بلا امتحانات بلا وجع راس

الموضوع في ',, البُريمِي للِحِوار و النقَاشْ ,,' بواسطة قطوة البريمي, بتاريخ ‏1 فبراير 2009.

  1. قطوة البريمي

    قطوة البريمي ¬°•| مُشرِفَة سابقة |•°¬

    السلام عليكم ورحمة الله وبركاااته
    وشحاالكم وعلوووووومكم وشحاااااااال حيانكم :patch_swit:

    واالله انا من زمان ما طرحت موضوع فهالقسم
    وحبيت يكون موضوعي اليديد عن شي يخص الدراسه
    بما اني خلصت فترة امتحانات اليوم ..قلت بنتشاور شوي
    عن رايكم ف لدراسه و الامتحانات ..

    اممممممم

    انت ويا الي يقولون انه امتحانات عمان واايد صعبة وبالاخص الرياضيات ؟؟ ولا شوو

    وكيف استعديت لأمتحانات الثانوية العامة .؟ يعني كنت ادح الكتب ولاا عاااادي كاان عندك
    حتى لو ما كنت ف الثانوييه .

    وشو اكثر مادة تحبها وتكرهها ؟؟

    كيف كان شعورك بعد ما ظهرن النتائج وكم كانت نسبتك حلوة ولا ، ولا مثل ما توقعتهاا؟
    يعني تحس انهم يظلمون ف النسب ؟؟

    وشو سووا أهلك ف البيت :confused:


    والي بعده هب مخلص ثانوية شو توقعاته عن الامتحانات والنسبة ؟؟
    جني سال 100 الف سؤال هع
    شسوي من تاثير الامتحانات ..

    ولقيت جم صورة عن الدراسه هع وقلت اشاركها وياكم

    وتقولون اذا كنتو جيه ولا؟

    [​IMG]

    فضفضو هنيه وذكرونا بايام الخوالي الي مريتو فيهااا .والي يمر فيهاا:patch_swit::patch_mechan:

    وانا بخبركم عن خدايمي ف لامتحانات عقب ..:(
     
    آخر تعديل: ‏1 فبراير 2009
    أعجب بهذه المشاركة أ‡أ،أںأڑأˆأ­أ‰
  2. بصراااحة

    بصراااحة ¬°•| عضــو شرف |•°¬

    موضوع حلو ... بس انا عاد مخلص الدور عليكم ..

    عسى ياربي كلكم تنجحوا .. وبتفوق ..
     
  3. قطوة البريمي

    قطوة البريمي ¬°•| مُشرِفَة سابقة |•°¬

    امممممم

    انزين الموضوع حق الي مخلصين والي بعدهم

    يعني جاوب ع الاسئلة الي طرحتهن من خلال تجربتك الي مريت فيها ف االدراسه

    :patch_swit:
     
  4. بصراااحة

    بصراااحة ¬°•| عضــو شرف |•°¬

    وكيف استعديت لأمتحانات الثانوية العامة .؟ يعني كنت ادح الكتب ولاا عاااادي كاان عندك
    حتى لو ما كنت ف الثانوييه .

    بصرااااحة كنت ادحهن من خاااطري ..

    وشو اكثر مادة تحبها وتكرهها ؟؟

    كنت احب الاحياء واكره الفيزياء ..اموووووت اذا شفت الفيزياء

    كيف كان شعورك بعد ما ظهرن النتائج وكم كانت نسبتك حلوة ولا ، ولا مثل ما توقعتهاا؟
    يعني تحس انهم يظلمون ف النسب ؟؟

    الحمد لله نسبتي كانت مرضيه ... احس انهم ظلموني في بعض المواد ..
    بس الحمد لله النسبه كانت واااايد حلوه ..


    وشو سووا أهلك ف البيت ....... حفلة

    عندي شي اقولة ..
    كل واحد ما مخلص امتحانات وما مخلص الثانويه بشكل عام يشد حيلة ترا فتره وبتعدي والله العالم اشكثر بتندم اذا ما كنت شاد حيلك ..
    تمنياتي بالتوفيق للجميع ..
     
  5. منى الروووح

    منى الروووح ¬°•| عضو مثالي |•°¬

    تسلمين اختيه قطووة ع الطرح الغاوووي
    ويبتيه ع العوووووووق
    امتحانات عمان صصووووووووووعبه والكثير منها حتى الموجهين والمدرسين مايعرفون يحلوها

    اذكر مرة عطتنا مدرسة الرياضيات مساله محد حلها من الموجهين التربوين اللي بمسقط
    ولما حلينها عطتنا 5 درجات وجبرتنا نشرحها جدام الموجهين ..

    وانا وحده بالرياضيات ماانكر اني كنت شاطرة ومازلت
    بس اخر سنه درجتي بالامتحان فشله
    وحتى المس تقول مستحيل انتي يايبه هالدرجه
    شو باجي للبنات الثانيات
    بس خليها ع الله
    انا الماده اللي حبيتها وكنت اتسلى فيها لما ادرس
    ولين اليوم مستفقدتنها
    واحس شيء ناقصني لما ماادرسها


    اما بمسالت الدح
    والله كنت ادح دح من الخاطر
    لا ليلي ليل ولا نهار نهار
    كله مجابل كتب
    وليته ياب شيء

    والنسبه الي يبتها هب كنت متوقعتنها ^^
    بس الحمد الله ع كل حال ..

    المهم مصير اقتنعي بالنسبه
    لو انه طلعتي 66 ينيه
    43248967864687 دموع نزلن
    وعفنا الدراسه
    والاكل
    وكل شيء
    ^^
    امنياتي لكم بكل خير
    والتووفيق
    ولا تتاثرون من رمستنا
     
  6. عالية متعالية

    عالية متعالية ¬°•| عضو مميز جدا |•°¬

    انت ويا الي يقولون انه امتحانات عمان واايد صعبة وبالاخص الرياضيات ؟؟
    بصراحه امتحان الرياضيات كان واايد صعب مع انا نحن مب ثاني عشر الا حادي عشر وجي صعب عاد انتوا كيف [​IMG]؟؟ الله يعينكم .. وموفين خير انشاء الله ...

    كيف كان شعورك بعد ما ظهرن النتائج وكم كانت نسبتك حلوة ولا ، ولا مثل ما توقعتهاا؟

    بعدهن ما ظهرن ^^


    يعني تحس انهم يظلمون ف النسب ؟؟

    على حسب اللي شفته من بعض الناس اللي يدرسون ويكدحون وكارفين عمارهم كارف اخر شي ما يايبين نسبه يعني نسبتهم ولاشي ...
    وشو سووا أهلك ف البيت :confused:
    والله ما بتكلم عن نفسي لاني بعدني ما خلصت بس اللي شفته يوم اختيه مخلصه كنا واااايد منصدمين من درجاتها لانها كانت وايد شطوره بس درجاتها كلهن دااون ...
    فكانوا الاهل يهدووها لانها كانت وااايد متضايجه وتصيح حليلها بس من حقها ظالمينها ...[​IMG]

    والي بعده هب مخلص ثانوية شو توقعاته عن الامتحانات والنسبة ؟؟

    الله يكون العووووووون ...

    ربج كريم الين ذاك اليوم ..[​IMG]
     
  7. قطوة البريمي

    قطوة البريمي ¬°•| مُشرِفَة سابقة |•°¬


    مشكوووووووور ع النصيحه الغااوية وصح كلامك .. عقب الفوت ما ينفع الصوت ...

    تسلم ع الرد والمشاركة الغاوية:patch_sante:
     
  8. قطوة البريمي

    قطوة البريمي ¬°•| مُشرِفَة سابقة |•°¬

    امبيه .. بصرااحه زيغتيني .. يعني صدقهم يوم يقولون يظلمون ف النسب ..

    يعني غير شكل امتحاناتهم شقايل يبونا نيب دراجات .. واسئلة الامتحانات كلها قدرات عليا
    عنبو ولا سؤال مباشر .. ليش كل هذاا.. يعني بس عسب محد يدش هالجامعه ..
    يالله شو نسوي..

    ان شاء الله خير ..

    انا شراتج بعد احب الرياااضاات واايد .. اخاف انصدم درجتي فيهاا شرااتج:confused:
    تسلمن ع الرد ومشاركتج الحلوة يالروح
     
  9. قطوة البريمي

    قطوة البريمي ¬°•| مُشرِفَة سابقة |•°¬

    الله كريم

    ودحي الكتب ما وصيج ..
    تسلمين ع الرد الغاوي :patch_music:
     
  10. الكعبية

    الكعبية ¬°•| مراقبة سابقة |•°¬

    والله انج يبتيها ع العوق
    بصرااحه زايغة واايد انا من الي اسمعه من الي يخلصون وتظهر
    نتايجهم وتكون صدمة بالنسبة لهم .. يعني معقولة نسبة صغيرة الي
    اييبون ف التسعينات حتى ما اقدر اقول انها نسبة ينعدون ع الاصابع
    الي اييبون ف التسعين ف المدرسه الوحده ..
    يعني احينه وانا ف 11 امتحاناتهم صعب عيل شقايل بتكون ف 12
    لاا بالله نجحنا ودشيناها الجامعه هع
    واتوقع انه اهلي بيكونون متفاهمين وياي لانهم يدرون بامتحانات عمان والنسب ..
    ف ما اقول الا الله يكون فعونج وفعوني السنه اليايه ..
    وتسلميــــن على موضوعج الغاوي
     
  11. ♥đŁφǒφ3ẵђ-2Ǿ2♥

    ♥đŁφǒφ3ẵђ-2Ǿ2♥ ¬°•| عضو مثالي |•°¬

    وكيف استعديت لأمتحانات الثانوية العامة .؟ يعني كنت ادح الكتب ولاا عاااادي كاان عندك
    حتى لو ما كنت ف الثانوييه .

    بصراااحه ما اذكر عدل اخاف من الامتحانات فنفس الوقت ...طااف
    وشو اكثر مادة تحبها وتكرهها ؟؟

    اكره كل المواااااااااااااااااااااااد

    كيف كان شعورك بعد ما ظهرن النتائج وكم كانت نسبتك حلوة ولا ، ولا مثل ما توقعتهاا؟
    يعني تحس انهم يظلمون ف النسب ؟؟

    الصرااحه انا 2ثنوي ولحد الحين ما اعرف درجاتي ولا اريد اعرف هع هع هع
    وشو سووا أهلك ف البيت .......


    ولا عبرونـــي ههههههههههههههه
     
  12. قطوة البريمي

    قطوة البريمي ¬°•| مُشرِفَة سابقة |•°¬

    سكتي سيم سيم الشعور .. كلنا نزيغ ف هالوقت ...

    ويعني الخوف ف محله لانه عمان عودتنا ع هالنتايج وع الامتحانات الصعبة .

    الله يكون ف العون

    يسلموووووووووووو ع المرور
     
  13. قطوة البريمي

    قطوة البريمي ¬°•| مُشرِفَة سابقة |•°¬

    ههههه تراج معودتنهم تلاقينج ع الدرجات الحلوة لوووووول


    تسلمين ع المرور الغاوي دلوعه
     
  14. دلع بني كعب

    دلع بني كعب ¬°•| عضــو مــهــم|•°¬

    بالنسبه لي وانا ادرس فالعين
    امتحاناتنا واايد صعبه الواحد يصيح منها
    بس الحمد لله فتره وعدة على خير

    والله اني قضيت فترة الامتحانات كلها دراسه بدراسه دحيت الكتب من خاطري اول مره
    اسوي جيه

    كنت احب مادة الفيزيا واكره مادة الاحياء

    ما كنت راضيه على نسبتي لانها نزلت واايد

    اهلي طبعا فرحولي

    بس انا شاء الله انييب النسبه العدله أخر السنه اللي ترضيني وترضي اهلي
     
  15. قطوة البريمي

    قطوة البريمي ¬°•| مُشرِفَة سابقة |•°¬

    انا سمعت انهم صعبو امتحاناتكم .. ربي يعينكم يوفجكم ..
    وان شاء الله تيبن الاحسن ف الفصل الثاني ..
    ويعني انتي شراتي تكرهين الاحيا هع هع

    يسلمووو ع المرور:patch_sante:
     
  16. شعشبونه

    شعشبونه ¬°•|Her Highness|•°¬

    .,.,.,,.

    هلا اختيي

    صدقج الامتحانات صعععبه

    من بيتفيق يدرس 19 كتاب وبعد

    عقولتهم نحن صغار صف 8 ندرس 19 كتاب

    مش بس عمان والامارات بعد!!

    افففففففففف هالمنهج البريطاني يعور الراس

    قبل من صف اول الييين سابع ندرس بالعربي ودق فراسهم يغيرو ونحن 8


    خييبه عاد ما .. منهج مجلس التعاون اسهل

    يوم فتحت كتاب اختي العيووز لقيت نفس الشي الي تدرسه في الفيزيا والرياضيات:confused:

    صعب صعب صعب !!:(

    بس شو نسوي غير ندعي الله انه يكون فعوننا


    by: sh3shabo0o0o0o0o0onaa​
     
  17. قطوة البريمي

    قطوة البريمي ¬°•| مُشرِفَة سابقة |•°¬

    يسلموو ع المرور شعشبوووووووووووونه
    :patch_music:
     

مشاركة هذه الصفحة