آسفه أنا في جيتي لك تسرعت

الموضوع في ',, البُريمِي لِـ/ للشٌعرٍوالْقصِيْد,,' بواسطة قلبي شفـــوق, بتاريخ ‏9 يناير 2009.

  1. قلبي شفـــوق

    قلبي شفـــوق ¬°•| عضو فعّال |•°¬


    آسفه أنا في جيتي لك تسرعت
    ظنيت ألاقي فيك شيٍ فقدته
    كنت أحسبك مجروح مثلي تولعت
    جربت فرقى شخص قلبك وهبته
    كنت أحسبك من مر جرحك تجرعت
    حبيت فيك احساس طفلٍ لمحته
    لوقلت آآآه بوسط روحي توجعت
    ولو شفت دمعاتك شعوري سكبته
    ولو تطلب عيوني أبد ما تمنعت
    وأعطيك قلبي لو بعد ماطلبته
    وصلت بك أعلى مكان وتربعت
    وفي قلب غيري ياالغضي ماوصلته
    وأصبر على صدك وأشوفك تدلعت
    وأعطيك ود وما أظنك حسبته
    أذهلتني بطباعك اللي تطبّعت
    حتى قصيدي فيك أبد ما فهمته
    لو كان غاياتك حروفي فأنا بعت
    وإفرح بجرح المشاعر اللي جرحته
    وأرجوك من صدك تراني تشبّعت
    خلك مع اللي عاجبك أو عجبته
    يكفي قهر في جيتي لك تواضعت
    تركت غيرك لأجل عينك وبعته
    ياليتني عن حب مثلك ترفّعت
    ياليت قلبي قبل أعرفك دفنته
    لكن ببعد دامني بك توهقت
    الله يرحم حبنا اللي ذبحته
    أنا شريت الود والحين أنا بعت
    وأنا عطيتك قلبي اللي قهرته
    في يوم جيتك أطلبك ود وأقنعت
    نفسي بإنك شخص عادي عرفته
    كمّل حياتك مثل ما أنا توقّعت
    تبقى أسير الماضي اللي فرضته
    ولا يحزنك إني جبانه وتراجعت
    حولك بدالي ألف شخصٍ عجبته
    أما أنا لا يمكن أخضع ولا طعت
    يحرم علي أعطيك قلبٍ خذلته
    بريّحك من شوفتي يوم قاطعت
    إسلوبك اللي به تجامل كرهته
    غلطان يا المقفي أنا ما تتبّعت
    غيري يتابع خطوتي ما تبعته
    ما ينحني راسي لو إني تقطعت
    وما هو بنا من لارميته لقطته
    وإن كان غرك حكي عذالي وطعت
    الله يعلم كيف قلبي سكنته
    اللي ملا قلبك علي وتسمّعت
    خله يعوض شخص مثلي خسرته
    أنا بما فيه الكفايه تولّعت
    واللي بقى من قلب فيني حرقته
    وإن شفتني صدفه بعينك تطلّعت
    ذكّرتني بإنسان غالي فقدته
    بأول لقا سلمته إحساسي وضعت
    غلطة حياتي يوم قلبي سلبته
    وأستسمحك فالبعد كاني تراجعت
    ما عاد بلقى فيك شي ٍ فقدته
    طبعك مثل غيرك وطبعي كما كنت
    أحب شخص ٍ ولا تركته...تركته
    منقول
     
  2. أبو سلطااان

    أبو سلطااان مؤسس و رئيس الفريق التطويري إداري

    ولو تطلب عيوني أبد ما تمنعت
    وأعطيك قلبي لو بعد ماطلبته
    وصلت بك أعلى مكان وتربعت
    وفي قلب غيري ياالغضي ماوصلته


    أختيار قمه بالروعه قصيده جميله تحكي معاناة الكثير من العشاق ...
    من الصعب أن تعطى شخص كل ما تملكـ و يجازيكـ بقلب بارد ...
    يعطيج ألف عافيه ع الأختيار الرائع ...
     
  3. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    نقله موفقه


    بصراحه القصيده مليئه بالأحساس

    والجزن باين من الأبيات

    والقرار صعب الله يعينها

    واحترامي


    سويره
     
  4. دلوعه ابوها

    دلوعه ابوها ¬°•| عضو مميز جدا |•°¬

    آسفه أنا في جيتي لك تسرعت
    ظنيت ألاقي فيك شيٍ فقدته
    كنت أحسبك مجروح مثلي تولعت
    جربت فرقى شخص قلبك وهبته



    يسلموو خيتو ع النقل الجمل
     
  5. قلبي شفـــوق

    قلبي شفـــوق ¬°•| عضو فعّال |•°¬

    العشق عذاب بس عذاب حلوووووووووووو بس لما الطرف الثاني يكون حاس فيك والمصيبه إذا كان لا حياة لمن تنادي
    تسلم أبو سلطان مرورك يسعدني
     
  6. قلبي شفـــوق

    قلبي شفـــوق ¬°•| عضو فعّال |•°¬

    تسلمي يالغاليه مرورك يسعدني
     
  7. قلبي شفـــوق

    قلبي شفـــوق ¬°•| عضو فعّال |•°¬

    الله يسلمك يالغاليه مرورك أسعدني
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    لوقلت آآآه بوسط روحي توجعت
    ولو شفت دمعاتك شعوري سكبته
    ولو تطلب عيوني أبد ما تمنعت
    وأعطيك قلبي لو بعد ماطلبته





    صح لسان قايلها

    ولا هنتي يالغلا

    اختيارج للقصيده ذوووق وربي

    يعطيج الف عافيه
     
  9. قلبي شفـــوق

    قلبي شفـــوق ¬°•| عضو فعّال |•°¬


    الله يعافيك يالغاليه
    أسعدني مرورك
     

مشاركة هذه الصفحة