سائقي سيارات الأجرة

الموضوع في ',, البُريمِي للِحِوار و النقَاشْ ,,' بواسطة اليوبيل الماسي, بتاريخ ‏21 فبراير 2009.

  1. السلام عليكم يا شباب وبنات _

    اشحالكم عساكم ابخيير _

    اليوم عندي موضوع يديد عن التكاسي الموجودة في ولاية البريمي بشكل عام _ ورجاءاً اخواني الأعضاء كل الرجاء إنه محد ياخذ هالكلام في خاطره ، لأنه موجود والكل شايف وعارف __

    طبعاً انا ما بعمم على الكل لأنه في بعض العائلة لتدني الدخل يستخدمون هذا التاكسي علشان يزيدون من دخلهم الشهري _ وهالنقطة كلكم متفقين معاي _

    بصراحة لي خلاني اكتب هالموضوع // كنت امس امشي في شارع فندق البريمي بسيارتي وساير يعني لا اسرع ولا شي ، بس جذا قوم 70 - 80 كم /س ، المهم والله شوي حرمة أشرت حق التاكسي لي كان يتجاوزني ، حبيبنا لي يسوق التاكسي ولا كأنه سيارة عداله ولا شي الحبيب لف وكسر علي ، وانا طبعاً ريلي سيييييييييده على البريك ، طنشته انا ورحت ،، بس احينه بالله عليكم لو دعمته بترزه عليه ذيج الـ 200 بيسة ،، يعني تصليح سيارتي وسيارته لأنه هو لي بيكون غلطان هذي وحدة ،،، ثاني شي الإنتباه وبالذات من سواقين التكاسي لازم الإنتباه ،،، يا ناس تراه الأرزاق بيدين الله _ وزين انه بعد محد من الشرطة هناك ولا بيسويله مشكلة _

    وفي شغلة ثانية بعد وخاصتاً ويا الشباب ،،، انا اللاحظ لما واحد من الشباب يكون عنده تاكسي يشوف هندي يأشرله طنش ، يشوف بتاني طنش ، يشوف عماني طنش ،،، بس اذا شاف كائن حي إسمه بنت وقف مهما كانت بس المهم بنت _

    مرة موقف صار جدام عيني شيبة مسكين يأشر حق تاكسي كان في التاكسي واحد من الشباب فما وقفله وكان ذاك الوقت الساعة 2 الظهر والجو حااار موووت ،،، بصراحة ما هان علي ذاك الشيبة وقفت له ووصلته ،، كسر خاطري والله _
    يعني عنبوه ماشي رحمة !!! سبحان الله بس


    فشوو رايكم يا شباب عن هذي الظاهرة ؟؟؟ ومنو المسؤول عنها ؟؟ وكيف طريقة علاجها ؟؟؟ مع عدم الأخذ بالتعميم لأنه فيه ناس يدورون رزقهم الحلال بصراحة __

    نتريا تفاعلكم ،،،،

    اخوكم / الـ ـيـ ـوبـ ـيـ ـل الـ ـمـ ـاسـ ــ ـــي _
     
    آخر تعديل بواسطة المشرف: ‏21 فبراير 2009
  2. أبو سلطااان

    أبو سلطااان مؤسس و رئيس الفريق التطويري إداري

    سبق و طرح نفس هذا الموضوع و قلنا الكثير ....
    بصراحه اللي ما عنده سياره عايش تحت رحمتهم ...
    مره سيارتي بالصناعيه و لازم كل يوم واقف على راسهم طبعا عشان تحلص أسكن خلف المقياده و تحيولوا يمر عليه أكثر من عشر نكاسي فى كل مره و لا حد يوقف إلا إذا كان السائق شيبه و طبعا معروف السالف لأني ريال و مرات أوصل للصناعيه مشي و لا فيه تكسي يوقف ليش إذا كان مكتفين و عندهم ما يغنيهم يخلوا التكسي للمحتاج أبرك ...
    فى مره قلت أسأل صاحب تكسي ليش الشباب جيه رد عليه قال إنه بروحه حصله نفس المشكله كانت سيارتع عطلانه و يخبرني عن سالف عيوز ماسكه ريال بيدها و تأشرله وقف لها و سألها ليش تأشري بالفلوس ردت صار لي ساعه بالشمس و لا حد عبرني من التكاسي الكثيره لي مرة عليه و قلت يمكن يفكروني ما عندي فلوس و طبعا مش موضوع الفلوس الموضوع إنها كبيره بالسن ...
    أنا أقول لمثل هذيلا من أصحاب التكاسي أتقوا الله بأنفسكم الدنيا دواره باجر حد من شوابكم أو أهلكم أو حتي أنفسكم بيطيح بمثل هذا الموقف ....
    و غير عن اللي يلف و يكسر و لا يفتكر بالسيارات و ليش
    !!!؟؟؟
     
  3. الكعبية

    الكعبية ¬°•| مراقبة سابقة |•°¬

    لي عوده ان شاء الله
     
  4. السَعيدي

    السَعيدي <font color="#ff0000">¬°•| إداري سابق|•°¬</span></



    الموضوع حلوااااااا
    لكن من يقدر يشوف الحل
    انت طرحت القضيه لكن الحل من بيطرحه
    هذا الشي راجع لتربيه الشخص نفسه
    هالشي ما حد ينكر يصير في كل مكان في البريمي وفي كل مكان
    يعني تبون الشرطه تمنع الي يقل عمره عن 40 سنه ان يسوق التكسي؟؟؟
    ولا تبون الحرمه يوم تشوف واحد شباب يسوق التكسي ما تركب وياه؟؟
    ولا الحل برايكم ان اصحاب التكاسي يتأدبوا ويودروا هالحركات؟؟

    مشكور اخوي على طرحك الرائع
    ربي يوفقك

     
  5. السَعيدي

    السَعيدي <font color="#ff0000">¬°•| إداري سابق|•°¬</span></



    ينقل الموضوع الى قسم الحوار الجاد
    لان هالشي ما بس في البريمي وهذي قضية نقاش

     
  6. أبو سلطااان

    أبو سلطااان مؤسس و رئيس الفريق التطويري إداري

    أخوي الأرجنتين طبعا لا الشرطه و لا غيرهم يقدر يحل هذا الموضوع إلا إذا تأدبوا من نفسهم ...
    لكن فيه بعض الأشياء ممكن تخف من هذه الظاهره مثلا لو أشرت لتكسي وما عنده ركاب و ما رضي يوقف يعطي مخالفه أو حتى تحجز سيارته لمده معينه إلا إذا عنده ضرف طبعا و فى بعض الدول مطبقين هذا النظام ....
     
  7. مشكورين ابو سلطان والأرجنتيني البار ،،،، وتسلملي يا الأرجنتيني على نقل الموضوع في المكان المناسب _

    طبعاً الحل لهذي المشكلة موجود ،،، اللحينه نظام التاكسي في دبي لو لاحظتو فوق قبة السيارة ليت الأجرة _ اذا كان لون الليت أحمر معناته يا عنده زبون أو محجوز __ إذا كان الليت لونه أخضر يكون فاضي ، واي واحد يقدر يأشر _ بس ضنتي موجود نفس الشي في العين حسب النظام اليديد لسيارات ،،،، ولا اشرايكم ما يلست ادقق تبون الصدق _
     
  8. لحن الخلود

    لحن الخلود ¬°•| عضــو مــهــم|•°¬

    موضوع مهم جدا وانا اوافق راي اليوبيل الماسي
     
  9. همسة حنين

    همسة حنين ¬°•| عضو مميز |•°¬

    هيه والله صدقت
    موضوع جدير بالمناقشة

    لكن صدق نفس ما قلت مبالكل نفس الشي
     
  10. السيف

    السيف ¬°•| عُضوٍ شًرٍفٌ |•°¬

    موضوع جميل بس لا حياة لمن تنادي

    ولا تجلس كل يوم طايح بحد ولا والله بوجف رعات التكاسي في الشارع وبخبرهم عن مكانك وبخليهم يغسلوك غسال
    ههههههههههه
    تقبل مروري
     
  11. همسة حنين

    همسة حنين ¬°•| عضو مميز |•°¬

    هههههههههههههه الله يعينه
     
  12. تسلمون على المرور _
     
  13. ياريااااااااااال هههههههههههههههههههههه
     
  14. قطوة البريمي

    قطوة البريمي ¬°•| مُشرِفَة سابقة |•°¬

    اممم مشكله بصراحه ...

    بس اول مر اسمع عن التكاسي الي فدبي .. بصراحه حلو نظامهم ..

    لو يسوون جذا ف البريمي ..

    بس عاد انطر يا حمار لين اييك الربيع هع هع^^
     
  15. دانة غزر

    دانة غزر رئيسة المشرفين إداري

    كل الناااااااااااس تعاني من هالتكاااااااااااااسي


    حتى اخوي يوم نكون سايرين مكان


    ويكون جدامنا تكسي


    اخوي يخفف السرعه يقول تكسي


    اتوقع منه ايي حركه ما يحاسبون ولا يهتمون


    طبعا مب كل التكاسي بعضهم


    تسلم اخووووي على هالطرح الرااائع


    الله يعطيك االعافيه
     
  16. عالية متعالية

    عالية متعالية ¬°•| عضو مميز جدا |•°¬

    يعطيك العافيه ع الموضوع العجوبي ..^^

    لاهنت ع الموضوع ..^^

    لاازيد عن اخواني..^^
     
  17. غربة الروح

    غربة الروح ¬°•| عضو مميز |•°¬

    بصراحه موضوع رائع للنقاش...
    اعتقد حال التكاسي ويانا ما ياي يتغير...

    تسلم يمينك أخوي على الموضوع...
     
  18. عاده نتريا وانشوف _

    تسلميلي قطوة على مرورج الطيب _
     
  19. تسلميلي على طلتج الغاوية يا انين الصمت _ بصراحة ما جذب اخوج صدقه _
     
  20. تسلمين على مرورج يا عالية متعالية _
     

مشاركة هذه الصفحة