الصالونات الرجالية ومحلات الحلاقة بمحافظة البريمي _

الموضوع في 'مركز أخبَار وقَضَايَا مُحـَافَظة البـُريمِي' بواسطة اليوبيل الماسي, بتاريخ ‏14 فبراير 2009.

  1. السلام عليكم ورحمة الله وبركاته _

    اشحالكم شباب _ وبنااات _

    اليوم ياي اتكلم عن موضوع يديد يخص محلات الحلاقة وبالذات الصالونات الرجالية ويانا في البريمي _ بصراحة يعني صارن بمنتهى المصاخة وخاصتاً من الناحية الصحية وقلة النظافة وعدم مراعاة القواعد الصحية وقواعد السلامة _

    يعني انا معقولة ادش صالون رجالي وادفع ما يقارب 10 ريالات على حلاقة لحية وشعر وحمام زيت وبخار _ هذا كله ب10 ريالات وكل شهر الشباب يستعملون هالنوع من الحلاقة_

    انا ما بغيت احط لكم صور علشان الموضوع بس حشمة لكم وحشمة لأصحاب الصالونات هاي وخوفاتي بعد يكونو اعضاء معانا في المنتدى _ فأعتبره انا عيب _

    اول شي انيي حق سالفة الحناء الاسود لي ينحط بعد الحلاقة عشان يعطي وضوح حق شعر اللحية ،، احذركم منه يا شباب تراه كيماوي مش طبيعي واكبر دليل ، المادة هذي قبل لا تنحط في الماي يكون لونها ابيض عقب ما تنحط في الماي ينجلب لونها من الأبيض إلى الأسود ، وحسب ما قريت في بحوث طبية عن هالمادة إنها اتسبب مرض الصدفية (البرص) _ الله يحفظنا ان شاء الله منه ، ونفس الكلام ينطبق على صبغ الشعر _

    ثاني شي والأهم التعقيم تخيلو يا شباب مشط يستعمل حق كل الزبائن ، نفس الشي بالنسبة للفوطة ، نفس الشي بالنسبة للشبة مع انها ممنوعة لكن فيه حلاليق ما زالوا يستخدموها ، لكن نفس هالأشياء المشتركة بعد تنقل امراض واولها الايدز مثلا واحد مصاب بفيروس الايدز اعاذنا الله ، صار له جرح وطلب تنظيف واستخدم مادة نفس هذي البروش لي يستخدموها حق تنظيف الويه وخطفت على مكان الجرح ، بيروح وبيحطها في زبون ثاني وثالث ورابع _ وهكذا _

    ومثل لي قلته قبل اكثر شي يصير مع مكاين الحلاقة هاي ابا افهم شقايل يعقمونها !!!!!!!! _ ؟؟؟؟ _

    فشو رايكم يا شباب بهالموضوع ، وشو تقترحون الحلول المناسبة _

    ننتظر مشاركتكم واقتراحاتكم وتفاعلكم ويا هالموضوع _ وسلامتكم _

    تقبلوا مني كل الود والمحبة @@@ اخوكم //// الــ ـيـ ــو بـ ـيـ ـل الـ ـمـ ـاسـ ــ ــي _
     
  2. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    لفتة طيبة منك اليوبيل الماسي ،،

    الكل يهتم للمطاعم والتدقيق والمتبعة من قبل الحكومه والجهات المختصه ولو ان في بعض هالمطااااااااعم والمقاهي ...(خارج نطاق التغطية بكل ما تحمله الكلمة من معنى) ،،


    محلات الحلاقة (موضوع يستحق المتابعه) قد يعني فئة الشباب اكثر منا نحن ،،

    الحلول كثيرة ،، بس الطبيق هو المهم هالموضوع لازم اتابعه الجهات المعنية !!!!!

    طبعا من الحلول:

    لابد من وجود لجنه من وزارة الصحه او من بلدية المنطقة نفسها القيام بزيارات اسبوعية او شهرية لمحلات الحلاقة ،،

    توعية العمال (اغلبهم هنود ما يفهموا شيء مع احترامي لهم ) وتوعية صاحب هذا المحل باتباع القوانيين وتوعية عماله ،،
    المكسب المادي ليس هو الهدف الاساسي،، اهم شيء وجود الضمير

    عند اداء العمل ..


    من ناحية اخرى البعض يتوجه الى محلات حلاقة راقية (فيها سوريين ولبنانيين) هذيلاء احسهن انظف من محلات الحلاقة العادية صح السعر اغلا بس الواحد يضمن انه بيخرج من المحل وهو مطمن من كل شيء ،،



    تحياتي ،،
     
    آخر تعديل: ‏14 فبراير 2009
  3. أبو سلطااان

    أبو سلطااان مؤسس و رئيس الفريق التطويري إداري

    و عليكم السلام و الرحمه ...
    أولا أشكرك أخوي الموضوع حساس و يستاهل المناقشه ..
    بخصوص الصالونات بالبريمي أعتقد إنها بالنظافه أكثر نظافه من أماكن آخرى كثيره و هذا شيء الجميع يعرفه ...
    و لكن هناك بعض الأمور الأخري كما تفضلت يجب أن ننتبه لها ...
    مثل الفوطه و المشط و غيرها و أما أقترح الحل إنه كل واحد يحتفظ بأدواته و أنا عن نفسي عندي أدواتي الخاصه و لكن للأسف مرات الواحد يطلع مستعجل و يضطر إنه يستخدم أدوات الصالون ...
    أما شغلات الحنا و هذي السوالف الكل يعرف إنها مضره و لكن للأسف نطنش ...
    و لي عوده ...
     
  4. دانة غزر

    دانة غزر رئيسة المشرفين إداري

    مساء الخير


    موووضوع راااااائع يستحق المنااااقشه


    انتوا ركزتوا على صالونات الرجااااال حتى صالونات الحريم


    يعاااانون من نفس المشكله وكلام ابو سلطان صح احسن ان الواحد

    يشل ادواته الخااااصه عشان يكون مطمن وما ايلس يفكر ويحااااااااتي


    ومشكور اخووووي على هالاهتمااااااااااااااااااااام
     
  5. قطوة البريمي

    قطوة البريمي ¬°•| مُشرِفَة سابقة |•°¬

    اممم والله انه مشكله ..

    بس الحل مثل ما قال بو سلطان كل واحد يشل وياه اغراضه الخاصة الي بيستعملهن .. كيف تستعملون فوط المحل انتو وعع هب شي ..

    وبالنسبة للصبغ .. اممممم مدري والله شو الحل ..
     
  6. سعود الظاهري

    سعود الظاهري :: إداري سابق ومؤسس ::

    بسم الله الرحمن الرحيم

    السَلآم عَلى مَن إتبع الهُدى ،!
    سـ أرد على الموضوع بما يجوب بخاطري بختصار جم
    بخصوص قلة النضافة وعدم الاهتما م .. نحن مسائلين أذا سكتنا عن هذا الشي لان هذا الشي يمس محافظة البريمي
    أما بخصوص المشط و المقص بصراحة أنا واحد من الاشخاص الي لاأبالي هذا الشي ولكن الحلاق ألي أسيرله أخليه يغسلة بديتول قبل ما يحلقني
    أشكرك أخي المبدع اليوبيل الماسي وألي مسوي شغل غير طبيعي في المنتدى
    نشيط ماشاء الله عليك
    ألى الامام يا بطل
    دُمتم في حِمى الرحمن ..

    ولـ يحفظكُم الربْ !
     
    آخر تعديل: ‏14 فبراير 2009
  7. الغافري

    الغافري ¬°•|عُضوٍ شًرٍفٌ |•°¬

    أخي اليوبيل الماسي أشكرك على هذه اللفته الطيبه

    موضوعك فعلاً يستحق المتابعه من قبل المسؤولين ولكن....


    إذا أخبرتك بأن معظم محلات الحلاقة المتواجده في محافظتنا الحبيبه أصحابها من البلديه

    يعني بكل أمانه وللأسف شكلياً إحنا نعمل تفتيش (( على الفقير )) أما محلاتنا انتبهوا صوبها لا تمرون

    كم من محلات مخالفه ولا يقتصر الأمر على محلات الحلاقه

    عندك المواد الغذائية ... حدث ولا حرج

    المطاعم ... قمة الحساسيه ولا حركة لساكن

    وغيرها الكثير


    تبي الصراحه خذ الحل من عندي :

    (( إشتر لك عدة الحلاقه ومتى ما عزمت روح وحلق وإنت مطمن ))
     
  8. منى الروووح

    منى الروووح ¬°•| عضو مثالي |•°¬

    يسلموا اخووي ع الطرح
    مووضوع مهم وهو النظافه
    والنظافه لازم تكوون بكل مكان
    ومثل ماقال ابو سلطان
    دام انه مايقدرون يووفرون لكل شخص حاجاته للحلاقه
    ليش مايبهن وياه مثل المشط والمقص
    بس الا شياء الثانيه شو راح يسون فيها ؟؟؟
    اتمنى ان تكوون رقابه خاصه للحلاليق
     
  9. انا منقهر من ربعي يلي يصبغون لحاهم ويخسرون المخاسير
    بس زين تفيدهم بمعلومات الصبغه والمواد الكيماويه يلي فيها
    ونتريا بعد الأخت قمر تحللنا هذي الماده ونشوف شو داخلها عشان يتأكدون الشباب .


    وبخصوص الحلاقه بالفعل اخوي العزيزي الاشياء يلي يستخدمها الحلاق مشتركه من فوطه ومقص ومشط..


    أما انا عن نفسي فتراني أحلق بــ خمس دراهم ...ويرتبني الحلاق ترتيب على كيفه...



    ولكن بخصوص العقم هذي مشكله لا اعتقد حلها سيكون بقرار نقرره في يوم وليله لأنه يحتاج إلى تطبيق وتعب وعلم ودراسه وكشوفات ورقيه تثبت هذه الاشياء..ومن بعدها التحرك بإعلانات التوعيه والتشديد لأهميه هذا الموضوع.



    شكرا لك يا فريقنا المميز على كل جديد تطرحه لنا وبصراحه قايم بدور كبير جدا والله ...يعطيك العافيه.





    عثاري
     
  10. آل عزان

    آل عزان موقوف

    مشكور اخوي ع الموضوع

    بصراحة موضوع مهم

    بس انا من رأيي انه كل واحد يكون له ادواته الخاصه

    واما سالفة الصبغ كلهم يعرفونه انه كيماوي

    ومشكور ع الموضوع
     
  11. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    ان يينا للحق وايد اشياء قاموا يسوونها الشباب مب من شغلهم والي هو الخيط والوكس البنات ما يسوون هالاشياء والشباب وايد يهتمون في هالسوالف

    عيل من متى الحناء حق الرياييل ولا ها حمام البخار وما ادري شو

    ما اقول الا يالله بالستر

    والله يعين بعد ما نشوف يوم من الايام الحلاليق يسوون مكياج
     
  12. دلع بني كعب

    دلع بني كعب ¬°•| عضــو مــهــم|•°¬

    موضوع جميل ومهم

    تسلم اخوي على الطرح

    والله الصالونات مشكله سوا صالونات
    البنات ولا الشباب
    فالعين والبريمي نفس الشي
    انا انصح كل اللي يروحون الصالونات
    ان تكون عندهم عده خاصه
    محد يستخدمها غيره
    والله الواحد ما يعرف اذا الادوات المستخدمه معقمه ولا لا
     
  13. تسلميلي على مرورج اختي كبرياء بالنسبة للقطاع الحكومي نحن انلاحظ انه القطاع الحكومي دوامهم من الساعة 7 لين 2 ونص _ ، فما أعتقد إنهم يشكلون ضغط كبير على المطاعم والحلاليق او بشكل عام على الأنشطة التجارية ، لي تحتاي موافقة صحية ، بس المفروض انه يكون الموظف الحكومي او المفتش الصحي حتى برع دوامه لما يشوف نفس هالأشياء يسكت بس لما يداوم يبلغ على طول _

    ثاني شي اصحاب الحلاليق لي هم الملاك همهم بس المكسب المادي مش مهم عندهم صحة الزبون يدش المحل وياخذ حايته يطلع متعافي ولا مريض ولا اي شي هم هالشي ما بيتخصصون فيه _ وبعدين حد من الملاك اصحاب الحلاليق يأجرون الرخص اصلن بس ياخذ عن الهندي او الباكستاني ايجار شهري _

    هو صح كلامج إنه بعض الشباب فعلاً يروحون حق الحلاليق لي هم من جنسيات عربية ، بس بعد انا اقولج وارد واقول انها تراه هي هي السالفة _ وتسلميلي على مداخلتج البسيطة_
     

  14. تسلملي على مرورك ياخوي وهذا واحد من الحلول إنه كل شخص يشل معاه اداواته الخاصة _

    وبالنسبة للضرر في النهاية ايي من كثرة الاستخدام او سوء الاستخدام _ انته ياريال لو تركز في الي يصبغون بتشوف مب بس الشعر حتى البشرة يوصلها الصبغ هذا او الحنا الاسود _

    واشكرك مرة ثانية اخوي وعزيزي بو سلطان _ على هذي المداخلة الطيبة والمفيدة ونتريا عودتك وتعليقك على الموضوع مرة ثانية _
     
  15. غربة الروح

    غربة الروح ¬°•| عضو مميز |•°¬

    تسلم أخوي ع الموضوع ...

    ديروا بالكم شباب لازم تشترطون ع الحلاق يغيرلكم كل الأدوات قبل لا يستخدمها فيكم..

    بعدين الصبغه السوداء قبل لا تكون مضره هي حرام..

    والله يكون فعون اليميع...
     

  16. الله يخليج يا اختي انين الصمت وتسلميلي على مرورج الطيب وتعليقج المفيد والمؤيد لأخونا العووود بو سلطان _

    بالنسبة اذا البنات يعانون نفس المشكلة هذي في الصالونات والكوافيرات بس تراه مب من زود روحة البنات للصالونات بس عشان اعراس وعشان مناسبات وافراح اما ككشخة تراه عدة المكياج موجودة اعتقد عند كل بنت _ في الغرفة في الشنطة في كل مكان _
    :)
     
  17. تسلميلي على مرورج يا قطوة البريمي _ ومياو قصدي مشكورة خخخخخ

    هو احسن حل انه الواحد ياخذ اغراضه ويروح الحلاق _
     
  18. تسلملي اخوي الظاهري على تعليقك المفيد وفعلاً هذا بعد حل بالنسبة للأدوات المستخدمة لي هي نفس المشط والمقص والموس اذا اتغمست في الديتول هذا بعد مطهر تعقيم _

    الله يدوم عليك النعمة_
     
  19. حلوة مكحلة

    حلوة مكحلة ¬°•| lمشرفة سابقة|•°¬

    ستلم ياخوي على هذي الفته
    الطيبة منك


    والف شكر

    ومثل ما قالوا الاعضاء يكون كل واحد واغراضة احسن
     
  20. اللهب المتجمد777

    اللهب المتجمد777 ¬°•| عضو مبتدى |•°¬

    بالفعل يا أخي انا االاحظ هالشي وفيه مشكلة اخرى وهي ان الجماعة (خان وجماعته) ما يرضون الا (بالبخشيش) ولازم أقل شي ريال واحد.
    ولكن من وجهة نظري ان السبب في هذا هو احنا لاننا ندفع لهم .
    ولكن أريد ما اظلمهم كثير لإأنا الاحظ ان محلات الحلاقة في البريمي متطورة واكثر نظافة مقارنة بالعاصمة مسقط.
     

مشاركة هذه الصفحة