๑ لـِوُ آدريَ اخـِرهـِآ ڪَذا . . مِنَ آول الـِدربُ انسِحبتَ ๑

الموضوع في ',, البُريمِي لِـ/ للشٌعرٍوالْقصِيْد,,' بواسطة قلبي شفـــوق, بتاريخ ‏1 فبراير 2009.

  1. قلبي شفـــوق

    قلبي شفـــوق ¬°•| عضو فعّال |•°¬

    يا صدمتـي فـي أكثـر احبابـي .. ويـا خيبـة ظنونـي
    يا ضيق صدري .. لا ذكرت انّـي عليهـم مـا كذبْـت
    يـا طعنـةٍ خلتـنـي انـسـى مــن سبايبـهـا .. طعـونـي
    يـا جـرح مالـه طـبّ حتـى لـو أقـول:- اليـوم طـبْـت
    البارحـه والله يكـون بـعـون احاسيـسـي .. وعـونـي
    أحــاول اهــرب مــن عمايلـهـم ولـكـن مــا هـربْــت
    ما كنت احسّ اني أنـا أنـا .. وهـذا الكـون .. كونـي
    أمُـرّ فـي حالـة ضيـاع .. وشبـه غيبـوبـه .. وكـبْـت
    أحباب!! أي أحبـاب ذول اللـي علـى موتـي خذونـي
    الظاهر انـي شبْـت .. ياعالـم .. وانـا مـا بعـد شبْـت
    سألـت نفسـي هُـم يبونـي صـدق؟؟ ولا ّ مــا يبـونـي
    أجـبْـت نفـسـي وليتـنـي عـلـى سـؤالـي مـــا أجـبْــت
    اللـي لـهـم مُــدّه وهــم فــي داخـلـي .. واستغفلـونـي
    يـامـا استغـلـوا طيبـتـي معـهـم وكــل الـلـي وهـبْــت
    وهبتهـم قلبـي.. وشـعـري.. وكلـمـا حـولـي ودونــي
    تعـبْـت معـهـم بــس مــا كـنّـي رغــم هــذا.. تعـبْـت
    شعـرت فـعـلاً بالـعـذاب.. وغـصّـة الـدمـع بعيـونـي
    قرّبتـهـم مـنّـي وانــا الـلـي كـنـت احسْـبـنّـي قـربْــت
    عشانهـم قــررت ابـيـع الـلـي مــن العـالـم شـرونـي
    عشـانـهـم بـطّـلـت لـعــب .. ولـيـتـنـي والله لـعـبْــت
    مادامهـم مـا قـدّروا صـدقـي .. ومعـهـم جرجـرونـي
    لـو ادري آخرهـا كـذا .. مـن أول الـدرب انسحـبْـت
    أحبابهـم واجـد .. ولا ادري ليـه بالـذات اخدعونـي؟
    مع ان عمـري مـا خدعـت انسـان .. أو حتـى قلبْـت
    يـا قوّهـا صدمـه .. وانـا لـون الغـدر مـاهـو بلـونـي
    وربّـي مــا أنــلام لــو بـعـد الــذي ســوّوه .. غـبْـت
    ماكنت ناقص صدمه اخرى في حياتـي واصدمونـي
    مصـدوم خِلقـه .. ليـن مـات الحـب فينـي وانعطبْـت
    الحيـن مـدري كيـف اعاملهـم .. وهُـم مــا قـدّرونـي
    ما استوعبوا للّي كتبْـت مـن الجـروح .. ومـا كتبْـت
    الله يجازيـهـم عـلـى استنـزافـي .. وحـرقـة جفـونـي
    مـا كنـت حاسبهـم يبيعـون الغـلا .. يـومـي حسـبْـت
    اثْــر الغـلـط مـنـي لأنـــي كـنــت اسلّـمـهـم جـنـونـي
    لكـنّـي أعلـنـهـا صـريـحـه "تـبْــت والله ثـــم تـبْــت"
    مـا عـاد لــي رغـبـه أجــدّد فــي علاقتـهـم طعـونـي
    خسرت في هذا الطريق اضعاف ضعف اللي كسبْت
    أحسن لي ابعد واشتري نفسـي .. ولا خيبـة ظنونـي
    إن طبْت من جرحي .. وإلا ّ.. جِعْلِني ما يوم طبْـت
     
  2. يسلمو خيتوه عالقصيدة الكشوخيه

    الله يعطيج العافية

    و فـ انتظار الزوووووووود​
     
  3. ورده جوريه

    ورده جوريه ¬°•| عضــو مــهــم|•°¬

    قصيده كلماتها رووووعه
    صح لسان قايلها................
    يعطيج العافيه............
     
  4. قلبي شفـــوق

    قلبي شفـــوق ¬°•| عضو فعّال |•°¬

    ربي يسلمك ويعافيك
    أسعدني مرورك​
     
  5. قلبي شفـــوق

    قلبي شفـــوق ¬°•| عضو فعّال |•°¬

    إنتي الاروع يالغلا
    وربي يعافيك
    أسعدني مرورك
     
  6. الذيب الابيض

    الذيب الابيض ¬°•| عضو مبتدى |•°¬

    تسلمين ع القصيدة الجميله والرائعه
    ويعطيج العافيه ... تقبلي مروري
     
  7. قلبي شفـــوق

    قلبي شفـــوق ¬°•| عضو فعّال |•°¬


    الله يسلمك ويعافيك
    أسعدني مرورك
     
  8. غربة الروح

    غربة الروح ¬°•| عضو مميز |•°¬

    عيبني ابياتج قلبي شفوق..

    يعني مب بس أنا أعاني حتى إنتي ..

    الله يوفقج خيتي ويسعدج ..
     
  9. قلبي شفـــوق

    قلبي شفـــوق ¬°•| عضو فعّال |•°¬

    تسلمين اختي
    وأي كلمات حلوه تستحق إنها تنطرح ما شرط إني أكون أعاني
    أسعدني مرورك
     
  10. أبو سلطااان

    أبو سلطااان مؤسس و رئيس الفريق التطويري إداري


    قصيده بقمة الروعه ...
    أحسنتي الأختيار لج الشكر على هذا الذوق الرفيع ...

    )(ما يفيد اليوم صار العوق تم ...ما يطيب الجرح لو شفته ألتأم )(
     
  11. دلوعه ابوها

    دلوعه ابوها ¬°•| عضو مميز جدا |•°¬

    يـا طعنـةٍ خلتـنـي انـسـى مــن سبايبـهـا .. طعـونـي
    يـا جـرح مالـه طـبّ حتـى لـو أقـول:- اليـوم طـبْـت


    يسلمووو ع القصيده الرائعه
     
  12. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    ربي لا هانج يا الغلا ع المشاركه ونرقب منج الزود
     
  13. قلبي شفـــوق

    قلبي شفـــوق ¬°•| عضو فعّال |•°¬

    أنت الأروع أبو سلطان
    مرورك أسعدني
     
  14. قلبي شفـــوق

    قلبي شفـــوق ¬°•| عضو فعّال |•°¬

    تسلمي يالغالية
    مرورك أسعدني
     
  15. قلبي شفـــوق

    قلبي شفـــوق ¬°•| عضو فعّال |•°¬

    الله يسلمك
    مرورك يسعدني
     
  16. الصراااااحه كلمات ولا اروووووع ..

    تسلمين عليها .. ويسلم من قايلها ..

    لا تحرمينا من جديدك ..

    تقبلي تحياتي ..
     

مشاركة هذه الصفحة