ҳ×Ҳ×ҳ●درايــــــــــش 2●ҳ×Ҳ×ҳ

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD


إنهار ما شديت باسير

على الذلايل بحت باسرار

دمعي على الأويان سطرين

وأصفج على كفين إعشار











مرحبا اخواني وخواتي الي يعرف غلا بيعرف انها تعودت في كل سنه انها تفتح درايشها مره وحده وتنثر حروفها وتبعثرها وتحمل في طياتها الفرح واحيانا الحزن وساعات الحب

يمكن تأخرت هالمره بس ما نسيت افتح درايشي لكم وابسط ابياتي بين ايديكم وانتظر تفاعلكم وباب النقد مفتوح بس خفوا علي تراني شويعره مب شاعره




البلا لا صرت تسال ش الجديد
والجديد انك نسيته من زمان
والبلا لا صارت للماضي تعيد
مفتقد الاحساس في بر الامان
الاهم همك على راس الصعيد
يتبعه خوفك وفقدك للحنان







الرسايل والصور واوراق مليانه حبر
ما تعيد الشوق يا اغدر عشيق
لو تعرف شلون حاربت الصبر
جان ما رديت من نص الطريق







سامح الله ابوك يا ود بل
لي محنتنا بثوره الهاتف
ولا نحن ما عرفنا قبل
غير حبر والورق تالف
اشهد اني منك بتخبل
الرصيد مابد لسوالف







اذكر اول وقت العصيره
لا عنولك وشربوا القهوه
ورحلوا مع غدوه الطيره
وطلبوا المعبود من عفوه







يا بحر بشكيك حرماني
والجرح في القلب حطيته
البلا من طبع عرباني
لي على هالروح بديته
اذكر انه دوم بكاني
والدمع ف العين ضميته
ما يسده دم شرياني
حتى لو ع الراس شليته
ذلني وانا عالي الشاني
يا حسافه يوم انا بغيته






لا طفت صوب ديار خلي
تشوف كني شخص محسود
اراقب السكه بتأني
واشوف لي بيروح ويعود
ولا اهجعوا العربان عني
دندنت له يا ناعم العود







وش يفيد العذر دام الوقت دار
وش لزوم الوعد لا طاب الشعور
انغرس خنجرك في اقصى اليسار
وانت لي عزمت لك اقطع بحور







ياعوق يالي خاطف النوم من عينه
بالروف ارحم مهجه القلب والروح
داعب طرف خده والمس له يدينه
خله يعرف يغط من شده النوح
لا تصير لي عاذل ما بيني وبينه
خلني المه شوي في خاطري ابوح
شديت شال الليل وذي نية شينه
ولا خالفتك الشمس عزمت بتروح
افداه انا بروحي لو تطلب الحينه
بس روح من روحه تراه كان مجروح






فكري خوي الهم والبال مشغول
والحال مايل والمسافه طويله
ما ادري من الي في ردى الحال مسئول
ولا اعرف متى يارب همي تشيله
مليت اجمع واحسب العرض والطول
وعييت اطرح دمع من دون حيله






معذور يا المضنون بو خد وضاح
لا لفت داري رحت من غير شوفه
انا اعترف سببت لك هم وجراح
مسموح لو ذا اليوم قلبي تعوفه





اتخطر لا لفت كنها قطى
ولا لمحت الشعر كالليل البهيم
من وصوف الحسن ربي لها عطى
دون وعي منك في حبها تهيم






ديني وامي والدمع وبلادي
ما يهونن لو علي روحي تهون
وارثه هالدرس من سالف جدادي
صاينه للعهد حشى ما اخون









وسوالم

غلا بني كعب~..





يوم حانت ساعة اوداعي .. شفت عين الخل دماعه
قلت يالمضنون شالداعي .. قال ودي نسفر ارباعه
واختفى برهاني اوضاعي .. ظن عقلي قامت الساعه
 

غروگ و غيروگ

¬°•| عضو مميز |•°¬
إنضم
16 ديسمبر 2008
المشاركات
243
العمر
43
الإقامة
مـجـابـل الـدكـان
ما شااء الله عجييييييييب
صراحة كلمة ابداع شوية عليج
وااااااااااااايد خطير
و عيبني حيل
دام عزج الشيخة
و نرقب الزوود
خوج }
غروگ و غيروگ
 

ورده جوريه

¬°•| عضــو مــهــم|•°¬
إنضم
26 يونيو 2008
المشاركات
1,153
الإقامة
فـ طيبة الورد وطعنت أشواكه
ماء شاء الله عليج
بصراحه كلمات ولا اروع
::::::::::::::
:::::::::::::::::
وربي لا هانج
 

♦L♦

زعيم المبدعين
إنضم
27 أغسطس 2008
المشاركات
4,828
الإقامة
.♣In The Sadness♣.
النقد مفتوح بس خفوا علي تراني شويعره مب شاعره
انا أبصم بالعشرة أنج شاعرة مو شويعرة
.
انا شويعر بعدني توني في الطريق
.
شوفي هذا البيت انا كاتبنة هع
.
دمعة(ن)من عينها الغوالي×××تسوى الدنيا وكل هواها
.
مادري هذي الأيام ماكتب قصايد ×_×
.
الف الف شكر موضوع يتسحق مني النجوم الخمس
.
شو أجول الا أبداع بلا حدود
.
أحترامي الشديد ~_^
 

جرناس

¬°•| عضو مميز |•°¬
إنضم
22 نوفمبر 2008
المشاركات
243
الإقامة
مسقط العآمرة ~~~
بصراااااحة قمة في الإبدااااع ...

وكلمات رااائعة وطيبة منكــ ،،،


وأسلوب جميل في الطرح .... وأكثر من رااائع ...


وفاااااالكـ البيرق ...


رااااقت لي هذه الكلمات ...


البلا لا صرت تسال ش الجديد
والجديد انك نسيته من زمان
والبلا لا صارت
للماضي
تعيد
مفتقد
الاحساس
في بر الامان
الاهم همك على راس الصعيد
يتبعه خوفك وفقدك للحنان

تحيااااتي ،،، وأشكركـ ع الدعوة ...
 

حلوة مكحلة

¬°•| lمشرفة سابقة|•°¬
إنضم
6 نوفمبر 2008
المشاركات
2,271
الإقامة
وسط قلبين
مشالله عليج
تسلمين يالغالية
قمه ف ذوق والجمال
 

منى الروووح

¬°•| عضو مثالي |•°¬
إنضم
15 يونيو 2008
المشاركات
1,252
الإقامة
دوحة البريمي وسط العز سكناتي

اذكر اول وقت العصيره
لا عنولك وشربوا القهوه
ورحلوا مع غدوه الطيره
وطلبوا المعبود من عفوه

ماشاء الله عليج الصراحه ابداع في ابداع في ابداع
روووووعه
وعساج دوم ع الزود
كلهن كشوووخيه
 

إماراتيه عسل

¬°•| عضو فعّال |•°¬
إنضم
8 نوفمبر 2008
المشاركات
171
الإقامة
ثـرى زايـد( بين طيـوفه)
يا بحر بشكيك حرماني
والجرح في القلب حطيته
البلا من طبع عرباني
لي على هالروح بديته
اذكر انه دوم بكاني
والدمع ف العين ضميته
ما يسده دم شرياني
حتى لو ع الراس شليته
ذلني وانا عالي الشاني
يا حسافه يوم انا بغيته

/
\
/
\

لا طفت صوب ديار خلي
تشوف كني شخص محسود
اراقب السكه بتأني
واشوف لي بيروح ويعود
ولا اهجعوا العربان عني
دندنت له يا ناعم العود

/
\
/
\

ع العوق وربي ..

لا خلينا من هـ الابداع!
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,467
الإقامة
البريمي وين بعد
هممممممممممم


مزيج بين الواقع والقوافي


ووضع صورة تمثل كل بيت


علشان يروق للقارىء الابيات ويقراهن بيسر وسهولة


تسيق 10على 10

وزن الابيات 10 على 10


ووقت عرض الموضوع بعد 10 على 10


بصراحة ابداع بلا حدود

شكرا
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
غلا بني كعب


منذ بدايه دخولك للمنتدى


وانااا قد سجلت لك الأعجاااب


بمااا يخطه قلمك


درايش

موضوع جميل

ومزيج رايع من القوافي

استمتعت بالوقووف هنااا


في هذااا المتصفح


الأبدااع


عندمااا

يشار له بالبنان

لا تعجبي اخيتي

فاعلمي

بانك قد ابدعتي

وعندمااا اقوول بانك شاعره

فانتي شاعره


ابدعتي التنسيق


واختيار القوافي والصور

وعساج على القوه


سويره مرت من هنااا


احترامي لك



سويرة السعيدي
 

ابن الجنيبي

¬°•| عضو مبتدى |•°¬
إنضم
21 ديسمبر 2008
المشاركات
73
الإقامة
مسقط
حقا جميل ان اتحتي لعيني ان ترى جميلا ولا اذني ان تسمع جميلا ولاناملي ان تشرف بالرد على كل ماهو جميل

.... سلمت يمناك ايتها الرائغه
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
فكري خوي الهم والبال مشغول
والحال مايل والمسافه طويله
ما ادري
من
الي في ردى الحال مسئول
ولا اعرف متى يارب همي تشيله
مليت
اجمع
واحسب العرض والطول
وعييت اطرح دمع من دون
حيله



بصراحه وقفت على الأبيات أكثر من 10 دقايق أعيد و أقراء ...
مذهله الأبيات يعطيج ألف عافيه تعودنا ع إبداعج ...
صح لسانج ...
 

ولد شيوخ

¬°•| عضو مميز |•°¬
إنضم
12 سبتمبر 2008
المشاركات
349
العمر
39
الإقامة
العين دار الزين
لو تعرف شلون حاربت الصبر
جان ما رديت من نص الطريق

وربي كلمة مبدعه شويه علييييج

بصراحه انتي قمة فالابداع

وربي لا يحرمنا من هالكلام وهالمواضيع
 

~آللهم آغفر لي ولوآلدي~

¬°•| شيبت أنا قبل المشيب |•°¬
إنضم
23 نوفمبر 2008
المشاركات
2,163
2L364896.jpg


ديني وامي والدمع وبلادي
ما يهونن لو علي روحي تهون
وارثه هالدرس من سالف جدادي
صاينه للعهد حشى ما اخون


ابدعتي ...ابدعتي ... ابدعتي

كان زين كل يومين تفتحين الدرايش :)

تسلم يمناج عزيزتي وعساج على القوة

في إنتظار يديدج الرائع

دمتي بود

:):)
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
ما شااء الله عجييييييييب
صراحة كلمة ابداع شوية عليج
وااااااااااااايد خطير
و عيبني حيل
دام عزج الشيخة
و نرقب الزوود
خوج }
غروگ و غيروگ


تسلم ياخوي وهذا من ذوقك
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD

انا أبصم بالعشرة أنج شاعرة مو شويعرة
.
انا شويعر بعدني توني في الطريق
.
شوفي هذا البيت انا كاتبنة هع
.
دمعة(ن)من عينها الغوالي×××تسوى الدنيا وكل هواها
.
مادري هذي الأيام ماكتب قصايد ×_×
.
الف الف شكر موضوع يتسحق مني النجوم الخمس
.
شو أجول الا أبداع بلا حدود
.
أحترامي الشديد ~_^


تسلم ياخوي وماعليك زود وربي لا هانك ع ما قلت وع الطله والمرور والرد
 
أعلى