بعض قصائد فزاع .......

الموضوع في ',, البُريمِي لِـ/ للشٌعرٍوالْقصِيْد,,' بواسطة دلوعه ابوها, بتاريخ ‏2 يناير 2009.

  1. دلوعه ابوها

    دلوعه ابوها ¬°•| عضو مميز جدا |•°¬

    السلام عليكم

    اليوم جبت لكم بعض قصائد

    فـــــــــــــــــــــــــزاع

    مكتوبه انا كاتبتها

    أنا أنـا

    الحب لو ما يغرقك شوق والا اشجان وتعن من تلقاء نفسك خيوله
    وتاسسه تاسيس دوله بعنوان وتعيش حاكم حب والشوق دوله
    تبددت كل المشاعر على شان لان الحياة بلا مشاعر خجوله
    أنـا أنا لو عشت في كل الازمان شخصيتي هي لي والغلا للي هو له
    إلى هنا يا اللي تقول ان الوعد حان تعال قلي والفلم وش هي فصوله
    مجامل واهات وجروح واحزان وانا مرشحكم الى دار البطوله
    يمكن اجامل ناس احيان واحيان الا مصيري ليه اقول انسجوله
    ان قلتوا استبداد رديت والان تذكروا احلى فصول الطفوله
    عطيتكم منها لآلئ ومرجان واليوم خلوني بدور الرجوله
    ترى الغلا زوده مع الوقت نقصان الى من يحبك تغير ميوله
    هذا كلام قلوب ينطق به انسان ويبين في وجهه قبل ما يقوله
    ما هو كلام انسان ينطقه السان احساسه بمعناه ماهوب حوله
    تحسدني اصحابي على جاه سلطان وتحسدني اعدائي على ما انوله
    والمؤمن الصادق بفطرته برهان لو ثوبه مرقع وحفيت اريوله
    حكاية الدنيا يزيدونه ايمان والفاسق ايمانه يقل ان حكوا له
    وانا قبل يومين قلت الانا شان وجه الزمان الي ذبحني فضوله
    قال العقل من قلب يدفعه وجدان يكره مظاهر الحياة العجوله
    ما كل شي ايدك تطوله يا حمدان احساسك يوافق انك تطوله
    وانا بشر لي قلب واحساس واعيان وعندي على التمييز قدرة مهوله
    انسان يملكني مع الوقت شيئان ربي ودين مخلده في رسوله
    لذلك الانسان يا ناس لو كان بلا جرائة راي تثقل حموله
    من ينتظر فرصه من فلان وفلان تلقى مقام المجد صعبا وصوله



    جرح الصداقة

    كلما بنيت الحلم في القلب وكمل قبل أعلنه يظهر صدى عداوته
    وأضحت همومي من ورى الخافق همل وأحجامها حسب الوضع متفاوتة
    و أنا العزيز اللي تشبث بالأمل عسى يشوف إن الزمن طراوته
    درس الحياة القاسية لو اشتمل على الجبابرة لعرفوا قساوته
    تلقى بعض تجارهم يمشي ثمل مع الفقارى يرتشف حلاوته
    القاضي اللي في كلامه ما صمل فاضي عمل مسترسل في فضاوته
    كيف المطوع يخلف في قول وعمل والمصحف الطاهر نسى تلاوته
    قال المثل خل الجمل بما حمل صافح عدوا ما يبين نداوته
    رجلا ضلوعه للحمل ما تحتمل يحرم على رجلي حشى ما خاوته
    مثل النعامه راسها تحت الرمل ومن ظلها تشكي مدى ضراوته
    جرح الصداقه في الظهر ما يندمل عيت سنيني كلها ما داوته


    هذي طبوعي

    لا بد في الكامل يجي فيه نقصان يا ليتها بالجوع وأسد جوعي
    لكنها كظه وفرة وميدان وأنا ليا قدمت يصعب رجوعي
    والكلمة اللي من قناعات وإيمان يصبح بها لساني وتصغي سموعي
    قولول لمن سوت على القلب بيبان تفتحن السبت لين الربوعي
    اللي حزنها غير عن كل الأحزان خلى ابتساماتي مثل حب كوعي
    لو إنها تسهر لي لبعد الأذان بتشوفني لا رحت بطفي شموعي
    حزين متشائم ونادم وحيران بس ما أظلم وهذي أرقى طبوعي
    أبوي سماني على أبوي حمدان وخلاني أخذ عزتي من خضوعي
    وعلمني أبادل الاساءه باحسان ومن قو وقفاتي أثبت وقوعي
    يمكن عيوني قاسية بعض الاحيان لكني يعرفني أصدقاي وربوعي
    والله لون في ايدي افرح انسان افرحه لون ثمنها دموعي

    تعال وأسالني

    مفروض لقلت عني سالفة قلي مع فعول الرجاجيل اذكر اسماها
    ما أبيك لا أنت ولا غيرك يجاملني أنا اكبر من النفوس ومن محاماها
    في خاطرك شي لي تعال واسألني لا تحكم بغيب نفسك وترضاها
    لا تنوي انك بأسلوبك تقللني ترى الله يحاسب الناس بنواياها
    وتراك ما أنت بتفرحني وتزعلني لان الحقيقة حقيقة لو تناساها
    لا تفرق بين تتجاهلني وتجهلني كبر البسيطة من أقصاها لأدناها
    أنا اللي عقول مثلك ما تحللني الله خلق خلقه وميز مزاياها
    خلقني بهالزمان اللي معلمني كثرة حكايا الرجال وقله حلاها
    تنزيل مثلك لقدري ما ينزلني ما كل حاجه تمناها بتلقاها
    في عيون بيض الوجوه الله مجملني أنا أحشم أشنابها وأقسم الحاها
    لا تعتذر ولا ترجي تواصلني ولا تلحق الذم مدح ولا تقصر اخطاها
    مدايح اللي سواتك ما توصلني لو تمطر الارض ما وصل السما ماها


    قلب الغرام

    جرحت قلب الغرام وزدت في عنادك تبغي الصراحة ترى ما كان له داعي
    من أربع شهور كثر الصد وش فادك ما غير حرضك طول الليل لخضاعي
    طيرت الأشواق من مرفاك وبلادك وذبلت رسايلك ما جاني بها ساعي
    يا زين تتوقع اللي حصل زادك بل عكس ما زادك إلا زاد في أوجاعي
    اللي محيرني انك في الزعل عادك الشك ولهرجه الواشين تنصاعي
    ليكون شيا في بالك صاير مرادك أخاف قاعد تفكر تلوي ذراعي
    هذا وانا الحلم سالفها على ارقادك شلون تبغي تسويها وانا واعي
    لو دمعتك سولفت لكبود حسادك كان الرعيه تقيم قيمة الراعي
    من أربع شهور وأنت مطول عنادك اسمع ترى صدق ما للي حصل داعي


    يا مهرة العام

    يا مهرة العام لا والله غديتي فرس ترفقي كن عطرك ريح حرب وصهيل
    العام تمشين ما حولج رجال وحرس واللحين تمشين ورقاب الخلايق تميل
    استغربتك الكنايس تحس مشيك جرس واستغربتك الحدايق رمش عينك ظليل
    جندلتي القلب والعاشق طويل المرس حيا ولكن تركتي في المحاني قتيل
    من جيتي الحب سيفه في الخفوق انغرس والليل يقصر بشوفك وان سريتي طويل
    ما كني العاشق اللي في زمانه درس وما كني من اسباب المحبة هزيل
    حلفت ما أعشق دام الحب طبعه شرس مالي ومال المحبة والشقة والخليل
    دخلت بحر المحبة يا الهنوف الفرس وقام يتلاقف بي امواجه وضاع الدليل


    هنيالي

    يا ناعم العود مزحك يذبح وجدك
    يذبح وأنا كل ما جاء منك يحلالي
    الله الله يا فتان من قدك
    حتى عيوني لوصلك موقها سالي
    طاحت دموعي غرام وقلت وش حدك
    يا دمعتي تنزلين ومرقبك عالي
    قالت مكاني خلقه الله على خدك
    و إلا عيونك مكان الصاحب الغالي
    محلاك محـلاك قالت للشهد ندك
    حتى الشهد ما ينافس ريقك الحالي
    أهواك و أغليك وأقدرك وأودك
    وألحنك شوق و يغنيك موالي
    أهد بفراقك الدنيا ولا أهدك
    وأفني بوصلك طموحاتي وآمالي
    برودة الشوق تدفى في حضن يدك
    وحرارة الوصل تبرد لا تهيالي
    أحط راسي على منحرك وأسدك
    عن حبه الناس لأنك حبي الحالي
    قلبي يموت فغلاك ووصلي يشدك
    وغلاك في خافقي وصورتك في بالي
    ولا أنثنى رمش عينك وانتصب قدك
    أشوف لون القهر بعيون عذالي
    ويقول قلبي هنيالك ومن قدك
    وأنا أردد مع قلبي هنيالي


    يوم الوداع

    لشفتني ضايق وأهل الدمع وأبكي بقتناع
    لا تحزنك عيني ولا تشره على دمعاتها
    أنا فقط حبيت أدربها على يوم الوداع
    أحبابنا قاسين والأيام هي عاداتها
    مهما جلسنا نضحك ونأخذ من الحب المتاع
    لابد لحظات المفارق نرتشف كاساتها
    حتى لو أكذب وأتوهم حبنا وهم وخداع
    الدمعة اللي في عيوني تعكس معاناتها
    حتى خفوقي لو يقول انه على بعدك شجاع
    ساعة فراقك مستحيل إن يحتمل لحظاتها
    كلما نظرت لرمش عينك جيت لأمرك بانصياع
    تقول كان الجاذبية في هدبك إثباتها
    بشبع عيوني من عيونك شوف قدر المستطاع
    عل وعسى تكتفي بالشوف من لذاتها
    من قبل أعرفك كان شعري من ضياع إلى ضياع
    و أللحين يمشي بس لعيونك على مرضاتها
    لو ما ذكرتك في قصيدي صار شعري في صراع
    دفاتري تبغيك تتواجد على صفحاتها



     
  2. سعود الظاهري

    سعود الظاهري :: إداري سابق ومؤسس ::

    [FONT="Comic Sans

    MS"]

    :: ::
    :: بسم الله الرحمن الرحيم ::
    :: ::
    السلام عليكم ورحمة الله وبركاته


    ,,,


    أبدعتي خيتـو في نقل القصائد
    أسستمري لكَـي تتألقي أكَـثر
    دمتي مبدعه



    احترامي لك

    !!!
    كـ[​IMG] الـود[​IMG] ـل

    :: ::
    :: والسموحة ::
    :: ::

    ~:●الـظاهـري ●:~.

    [/FONT]
     
  3. ملاكـ ♥ الروح

    ملاكـ ♥ الروح ¬°•| عضو مثالي |•°¬

    يوم الوداع

    لشفتني ضايق وأهل الدمع وأبكي بقتناع
    لا تحزنك عيني ولا تشره على دمعاتها
    أنا فقط حبيت أدربها على يوم الوداع
    أحبابنا قاسين والأيام هي عاداتها
    مهما جلسنا نضحك ونأخذ من الحب المتاع
    لابد لحظات المفارق نرتشف كاساتها
    حتى لو أكذب وأتوهم حبنا وهم وخداع
    الدمعة اللي في عيوني تعكس معاناتها
    حتى خفوقي لو يقول انه على بعدك شجاع
    ساعة فراقك مستحيل إن يحتمل لحظاتها
    كلما نظرت لرمش عينك جيت لأمرك بانصياع
    تقول كان الجاذبية في هدبك إثباتها
    بشبع عيوني من عيونك شوف قدر المستطاع
    عل وعسى تكتفي بالشوف من لذاتها
    من قبل أعرفك كان شعري من ضياع إلى ضياع
    و أللحين يمشي بس لعيونك على مرضاتها
    لو ما ذكرتك في قصيدي صار شعري في صراع
    دفاتري تبغيك تتواجد على صفحاتها


    تسلمين على القصايد يالغلا ..............تحياتى لج...
     
  4. أبو سلطااان

    أبو سلطااان مؤسس و رئيس الفريق التطويري إداري

    همه و نشاط ...
    موضوع متعوب عليه سلمت أناملج ....
    ننتظر المزيد ...
    يعطيج ألف عافيه ...
     
  5. دلوعه ابوها

    دلوعه ابوها ¬°•| عضو مميز جدا |•°¬

    يسلمووووووووووووووووووا ع المرورر الغالين
     

مشاركة هذه الصفحة