كلمات ننطقها لكنها ليست عربية

الموضوع في ',, البريمي لـِ مساحة حرة ,,' بواسطة البريمي نظر عيني, بتاريخ ‏31 ديسمبر 2008.

  1. البريمي نظر عيني

    البريمي نظر عيني ¬°•| عضو مميز |•°¬

    كلمات ننطقها لكن غير عربيه
    اكثر الكلمات اللي نقولها ماهي عربيه تعالوا شوفوا

    باغه = تركيه ومعناها بلاستيك
    بفته=هنديه ومعناها القماش الابيض
    بخت = فارسيه معناها الحظ

    بشت = فارسيه معناها مشلح
    بهار = هنديه تعني بلاد الهند ابازير
    تتن = تركيه ومعناها دخان
    تجوري = هنديه ومعناها الخزنه
    تريك = لاتينيه ومعناها مصباح
    توله = هنديه ومعناها عيار للوزن
    تاوه=تركيه معناها مقلا
    خاشوقه = تركيه معناها ملعقه
    خيشه =فارسيه ومعناها كيس من القماش
    خبل = فارسيه ومعناها مجنون
    دربيل = تركيه وهي تقريب البعيد
    دروازه = هنديه ومعناها البوابه
    دريشه = فارسيه ومعناها نافذه
    دسته = فارسيه ومعناها حزمه
    ديرم = هنديه وهي صبغة الرمان
    وفيه ناس يقولو ديرمان الظاهر هذولي كانوا يروحون للهند اول وجايبينها صح خخخخخ
    ريغه = فارسيه وتعني خليط الماء والطين مع اني اعرف ان الريغه التراب الخفيف اللي يتطاير بسرعه
    زلطه = ايطاليه تعني جمع الخضروات في اناء
    زوليه = فارسيه وتعني بساط


    شيره = فارسيه تعني رحيق السكر
    شرشف=كرديه تعني غطاء النوم
    طشت = فارسيه تعني اناء الغسيل
    طربال = فارسيه وتعني شراع
    طرمبه = ايطاليه تعني مضخه
    غرشه = فارسيه تعني جرة
    قرطاس = يونانيه تعني ورق
    قوطي = تركيه تعني علبة من الصفيح
    كليجه = فارسيه تعني القرص الصغير
    وفي روايه تعني سلحفاه خخخخخ

    كندره = تركيه تعني الحذا( والقارئ بكرامه)
    موتر = انجليزيه وتعني السياره
    مالغ = فارسيه تعني ليس له طعم
    واير = انجليزيه وتعني سلك

    عيل وش بقى لنا؟؟
    ولا كلمه من اللي نقولها طلعت عربيه

    فمتى نستعمل لغتنــــــــا؟؟؟
    تحياتي
    البريمي نظر عيني
     
  2. جرناس

    جرناس ¬°•| عضو مميز |•°¬

    ما شاء الله ،،، كل هذه الكلمات ينطقوها ،،،


    هذه صوب البريمي مب صوب عمان الأصليه ،،،



    هذا تتطور ع قول البعض ،،،


    تحياتي وووودي ،،،:patch_balon:
     
  3. ورده جوريه

    ورده جوريه ¬°•| عضــو مــهــم|•°¬

    واااايد كلمات نقولها وماندري شو معناها



    شكرا ع الطرح
     
  4. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    عيل يا كثر ما ننطق باشياء من هالكلام وربي العالم في الباقي


    معلومات يديده بالنسبه لي


    تقبلوا مروري

    وشكرا ع الموضوع
     
  5. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    معقوووله ؟؟؟




    والله طلعنا نرمس عدة لغات ^^



    يسلمووو اخوي ^^
     

مشاركة هذه الصفحة