شرطي الجوازات

[أحمد الذهلي]

صار بيني وبين شرطي ف مركز الاتحاد طريج لفجيره


وقلت هالقصيده


ياشرطي مركز اتحاد الامارات
تبغى تبين لي انك ترفع اثقالي
وقفتني وقلت لي فيزا وجوازات
وانا مواطن خليجي مانى بنقالي
لنا معا كل الجزيره امتيازات
وخشومنا مرفوعة عن كل منزالي
احنا من اللي يلبسون العمامات
محنا قميص وكرفتا وبنطالي
امجادنا تنكتب فوق المجرات
ورجالنا ماهيب لعبة واطفالي
رجالنا لولا اله السموات
كان اربطت كل هالعالم بسلسالي
اهل الغزو واهل الوفا والكرامات
بالسيف نملك عدونا ماهو بالمالي
مثل القيامه يوم حشر الكائنات
افعالنا دك الارض وتنسف جبالي
كلامي موجهه الك انت بالذات
وافهمه ولا افتهم آخر اقولي
تبقى العرب حره وتحيى الامارات
ويحيى الخليج ويحيى شعبنا الغالي

 

[أبو سلطااان]

تبقى العرب حره وتحيى الامارات
ويحيى الخليج ويحيى شعبنا الغالي

صح لسانكـ قصيدة غيض من فيض ..
و أهل الأمارات أهل و عيال عم و رفاقه و نسايب ...
و هذا الفرد يمثل نفسه و ليس الأمارات ...