:ஐ--;|,{ درٍآيَشً حٍّيَآتْيَ},|;--: ஐ

الموضوع في ',, البُريمِي لـ/ يوميات الأعضاء' بواسطة غٌَ ـلآ بُنٍيً گـ عُ ــبُ, بتاريخ ‏7 ديسمبر 2008.

حالة الموضوع:
مغلق
  1. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    {...סּـــدخــJ
    تَقديرْ: يا عُمر السنينْ ولهفةْ الماضي القديم !

    تقدير : يا ليل العنا من واقع ٍ أزرى .. ينوبْ !

    مِن فكرةٍ شحّتْ على دار المشاعر و.. الصميمْ !

    عيّت على قطع الخبر من صمتها اللي ما يذوب !

    يا ديرتي طاحْ المطر- ماكان يروي بك .. عقيمْ !

    ياديرتي صَبْ المطر فوق المواجيعْ - .. القلوبْ !
    وأنتي وأنا يا ديرتي .. نعزف .. مِن أضلعنا .. هشيمْ !

    وتبلّنا كِل الصوّر ( تحرير) و ( أشباه ) و ( حروب) !

    [​IMG]






    صبــــــــــاكم/ مساكم ورد:imuae40:






    تصدقون ما ادري ليش اليوم ليش قررت ان يكون لي يوميات [​IMG]

    يعني تقدرون تقولون ان في فحياتي اشياء مهمه وتستاهلن ان الواحد يواشئ<< اقصد يعلم بهن[​IMG]



    Let us go [​IMG]

    نك نيمي: غلا بني كعب< ادري تبون تعرفون اسمي لكن موتوا قهر ما بقول

    تاريخ الميلاد: 30\9\1987

    الوظيفه: اداريه
    المؤهل البطيخي: بكالوريس, اداره اعمال , ماليه وتسويق

    الهوايات: الشعر \ الطبخ \ التصميم \ الحوامه[​IMG]

    شخصيتي: صعب ان نقول شخصيتنا لان المفروض ان الناس يحكمون علينا بس انا اقدر اقول اني ع الدقه يعني لو حد زودها اصيح ما عليكم من طوله لساني واني مقوي هيه والله محد يتسبب لي الا اكله بلساني
    يقولون اني مغروره بس والله مب غرور كثر ما هو ثقه يعني مثلا لو مريت وسمعت حد يرمس عني وكنت اعرف ان الكلام عني طبعي ما اللتفت يعني ع قولتهم وعزكم الله " وش على السحاب من نبيح الكلاب"
    ما احب اصيح جدام حد اوني عاد عشان اكون قويه جدامهم[​IMG]
    طيبه ويا الكل بس لحد يدوس لي ع طرف ليلعن الساعه الي فكر يسوي جذا فيه
    ما احب اعتذر عسب جي اتجنب اني ازعل حد مني

    نقطه ضعفي: دمعه امي

    طموحي: اني اكون يعني اكون شئ مهم

    ترتيبي بين اخواني: اخر العنقود<< سوو لي زوم لو سمحتوا ع هالكلمه وتوصوا فيها
    الانطعاز اقصد الاكل الي احبه: ماشئ ما احبه الا الماكولات البحريه ما احب اكلهن يعني ما احب اغشش:imuae70:

    اصكيكائي: اولهم رثام ربي لا يحرمني منها :banana:[​IMG]
    ام شهاب فديتها -نونو- عبير الورد- دلع بني كعب- يا ويلي لحد ينسى هيه صح والبطه كنوز حشوم ويزوي والمزن وباقي الصبايا ولحد يزعل ومنوه الروح وجاري البحث عن الباقيين[​IMG]


    تابعوا حياتي ويومياتي هني:ast7y:
     
    آخر تعديل: ‏29 مارس 2011
  2. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬







    بــــــــــــــــــــــ:patch_music1:ـــــــــــــــاك





    امممممممممممممم خلونا نرد ريوس شوي ونبدا من امس امس الله يسلمكم امي كرفتني كراف يعني تقدرون تقولون ما يسوى علينا هالاجازه الي معطايين اياها

    نشيت الصبح ولقيت المدخن يعجور فالصاله قمت وتدخنت<< مستويه حرمه

    الا وايلس افرفر في هالتيلفزون واشوف وحده داشه بشنطه هالكبر

    لا تستغربون تراها شنطه نسائيه كانت الاخت دلع بني كعب قعدت ويايه وتمت اتوحه علي ع قوله امي من حاروت وباروت ما ادري شو معناتها بس هي دوم جي تقول

    هالبنت طلعن عندها وايد خراريف خبرتني شو سويت يوم راحوا البدع وشوف استوى وشو سوت فلانه وكم انها مقهوره من علانه وجان انتم نقرض قرض خساره ذيج الجمعه والحسنات الي بنيمعهن

    يات ام سعود وام منصور خواتي وكملن الحفله

    طاف الوقت وخلاف دشينا المطبخ واسويلكم ذيج الكيكه الغاويه ياغير ان يوم عندك ملاقيف فالبيت انا مسويتنها امي تباها فواله حق عرب وكلوها رجعت سويت كيك قوالب وفطاير وام علي وامي فديتها سوت فريد خلصنا ع المغرب عقبها تيلسنا شوي وع الليل رحت نوصل دلع بيتهم وجان نطلع الشله المشتله كلها انا وام سعيد هي تسوق بنا وام منصور الي اونها المفروض تكون العاقل امحق اونهن حريم معرسات الا العقل زينه << لحد يخبر بعطيه حلاوه


    وجان انتم نحقص قبل دق علينا نشرب شئ حار رحنا كوفي فالمويجي في خشه محد يدله واحلى شئ ان خذ الكوفي تيك اويه

    سايره ويا حريم روسهن يابسه اقولهن خلنا ع دانكن دونت ع الاقل نعرفه الا ها الغش ما نعرفه تمت دلع تمدحلهن اياه عقب قالت لهن سيرن مطعم راشد علي امحق من اختيار خذينا وطلع الكوفي مب غاوي لو مسويتلهن اياه فالبيت ابرك

    سرنا وجان نلقى بابهم يفتح روحه رديت ع وراى وسويت اكشن شوي جان اقول اعوذ بالله سبحانك يارب
    وبدون ما اقصد هن قعدن يضحكن كأنه ديايه عند بدو اونه يالسه ارويهن كيف ان واحد مب متحضر يشوف باب الكتروني
    ويوم صديت لقيت واحد ميت من الضحك طالع من محل هناك شافنا وهز راسه قال شو هالمخبل

    تعالوا شووفوا شو قعدنا ننطعز

    [​IMG]


    [​IMG]


    [​IMG]


    [​IMG]


    [​IMG]

    كاميرة دلع فديتها كانت يالسه مجابلتني وصورتها:patch_swit:


    ما ادري ليش وايد تمينا نصور تحمسنا يمكن لان المكان فاضي وما فيه غيرنا

    خلاف رحنا وصلنا دلع بيتهم ويطلع اخوها من السياره قالت قوم امي ما يوو والحين بتروح توديني مبزره نهيت انا وياك

    قال لها يالله تمينا نحن نقنعه يوديها لان لازم نرد البريمي قبل لا يسكرون علينا الضفه الغربيه

    ونحن طالعين وصلنا عند الدوار وجان يفتح الدريشه والله طلع هالريال خربان مشغل حق البنت معلايه وهي يالسه تصفق
    كنا نحن مشغلين رابح وطولنا اونه حركات شباب هو كان عنده كاديلاك ونحن بنات والغميضه في نيسان فتك لا بعد مرفع وشافنا واحد راعي فتك وع باله ان نزامط وتم ينفل علينا قام ولد خالوه دخل بينا وبينه عسب يخلينا نلف ونروح

    هاي مغامرتنا امس ورديتنا البيت ونحن مخابيل طبعا هم لفوا عنا عسب يروحون مبزره ونحن ردينا البيت

    برب طشونه
     
  3. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    تصدقون عز الله برقد اليوم خواتي يايبات فلبينيه تعدلهن والغميضه حاطتنها عندي في الغرفه وللحين ما خلصت اسميها ونيه يعني عز الله خلصنا اليوم وعز الله رقدنا
     
  4. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    عــــــــــــدنا[​IMG]


    هذي هي الحياة هياته في هياته [​IMG]


    امس ما حدرت لاني راده البيت الساعه 12 [​IMG]

    شوفوا الله يسلمكم طبعا البارحه ذبحوا الذبايح حق الشوي تولفنا كلنا عاد خلوني انا وام منصور نملح اللحم الله لا يراويكم والله خبلنا بامي حسيت شوي وبتطردنا لكن عارفه انها محتايتلنا

    الغميضه ام منصور ما طلعت رقتها ونعومتها الا ع الذبايح مب جنها تملحهن الي يشوفها يقول هاي يالسه تسويلهن مساج [​IMG]وجان تعصب عليها امي وتميت اضحك وخلاف انا بعد انهزبت وياها [​IMG]

    تمت امي تقطع اللحم واكتشفت الجريمه الشنيعه :patch_mechan:الي اهتزت لها ارجاء الوسط الفني << اي فني خلج ف الموضوع

    هيه صح تعرفون شو اكتشفت

    ان الذبايح 2 والكلوي الي لقتهن 3 << يعني وين راحت الــرابعه[​IMG]


    وجان تعصب قالت والله انه راعي المقصب سارقنكم:patch_no: وانتوا ساكتين تموا اخواني وابوي يطالعونها ويضحكون جان يرد عليها بو غنيم ويقول لها لا امي ها متبرعبها << وجان اضحك:patch_lf:

    طالعته بنص عين فهم عقبها هو السالفه:patch_punnch:

    خلصنا قريب المغرب ومن الـــ[​IMG] ياني صدع حتى عيني ما رمت افتحها

    حلو كان كله سوالف وضحك << الله لا فرقنا ان شاء الله

    عقب المغرب جان تشور علينا ام سعود نظهر قالت بشلكن كلكن ما فيه ارد البيت حليلها اختي الي اكبر مني كان عليها دوام night يعني توهقت ومنا تبا تروح تهيت ويانا

    جان تشور عليها ام سعود تشل خريطتها مالت الدوام وتسير ويانا ولا يا الوقت بنتوحها هناك وبنرد:patch_mechan:

    شلت ام سعود بنتها ميروه ام لسانين ونص ويانا لانها عارفه انها مصدر الطاقه لاخوانها ودامها بعيد عنهم يعني البيت هادي [​IMG]

    كانت في بدايه الطلعه حشيم لكن من اشتغل المسجل قررت تخربها واتم ترقص<< مب الا الام حتى البنت طلعت رايحه فيها[​IMG]

    سرنا صوب كارفور ونعم انه زحمه كان محد يصدق انه يلقى باركن يعني " قدم ليه واكسر له صيمه"<< علني فدا بني كعب بيفهمونها

    انقسمنا قسمين اختي الي اكبر مني وام منصور راحن المحلات وانا وام سعود رحنا الجمعيه وما خلينا شئ ما خذينها لا بعد نشتري ع فاقه ولا جنه شئ زحمه

    وجان تسوي ام سعود حركه بهلوانيه
    بيني وبينكم شكيت انها وافده

    كانت تشتري بجامات حق بنتها روضوه الدبه وبما انها دبه لازم تاخذ لها شئ اكبر من سنها طبعا القميص لازم يكون اكبر من البنطلون فهي وبكل ذكاء رحت روحها تركب البجامات ع بعض وتحطهن في الخريطه اونها عاد هي جي شارتنهن ومشغله بنتها ميره برج مراقبه وانا واقفه اطمش عليهن [​IMG]

    عقب سرنا صوب الانطعاز وما خلينا حلاوه ما خذيناها:patch_swit:


    طبعا الي يعرفني بيعرف اني مدمنه ع هالحلاوه:patch_balon:

    [​IMG]


    خلها اتم في فوادكم ما بعطيكم:patch_mechan: والله انه طعمها رهيب



    then

    هتنا وهتنا في السوق وجان نروح مكان وقفنا السيارة ودخلنا ويوم طلعنا ما طاعت تشتغل السياره

    شكلها عين وما صلت ع النبي والله ان ما كان فيها شئ الا اني مستغربه شقايل ع قوله ابويه فديته شكلها البطاريه احترقت[​IMG]

    الا شو حرقها ما ادري [​IMG]المهم وما قصروا خوان شمه دقينا حقهم ووصل بو سعيد قبل وسرنا وياه وخلينا السياره عسب يودونها الصناعيه

    الغريب فالموضوع ان قبل لا نلطع امي موصتنا نشتري لها بيض وانا من اشتريت البيض ما احاتي روحي كثر البيض الا بيض امي لا ينكسر وخوزوا عن البيض

    وهن يقوللي حشى مب بيض اخرتها بيتكسر الا من صدعج

    رجعنا البيت وقعدت احني البنت يعني ع قد حالي مب ذاك الحنه

    رقدت الساعه 4 صح اليوم كله كان حلو بس اخرتها طاح كله ع ظهري حسيت بضيج

    انش لكم ع حشره العيال حشى ما يحشمون اونهم معيدين في البريمي ومناك معيدين اليوم اندوكم انتوا سمعوا شقايل

    قاموا تلبسوا وراحوا ويا ابوهم عند اهله

    محلات البيت من غير حشره بس كان ودي انش اصفق سيفوه ع الحشره الي مسوينها


    برب حتى اشعار اخر[​IMG]
     
  5. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    باك طشونه


    يالس حذالي بو مييد

    توه راد من الحلاق يالس يراويني تيلفونه قالي شوفي شو لقينا انا وبوعوف ونحن راديين الحلاق


    [​IMG]


    اونه لقوا بتان طاعوا شو مسوين فالبهيمه لو ولده ماعدله جذة​
     
  6. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    نحـــــــــاسه×نحــــــــــاسه= هبل+خبال+جنون<< معادله صعبه

    [​IMG]


    هذا عنوان يومياتي اليوم[​IMG]


    اولا عيدكم مبارك وعساكم من العايدين والسالمين[​IMG]


    تعالوا هبشوا من فوالتنا[​IMG]

    [​IMG]



    اليوم الله يسلمكن تهاضلنا علينا افواج غفيره من كل حد وبد طبعا تعرفون سلام العيد [​IMG]خلصنا الشوط الاول عقب صلاه العصر


    طبعا طلعوا الوخايف من التنور يالبيه والله انه يهلع قسم بالله طحت ع راسي

    [​IMG]

    next

    خلنا من الـــ Details

    ع الساعه 9 ونص قالت لنا ام سعيد نروح نتحنى طلعنا انا وهي وام منصور والدبه koko[​IMG]

    مع انه كنا داقيين قبل وقالوا فاتحين والطامه الكبرى يوم وصلنا هناك قالت مسودة الويه "خلاص الحين في سكر"

    سكروا عليها في طوي[​IMG]

    عفاني الله كل الصوالين مقفلات قررت وشرت عليهن نروح ننطعز بحكم اني لا متريقه ولا متغديه قالنا من وين تبين

    قلت برجر king


    [​IMG]

    رحنا وطلبنا وانطعزنا [​IMG]عقب قلنا ما بنرد البيت وقررنا نروح





















































































    [​IMG]
















    شوفوا الفضول:patch_mechan:






























































    بس عاد رحنا المبزره











    برب امي تباني للحديث بقيه
     
  7. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬



    [​IMG]


    رحنا المبزره ونحن مستطربات ويوم وصلنا اكتشفنا










































    ان المبزره مسكره [​IMG]اليوم ما ادري شو حالبهم يوم اقول لكم نحاسه حاله علينا [​IMG]
























    رجعنا ادراجنا وانا اسمع اغنيه هند وكلي غصه[​IMG]

    ابيه يشوف وش سوى بي غيابه حرة قلبي وعذابه
    تمر ايام تبكى عيوني لحالي بعد فراقه ليالي
    عليم الله بعده زود جروحي زود همي بروحي
    متى بيعود ويفرح قلبي ويصدق مره بوعوده
    كفايه غياب وارجع لي ياحبيبي اطفي ناري ولهيبي<< شو يخصه


    هيه ادري انه ما يخصه [​IMG]بس احبها والله انها ربشه


    انزين ما علينا قررنا نتهور شوي تدرون وين رحنا[​IMG]













    بمعني اصح خربناها بس الي يشوف بليز لا يخبر علينا




















    [​IMG]


    [​IMG]


    تعرفون شو طلبنا براتا سكر وشاي كراك ونسكافيه حق خويتكم او محدثتكم المتطوره





    وعقب ردينا البيت ونحن يايين في واحد فلبيني غبي [​IMG]<< متاكده ان محد منهم فالمنتدى ولا ما بتسب[​IMG]

    كان واقف عند عبور المشاه ويوم شافنا تقربنا عفد وجان تضرب ام سعود بريك[​IMG] نعم اني شوي واخاشم الجامه الي جدام من الفضول احب اعفد فالنص عشان اكون ع استطلاع لكل شئ


    المهم هي من الغيضه بغت تسبه لكن ما طلع ع لسانها الا كلمه " اجينا موتوا"



    قسم بالله تميت ارافس من الضحك تدرون شو معناتها



















    [​IMG]




    [​IMG]



    [​IMG]







    [​IMG]










    ها نوع ملح او مطري للحلم بلغتهم



    ما رمنا نرمس من كثر ما نضحك قلنا لها وايد اهنتيه بصراحه



    ونحن راجعين مسكين الشرطي ياشر لها تسكر ليتاتها عند المركز والاخت طناش ومن كثر ما ياشر لها طاح تيلفونه


    احلف انه عوره بطنه [​IMG]ع التيلفون بس اونه جدامنا ما يبا يبين ما عليكم منه انا ادريبه<< وانتي شو دراج صدق انج كذوب



    المهم يوم تقرينا حذالها قالت له اختي السموحه منك نحن السبب


    مسود الويه[​IMG]<< لحد يخبره


    قال هيه انتي عشيتينا عسب جي طاح التيلفون والله انه كذاب الا هو فاج ولا ما بيتوحه


    لا بعد يوم خطفنا عليه جان تقول من زين التيلفون الا بـــ 350 درهم



    ها الي صار اليوم


    توته توته خلصت الحتوته << ما يسدج


    تصبحون ع خير ولنا عوده

    [​IMG]
     
  8. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    [​IMG]



    [​IMG]


    [​IMG]


    مادحين الزين مكثرهم في غيابك مدحهم وايد

    تدخل الساحه وتجبرهم يزقرونك حظرة القايد

    حتى قمة اشهرهم نافسوك ولا لقوا فايد

    كبرك حسنك وصبرهم زيد على الزينات يازايـــــــد [​IMG]





    [​IMG]قويتوا



    البارحه ع الساعه 1 ونص فالليل قابضين خط دبي العين[​IMG] وانا اسمع عيضه يا لبيه والله زين ما قمت ايبس [​IMG]يا غير اني سرحت في الاغنيه[​IMG]



    والله السيره هاي دمار كلنا بنات ومحد غير اخوي ريال ويانا يعني خربناها [​IMG]


    بس احس اني وايد كليت امس [​IMG]


    شكلي بخلي امي تسويلي حلول [​IMG]



    ما فيني اكتب لان الي استوي وايد يكفيكم جي عن امس وعن الفضول بنشوف الاكشن الي بيستوي اليوم







































    اووووووووووووووووووووووبس صح اليوم وراي حوامه بطول يومين شوي يعني برب ليومين[​IMG]
     
  9. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    تصدقون اول مره اللحظ[​IMG] ان في كل مشاركه او يومياتي لزم يكون في السالفه اكل يعني صدق اني بطينيه[​IMG]
     
  10. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    /

    [​IMG]

    \
    /
    \
    /
    \
    /
    /
    \
    /
    \
    /
    \
    /
    /
    \
    /
    \
    /
    \
    /














































    الحب ذل الوصل عار لا صار تاليها هـوان

    ياللي تقول أخبارك أخباري بـدون مجاملـة

    زعلان منك اي نعم زعلان من شهر رمضان

    ما تشوف جرحي لي ثمان شهور وانا حامله

    رغم قساوة جرحك بقلبي لكن قلبي ما خـان

    يصحى الى منه صحى وان نام جرك نام لـه

    فتنتني لين اكتشفت ان اكثـر الحـب افتتـان

    واتعبت من مسك القلـم كـف تجيـد اناملـه


    :patch_music:<<< قاعده تسمعها الحين




    انتو هني



    ولهيت عليكم [​IMG]



    تعالوا اخبركم شو استوي طبعا انا قلت لكم بغيب عنكم يومين


    وجان ارجع [​IMG]ويوم رجعت بقول لكم امس شو استوي



    امس كنت ويا رثام ودلع وام سعيد وام منصور تعشينا ويا بعض وخربناها شوي


    قسم بالله انهن اكيلات صينيه قرضن قراض ما خلن شئ ما كلنه





    قبل طلعنا انا ورثام سرنا السوق[​IMG] وجان تتصل امي وتسمعني ذاك الكلام الغاوي وقالت اذا ما ردت تتعشى عدنا لزعل عليها[​IMG] فرجعت رثام وهي طبعا كانت مفكره انها تعزم الشله كلها فقررنا انها تاكل شوي عسب امي ما تزعل


    يا حليلها كلت وانا كليت اكثر منها وهن يقولون لي بسج وراج اكل بعدج

    فديتها امي كانت موصيتنهم يسوون لها مشاكيك لانها تحبهن

    [​IMG]


    بعد ما كلينا انطلقنا للمرحله الثانيه

    طبعا رثام ما قصرت والبطينيات كلن لين ما عن ضلعهن شوفوا شو كلينا

    [​IMG]

    طبعا هني المقبلات وشوفوا شو محلاتهن قبل لا يطوف عليه الجراد[​IMG]





    وبعد برهه من الزمن طبعا اخر يد كانت مشلوله عن الاكل ايد دلع

    [​IMG]

    طافن الجراد ولعبن لعايبهن:patch_balon:


    ووسط الحديث والاكل تطل علينا دلع بني كعب بشنطتها هع هع هع هع


    [​IMG]

    يايبه شنطه المدرسه وياها








    اما التحليه ولا اروع[​IMG]





    [​IMG]


    [​IMG]


    [​IMG]


    [​IMG]


    وجان انخلص وكل حد راح في حال سبيله





    ادري في خواطركم تقولون كل حياتي اكل


    يالله شو نسوي[​IMG]

    [​IMG]

    تصدقون اليوم وايد ضيج[​IMG] خلصت الاجازه وباجر دوام



    برب حتي اشعار اخر [​IMG]
     
    آخر تعديل: ‏13 ديسمبر 2008
  11. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    للاستفسار [​IMG]والاستهبال وطرح أرائكم واقتراحاتكم [​IMG]عن يومياتي الرجاء رفس[​IMG] رساله على الملف الشخصي او الرسائل الخاصه


    شكرا لتعاونكم[​IMG]
     
  12. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬




    اليوم الله يسلمكم استقيظت صباحا [​IMG]<<< يا لبيه ع العربي

    ثم نهضت من على الشبريه بسبب اتصال مزعج من احدى البنات [​IMG]

    وجان يطير من عيوني النوم ولم يطيع انه اييني مره ثانيه فقمت واتصلت حق بوهله وقلت له تعال ود البروجيكت مالي يسووله تغليف

    ومن ثم هزبت الخدامه لانها دخلت وطلعت وخلت الباب طلق:patch_sante:<<< سير عليه

    رحت الجامعه ع الساعه 1 ونص لقيت ربيعاتي طبعا طاح خدي من كثر ما اسلم حشى مب اسبوعين خلاف قعدن ينبشن ويشوفن حناي ياغير اني اخاف ايدييه يحترقن منهن اونه عايبنهن الحنى دخلنا الكلاس وتم الدكتور يشرح ويشرح بس تصدقون شكله مكثر من الاكل لانه كان سرواله يطيح وكل حين يحيسه ويرفعه هع هع هع هع [​IMG]


    تخيلو شاده حيلي مزهبه البروجيكت والبرزنتيشن يا غير انه قال هاتوه باجر والله انه بط جبدي وبغيت ارقعه ع راسه
    [​IMG]

    الكلاس كله راقد فاقترح انه يطلعنا بريك عسب نتنشط[​IMG]

    طلعنا كلنا الشله وسرنا جدا الماك والله لا يراويكم كل وحده طلبت وراحن يرتزعن وتاحن الحساب علي[​IMG] <<< للحين يعورها بطنها ع البيزات الي دفعنهن

    لا بعد ما طلبن سندويشات دورن الاكل الغالي وطلبنه [​IMG]<< بيظربهن بطن منها

    رجعنا الكلاس متاخرين وكالعاده انهزبنا[​IMG] طبعا انا قصيت عليهن قلت لهن ان الباشميل خيست عباتي وسرت اغسله[​IMG] والهزاب طاح عليهن وانا ييت ع الاخر

    رجعت البيت ع الساعه ست الا ربع صليت ورمست [​IMG]منوه الروح فديتها والله وحشتني البطه [​IMG]تمينا نسولف

    رمست رثام حبيبتي[​IMG] من عقبها رحت كليت تفاحه << تفاحه كل يوم تغنيك عن الذهاب لــ الدكتور << امحق ما كلتها الا لان شكلها مغري:patch_balon:

    قررت اكتب لكم اليوميات ومن عقبها اخلص الاسايمنت الي المفروض اسلمه يوم الثلاثاء بس بخلصه الحين لان ما عندي وقت باجر :patch_swit:

    لاني بخلص الساعه 8 ونص بالليل ولين ما ارد البيت خلاص بكون هلكانه والله يعين


    لي عوده في القريب العاجل انتظرونا
     
  13. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    [​IMG]



    اليوم استلمت رساله من الاخ جرناس


    استانست وايد لانه يتابع يومياتي ويتريا الجديد


    بعد نهايه فديتها طرشت لي رساله ع الملف الشخصي

    [​IMG]

    فالج طيب فالمرات اليايه
     
  14. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    اليوم مافي اكشن يديد بس تصدقون فيني ضيج مب طبيعي وربي الشاهد

    اليوم عطونا اوراق الامتحان تخيلوا ان اني اغشش كمن بنت واخر شئ درجاتهن اعلى عن درجتي وانا متاكده ان حلي صح


    كل ها ليش ؟

    لان الدكتور ما فيه يصحح بضمير والبنات في الكلاس وايدات فقرر انه يسوي منحنى قلت له ما ابا شئ منك بس اباك تقنعني شو الغلط الي عندي

    تم ساكت الهندي

    قلت له حسبي الله عليك ونعم الوكيل

    ما احسدهن ع درجاتهن الله يهنيهن بس القهر ان الي ما تحضر والي من تدخل الكلاس تمسك التيلفون وتطرش المسجات والي تطرش اوراق حق ربيعاتها وانا قاعده منتبهه ولا اصد يمين ولا يسار واكتب ملاحضات في دفتري

    شو الي لقيته

    في لحظه فكرت ليش اتعب عمري وغيري ما يتعب وياخذ الدرجات

    خاطري اعرف شو الحل

    والغلط غلط منو
     
  15. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    تصدقون احيانا احس ان من لقافتني وسجيتي توديني في بلاوي وتحطني في مواقف انا في غنى عنهن


    في موضوع في احد اقسام المنتدى يخص شخص بس عادي يعني مجرد تبادل اراء


    كتبت خلق الله كلهم فضولين شراتي داخلين نبا نعرف شو السالفه

    اكتشفت اني ردي انفهم غلط صدق ان لساني يباله قص بس منو قال

    ما ايوز عن اللقافه
     
  16. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬




    قويتوا [​IMG]


    شحالهم العربان علهم بخير وسهاله

    ربي يسلمكم اليوم ياتني الصاعقة تخيلوا شو أثبتت الإحصاءات ويا للهول ان الاسبوع الياي

    اول صدمه عندي دوام يوم السبت

    ثاني صدمه عندي 4 امتحانات . بس 3 منهن في يوم واحد الا وهو يوم الاثنين وجان انفلخ ويغمي علي<< جذابه ماشئ منه

    الصدمه الثالثهان عندي 3 بزنتيشن

    الصدمه الرابعه

    ان في oral test حق ماده ما يخصها في هالشغله والغميضه انها ماده فايننس يعني رياضيات بحت مسائل وقوانين [​IMG]وعفسه كيف بيسالني شفي ما ادري حسبي الله عليه وعلى افكاره

    نعود لمحور حديثنا
    طبعا نبدا من الصبح

    هيه صح متى وعيت << امحق وهم شو دراهم

    ما ادري متى وعيت بس وعيت والسلام الي اعرفه ان امي وعتني

    ناشه مالي بارض حق شئ والرقاد واصل حده يعني تقريبا الساعه 8 ونص

    لبست وخلصت وشاده حيلي طلعت ويا امي واخوي عسب يوصلوني الجامعه والمصيبه من كثر ما ان الرقاد لاعب لعايبه اكتشفت ان دوامي 10 ونص ونصدمت لاني واعيه من وقت والقهر اني سايره الجامعه هالحزه[​IMG]
    شو بسوي هناك من وقت ما ادريبني

    المهم وصلت الجامعه وسرت اللاب اوني اطمش ع المنتدى الله وكيلكم سنه لين فتح ما ادري شو فيه جي تقول سلحفاه شوي فكرت اسكره واطب السالفه لكن قلت شو بتم اسوي من 9 ونص لين 10 ونص والجامعه فاضيه وما فيها غير بنات االسنه التأسيسي<< يهالوه

    قلت لا حيله يلست شوي وخلاف قمت رحت الكلاس

    اول شئ شفته كشه المس الله وكيلكم مسويه عقوص محيسات وتدرون لزوم القردنه قلت لها نايس لوك مس << خوص ميمع تعال وتسمع

    والله ان كشتها تروع ما ادري ليش يا في بالي المعكرونه << ياحبج للانطعاز


    المهم سالتنا متى نبا نمتحن تخيلوا شو تقول هالطمطمه اونه باقي 4 محاضرات ومناك نحن بس الاسبوع الياي نداوم ومن عقبها عدنا امتحانات finally سكتنا او بمعني اصح خذيناها ع قد عقلها هالمخرفه وفجأة

    قالت عندكم 3 خيارات
    1- نمتحن يوم السبت الي هو اجازه والامتحان الثاني يوم الثلاثاء
    2- نمتحن امتحان واحد وتضربه في 2
    3- نمتحن يوم الثلاثاء والامتحان الثاني في أي يوم نحن نحدده

    وما يحتاي اقول لكم ان العرب ما يتفقون ع شئ المهم قلنا الخيار الثاني احسن

    في وحده عزكم الله غبيه اونه انا ما ابا
    اريد امتحن الامتحانين في نفس اليوم عادي او أي يوم في الاسبوع قلنا لها عدنا كلاسات قالت انا ما اقدر احضر يوم السبت وانتن مجبورت تقدمن تنازل
    عشانها معرسه وعندها عيال قلنا اوكيه يوم السبت محاضره عاديه والامتحان ينضرب في اثنين قالت لا نمتحن امتحانين
    سكتنا وهذا ثاني تنازل
    تخيلوا شو سوت قالت الامتحان يكون يوم الاثنين والثاني الثلاثاء قلت لهم رحموني دوامي من 2 لين الساعه 8 ونص وعندي امتحانين من غير هالماده يعني بخيس في الجامعه ويبن يمتحن الساعه 10 ونص الصبح << تحاتي الرقاد

    ما ادري شو ياني توحشت عليها اول مره اعصب جي[​IMG] قلت لها اخترتي الخيار الي تبينه واليوم الي تبينه وسكتنا[​IMG] لكن تختارين الوقت عاد حدج قالت وانتي شخصج

    عاد انا مب ملسونه قلت لها خصي وانتي بتنطبين وبتسكتين وغياض فيج انا الي بختار وقت الامتحان وانتي بترضين وانتي ساكته الكل تم يطالعني ومستغربين عاد شو قلت لها شو ناويه تغيرين رايج الحين خلاص نحن وافقنا
    وجان اويهه صوب البنات واسئلهن أي وقت يناسبكن ؟<< مستويه مقوي

    قالن الساعه 12 ونص اوكيه عاد هي نطت وقالت عندي كلاس هالوقت جان ارد انا وقلت خلاص عيل ها الوقت المناسب لنا وطلعت من الكلاس اونها معصبه [​IMG]

    عاد تدروني فيني انا ما طلعت كل حرتي فيها قلت شو اسوي ياربي

    وجاااااااااااااااان اعصر مخي

    طبعن المس مثل الاطرش فالزفه ما عارفه شو السالفه لان كنا نتهازب بالعربي والطمطمه ما تعرف الا عنقريزي

    سالتني what happen with you?

    وجان اغرد واقول لها : امره دونت اسك؟<< حليله

    قالت: tell me
    عاد تدروبي ما احب اسوي مشاكل بس واشيت عليها شوي[​IMG]
    قلت لها انها قالت لو عدنا كلاس يوم السبت ما بحضر

    قولو شو اكتشفت؟[​IMG]

    طلعت المس صدق مفوله[​IMG] عليها لان هي في الايام العاديه ما تحضر

    فقالت المس مب ع كيفها واذا مب عايبنها تكتب فيني تقرير وتطرشه بوظبي

    عاد انا زين ما رزفت لاني سويت لها مشكله والمس حطتها في راسها


    بس والله شيطاني شاطر ما ادري ليش ما تلومت فيها << مقواج [​IMG]
    عاد رديت البيت وكالعاده كل ثلاثاء اروح البيت وارجع الجامعه ع الساعه 5 ونص

    طبعا اليوم خست في الجامعه اخلص الساعه 8 ونص والله وكيلكم من النحاسه[​IMG] خلصت 7 دقيت واصبت بصدمه [​IMG]مسكين اخوي قالي بس شوي واييج << وصدقت

    الله وكيلكم ياييني الساعه 9 [​IMG]

    يالله عاد قلت لين ما ايي اكتب لكم اليوميات ع الاقل


    تعالوا صح براويكم الكلاس الي العصر شو خادمه[​IMG]

    طبعا هالمس اونه امريكيه وعندها سووا أي شئ بس المهم انكم تكونون مرتاحين يعني هاتوا انطعازكم وياكم عاد تدروبي اموت ع الكتكات [​IMG]شوفوا شو خادمه [​IMG]

    [​IMG]

    لا بعد كنت فاتحه المسن وهي ما تدريبي[​IMG] هع هع هع هع والله اني خطيره


    [​IMG]
     
  17. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    باكوووووووووووووووووووووووووو





































































    لا تدورون فكرت اني اتهور واحط صورتي



















    شو فيها ع الاقل الكل يعرف منو غلا بني كعب










































    [​IMG]



    توني صورتها بس حطيت لها فرش بالفوتوشوب
     
  18. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬



    وجاااااااااااااااااااااااااااااااااان استانست << طاخ


    الله يسلمكم والله شئ يشرح الخاطر يوم ادري ان في حد يتابع يومياتي




    اولا حبيبتي رثام

    [​IMG]
    محد قالج تقرينهن فالدوام :patch_balon:


    [​IMG]
    تري ياخوك الواحد يسويله كريزما وشخصيه عشان يحسبون له الف :patch_sante: حساب


    هذي رساله خفوقه فديتها حتي يومياتج انتي غاويات:patch_baskt:


    [​IMG]
    تسلمين وتسلم لي طلتج:patch_lov:


    اما في عضو ما ذكرته وهو الاخ جرناس
    بصراحه متابع دائم ويوميا يضيف تعليقه:patch_ordi: اشكره وايد وخلك ع الموجه << حشى FM مب يوميات
     
  19. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    شوفوا الدنيا [​IMG]







    الي كفخ بوش جوتيه وصل 10 ملايين دولار امريكي[​IMG]






















    تصدقون صفقه مربحه[​IMG] بروح العراق ابيع جواتي























    بحكم اني بسبس ومن قررت اني اعرض نعالي عزكم الله للبيع في المزاد العلني[​IMG]

    [​IMG]



    بنفتح المزاد بمليون [​IMG]

    ادري تبون تعرفون مواصفاتها< سياره [​IMG]مب نعال

    الله يسلمكم خفيفه ولا كانك لابس نعال[​IMG]

    غير ان يوم تمشي تخليك تحس انك في سكيتنق تتزحلق امره[​IMG]

    فيها فول اوبشن ورقم 1 << نيسان فتك[​IMG]

    مزوده ودرايش هندل ومديل 2008 [​IMG]<< حليله<< عتوقه [​IMG]


    ها شو الراي [​IMG]طبعا احلى ما فيها قطاع غيرها وايد رخيص

    وكافختبها سلوم ولد يرانا وكم ذبابه وحلجه[​IMG]
     
  20. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    [​IMG]

    [​IMG]

    [​IMG]

    [​IMG]

    مليان قلبي مليان ويسيل مثل الوديان
    ارجوك لا تعذبني وتروح عني زعلان









    ريوووووووووووووووووووووووووس[​IMG]






    [​IMG]



    [​IMG] انتو هني سمحولي ما شفتكم

    خلوا عماريكم ما شفتوا شئ[​IMG]










    تصدقوني اني يوعانه[​IMG] << ما تشبع

    سرت الجامعه اليوم غميضه والله يوم تداوم الصبح ومحد في الجامعه كلها فاضيه قعدت اجلب الجريده لين وقت الكلاس دخلنا وع قولتهم تعلمنا وانا بطني يغرغر[​IMG] الدكتور في وادي وانا في وادي وجان يقول بريك[​IMG]

    في خاطري اقول بركت عليك ناقه [​IMG]قلت الحين بروح اكل شئ [​IMG]
    وجان يزقرني وقعد يسولف وانا اقوله فكني ابا اسي[​IMG]رخلص وقت البريك [​IMG]وهو ما شبع سوالف كان يتخبرني عن تيلفوني
    ااااااااااااف كرهته من خاطري [​IMG]

    رجعت البيت وانا اسحب خيوط اليأس والاحباط والخيبه[​IMG]<< كل ها من اليوع

    وجان اتناول ابو البراطم>> مناكر[​IMG]

    [​IMG]
    ادري كلكم تبون تعرفون بو البراطم شو ها الله يسلمكم في يوما من الايام وبينما انا اسولف ويا رثام

    جان اسمع
    صوت قوطي يتبطل وعقب جي ينصب في كوب

    سالتها شو ها قالت بو البراطم وجان اقول يالله بالستر والحمايه

    عاد هي ام المناكر وعلمتني عليه بس والله طعمه حلو عقب تمينا كل ما اتي عندي نروح شيشه ادنوك ونشتري منه

    يالسه ارواي اخوي اللعبه الي نزلوها ع سالفه الجوتي وعقب حدرت المنتدى

    استناست وايد لاني لقيت رحيل الود [​IMG]منزله موضوع تهنيني ان مشاركاتي صارن 2000 يعني دخلنا اللفيه يديده
    [​IMG]
    ما علينا قعدت اكتب لكم اليوميات

    وصلتني رساله من عضو استانست وايد[​IMG] لانه احيانا نسوي اشياء في نظرنا بسيطه بس تعني وايد حق غيرنا
    كان يشكرني ع التهنئه مالت العيد مع اني رسلت حق كل الاعضاء ما خصيت حد بس يا حليله وايد استانس

    الله يديم عليه الوناسه وعليكم انتو بعد





    برب طشونه[​IMG]
     
حالة الموضوع:
مغلق

مشاركة هذه الصفحة