ღღ مــــدونــــه مــــوظـــــف ღღ

الموضوع في ',, البريمي لـِ مساحة حرة ,,' بواسطة رثام, بتاريخ ‏13 مارس 2009.

  1. رثام

    رثام ¬°•| عضو فعّال |•°¬

    السلام عليكم ورحمة الله وبركاته ..

    مرحبا ..


    قبل اسبوع تقريباً ..

    كتبت موضوع عن : " تصرفات المراجع و الزبون " ..


    وذكرت السلبيات والايجابيات ..

    وبعض الردود من الاخوة والاخوات اعترضوا ..

    وطلبوا مني ذكر سلبيات " الموظف " ..

    يعني مب الزبون او المراجع دومه على خطأ ..

    "ساعات " الموظف عليه بعض السلبيات ..



    فكرت من الافضل ذكر سلبيات " الموظف " على شكل

    " مفكره " .. :



    * يبدا الفجر .. البعض ينش بنشاط ( لأنه راقد من وقت ) .. والبعض ينش ( يجر أذيال الخيبه ) .. والبعض ( يغفل 5 دقايق ) يبا يشبع رقاد ..


    * بعض الموظفين لازم يتريقون كل يوم ( بدون الريوق ما شي طاقه يعني ما يرومون يشتغلون ) .. البعض الآخر ما يداني الريوق ( شرات حالاتي ).


    * يوصل الدوام تلقى الوجه يشع من الحيويه .. أو تلقى الوجه منفخ وعاقد حياته ( حواجبه ) .. وما يبتسم .


    * يا حظ اللي يجابل النوع الأول ( بو وجه بشوش ) بيخلص لك كل امورك قد ما يقدر .



    خلنا عقب سرد الخطوات من البيت للدوام .. وخلنا ندخل مكاتب الموظفين .. واماكن عملهم :




    + موظف يوقف المراجع جدام مكتبه وهو داق سوالف وضحك ويا الموظفين .. أو احد المراجعين ( المعروفين ) .


    + موظف تدخل مكتبه وهو يحتفل على طاولته ( سندويشات وكيك أو اكلات شعبيه ) وتارك الناس يتريونه يترس بطنه .


    + موظف من تسلم عليه رفع راسه وشافك بنظره ( خايسه ) .


    + موظف ماسك السماعه او الموبايل داق سوالف ويا الاهل أو الربع واذا رمسته يقولك : لحظه .. واللحظه تتحول لساعات .


    + موظف جالس فمكتب زميله وتارك مكتبه او مكانه شاغر ( والمراجع يدق راسه وين ما يبا ) .


    + موظف يحدد لك موعد لانجاز المعامله .. ومن تراجعه تشوف كومه معاملات جدامه .. ويطلب منك المراجعه عقب أسبوع .. ( استقيل ابرك لك )


    + موظف الامر بايده يخلص لك معاملتك .. ولكن يطلب منك مراجعه الموظف الثاني ( مب فاضي يجابل شغله ) .


    + موظف تدخل عليه وتلقى محول مكتبه لمجلس .. وعندك امر خاص تبا تقوله .. يحرجك جدام الجميع ويقولك : خبرني عن مشكلتك .. ( الكل يشاهد مسرحيتك وهم يهمسون ويضحكون عليك) .


    + موظف مشحون من البيت ( مصفوع .. عاقين عليه كلمه ) ومن يدش عليه مراجع فقير .. يبرد حرته فهالمراجع .


    + موظف واصل متاخر من الزحمه ( تلقى الدخان ظاهر من خشمه ) من يدش عليه مراجع يرد عليه : " اطلع برع " .


    + موظفه دش عليها مراجع وهي تتعدل ( فاضيه ) وحاسر .. من يدش عليها مراجع تطرده وتقول له : صدق ما تستحي .. واذا دش ( كومار أو بيتر ) تبتسم له وتاخذ عنه الشاي أو القهوة .


    + موظفه ترمس الشغاله ( تيلفون ) تشرح لها شو تسوي لعيالها ؟؟ وكيف تطبخ ؟؟ وكيف تدير البيت ؟؟؟.


    + موظفه من يدش عليها شخص عصبي او ملسون من كلمه وحده وجدام الجميع ( تنزل دمعتها ) .


    + موظفه مع زميلاتها ماخذات راحتهن من الضحك والصراخ والسوالف والصوت واصل آخر الادارة او تلقاهن متجمعات مع الموظفين ( الرجال ) دون حدود أو حياء ( الله يرحم أيام زمان ) .


    + موظف تشوف طاولته او مكتبه ترس أوراق وملفات .. لا ترتيب ولا شياته ( تلوع جبدك وانته تشاهده ) ويدور معاملتكوما يلقاها .


    + موظف يا كثر استئذاناته وغياباته بسبب وبدون سبب ( لا ضمير ولا ذمه ) تارك امور الناس معلقه .


    + موظف يسهل مهمات ويحل مشاكل ( صنف معين من النساء ) والصنف الآخر الحشيم عليهن يترين الدور او ما يسويلهن سالفه .


    + موظف مجابل النت او الكمبيوتر يتابع ( البورصه ) وتجارته .. المهم يخلص اموره الخاصه .



    وهناك العديد من الظاهر ..

    والمفكرات اليوميه للموظف ..

    مفعمه بالسلبيات والايجابيات ..

    وهذا اللي اتذكره فالوقت الحالي ..


    السموحه ..



    :patch_sante:
     
  2. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    حلفي ان ما عندج هالانواع فالدوام ^^
     
  3. رثام

    رثام ¬°•| عضو فعّال |•°¬

    غلا بني كعب



    ههههههههههههه ,,


    عن الفضايح .. :patch_mechan:


    أغلب المشاهد عندنا يومياً ..


    مودتي حبيبتي ..




    :patch_music1:
     
  4. العاثرة

    العاثرة ¬°•| عضــو مــهــم|•°¬

    صحيح اللي اختشوو ماتوو
    هع

    يصلمووو على هزا الطرح
    حسيته عني لأني الحين
    فالدوام وداشه المنتدى والمسن
    هع بس هذا لما اكون فاضيه بس اذا صرت متروسه
    اخلص شغلي وارجع اهذر على المسن
    هع
     
  5. حلوة مكحلة

    حلوة مكحلة ¬°•| lمشرفة سابقة|•°¬

    ههههههههههههههههههه


    ياليت حد معاي ويسوى هالحركات بس للأسف بروحــــــــــي اداوم
     
  6. رثام

    رثام ¬°•| عضو فعّال |•°¬

    العاثرة


    الله يعطيج العافيه فديتج ..

    انا شراتج من القى الوقت فالدوام اجابل النت ..


    ما فيها شي ..

    ولكن الشرهه عاللي يترك شغله ويجابل الامور الاخرى ويعطل الناس ..


    مودتي ..




    :patch_swit:
     
  7. رثام

    رثام ¬°•| عضو فعّال |•°¬

    حلوة مكحلة


    كيف بروحج تداومين ؟؟


    محد وياج فالقسم ؟؟



    مودتي ..




    :patch_music1:
     
    أعجب بهذه المشاركة DarkFireSlash
  8. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    خخخخخخخخخخخخخ


    وين انت رحتي رثام


    ممممممممممممم ليش ركزتي على السلبيات بس


    اهم شي المراجع يحصل الي يباه ولا لا؟؟؟

    انزين اصلا فيه توعية لازم يسوويها مثلا مدير القسم والمقصر يتحاسب


    ممنوع المكالمات الخاصة ويتاح وقت مخصص لذلك


    بس انا ما عندي خبرات دوام ولا شي بعدني ما توظفت في مكان ^ ^

    بس بصراحة تعلمت وايد من هذا الموضوع ما بستوي مثلهم



    وشكر على الموضوع رثام
     
  9. رثام

    رثام ¬°•| عضو فعّال |•°¬

    فايرسلاش


    مرحبا ..


    انا موجوده اخويه ..

    لو ذكرت بس الايجابيات ما بنقدر نوعي هالقوم اللي كلهم سلبيات ..

    بالعكس ذكر السلبيات بشكل واضح ممكن تخلي الشخص يتعلم ..


    والمصيبه اخويه اذا لقيت مسئول او مدير كله سلبيات شو بتلقى الموظفين ؟؟؟



    الله يوفقك فالمستقبل ...


    تحيتي ..



    :patch_music1:
     
  10. شرطي مرور

    شرطي مرور ¬°•| عضــو شرف |•°¬

    ما تابع وبتركيز
     
  11. حلوة مكحلة

    حلوة مكحلة ¬°•| lمشرفة سابقة|•°¬



    لا تسألي ويــــــــــــــن اداوم

    بس سئلي شرطي المرور وبيخبرج
     
  12. رثام

    رثام ¬°•| عضو فعّال |•°¬

    شرطي مرور



    نحن بعد ما نتابع وبحرص بس ساعات نفرفر القنوات وننصدم ..



    تحيتي ..



    :patch_music1:
     
  13. رثام

    رثام ¬°•| عضو فعّال |•°¬

    حلوة مكحلة



    ها اخويه شرطي المرور وين تشتغل حلوة مكحلة ؟؟؟



    :patch_music:
     
  14. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<


    اوووووف يختي ماداني هالنوعيه من الموظفين نحن نتريى يخلصون لنا اوراقنا وهم كله يرمسون ويحشون هع هع عاد يوم يجابل احد من اللي يعرفه عاطينا طاف


    انا مفتكه ماداوم بس اتمنى اداوم ابا اتسلى شوي .:*_*:.


    تسلمين غلاي ويعطيج الف عافيه
     
  15. رثام

    رثام ¬°•| عضو فعّال |•°¬

    بلا حب بلا وجع قلب



    العفو اخويه ...



    :)
     
  16. رثام

    رثام ¬°•| عضو فعّال |•°¬

    •.¦Miss ¦.•فراولهْ شقيْه•.



    مرحبا ..


    يا كثر هالنوعيه :patch_mechan:

    ودي ينقرضون ..



    شو رايج تشتغلين ويايه ؟؟؟؟ :patch_swit:



    مودتي فديتج ..




    :patch_music:
     

مشاركة هذه الصفحة