][ اخْـتَـار عُـضُـو واطْـلْـبَـه قَـصِـيْـدة ][

[ذات أثر]

بانتظار اختنا قمر

ما ظني تي لين الثلاثاء هع

بس نترياها ..!

 

[gmar]

فكرة رائعة ،،، واستمتعت بقراءة القصائد ،،

أنا بصراحه ما اكتب قصائد بس كان لي محاوله وكتبت قصيدة بسيطة ونزلتها بالمنتدى من فترة طويلة

خلال فترة انقطاع اخوي الظاهري عن المنتدى وبجد كنا اسرة صغيرة في البداية بس كل واحد يسأل عن الثاني والحمد لله

اسرتنا الحين صارت اكبر ،،


دمع الرحيل
________________________________________
قالوا الظاهري قد تمثل حينا واتى على خير الديار مجيب

قلنا سلاما للظاهري وان بدا في مقلتيه مراوغ ومريب

أعني به وقع ترسم في الحشا ذاك الفراق وانت فيه لبيب

زف الرحيل بساحتنا واحسرتا هذا لعمري في الدناة كئيب

قالوا تذارف دمع الرحيل لما أتى وقع السهام على العيون رهيب

وتناثرت أشلاء فكر في الربا كيف السبيل إلى الوصال قريب

فكأنما الدنيا تسير بمركب لا ينفع الخلان فيه طبيب

وكأنني بالقلب يسكنه الضجر رغم اتساع في الديار رحيب

فرحيلك طوى منتدانا علقما لا يستساغ وفي سماه رتيب

أسفا على رحيل المبدع في كل موضوع وكل عجيب

فعد وأكرم بعثاري سائسا للمنتدى سياسة الترغيب

قد شمر المجد للمنتدى مرابطا حتى اعتلى نورا مداه مهيب

فإذا مررت بذكره فأحرص على ذكر العقول النيرات تصيب

فيا ذارفا دمع الرحيل حسبنا يوم عودتك لأحباب المنتدى يطيب

http://www.buraimi.net/vb/showthread.php?t=698


والسموحة ،،،،


واختار اخوي جاسوس x

 

[ذات أثر]

عجيييييييييييييييييييييييب صراحة ابدعتي

خ خ خ

صح لسانج خيتو و لا هان منقوقج

^^!

ننتظر جاسوس ×

..!

 

[جاسوس x]

أنا والهم جيران




قليل القوم يؤتمن ............ وجل النـــــاس خوان





فلا ديــن ولا ادب ............ ولا حس ووجـــــــدان


تحركنا مصالحنــــا ............. بعيد الخــــــير نكران


وشهوات تداعبنـــا ............. وتكذيــــــب وبهتان


خراب في سما الحب ............. وأمسى الغدر عمران


وهذي الدنيا زائــلة ............. تراب الارض تيجــــان


انا من فرط ما ألقــى .............. أنا والهــم جـــــيران


اختار الطير الحر

 

[غريب الاحساس]

صح لسانك اخي الكريم ..

في انتظار الطير الحر ..

 

[♥đŁφǒφ3ẵђ-2Ǿ2♥]

في انتظاااره الطير الحر

 

[أبو سلطااان]

فى الأنتظار ....

 

[حلوة مكحلة]

ياسلام على ها القصايد الجميله

وانا اقولك يأخوي أختار أحد ثاني

لان الطير الحر مشغول وايد عن المنتدي

ونتريا يالجاسوس من بتختار

 

[الطير الحر]

السموحه ع التأخير
والله اني اشتجتلكم
بس ما بيدي الظروف ضدي

من زحمة الأشغال وجع القلب
وعلى الحاله النفسيه اليوم بقول:


بالفراق ابشرك وابغى البشاره
روح وانا اروح والدنيا نصيب
بس ابوصيك لن حبيت تاااره
خاف رب البيت في قلب الحبيب
كان قلبك قاسين مثل الحجاره
فيه بعض الناس قلبه كالزبيب
اعرفك دايم مكانك فالصداره
لاقتلتي قلب مايلقى طبيب
تستحقين الاشاده و الجداره
لا طعنتي صعب طعناتك تطيب
شوفي الطعنات في قلبي اماره
كلها لك دون زور ودون ريب

السموحه كان كدرة جوكم
بختار حلوه مكحله
​

 

[حلوة مكحلة]

أنا زعلان منك حيل وشايل لك بقلبي عتاب
واتمنى تحملني مثل ما تحمل عتابك
ترى بعض الصراحه جرح وثقل ونرفزه واعصاب
ابي تسمع كلامي زين وتمسك زين اعصابك
تعاهدنا انا وانته على انا اكون احباب
واحبابك هم احبابي واحبابي هم احبابك
وش اللي غيرك فجأه تكلم واذكر الاسباب
انا بسمع كلامك زين وبسمع زين اسبابك
رغم كل الخطاء منك فوجهك ما قفلت الباب
ويوم اخطيت في حقك قفلت في وجهي ابوابك
رخصت الغالي لعيونك حنيت لخاطرك ارقاب
رضيت احنيها ارقابي ولا تحنيها ارقابك
كفايه تمتحني هم وخل من ذم فيني وعاب
ترى من عاب في غيرك ولو طال الزمن عابك
ولاتفكر في يوم انساك او يشغلني عنك غياب
انا اتنفسك اهواك وفيك اموت واحيابك
انا ماشوف احد غيرك جميل بفتنته جذاب
انا اعجابي فيك اعمى يفوق اعجاب اعجابك
انا مهما قسى قلبي بكلمه منك احسه ذاب
انا من زود عشقي لك عشقت العطر في ثيابك
انا ياليت مغرم فيك انا كلي فغرامك شاب
احسك جزء من روحي ولا اتحمل غيابك
ولا قد طاب لي جرحك ولو جرحي لذاتك طاب
عجزت اقدر اشوف الدمع بل اطراف اهدابك
ولكن كل شي الا جزاة الصد بالترحاب
إذا صديت ترحابي ترى بصد ترحابك
ولاني مرتضي ذلي ولو كان الهوا غلاب
اذا ماكان ترضا بي حشا لايمكن ارضى بك
ولاني قادر اتحمل عشانك غرست الانياب
انا كلي غدا مجروح من غرسات انيابك
تجافيني ولا همك ولاتحسب لي أي حساب
الا ياقسوة الصدمه تجيني منك الاصواب
وانا اللي كنت اقول الجرح ماصابني صابك
امانه قول وس بقيت للعذال والاغراب
اذا هذا معي طبعك اجل وش حال اغرابك
تمرد كان يحلى لك تعيب فطيبتي وتغتاب
ولكن تراي اكبر من اني يوم اغتابك
حقيقه اكتشفت انك سخيف بطبعك الكذاب
واني كنت لك لعبه سخيفه تشبه العابك
انا عيبي غبي طيب وظني فيك والله ماخاب
ولاقد كنت اتوقع تجافي يوم اصحابك
انا جيتك بطيب الطيب وفيك الطيب ابد ماجاب
ابي تعذرني هالقسوه لان الطيب ماجابك​

واختار اليوبيل الماسي

 

[قطوة البريمي]

نترياا اليوووووووبيل ...

 

[اليوبيل الماسي]

يا زول عليك الله وصل سلامي
للّي سكن في وسط الخرطـوم
بلغـه شوقـي مـع هيامـي
وعين لأجله تسهر مـا تنـوم
داير وصله واشوفـه قدامـي
ما يبعد عني لحظه ولا يقـوم
يجلس معي فنهـار و ظلامـي
نسولـف الـى حـزة النـوم
ابغيـه يعلـم انـه حـرامـي
سرق قلبي وتركنـي محـروم
أتذكر معـاه أحلـى الأيامـي
كلها ضحك وسوالف وعلـوم
اهوه صديقي من عدة أعوامي
مـا شفـت زيّـه ولا بـروم
اهوه المويـه بعـد الصيامـي
النيل الأزرق من خيره يعـوم
أحبابك عشره وانته الرامـي
مالي غيرك ولا لغيرك أسـوم
مابي لندن و وباريس وميامي
للسودان مسيري باذن القيـوم
آآي يا زوول اسمع الكلامـي
بسك كسل واقعد من النـووم



واختار قطوة البريمي​

 

[قطوة البريمي]

هههههههههههه

عاد هب صيده .. هع هع

صح لسان قايلنهاا ..









جنك اخترتني ..

م عليه بندور الي يناسب ..

 

[بريماوية]

يالله نتريا اليوبيل الماسي


ولا تنسى اختارني أنا بحط قصيده >>> هاي رزة ويه محد طلب منج شي


هههههههههه


^^

 

[أبو سلطااان]

يا سلام عليكم .....
متابع عن قرب ....

 

[الطير الحر]

لا هنتي حلوه

الزعل له اسباب
والرضى له اسباب

ولازم تكون النفس سموحه


يالله عاشة القطوه خلا

 

[غربة الروح]

ما هذا الصمت الغريب؟؟؟!!
يالله تحركوا...

أوكي انا بختار ...

امممممممممم..!!!

بو سلطان...

 

[حلوة مكحلة]

يا زول عليك الله وصل سلامي
للّي سكن في وسط الخرطـوم
بلغـه شوقـي مـع هيامـي
وعين لأجله تسهر مـا تنـوم
داير وصله واشوفـه قدامـي
ما يبعد عني لحظه ولا يقـوم
يجلس معي فنهـار و ظلامـي
نسولـف الـى حـزة النـوم
ابغيـه يعلـم انـه حـرامـي
سرق قلبي وتركنـي محـروم
أتذكر معـاه أحلـى الأيامـي
كلها ضحك وسوالف وعلـوم
اهوه صديقي من عدة أعوامي
مـا شفـت زيّـه ولا بـروم
اهوه المويـه بعـد الصيامـي
النيل الأزرق من خيره يعـوم
أحبابك عشره وانته الرامـي
مالي غيرك ولا لغيرك أسـوم
مابي لندن و وباريس وميامي
للسودان مسيري باذن القيـوم
آآي يا زوول اسمع الكلامـي
بسك كسل واقعد من النـووم



واختار قطوة البريمي​

تسلم يأخوي على القصيدة

 

[غٌَ ـلآ بُنٍيً گـ عُ ــبُ]

وين قطوه


خرج ولم يعد في انتظار القصيده

 

[حلوة مكحلة]

قطوة شردت


شكلها تألف قصيدة الحين