يحليلك ياراعي التوكام تحسب نيسانك محدن يرده

الموضوع في 'البُريمِي للِسيَارات والمُحَرِكَات' بواسطة يشرفنيــ اخونكــ, بتاريخ ‏21 فبراير 2009.

  1. هلا بعشاق الاستندر كللللللللللهم ...هذي قصيده على وزن غنية((سلام العشق))تظحك..حبيت انقلها لكم ياملوك اقصد ((عشاق الاستاندر))



    سلام الاستاندر واعماقه

    يهز الفتك واشواقه


    يجيك بسرعته الخفاقه


    ويقبضلك الخط الوان


    على درب المطار جينا


    من اول ريس تلاقينا


    والرادارات ماقصرت فينا


    وعشنا تعاسة الايام



    شرشحنا الفتك على قاره

    ونزلنا من مقداره

    وغنينا على اطاره

    ذقنا طعم الفوز الوان

    دسنا زيادة وانجلبنا

    وبكيت الوالدة على حالنا

    ماغير المستشفى يجمعنا

    بلا ريس وبلا خربطان






    الا يا موتر اعمامي

    شكلك عجيب من جدامي

    تعال وفرح ايامي

    تراني من امس سهران

    شربنا الجاي من كاسك

    طعم الزعفران واحساسك

    لانك حلو ويا راسك

    وانا معجب بك وعشقان





    موتري لو كان يدري

    انه دمر حياتي وعمري

    وخلاني اسهر لين الفجري

    وانا دوومي من طاريه تعبان


    وشوفو الزعاااااااامه ياعشاق الفتك اقصد ياعشاق((المصخره))..والله انكم مقصه

    [img
    ]http://www.gulfup.com/uploads/12352237650.jpg[/img]


    [​IMG]

    [​IMG]


    [​IMG]

    [​IMG]

    [​IMG]
     
  2. سحر العيون

    سحر العيون ¬°•| عضــو مــهــم|•°¬

    حـــــــــــــــلووووووووه هالقصيده.....


    والله طررر.....ثااانكس رهيف القلب
     
  3. بازززززووكهـ

    بازززززووكهـ ¬°•| عضو فعّال |•°¬

    صــح لــسانــك تسلــمـ،،،،

    بـس يقوولــون عشــاق الفــتـك

    جانــك بغيت الجابل الناسـ،،،

    خذلك فتــك لونه رماديـ،،،

    بعدين ما أعرف هههههه


    [​IMG]

    [​IMG]
     
  4. آل عزان

    آل عزان موقوف

    بازوووكه

    ما عليك من الهذره الزايده من عشاق الفتك

    انا اقولك جانك بغيت تجابل الناس خذلك استاندر لونه رصاصي ولا ابيض ههههههههههه


    ومشكور يا رهيف القلب ع الموضوع الفنتكويشن
     
  5. مشاغب

    مشاغب ¬°•| <font color="#040000"> زçـــيم </font><font

    سير راعي التوكام
     
  6. جــانــي خـوي بـشـي يــذهــلا ~ فــز لــه قـلبـي فــزت الــولهـانــي


    يـــوم شـفــته قـلـبـي تــفــطــرا ~ وعـرفـت إن الـحـلا حـلا نيـسـانـي


    لارنــج يـجي صـوبه ولا اسـتندرا ~ مـن يــشـوفــه يــبـري الـعــلانــي


    وإلا الـنـيـسـان الــكــل لـــه جــرا ~ شـكـل وجـمـال وصنـعـته يابـاني


    قـومـتـه فـي الـخـط جـرحـي بــرا ~ يـخـطـف كـمـا بـرق وراه دخـانـي


    وقـفــتــه يــانـاس كـنـه ع الــثـــرا ~ اتقول أمبراطور والقلب شفقاني


    و إن بـــزود بـــكـــام و كــربــيــتــرا ~ وتــوربـو وهـدرز والقيـر ع الـثـانـي


    و احــــط غــــاز الـــنــــوس تـــرى ~ واصبغه بالمت واطيح في الميداني


    وان تحـدانـي الاستـندر اقــوله ورا ~ لاتـحـاول تـتـحـدى مـعـي يافلاني


    فالميـدان بتـشوف بـرق وانـت ورا ~ تتـبـعه ومابتحـلق تـوصـل مكـاني


    كنـه حـريّم في المـشي يتمخطرا ~ واتــرد قــيــر بـــعـــد ع الــثــانــي


    تـبـي تـوصل واحلـم انـك تـوصـلا ~ وتضرب ايدك من القهر ع السكاني


    مـاريـد أخـليـك اتـعـوف اسـتنـدرا ~ وتـقـول حـسافه ماخـذت نيـساني


    وعـقـبـهـا مــاتــذوق نــوم الكـــرا ~ وتــتـحـســف وتــنــدم وبــتـعــانــي


    وتـلـعـن أبــو جــد جــد اسـتـنـدرا ~ يـوم يـخـلـيــك فـي آخـر الأزمـاني


    ثــم تــوقـف وتــقـــول أنـا مـقــدرا ~ أهـزم وحـش مـثــل هـالنـيسـاني


    و أرد وأقــــول مــاهـــو مـــجــبـــرا ~ يـوم تـجي عنـدي وتبي تتـحداني


    وش مخلنك لحــد الحيـن مصـبرا ~ دام شـي نيـسـان زقـرت يـافـلاني


    بيعه وخذ نيـسان بجمـاله يظهـرا ~ و اتــرك عــنــك الـعـنــاد يــالأنـاني


    قــلــت لـك يــاصـاحـبــي تـــذكــرا ~ قوه النيـسان وعـندي لـك برهاني


    مابذكر البرهان في القصيده ترى ~ بـرهــانـي يـبـالــه ديــوان يافلاني


    وأنا احـب الفـتـك وعلـيـه أسـهــرا ~ مــاروم اخـليـه إلا اكــون ولـهانـي


    أعــشقـه عــشـق مـاهـــو مــزورا ~ عشقن حقيقي عشق هيماني


    أنسى الكـل دام فـي بالــي طــرا ~ وفــي مــو مـثــل باقــي خـلانــي


    فـي بعـاده يـانـاس قلبـي مـصـبرا ~ هــو غـلايــه وهــو نــور الأعـيانـي


    أدمـنـت حـبـه كـنـي شـافـط غــرا ~ لاتـقولـون مجـنون بس عشقـاني


    صحيح انا عاشق فتك واحب استندرا ~ لكن حب الفتك يفوق الأذهاني


    ودي اسأل أهل القلوب المصغرى ~ ليش كل هالحقد على النيـسانـي


    كلـنا بـنـي عم ولا تكـون مكـدرا ~ تــويــوتــا ونـيــسـان صنـعـتـه ياباني


    وكاني طولت في القصيده أرجو المعذرا ~ كل اللي كتبته ياه ع البالي


    :patch_mechan:

    [​IMG]

    [​IMG]

    [​IMG]
     
  7. بعد ذيلا زيادة هع​

    [​IMG]


    //


    [​IMG]

    :patch_swit:​
     
  8. مشكورين عشاق الاستندر عالمرور...وعراسهم..((ال عزان))

    وهاي القصيده رد ع ((شموخ))


    تعجبني الأستيشن على الزينه ....* و السيارة عن التواير مرفعه


    و ليتاته تعمي عيون محبينه ....* ليتني راكبه ولا ماشي معه


    البترول يزيّد صوت المكينه....* كل الأحياء و الأموات تسمعه


    فيه أكثر من نوع و عينه ....*و الأستندر خير نوع من انواعه


    ركّبله تواير تسعميه من حينه ....* لا تشل فيها تخليها مقربعه


    في الرمله لا تعرق جبينه ....* عطه دبل و حرك توايره الأربعه


    يمشي في الصحرا كأنه سفينه ....*حتى اللقب عن الجمل انتزعه



    هع هع هع
     

  9. جاني خبر منه فوادي تفطرا.....استندرن تزمط على النيساني
    ذيه التويوتا يالخوي يامعثرا.....هندل وقيره غرته بالثاني
    منه تلوم صاحبك لو هو برا.....ترجع يمين تعادله يافلاني
    وان ييت بتحمل بها تعمد ورى.....او تستحي او تاذي البتاني
    الناس تتطور وانتا لي ورا.......كنك بصير وتتبع العمياني
    فور بوينت فايف تراه قوة موتره......والا الفتك فور بوينت ايت حصاني
    محروز يالنيساني يومه يذكرا.....كنه زعيم ويحكم الاوطاني
    كل المواتر تتبع الي يامرا.......والا السلق للجاريات تعاني
    وتخاف يحكمها بظلم مفترى......لكن حكمه عدل(ن) وميزاني
    هاتوا سلق نيسان وانا بحفره.....وهاتوا استندر وطيحو الميداني
    عندي انا تفجير شاهين احمرا......فرخ(ن) وسبقه يسلب الاذهاني
    والشعر ماهو مخلف كما ترى.....لكنه السلهام يوم(ن) ياني
    ارتب الاقوال بين الاسطرا.....مستقبس الشاعر الدهماني
    انحن بدو نقطع رمول مقفرا.....مانركب الي اكسله تعباني
    يومن يغرز واجب انك تحفرا......وحاول يمين يسار بالسكاني
    وان طاح في قصين حول بمبرا......ماصممه للسيح والودياني
    والا الفتك كنه على الثرى.....يماري روسه السيتاني
    مكيفن قدام والثاني ورا......ابدع ترى في صنعه الياباني
    مرحوم يازايد على بالي طرى......في جنة الفردوس يارحماني
    مساند المسعود يلي ينطرى......في بوظبي متوكل النيساني
    عنده وكاله لمبيعه والشرى.....تسعه وسبعين لين الاني
    كاين قديم ومن عقب تطورا......واصبح يماري الرنج فالازماني
    لريوسه حطو تراهم سنسرا......وتثبيت سرعه داخل السكاني
    ثلاجته تبرد شرا الفليزرا......وبلوتوث وسبيكرن مجاني
    يطير بالعرقوب يومه يظهرا.......ويفز فزات الذي باحساني
    يوصل ولاتوصل معاه ستاندرا......وعندي على ذلك شهود اعياني
    في اربع وتسعين طاح انجكترا.......وجانا فتك في الفيننا واثناني
    يومن ترش اثنين نارن قد ورا......ومن التواير غيمة الدخاني
    قالو من البترول لايع يفقرا.......قلت السعاده تنشرى باثماني
    قالو يحر وقلت قول مزورا......قيد الحراره تحسبه خرباني
    خذلك فتك ياخي وخل المصخره........لاوارد امريكي ولا بريطاني
    لاصممه شارون وياهتلرا......والي انكتب معروف من العنواني


    [​IMG]


    :patch_mechan:​
     
  10. شوف الفرق بين القصايد اللي أنا أحطهن و بين القصايد اللي أنت تحطهن

    فرق شاسع

    هههههههههه
     
  11. السَعيدي

    السَعيدي <font color="#ff0000">¬°•| إداري سابق|•°¬</span></



    ما شاء الله على الستاندر
    كشخه والقصيده شي الصراحه
    لكن شموخ ردت عليك
    هع هع

    يالله الي يغلب ابا اشوفكم
    هههه
    الف الف شكر لك اخوي على الموضوع الحلوا

     
  12. أنا اللي بغلب و بكل جداره [​IMG]


    ،،

    رهيف القلب ... شوف الفرق بين الفتك و الستاندر و بعدين ارمس على كيف كيفكـ :patch_mechan:


    //

    بلشنا ~






    يقولكـ أخوي " الزين يفرض نفسه " ~>> يقصد الفتك هع
    و لا الستاندر أكبر مصخرررررررره



    [​IMG]
     
  13. مشاغب

    مشاغب ¬°•| <font color="#040000"> زçـــيم </font><font

    اهيه سير راعي الفتك ما يهزك ريح
     
  14. آل عزان

    آل عزان موقوف

    الفتك رقيق ويستعملنه الحريييييم

    اما الاستاندر خشن وما شفت فحياتي حرمه تستعمله

    الفرق انه الاستاندر اكثر رجوليه من الفتك هذا فرق كبير وايد


    ابدا قصيدي بمدح الاستندرا ... كم وياما مسخر النيساني
    يقولون الفتك مسخر لستندرا ... حشا والله لستيشن فالامامي
    ون قلتلي نيسان مسخر لستندرا ... وعندي علآ هذا الكلام شهود اعياني
    اقول الشهود اعيان واحد اشلق والثاني ما يبصرا ... لستيشن كم وياما مسخر التوكامي
    وكانك مصر الدعاس امدك بالذرا ... وعطيك حافز لين اشوفك جدامي
    ولقفا 3 وعقك وشوفك بالمنظرا... ثواني ونا الاستيشن فالامامي
    تنفع لمواعد المزيون والمرا ... وتطيب خاطر الولد بصوتها الوناني
    و نقلتلي زايد اقول ما قصرا ... خيره وفظله علا كل انساني
    من ذكرتك يا زايد قلبي تاثرا ... يعل الله يرزقك اعلا الجناني
    عمر لستندر ما تصورها كيمرا ... منقود وعيب عند ناسن احشامي
    ون قلتلي بترول ساعه وعبرا ... ونا السعاده تنشرا بالاثماني
    اقول شوف البريمي من اول شيشه لين ااااخر اصعرا ... هذي سعادتك يا راعي النيساني
    يا خوي لستندر انواع ما تنطرا ... ولا الفتك من ماركت النيساني
    ون قلتلي فتك يسحب الدخان من ورا ... اقول هذا كله دخان كربوني
    شوف لستندر لو قال بها 2 وكسر عالورا ... تنشا السحب وتستبشر الاوطاني
    وتمطر غزيره لهل الثرا ... وينقظ العشب بين المباني
    وييييييل حالي عليك يا راعي لستندرا ... تحب هوا الزماط وتمسخر فلاني
    ون قلتلي بداعس ثاني مره اقول اغسل هالاغبرا... وبحطم طموحك يا راعي التوكامي
     
  15. آل عزان

    آل عزان موقوف

    انا عارف الفرق اكثر منج يا شموخ
    بس فحاله وحده يطير الاستاندر عن الفتك
    اذا عرفتيها ترى الفتك هو الأفضل وانا بظهر عيوب الاستاندر شو رايج

    رد

    لا تحاول تقارن فتك مع استندرا ...

    مايمصع الاستندر فتك توايره ميجره ولو قوة النيسان بالف حصاني


    حنا رفعنا الفتك وحنا ننكره وحنا نخليه بتفته التعباني


    اخابرك ياراعي الفتك ماتقدره ولا التواير تحكم الميداني


    مايقبل النيسان الا المقبره ولا المقابر تعزف الالحاني


    عند الاشاير اسمع هدرة موتره واسمع هدرات الغضب ناداني


    وقت الدعاس حنا نضهره وماعلينا الا نعشقه بالثاني


    ياويل حالي لو هو زنجره يتفارق الفتكات وياحيه الي جاني


    في خاطري كلام اقوله وانشره حاذر يا راعي الفتك جدامي


    ركز ياراعي الفتك في المنضره خاطف عليك برق الازماني


    خاطف عليكم وقيره اربعه يامن مصعت الفتك لا تنساني


    احفظ كلامي وبتم اكرره هذا راعي الكرز رفيع الشاني


    هذا كلامي واقول المعذره مالك مكان ياراعي الفتك هذا مكاني
     
  16. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    خخخخخخخخخ ماجنه محطوط الموضوع في القسم الغلط اشوف قصايد



    انزين استوت محاكاة شعرية بين عشاق الفتك والاستاندر وكان في هذا الموضوع تفاعل مميز من قبل المشرفة شموخ وتستاهل التقييم
     
  17. [ وقسم الستاندر مصخره ههههههههههههههااااااااااي ]


    اقتباس من رمست أخوي " البطران "
    " راعي الستاندر سابقاً " راعي الفتك حالياً " :patch_sal:





    و يقولكـ يا آل عزان ::


    اونه يوم يشوف الستاندر جذا تصير حالته ~>>[​IMG]




    أما انتوا يا رواعي الستاندر يوم تشوفون الفتك يخطف جدامكمـ جذا تصير حالتكمـ ~>> [​IMG]




    اقتباس آخير من رمسته هعهع ::






    أقووووووووووووووووووووول تقولكم شموخ ههههههه ::



    ترى عمر الصقر ما يغلبه عصفور [​IMG]
     
    آخر تعديل بواسطة المشرف: ‏27 فبراير 2009
  18. على فكرة :: ( الستاندر يوم ملينا منها و شفناها خرررريييييييييييييط ,,, رفسناها صوب دريولنا ههههههههههههههههههههههههههه ( يحليلج يا الستاندر حتى المهندة جربوج كركر ) بس الله يرحمها هعهع ما كملت شهر و انباعت :patch_mechan: )
     
  19. مشاغب

    مشاغب ¬°•| <font color="#040000"> زçـــيم </font><font

    وينكم رعاة الاستاندر

    افااا ما يهزكم الفتك
     

مشاركة هذه الصفحة