قصة فتاه وشاب بالمنتدى(واقعيه) ..

الموضوع في ',, البُريمِي لِلقِصَص والرِوَايات ,,' بواسطة غريب الاحساس, بتاريخ ‏28 يناير 2009.

  1. اليوم جبت لكم قصة حقيقية وان شاء الله تعجبكم..

    تقول القصه:
    الشــــاب يتكـــــلم
    هذا ما حدث لي مع بنت من بنات المنتدى قصة حقيقة
    لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها وكانت ردودها ردود إعجاب شديد لدرجة إنها صارت تدور مواضيعي كلها وترد عليها حتى لو كانت قديمة
    أنا جاني الغرور وبديت أشوف نفسي إيه من قدي صار لي معجبات
    صرت أجلس على الإنترنت أكثر من جلستي مع أي شخص ثاني
    حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى
    يعني الغرور كان واصل حده عندي
    وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل حنا يالشباب الفاضي 12بالليل . يعتبر أول الليل عندنا
    المهم وأنا راجع وقاعد أسولف مع نفسي وأغني وأهيجن وموسع الصدر على الآخر
    ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا
    وفجأة
    لقيت وحده لحالها بالشارع وتأشر
    أنا حسبتها تأشر لليموزين وراي بس يوم طالعت مع المراية ماوراي سيارات
    قلت في نفسي وش عندها ذي ووش قصتها
    خلني أخذ فرة ثانيه بالشارع وأشوف وش السالفة
    خذت لي فرة وفرتين وثلاث وكانت كل مامرت سيارة أشرت لها ومحد يوقف لها
    أنا قلت أبوقف لهابس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي
    قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا
    وفعلا وقفت
    قلت نعم وش عندك تأشرين
    قالت لو سمحت يااخوي أبيك توصلني للبيت
    أنا ومتى المعرفة عشان أوصلك لبيتكم
    هي أجل وشوله واقف لي
    أنا أنا واقف أبشوف وش سالفتك يعني بنت تالي الليل وفي شارع فاضي وش القصة
    هي ومو معنى هالشي إني أكون من اللي في بالك أنا كنت راكبة مع ليموزين وبدأ يتحرش فيني وأنا بديت أزاعق واصارخ وهو خاف ووقفني هنا
    أنا لاحول ولاقوة إلا بالله طيب بيتكم وينه فيه
    هي قريب يعني تقريبا ثلاث كيلوات من هنا
    أنا طيب يالله أركبي خل نوصلك نكسب فيك أجر
    جت تبي تركب ورا وقلت لها لا تعالي قدام رفضت لت لهاركوبك ورا يجيب لي الشبهة تعالي قدام ومايكون إلا كل خير
    وفعلا ركبت قدام وأول ماركبت
    قلت إسمعي يابنت الناس نا مابعد تأكدت أنك بنت نا اخاف أنك من قطاعين الطرق واللي يتقنون أصوات الحريم وعشان كذا ماخليتك تركبين وراأخاف وأنا أسوق تجيني من ورا غدر وتسوي فيني شي
    ردت علي وقالت والله بنت ماني من ذا اللي تقول عنهم صدقني
    قلت إكشفي لي وجهك
    قالت(وبسرعة) مستحيل
    قلت أجل إنزلي
    قالت تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي
    قلت أن لازم أتأكد أنك بنت
    قالت والله بنت أرجوك لاتستغل الموقف
    قلت هذا حقي انا ماقلت أبسوي معك شي حرااام لاقدر الله نا أبي أريح نفسي بس
    قالت نا وكلت رب العالمين في أمري
    وكشفت نصف وجهها وشفت دموع تسيل من عينها
    أستغربت س جمعت قواي وسحبت لثامها كله شفت شي عجيب
    شفت وجههاشفت الحسن كله فت الجمال سبحان الله صورهاوشفت دموع تسيل على خدهاكانت تبكي بدون صوت تى مارفعت عينها بعيني
    غطيت وجهها وصديت مسكت طريقي ومشيت فيه
    كان تفكيري يلعب فيني شمال ويمين
    هي وش طلعها من ليموزين تالي الليل ش سالفتهاياولد لاتكون من بنات الليل وقاعدة تمثل عليك طلع بها محد داري عنك
    وبدأ إبليس يشاركني تفكيري
    بس كنت كلما تذكرت كلمتها ( وكلت رب العاملين في أمري )وكل ماتذكرت دموعها أستغفر الله وأرجع عن الأفكار السوداء
    وبعد وقت قصير وصلتها لبيتهم نزلت بسرعة أختفت ورا الجدران أنا قاعد أتابعهاوأفكر في هالبنت العجيبةووش قصتها
    ومادريت إلا وأبوها ينزلني من السيارة غصب يجلد فيني جلدومافكني منه إلا البنت وم حلفت له إني مالمستها بشر
    الأب وقف وهو مازال ماسكني طالعني وقال تنام هنابكرة نروح للمستشفى ونتأكد من كل شي ااهم
    وافقت مضطر يعني واحد في نفس موقفي وش يبي يسوي
    وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته
    والله ويدخلني أبوها للمجلس يقفل علي الباب
    نمت عندهم وأنا عيوني مفتوحةأفكر في هالورطة اللي ورطت نفسي فيها بدون داعي لبنت أنا وش دخلني فيها أروح أوصلها كان خليتها ويرزقها رب العالمين من يوصلها
    كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي
    وأصبح الصبح قبل كل شي نقزنا للمستشفى سوينا التحاليل للبنت والفحوصات وكل شي
    والحمد لله طلعت البنت شريفة وأنها مازالت بكرهالشي خلاني أشيل فكرة أنها من بنات الليل نهائيا عن بالي
    وحنا طالعين من المستشفى
    قال لي أبوهاياوليدي أنا اسف س العذر والسموحة يعني واحد موقفه مثل موقفي يعني يطلع للحوش الساعه 1 الفجر ويلقى بنته تدخل عليه البيت واحد غريب هو اللي موصلهاوش تبغا يكون تصرفي غير هذا
    قلت ياعم أنا ماشرهت عليك من حقك كل اللي سويته تتطمن على بنتكم المصون
    قال ياوليدي أنا أبسألك سؤال
    قلت تفضل
    قال أنت متزوج
    قلت خلني أخلص دارستي واتوظف وبعدين أفكر بالزاوج ا عم أنت عارف أن هالزمن صعب
    قال الله يستر عليك زي ماسترت على بنتي ويوفقك لبنت الحلال اللي تسعدك انشاء الله
    قلت اللهم أمين نا أبمشي اللحين توصيني على شي
    قال سلامتك ياوليدي والله يحفظك انا اسف مرة ثانية
    تركتهم ومشيت رجعت لبيتنا
    والخوف و الروعة مازالت في قمتها لرجة أني ماطلعت من البيت أسبوع لا ما طلعت حتى من غرفتي
    وبعد هالأسبوع بديت على شوي شوي أطلع على خفيف رجعت للإنترنت تذكرت المعجبين يه اللي يدورون مواضيعي واروح أشوف وش صار على المنتدى وعلى مواضيعي ويوم دخلت المنتدىلقيت موجود رساله خاصة قلت أشوف منهي منه
    لقيتها من العضوة اللي دايم ترد على مواضيعي بأعجاب وكانت تعجبه اسلوبي أن عندها قصة وتبغاني أكتبها بأسلوبي لأنه زي ماتقول معجبها الأسلوب
    أنا ارسلت لها وقلت هاتي القصه ونشوف وش نقدر نسوي
    المهم رجعت للمنتدى وقعدت أتصفحه كنت مشتاق له حيل
    وبعد نص ساعه لقيت نه يوجد عندي رساله خاصة توها تجي فتحت الرسالة.ولقيتها من نفس العضوة.. وترد على رسالتي وكاتبة القصة قعدت أقرأ بطريقة الكبار يعني أدقق عند كل حرف واوقف عند كل كلمة...
    بس ذي هي نفس قصتي يه قصتي مع البنت اللي لقيتها بالشارع
    وش الكلام هذا
    وشلون معقوله تكون هي نفسها البنت لالا ما أظن ذا أنا وأنا رجال عدت منهار أسبوع كامل وشلون حالتها هي
    فكرت كثيروقررت إني أعرف منهي ذا العضوة
    ارسلت لها وطلبت انها تسوي اضافه بالماسنجر عندها عشان أناقشها على القصة
    وفعلا بعد يومين لقيت إضافه بالماسنجر
    عبق الزهور يرغب بالتحدث إليك
    قبلت الإضافة وجلست أنتظرها وفعلا بعد ثلاث ساعات لقيتها داخلة الماسنجرودار بيننا الحوار التالي

    سلطان says
    السلام عليكم
    عبق الزهور says
    وعليكم السلام
    سلطان says
    يالله حيها كيف الحال وش الأخباربشرينا عنك
    عبق الزهور says
    بخير
    عبق الزهورsays
    ممكن تقولي إيش سويت بالقصة لو سمحت
    سلطان says
    أنا ودي أسألك سؤال إذا ممكن
    عبق الزهور says
    بس أنت ماجاوبت على سؤالي
    سلطان says
    القصة غريبة شوي وما أتوقع انها ممكن تكون حقيقية زي ماقلتي لي بالرسالة الخاصة
    عبق الزهور says
    لألا والله حقيقية وصايرة مع صديقتي
    سلطان says
    صديقتك ممكن أعرف أسمها
    عبق الزهور says
    نعم أنت وش خصك بالإسم صحيح إنك تجيد فن القصص بس الأسماء مالها علاقة بالموضوع
    سلطان says
    أنتي تعرفين اللي وصلها لبيتهم من يكون
    عبق الزهور says
    لأ طبعا لأنه وصل صديقتي ماوصلني أنا و مو من طبعي الإلحاح مثل الغير
    سلطان says
    عموما أنا أبقولك من اللي وصلهامادام أنا اجيد فن القصص ترا أنا أجيد فن التوقعات
    عبق الزهور says
    طيب خل نشوف يابديع زمانك من و..
    saysسلطان :
    أنا..
    عبق الزهور says:
    إيش تقصد ...
    سلطان says:
    أنا اللي وصلتها... وعندي الدليل...
    عبق الزهور says:

    الدليل

    سلطان says:
    إيه الدليل اللي يثبت أنه أنا نفس الشخص... أنا مستعد أذكر لك أشياء... صارت في نفس الليلة ومااحد غريب ممكن يعرفها غير نفس الشخص اللي وصلها...
    عبق الزهور says:
    مثل..
    سلطان says:
    وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين..
    عبق الزهور says:
    طيب يالله قول أوصف خلني اشوف...
    saysسلطان :
    أنتي وش يهمك طيب...
    عبق الزهور says:
    أنت اللي طلبت مو أنا...
    سلطان says:
    إيه صح ....

    وبديت أوصف لها كل شي ... واثبت لها اني أنا نفس الشخص اللي وصل صديقتها...
    عبق الزهور says:
    فعلا أنت صادق بكل اللي قلته...
    سلطان says:
    شفتي أنه أنا نفس الشخص اللي وصل صديقتك...
    عبق الزهور says:
    أنت تدري مين البنت...
    سلطان says:
    كل اللي أعرفه انها صديقتك...
    عبق الزهور says:
    أنا... هي نفس البنت...
    سلطان says:
    معقولة....
    ( تعذر تسليم الرسالة لكافة المستخدمين
    saysسلطان :
    معقولة.)

    وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها...
    قررت أني أجلس لها واقعد أنتظرها في كل الأوقات لين ألقاها....
    وجاء يوم ودخلت وكلمتها.... وسألتها

    سلطان says:
    ممكن سؤال
    عبق الزهور says:
    تفضل...
    سلطان says:
    أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء....
    عبق الزهور says:
    إسمع سلطان .. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه..
    سلطان says:
    وأنا انشاء الله أبكون عند حسن ظنك...
    عبق الزهور says:
    أنا كنت عند نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ...
    أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت...

    يتبع ..
    سلطان says:
    إيه بس انتي بنت ومايصير تطلعين لحالك في وقت متأخر....
    عبق الزهور says:
    وقتها ماقدرت أفكر... لاتلومني... حس فيني الله يخليك...
    سلطان says:
    انا ماأدري وش أقولك بس الأيام راح تبين لك هل اللي سويتيه صح ولا خطأ...

    أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش....
    ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي...
    وصارحتها بهالشي.... وكان عندها نفس الإحساس والشعور...
    وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه....
    ولكن.. كان القدر اقوى مننا...
    ومارست الأيام جبروتها علينا.....
    وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت...
    وفعلا تزوجت بعدها بشهور... وانا متضايق ومقهوور....
    بس جاء الخبر اللي أسعدني وضايقني بنفس الوقت.....
    وعلى طول وبعد ماانتهت عدة لأربعة شهور عشرة ايام .. تقدمت لها وطلبتها ووافقوا.... وعشنا حياتنا من جديد حياة سعيدة بديناها حب وأنتهت قصة الحب بزاوج...
     
  2. ][تراتيل أنثى][

    ][تراتيل أنثى][ ¬°•| عضو مميز |•°¬

    نااايس هالقصه سعوديه مو ؟!.

    تدري اصلا نسبة المتزوجين عبر النت وعلاقتهم ناجحه هم 25% من سكان السعوديه

    بس بقولك حاجه دحين مو كل واحد يقرا هالقصه يقول اي والله انا بحب بنت من المنتدى ومدري ايش

    هذا عرفها من برا المنتدى وشاء الله سبحانه انها تكون في نفس المنتدى :)

    حلو القصه مرره ..

    مشكور اخوي غريب الاحساس

    لاهنت ..
     
  3. يعطيك الف عافية اختي " تراتيل انثى " ع المرور الجميل ..

     
  4. البريمي نظر عيني

    البريمي نظر عيني ¬°•| عضو مميز |•°¬

    مشكور على القصة
     
  5. شوق بني كعب

    شوق بني كعب ¬°•| عضو مبتدى |•°¬

    تسلم ياخوي غريب الاحساس على هذي القصه الأكثر من رائعه يعطيك العافية
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    قصه حلوووه الصراحه ومؤثره

    يعطيك الف عافيه اخوي
     
  7. الله يعافيكم جميــــــــــــــــعا ..

    ومشكوووووووريـــــن ع المرور " البريمي نظر عيني ..شوق بني كعب ..فراوله شقيه " ..

    تقبلو تحياتي اخوكم " غريب الاحساس " ..
     
  8. رآآعيهـ آآلفتكـ

    رآآعيهـ آآلفتكـ ¬°•| عضو مبتدى |•°¬

  9. شكرا ع المرور ..
     
  10. تسلم على القصة _
     
  11. الله يسلمك ..

    شكرا ع مرورك ..
     
  12. [ بصراااااااااحهـ القصة روووووووووعهـ

    الله يعطيك العافية اخوي

    تسلم و فـ انتظار الزود​
     
  13. الكعبية

    الكعبية ¬°•| مراقبة سابقة |•°¬

    القصه اثرت فيه ..

    يعطيك ربي العافيه ع الطرح ..
     
  14. شكرا ع المرور اختي الكريمة ..
     

مشاركة هذه الصفحة