..
    ياعسى الله لايضرك ..
    والله الله ..
    لاتلين بضعف تعصر
    وإلا تقسى بشر تكسر
    ياجنيني
    إصحى .. وإحذر
    زوجتك تشكى وتكدر ..
    لاتدقق في خطاها ..
    وإنتبه تكشف غطاها ..
    تسعد بنعمة وفاها ..
    وتلقى منها مايسرك ...



    ماكذبت أمي عليّ .. يوم قالت .. ياجنيني ...
    لاتمل هموم حملك ..
    ولاتظن الناس مثلك ..
    واصنع أمرك من يمينك ..
    لاتدور من يعينك ..
    بين ربعك .. ولاأهلك ..
    لاتعامل باللي تكره ..
    ولا تجارم وإلا تشره...
    ياجنيني .. ..
    هذي وصايا ..
    لاتفرط في بعضها ..
    ماتتوه الشمس عينك ..
    أو تتوه الأرض رجلك ..
    ياجنيني
    ها لامانه
    حاول تحمّلها طفلك !!

    .
    .
    .



    [​IMG]
     
  2. smart boy

    smart boy ¬°•| عضو مميز |•°¬

    كلام من ذهب

    ومعاني أروع

    بارك الله فيك
     
  3. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    بالفعل ما كذبت امي يوم قالت
     
  4. غازي

    غازي ¬°•| مصّور هآوي |•°¬

    يسلمووو على اتواصل النايس منكم

    تحيااتي
     
  5. حلوة مكحلة

    حلوة مكحلة ¬°•| lمشرفة سابقة|•°¬

    تسلم يأخوى ع ـــــــــــــــــــــــلى الموضوع والكلمات الكثر من رائعة ​
     
  6. السيف

    السيف ¬°•| عُضوٍ شًرٍفٌ |•°¬

    الام دايمن صادقه

    الله يحفظ امهاتنا يارب من كل مكروه

    الموظوع جميع وانته اجمل
     
  7. مروض الكهان

    مروض الكهان ¬°•| مَشْرف سابق|•°¬

    فعلا وصيه وما اروعها من وصيه

    سلمت يالغالي ولا هنت
     
  8. العاثرة

    العاثرة ¬°•| عضــو مــهــم|•°¬

    تسلم يمناك
    موضوع رائع
    وصايا قيمة جداً
    لاهنت
     
  9. ريماني

    ريماني ¬°•| عضو مبتدى |•°¬

    موضوعكـ متميز يااخوؤي
    كلمااتكـ كلهاا تلمع بالروؤعهـ والأهميــهـ

    تقبل مروري

    ريماآني
     
  10. عبقرينو

    عبقرينو ¬°•| عضو مبتدى |•°¬

    ما كذبت علي أمي أبدا


    الله ما أجمل العنوان وما أجمل مضمونة


    أشكرك أخي غازي

    صدقني لقب متألق في الإبداع لآئق لأمثالك


    تقبل مروري
    مع:patch_music1:
    تحياتـــــــــــــــــ عبقرينو ــــــــــــــــــــــي​
     
    آخر تعديل: ‏16 مارس 2009
  11. همسة حنين

    همسة حنين ¬°•| عضو مميز |•°¬

    موضوع رائع فعلا
    تقبل مروري المتواضع
    تسلم أخوي الكريم
     
  12. أم مهدي

    أم مهدي ¬°•| عضو مبتدى |•°¬

    موضوع جميل
    كلمات من ذهب ياريت كل اللي يقراها يحاول يستفيد من هالنصيحه عشان يكسب رضا الله واقرب منه
     
  13. غلطان نيوتن أنا الجاذبية

    غلطان نيوتن أنا الجاذبية ¬°•| عضو مبتدى |•°¬

    اه اه اه


    صراحـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة

    مضوع اثر فيني وايــــــــــــــــــــــــــــــد

    الله يحفطكم يا اعضاء منتدى البريمي


    امـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــين
     
  14. ملك السراب

    ملك السراب ¬°•| عضو مبتدى |•°¬

    انا امي كل شي ف حياتي ك ل ش ي
     
  15. احساس طفله

    احساس طفله ¬°•| مُشْرفِة سابقة |•°¬

    كلمات حلوه ومعاني اروع

    يسلمووو خيووو
     

مشاركة هذه الصفحة