منو المسؤول نحن ولا البلدية ولامنو

الموضوع في 'مركز أخبَار وقَضَايَا مُحـَافَظة البـُريمِي' بواسطة سكتون, بتاريخ ‏23 ديسمبر 2008.

  1. سكتون

    سكتون ¬°•| عضو مبتدى |•°¬

    السلام عليكم ورحمة الله وبركاته

    اخواني اعضاء وزوار منتدى محافضة البريمي الكرام

    تحية طيبة وبعد ،،،


    السموحة منكم لان صار لي فترة طويلة ماوضعت مواضيع في المنتدى

    واكتفيت بمشاهدة مواضيع لاعضاء الكرام ولم اقم بالرد عليهم لاني حسيت ان بعض لاعضاء ماخ>ين موقف مني

    بسبب موضوع طرحته في المنتدى


    اليوم رجعت ويايب لكم موضوع اتمنى ان تفاعل معه لرقي محافضتنا الكريمة " البريمي "

    من منا مايحب البر
    اضن نادر مايكون في واحد مايحب البر ومايحب طلعة البر
    يقول الشاعر
    البر يشرح كل صدر ويقلب الضيقة سرور ... وانا لجيته يمر الوقت محسب له حساب
    انا بتكلم عن البر وبطرق من بعد الكلام عن البر وقضية البر الى قضية اخرى

    انا من الناس اللي يحب يطلع للبر

    واحب اقيل واجلس في السيوح

    لكن بعد كل جلسة اقوم وانظف المهملات اللي رميتها واجمعها واحرقها

    لكن للاسف في من الناس هداهم الله بعد مايخلصون من لاكل ويخلصون من وناستهم ركبوا سيايرهم وخلوا كل شي وراهم

    وتهب المهب وتنثر هلاوصاخ على كبر هالسيح

    ني نبى نيلس بالله يالله بالغصب وبظهرة الروح نلقى مكان نظيف نيلس فيه

    انا وممن هالمنبر

    اتمنى من اي واحد ييلس يتخلص من مهملاته بالطريقة السليمة

    والوم كل واحد قام وخلى الوصخ مكانه

    واللوم لكبر على البلدية والبيئة اللي للاسف مانشوف منها غير الشعارات نظافة ونظافة ومانشوف من اعمالهم شي

    اتفضلوا وشوفوا الجري ووصاخته

    [​IMG]

    [​IMG]

    وشو رايكم نروح جدا الواديين ونشوف الوصاخة على اصولها

    [​IMG]

    عارف ان البعض يقول ه>ي سيوح بعيده والبلدية مب ملزومة بها

    انا اقول البلدية ملزومة بنظافة كل شبر من المحافضة وبعدين هالسيوح ماكنا نشوف هلاوصاخ فيها قبل لان البلدية كانت مهتمة ونشيطة اما اليوم اشوفها نايمة

    بنقول ماعليه هالسيوح بعيده

    شو رايكم نتقرب على المدينة شوي

    ونشوف لغريفة على بعد نص كيلو تقريبا عن الشارع اواقل مقابل جدار الدفاع من الشرق انا مابقولكم شوفوا بعيونكم

    [​IMG]
    مقبرة غراش
    [​IMG]
    سمرة العربدة
    شو رايكم نسير رملة حماسة ونلف لفة نشوف الرمل

    ونحن يايين من بر حماسة سايرين جدا االمنتجع بنلقى دوار شورايكم ناخ> الدوار يسار ونلف من اول لفة على ايدنا اليمين
    وبعدها ناخ> يمين
    ونشوف

    [​IMG]

    [​IMG]

    عجيبة هالصورة مطله على المنتجع اضن الغراش واضحة واشرطة الحبوب واضحة بعد

    وعندي غير هالصور وللي يبى يتاكد يسير روحه ويشوف

    للاسف الشديد البريمي صارة وصخة بشكل مادي ومعنوي

    صارت وكر للعربده والفساد


    الحين نبى نعرف لاهمال من عند منو

    لاهمال من قبلنا نحن اللي الواجب علينا انحافظ على النظافة

    ولا الاهمال من البلدية والبيئة اللي يرددون الشعارات ومايعملوبها

    ولا الاهمال من الشرطة اللي الواجب عليها مكافحة الفساد وماعنهم غير مخالفة المخفي والحزام


    قولولي انتوا منو
     
  2. زهرالصباح

    زهرالصباح ¬°•| عضو مميز |•°¬

    بصراحة منظر لا تعليق

    وبعدين الشرطة والبلدية داخل المدينة نفسها مقصرين كيف عاد السيوح الحل إتصال واحد بوزارة البلدية واتصال واحد لقيادة الشرطة في مسقط وتخبرهم عن كل شي وتراويهم الصور صدقني بيسوون اللازم
     
  3. طبيب الحب

    طبيب الحب ¬°•| عضو مميز |•°¬


    والله انا اقول الي يظهر م السيح يلقط الوسخ الي سواها و يحرقه لان انا اشوفه م الصعب ان البلديه توصل هناك

    اما ف المناطق القريبه مثل الغريفه هاااي منطقه الحين استوت سكنيه و ناس عايشين عليها ف انا اشوف ان ه المنطقه البلديه مسوله عنها و الناس الي ساكنين هناااااااك
     
  4. سكتون

    سكتون ¬°•| عضو مبتدى |•°¬

    ادري بيسووون االازم

    لكن انا فرد وايد وحده ماتصفق

    عشان جي عرضت الموضوع في المنتدى عشان تفاعلون وياه ونعرف منو المسؤول
     
  5. سكتون

    سكتون ¬°•| عضو مبتدى |•°¬

    طبيب الحب تسلم ع المرور

    احب اقولك نحن وغيرنا بعد اليلسة حرقنا الوصخ ورحنا

    لكن في غيرنا وايدين خلو وصخهم وراحوا عنه

    انا مابريهم لكن الوم البلدية في نفس الوقت

    المفروض ينظفون هالسيوح قبل كانت سيوح البريمي ينظرب بها الوصف بالنظافة

    لكن بلدية البريمي رقدت

    بالنسبة للغريفة

    سكان المنطقة بينظفون جدام بيوتهم والباقي بعد نلزمهم به

    ع العموم تسلم ع المرور
     
  6. زهرالصباح

    زهرالصباح ¬°•| عضو مميز |•°¬

    هو اتصال واحد وبس
    بصراحة عندك الجرأة في طرح الموظوع وأتمنى تكون عندك نفس الجرأة بالإتصال بالجهات المعنية ونحن بعد ما بنقصر تراها مكالمة وحدة وعسى توصل المشكلة للمسؤولين عشان نحصل الحل
     
  7. السَعيدي

    السَعيدي <font color="#ff0000">¬°•| إداري سابق|•°¬</span></



    هالرسالة لازم توجة لاصحاب النفوس الميته
    الي يرمون هالمخلفات في هالاماكن

    هذي ثقافة مجتمع

    البلدية مسئوله لكن ليش ما نكون نحن كلنا بلدية
    ليش ما نكون شعب مثقف يعرف الصح والغلط

    المسئول الاول هو المواطن نفسة

    شكرا لك اخوي على طرحك المميز

     
  8. المجهول

    المجهول ¬°•| عضــو مــهــم|•°¬

    شكر أخي على اهتمامك
    وهذا ان دل دل على وعيك وحرصك على بيئتك
    بارك الله فيك
     
  9. nobalahmed

    nobalahmed ¬°•| عضو فعّال |•°¬

    انا الصراحه كنت ناوي اطرح موضوع شبيه موضوعك وقريب منه قلنا السيوح والبلديه مب قادره تحتويها بس انا اللي اشوفه ان البلديه مهمله في المدينه ما في حد يرش عن الحشرات والذباب منتشر بشكل كبير والحين اشوف ضاهره ثانيه وهي الكلاب السايبه اللي كلها امراض ومنتشره بشكل كبير في البريمي بين البيوت والحواري
     
  10. سكتون

    سكتون ¬°•| عضو مبتدى |•°¬

    قتلج ايد وحده ماتصفق
     
  11. سكتون

    سكتون ¬°•| عضو مبتدى |•°¬


    تسلم على مرورك اخوي

    لكن البلدية هي اللي في الصورة انا وياك ان المواطن مسؤول ومسؤليته كبيرة

    لكن نبى نشوف دور البلدية اللي محطوطه ومخصصة لها الشي
     
  12. سكتون

    سكتون ¬°•| عضو مبتدى |•°¬

    تسلم على المرور اخوي

    هذا واجب
     
  13. سكتون

    سكتون ¬°•| عضو مبتدى |•°¬

    الله يعينا ويرحمنا

    بلادنا غادية من الوضخ مايحتاي اكمل
     
  14. آل عزان

    آل عزان موقوف

    الحين انته سرت البر انزين كلت وخلصت
    واستمتعت فمن السلوك الحظاري انك
    تنظف البقعه اللي كنت يالس فيها
    وانا اقول المسئووول المواطن
    البلدية مب مسئووووله لو كانت البلدية
    مسئوووله .. فجاوبوني البلدية تنظف هنا
    وايي مواطن آخر مع اسرته غير مثقف
    جاهل فيخرب و يجعل المكان اللي يالس فيه
    جنه درام والدرام انظف عن هالمكان
    فالبلدية تنظف هنا وايي مواطن ويوسخ هنا
    فأنا اقول البلدية مب متفيجه تنظف اوساخ الجهله
    ولكن فمكان مثل الغريفة فالبلديه والمواطن
    مشتركين فجريمة توسيخ المكان

    ولو بنقول وبنتجلم فهذا الموضوع
    ما بنسوي شيء

    لأنه بعض الناس جهله وغير واعيه

    ومشكووور اخوي ع الطرح مثل هذا الموضوع
     
    آخر تعديل: ‏6 يناير 2009

مشاركة هذه الصفحة