العميد المنهالي مره اخرى

السيف

¬°•| عُضوٍ شًرٍفٌ |•°¬
إنضم
28 يونيو 2008
المشاركات
454
العمر
43
الإقامة
البريمي
امس الصباح ومن خلال إستماعي لبرنامج البث المباشر على قناة إمارات FM الذي يبث من الساعه 11 إلى الساعه 1 ظهرآ ، وردت ما يقدر بأكثر من 20 رساله SMS الى البرنامج تطالب المسؤوليين بوزارة الداخلية بالتدخل و تسهيل حركة الدخول والخروج من العين إلى البريمي والعكس عبر معبر المضيف ( عود التوبه ) ومركز الهيلي ، بعد ذلك تم الاتصال بالعميد المنهالي مدير عام الإقامة والجنسيه بوزارة الداخليه الاماراتيه حيث برر بأن سبب الإزدحام المروري على المراكز الحدوديه المذكوره أعلاه هو بسبب قيام الجهات العمانيه بإجراء بعض التعديلات على الشوارع المؤديه الى المركزين وأيظآ بسبب قيام وزارة الداخليه الإماراتيه بتطبيق النظام الجديد في الجمارك (( نظام جديد للتفتيش )) مما أدى إلى وجود إزدحام مروري خانق في بعض الاحيان . ووعد العميد المنهالي أنه خلال الايام القادمه وبناء على توجيهات صاحب السمو الشيخ سيف بن زايد ال نهيان وزير الداخليه بأنه سوف يقوم المسؤوليين والعاملين على الحدود بتسهيل عملية الخروج والدخول عبر المنافذ الحدوديه بين البريمي والعين

ولاكن يا اخواني واخواتي اي التحويلات الذي يتكلم عنهم هذا الرجل

ولا طريقه من طرق التهجم مرة اخرى

الا ينتهي هذا الرجل من كلامه الذي ليس له اساس من الصحه ولا المنطق

مثل ما قال في السابق لا رجعه في قرار اغلاق مركز المظيف
 
التعديل الأخير:

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
لا حول الله
 

ام سيف

¬°•| عضو مبتدى |•°¬
إنضم
20 يوليو 2008
المشاركات
55
بصراحه الزحمه سايره فضيعه فوق ما تصورالكل يعانى صحيح دولتهم وهم حرين فيها لكن نحن تعبنا ابناء البريمي
اتمنى ان تنهى هاى الزحمه فمثل ما يقولون نخن ابناء دوله وحده واخوان طول عمرنا
لان هناك فئه تعانى خاصه الموظفين وطلاب المدارس
والله يكون في عون الجميع واتمنى من حكومتنا التدخل السريع

أما بالنسبه لكلام العقيد مو غريب عليه وابغيه يجي يشوف ويخبرنا وين هذي التعديلات يلي بشوارع البريمي يلي الزحمه بسببها يمكن مسوي لها مخفي محد يشوفها الا سيادة العقيد


الله المستعان​
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,467
الإقامة
البريمي وين بعد
هممممممممممممممممممممممممممممم شو نسوي اخوي السيف نحن مجبورين نصبر عليهم بس النفس يوم بتضيق بتسوي عجايب تراه نحن بدال ما نشوف جانبهم خلنا نشوف جانبنا يمكن فيه قرارات نحن ما ندري عنهن في جانبنا همممممممم وبعد هذا كل مرة يغير في كلامه قصدي العميد المنهالي هممممممممممممممممممممممممممممممم يبالنا نسوي فريق يحقق في هذي الامور

انزين انزين بنشوف تطورات هاذي القضية ونصبر


شكرا على جلب الخبر يالسيف
 
إنضم
19 يوليو 2008
المشاركات
1,309
الإقامة
Between four walls
ياخوك انا مستغرب من هالمخلوق ، شو مسويتبه البريمي ابا افهم !!!!!!!!!!!!!!!!

وشو مسوييبه الناس لي في البريمي !!!!!!!!!!!!!!!!!
 
التعديل الأخير بواسطة المشرف:

دانة غزر

صاحبة الروح الطيّبة
إنضم
15 أبريل 2008
المشاركات
20,153
الإقامة
البـــــــــــريمي
محد متغربل الا اهل البريمي والعين


ماصارت هاااااااااااااااااي نيلس بالساعات عالحدوووود


لاحول ولا قوه الا بالله


الله يصبرنا بس ونشوف اخرتهاااااااااا


مشكور يالسيف
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
الله فوق
امس وانا ساير العين 50 دقيقة تقريبا وانا على المنفذ
شي لا يطاق
من جهة عود التوبه السيارات توصل عند فندق الماسة ومن جهة هيلي عند دوار المازدا
وخاصه بعد الساعه 8 الصباح وغلى الظهر وطبعا ترجع العصر الى اخر الليل
بالنسبة لتصريح المنهالي
هذا إنسان ما ينبغي ان يخلي في واجهة هالموضوع
لانه يكذب على نفسة قبل لا يكذب على العالم
اونه تعديلات
لا يكون يقصد تعديلات الي في وادي الجزي؟؟!!!!
هع هع هع
مشكور على الخبر
وبأنتظار الفرج ان شاء الله
 

بصراااحة

¬°•| عضــو شرف |•°¬
إنضم
1 يناير 2009
المشاركات
1,858
الإقامة
بقلوب الاحباء
لا لا لا لا لا لا تعليق ..
 

مظلوم البريمي

¬°•| عضو فعّال |•°¬
إنضم
12 نوفمبر 2008
المشاركات
187
العمر
41
الإقامة
أدور قلـــب أسكن فيه
كلامك صحيح

أنا سمعت اللقاء وانته الصادق اكثر عن 20 و50 مسج اللى وصلوا بسبه هالموضوع

وانا من ضمن اللى مطرشين مسجات مع اني مب موجود ف البريمي لكن بلادي تهمني
الله يصبرنا بس
 

وقباوي

¬°•| عضو مميز |•°¬
إنضم
14 مايو 2008
المشاركات
271
الإقامة
سهول الوقبة
مثل ما قلت في الموضع السابق لهذا الموضوع
هذا لعب يهال يوم يسكرون ويوم يبندون ويوم يسولنا زحمة ويوم يقولوا غلق المنفذ لا رجعة فيه
أصبروا وسوف نصبر على مضايقات أخواننا الصغار
خلوهم يلعبوا إلى أن يردعهم رادع
 

شرطي مرور

¬°•| عضــو شرف |•°¬
إنضم
24 فبراير 2009
المشاركات
2,273
الإقامة
فوق عالي السحب
شكرا شباب على الكلام الحلو
تعرفوا شو التعديلات اللي يقصدها العقيد المنهالي
تعديل دوار منفذ هيلي بلدية البريمي تسوي فيه صيانه داخل الدوار هذي التحويلات اللي يتكلم عنها
 

المغرم الهاوي

¬°•| فخر المنتدى |•°¬
إنضم
23 ديسمبر 2008
المشاركات
2,631
الإقامة
BETWEEN MY LOVE
ياريال خلها عالله بس كل يي يوم اشوفه يدمر
هالريال مطلع رمسه طبه كلام عالفاضي نحن بعد ميسرين لامور وين هالتحويلات م شفت انا شي
 

الوحيد

¬°•| عضــو مــهــم|•°¬
إنضم
9 سبتمبر 2008
المشاركات
184
الإقامة
فـ الــــقـــلـــب
انتو ما شفتوا شي بعد
والله يعين شو القادم

الواحد الحين صار يكره يدخل العين او العكس يدخل البريمي

والله بيه ناس ييو من خطم الشكله بس يخوز عن الزحمه ويوصل بسرعه

خذو بعقل كم شخص يطوف من المركز للجانبين
مو نفس الاشخاص يوميا
يعني اذا يا ضيف او زائر او ....
المقصد في تدخيل بيانات الشخص هم نفسهم والقليل زوار
اسف طولت والله معصب......................................
 
إنضم
19 يوليو 2008
المشاركات
1,309
الإقامة
Between four walls
شكرا شباب على الكلام الحلو
تعرفوا شو التعديلات اللي يقصدها العقيد المنهالي
تعديل دوار منفذ هيلي بلدية البريمي تسوي فيه صيانه داخل الدوار هذي التحويلات اللي يتكلم عنها

انزين هاييج جمن حطبه محطايات على الدوار الظاهر بيسوون شكل يعني وما بياخذ وقت وما معطل حركة السير _

التحويلة لي هي تحويلة على قولته DETOUR هذي طال عمرك غيررر ، تكون تعديلات في الشارع نفسه مش في الدوار يشتغلون ساعتين في اليوم @
 
أعلى