بلييييييز ساعدوني (ابا استشاره عقاريه)

الموضوع في ',, البُريمِي للعَقَارَات ,,' بواسطة بريماوية, بتاريخ ‏26 فبراير 2009.

  1. بريماوية

    بريماوية ¬°•| عضو مميز |•°¬

    السلام عليكم ورحمة الله وبركاته

    شحالكم؟؟


    بغيت من اللي يفهموا فالشؤون العقاريه نصيحه

    عندنا مستأجرين 2 في شقتين ونبا نطلعهم مب راضين

    شو نسوي عشان نطلعهم

    لأنا مجتاجين للشقق ضروري

    غير كذي ان هالمستأجرين متمادين واااايد فـ دفع الايجار

    وكلمنا البلديه بس للأسف بدووون فايده

    والشرطه يقولوا ما لنا سلطه إنا نطلع الناس من البيوت او الشقق

    وتعبنا ونحن نطلب منهم يطلعوا بس ولا همهم

    بليز للي عنده شور يشوره علي

    :(
     
  2. عليكم السلام ورحمة الله وبركاته _

    الأخ غصن الريادي يقدر يساعدج ،،،

    بس فيه حل ، انكم اتشلون النقطة مالت الكهربا لأنه كل شقة لها سويتش فعشان جذا تقرون تفصلون السويشات مال الكهربا ،،، وقوولولهم ما بنرجعهم غير لما تدفعون قيمة الايجار _

    ثاني شي اعتقد انه المالك لما يتحتاي عقار معين يقدر يسترجعه ،،،

    ومثل ما قلت لج الاخ غصن الريادي يقدر ينفعج في هالموضوع _ تقبلي مروري
     
  3. مشاغب

    مشاغب ¬°•| <font color="#040000"> زçـــيم </font><font

    يوم يكون البيت فاضي


    ادخلوا البيت وارموا كل اعراضهم في الشارع

    وبدلوا القفل مال البيت
     
  4. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    هلا اختي ،،


    1. مفروض الشرطه اطلعهم !!!!!!!!!!!!شيء غريب (والله شرطه اخر زمن هذي) ،

    2. مثل ما قال اليوبيل قطعوا نقطة الكهرباااااااااااااااااااااء وبعد لو تكسرون عليهم الماي بيكون احسن اكثر ،،

    3.ممكن تغيرون قفول الابواب يعني اكيد عندكم مستر كي !!!!!!!!! حق كل ابواب الشقق اذا هالبنايه حقكم من يظهرون فتحوا شقتهم طلعوا اغراضهم وغيروا قفل الباب ،،

    4. ممكن تشتكون بالمحكمه ، واكيد عندكم اوراق تثبت ان هالمساجرين استأجروا الشقق من يوم كذا ولحد الحين ما دفعوا الايجار ،،



    تقبلي مروري غاليتي وربكم بيفرجها ،،
     
  5. بريماوية

    بريماوية ¬°•| عضو مميز |•°¬

    مشكور اخويه اليوبيل الماسي وان شاء الله بسأل اخوي غصن اذا عنده حل

    وفكرتك جربناها قطعنا الكهربا يوم كامل قالولنا ردوا الكهربا او بنخرب ف البيت وبنكسر فيه قبل لا نطلع

    ووعدونا بيطلعوا ولا طلعوا


    وتسلم أخويه مشاغب

    بس نحن ما نتجرأ ندش بيتهم يمكن بعده حد موجود داخل ما طلع
    وكذي حرام

    مب عشانهم بس نخاف الله فيهم



    ويزاج ربي خير اختي كبرياء بس نفس ما قلت قبل عن تبديل القفول وقطع الكهربا

    أما المحكمه والشرطه جربناهم بس بدون أي فايده
    قالولنا ما عندنا الحق التدخل بهالأمور

    ونحن عندنا عقد الايجار ماشي يجبرنا نتحملهم
    لأن العقد مب سنوي ولا شي ممكن نلغيه فأي وقت



    وتسلموووووون ع النصايح
    أكرر شكري
     
  6. مشاغب

    مشاغب ¬°•| <font color="#040000"> زçـــيم </font><font

    هدوا البيت كامل
     
  7. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    العفو اختي ،،


    بس صدق ان بعض النااااااااااااس ما فيهم مستحى ،،


    اجروا نااااااااااااااااس محترمين المره 2



    تحياتي لك عزيزتي ،،
     
  8. مشاغب

    مشاغب ¬°•| <font color="#040000"> زçـــيم </font><font

    مرة ثانية اجروا هنود وانتم والخير رباعة
     
  9. بريماوية

    بريماوية ¬°•| عضو مميز |•°¬

    مشااااغب .. هههه حلولك خطيرااااات
    كبريـــــاء .. خلينا بالأول نطلعهم وبعدين يصير خير اصلا نباهن بروحنا لو طلعوا :(
     
  10. لمسة إحتراف

    لمسة إحتراف ¬°•| عٌضوٍ شَرًفِ|•°¬

    طلعووهم وسكنوووني انا هع هع
     
  11. nobalahmed

    nobalahmed ¬°•| عضو فعّال |•°¬

    مع احترامي للاخوان اللي خبروك بأن تطرديهم او تفتحي الباب وترمي اغراضهم بالشارع او قطع الكهرباء هذي كلها مب حلول !!!
    الحل انك ترفعي قضيه عليهم في المحكمه وبعدين تأخذي الحكم علي الشرطه وهم ينفذوا الحكم لانهم جهة تنفيذ وبس اي تطبيق القانون !
    لانك اذا دخلتي البيت ممكن يتهمك باخذ اي شي من اغراضه........
    اما اذا الموضوع رفع الايجار لايحق للمؤجر رفع الايجار الا بعد مرور 3سنوات وبنسبة 7% فقط ولا يمكن اخلاء العقار الا للهدم او الصيانه وبموافقة البلديه واخذ التصاريح اللازمه!!!!!!!
    والسموحه منكم..................
     
  12. mooon

    mooon ¬°•| عضو مبتدى |•°¬

    أنا أأيد الأخ nobelahmed على اللي قاله..
    للأسف بعض المرات نضيع حقوقنا يوم ما نتصرف صح ولا نعرف كيف نطالب بها
    يعني لو تسرعتي وقطعتي الكهربا من الناحية القانونية شركة الكهرباء ممكن ترفع عليج قضية لأن مامن صلاحياتج تقطعي الكهربا
    وإذا كسرتي الباب ودخلتي بكل سهولة يرفع قضية في المحكمة ويكسبها 100%
    وبدل ما انتي تطالبيه بحقج صار هو اللي يطالبج برد اعتبار وتعويض
    أنا أقول هالكلام عن تجربه جربتها بروحي
    كل الود للجميع
     
  13. غصن الريادي

    غصن الريادي ¬°•| الفريق العقاري التطويري للمحافظة |•°¬

    اختي برماوية هل المستأجرين مسوين عقد بلدي ما بينكم وبينهم
     
  14. غصن الريادي

    غصن الريادي ¬°•| الفريق العقاري التطويري للمحافظة |•°¬

    في الفتره الاخيرة اصبح القانون من صالح المستأجر الى حد ما

    وفي الفترة الاخيرة المستاجر ما محصل شقق للأجار ولا بيوت وين بيروحون

    اتمنى انم تحلون الموضوع ودي

    لا محاكم والى شرطة بالاسلوب الطيب راح تكون رد فعلهم احسن

    وانكم مثلن محتاجين للشقق للسكن الشخصي

    س : وين يداومون المستأرين ممكن تبلغون عنهم بادوامهم

    وشوفون ردة الفعل

    وانا في نفس الوقت ر اح اسال المحامي كيف او القانون الي يجدر يخرجهم

    حاضر اختي البرماوية وعذراً على التاخير بسبب الدوام والاشغال الكثيرة اخباركم تهمنا

    ودمتم بالف خير
     
  15. غصن الريادي

    غصن الريادي ¬°•| الفريق العقاري التطويري للمحافظة |•°¬

    في الفتره الاخيرة اصبح القانون من صالح المستأجر الى حد ما

    وفي الفترة الاخيرة المستاجر ما محصل شقق للأجار ولا بيوت وين بيروحون

    اتمنى انم تحلون الموضوع ودي

    لا محاكم والى شرطة بالاسلوب الطيب راح تكون رد فعلهم احسن

    وانكم مثلن محتاجين للشقق للسكن الشخصي

    س : وين يداومون المستأرين ممكن تبلغون عنهم بادوامهم

    وشوفون ردة الفعل

    وانا في نفس الوقت ر اح اسال المحامي كيف او القانون الي يجدر يخرجهم

    حاضر اختي البرماوية وعذراً على التاخير بسبب الدوام والاشغال الكثيرة اخباركم تهمنا

    ودمتم بالف خير
     

مشاركة هذه الصفحة