[خذ] °•.♥.•° من ثيابك ومن عطرك شوي[واعمل]°•.♥.•°عليه كفاني في المماتي

[أبو سلطااان]

عجوبه القصه ....
نتريا التكمله ....
يعطيج العافيه .......

 

[الكعبية]

يااااااااااااي .. بس ليش قطعتوها
كنت وااايد مندمجه ههههه

يلا نتريا التكمله
بس لا تتأخرين

 

[السَعيدي]

حلوا هالجزء
بس وايد غلسات هالبنات
هع هع

الحين كل البنات جذا سوالفهن؟؟!!!


هع هع هع

امزح

انزين شوفوا العياره

راشد : كنت عند عبدالله ..
شما : كان فالعين مول
حصه : وانتي شدراج
شما : مجرد توقع

هههههههه
اونه توقع

المهم

الف الف شكر لج رحيل الود

وعاد لا تبطين علينا في الأجزاء اليايه

ربي يحفظج
​

 

[غروگ و غيروگ]

القصة فيري نايس
متناصقة و متصلصلة
بشكل ترتووب
دام عزج يالشيخة
نرقب الباجي
خويج }
غروگ و غيروگ​

 

[حشيمة القلب]

وايد عيبني هالجزء


اسميها لاشمووه صج طفره بس شخصيتها حلوه مرحه

بس ضحكتني يوم قالت توقع ورشود شكله غبي يعني معقوله ماشك هههههههه

يلا فديتج نتريى البارت اللي عقبه ^^


تسلمين فديتج وسلامي ع ربيعتج صج انها مبدعه والله ^_^

 

[رَحِيْلُ الْودّ]

آسعدني حضوركم ،
وآستمتع بردودكم وآآيــد ،’

والحين ألون
نهاية الجزء الثاني

وبنزله ،,

[

]​

 

[رَحِيْلُ الْودّ]

تكملت الجزء الثاني

\
/
\
الصبح ع الريوق
\
/
شموه نازله من فوق وسارت صوب يدتها وباستها على راسها

شما : يدوه شحالج ربج الا بخير
يدووه : بخير يعلج الخير
شما : يدووه ممكن اطلب منج طلب
يدووه : قولي فديتج
شما : ما ابا سعيد أي يشلنيه من المدرسه
يدوه : جيه حبيبتي
شما : يدوه والله فشلنيه البارحة
يدووه : انزين خلاص انا بي اخذج اليوم
شما : بس اخافج تتعبين
يدووه : لا غناتي ما بتعب .. وين مدرستكم الا فرت حصاه
شما ( وهي تلوي على يدتها ) : فديت العيايز انا
يدووه : انتي العيوز .. هدينيه ما اباج ويا هالرمسه الخايسه
شما : هههههههههه
وتحدر عليهم حصه الصاله وراها راشد وسعيد
الكل : السلام عليكم
يدووه وشما : وعليكم السلام والرحمه
راشد : شموه شفتي كتابيه الاقتصاد يوم امس حدرتي حجرتيه
شما : هيه كان فالسير .. شليت دفترك البياني ورديته
راشد : انزين سيري دوريه وانا بتريق وبلحقج
سعيد : انزين خلها تتريق قبل
شما : لا ما ابا اكل بس بشرب لبن البوش يوم بحدر مخليه كارلا تسخنه ويا الزعفران
وقبل عن تنش حصوه كانت حذالها جان تصاصرها وتقول
شما : يالهبله حد عنده اجازة وينش من الفير
حصه : اومر السلطات العليا ( تطري يدتها )

::

::

شما في حجرة رشوود وادور بين كتب رشوود على كتب الاقتصاد بس ما لقته سارت صوب التواليت فتحت درج التواليت وهي تقول يمكن الذكي حطه هني ويوم شافت لي فالدرج شهقت ..
شما : هذي صورة الصبي لي كان عند رشوود البارحة
وتسمع صوت حد يرقى الدري جان تخش الصوره مكانها وشافت الكتاب طايح تحت .. انفتح الباب وشميم دون لا تنتب على من لي حدر
شما : رشود تعال لقيت الكتاب
سعيد : انا سعيد هب رشوود
شما : اسفه ما انتبهت
سعيد : لا عادي بس كنت ساير ايب السويج من حجرتيه ويوم شفتج بطيتي قلت أي اخبرج .. لان الساعه جريب السبع وربع وانتي بعدج ما سرتي المدرسه ..
شما : الله ينطب هالرشود مضيع كتابه وخلنيه ادوره ما يرزا عليه شاله عنه ورقه من دفتره ..
سعيد : انزين سيري تلاحقي تلاقينه يرقبج فالموتر
شما : اوكيه .. مع السلامة شيء في خاطرك
سعيد : لا سلامت روحج
وتشل كتاب رشود وتنزل تحت وتلبس عباتها وتشل شنطتها
شما : يدووه حصيص مع السلامة
حصه : شموه الحليب
شما : هيه صح .. (وترجع وتشرب الحليب وهي واقفه ) يلا برايكن
يدووه : شموه لا تربعين .. لاحقه ع المدرسه
شما : يدوووه شوفي الساعه كم
يدووه وهي ترمس حصه : ما احيدها تحب المدرسه هالكثر
حصه : لا يدووه هي صح ما تحب المدرسه لكنها تحب تحي العلم وتضيج يوم ما تلحق على تحيت العلم ..
يدووه : واشو هذا بعد تحيت العلم
حصه : يعني يوم يوقفون فالطابور ويقولوا النشيد الوطني وبعدين يطلعن 3 بنات عسب يحين العلم ..
يدووه : بسج صدعتي راسي ولا فهمت شيء
حصه : انزين انتي لي سالتينيه ..

::

::

وفي الموتر راشد وشما والدريول ساير يوصلهم
شما : راشد ياويلك من سعيد يوم بترد البيت بتلاقي هزبه محترمه
راشد : (بستغراب ) جيه
شما : لانك ما رتبت شبريتك
راشد : غربل الله بليسج .. تحسبت شيء مستوي
( راشد مهمل بالحيل .. وحجرته مبهذله بشكل فضيع وما يرتب حجرته ولا يحب حد يرتبها له .. واذا حدرت البشكاره حجرته بيكون اخر يوم في حياتها )

وعند مدرسه شموه
رااشد : شموه يلا نزلي وصلنا
شما وهي نازله وما سكه الباب تبا تسكره وتقول : مع السلامة رشوود وتسكر الباب بسرعه ..
راشد يصد صوب عبدالخالق : عبدالخالق بسرعه ترانيه متحير
الدريول بكل بروود : اوكيه ارباب
راشد : هب فايج لك الحصه بدت

::

::

سعيد بركن موتره حذال موتر اربيعه حمدان لي كان نازل ويتريا سعيد ينزل
سعيد وهو يخاشم حمدان
سعيد : مرحبا .. مرحبا ملاين ولا يسدن
حمدان : مرحبتين .. شحالك .. وشحال القلب المتصوب
سعيد : انت محد يطريلك شيء
حمدان : اذا ما بتقوليه بتقول حق منو ( وهو يطنز ) هي يمكن بتقول حق دريولكم عبدالخالق تصدق اكيد يعرفها
سعيد : حمدان يوز عنيه .. مالي بارض لك البارحه هب راقد
حمدان : اكيد تفكر فيها
سعيد : انت شو رايك
حمدان : اخبرك عنديه خطه فنانه عسب توصل لها
سعيد باهتمام : كيف
حمدان : انت ادل بيتهم
سعيد : هيه
حمدان : وتعرف اسمها واسم بوها
سعيد : هيه
حمدان : خلاص سير انت وهلك واخطبها
سعيد وهو يدح حمدان على ظهره : اكيد بخطبها بس مب بهاي السرعه لازم اعرف جان هي محيره والا مخطوبه
حمدان : عيل اتريا لين اطير من ايدك
حمدان هو اربيع سعيد الروح بالروح ولا يخش عنه شيء عسب جي خبره بسالفه ميثا وانه معجب ابها

::

::
في بيت المرحوم
حصه لابسه عباتها ويالسه ادور على غشوتها لان يدتها مطرشتنها الجمعيه تتشرى اغراض البيت
واخر شيء يوم تعبت من زوود ما ادور قررت تروح بلا غشوه وتتغشا بشيلتها لان الصبح ماشيء واايد ناس يسيرون الجمعيه

::

::

وفي مدرسه خليفه بن زايد الثانويه
راشد وولد عمه عبدالله

راشد : احلف انت بس ... انزين ما نبا نشل البنات
عبدالله : لا بويه قال بنشلهن .. اصلن السيره عشانهن
راشد : عيل يدووه ما بتخلينا نلعب بالدراجات
عبدالله : عادي بنغافلهم وبنسير نلعب
راشد : عبود بتخبرك
عبدالله : نعم شو بغيت
راشد : كم عمرك
عبدالله : تستهبل حظرتك اونك ما تعرف كم عمريه
راشد : 18 سنه بدش ع ال 19
عبدالله : هيه
راشد : انزين ما تستحي على ويهك ريال ملتحي وبعدك في اول ثانوي
عبدالله : انزين شو اسوي يوم انيه هب فالح .. قلت لبويه ابا اشتغل ما طاع ..
راشد : عمتيه شخبارها .. اخره مره شايفنها احيدها تبا تروغك من البيت لانك رسبت ف المدرسه
عبدالله : ( يضحك ) والله ما يرزا علي جنيه اول واحد يرسب فالعالم
راشد : انزين سلم عليها
عبدالله : ان شاء الله
راشد : عبود .. لاتنسى الاسبوع الياي عندنا تراي عسب الليسن
عبدالله : وهذا شيء ينسى
راشد : عبود
عبدالله : اصغر عيالك كل ساع تنعتنيه بعبود
راشد : السموحة .. خلاص بوحميد
عبدالله : قول شو بغيت
راشد : اشو رايك تبات عندنا اليوم عسب باجر نسير ارباعه المزرعة
عبدالله : انزين بس بخبر بويه

 

[كيـِـآטּ]

أكيد حصة بيشوفها حد بسوق وبينعجب فيها


نترقب التكملة غاليتي.... وسلمت يمناكِ

 

[رَحِيْلُ الْودّ]

الجزء الاخير من الجزء الثالث

\
/
\
في جمعية العين التعاونيه

حصه هي وكارلا يالسات يتشرن اغراض البيت وما خلو شيء ما خذوه خمو الجمعيه خم

كارلا : ماما .. شموه يقول يريد اشتري 3 حبه بريبنجز
حصه : هذي ما خلت حد ما وصته .. انزين يوم بنسير صوبه خبرينيه
كارلا : انزين هي بعد يريد حلاوه بس انا مافي معلوم شنو اسمه
حصه : هي ما عطتج ورقه قايله بتكتب في ورقه
كارلا : ايوه ماما انا في نسيت اعطي انته لحظه شويه
حصه كانت تكلم كارلا ولا تعرف ان ريال كان واقف ورها يترياها تمر لانها مسكره الدرب .. وحرجت على كارلا لانها كانت تعرف ان الريال وراهم ولا قالت
جان تمط الورقه من ايد كارلا وحطتها ع العربانه وادز العربانه وهي معصبه وما انتبهت ع الورقه يوم اطيح عنها
الريال شل الورقه ويلس يقراها ويضحك وكان مكتوب فيها

برنجز ( واحد احمر والثاني ازرق والثالث مال الفلفل )
امز آند امز ( كيسه عوده حق الشله ) ذلونيه من يوم فازة العين ما نسو
Maltesers ( 3 اكياس حقي بروحي ) ولو سمحتي حجم كبير
جلكسي ( بكل انوعه ) + جلكسي كبير عسب تسوين لنا اسكريم
قوطي عود اسكريم بالكاكاو
اندوي ( نودلز)
سيليلك بالقمح

وبس حصووه بليز لاتنسين شيء من لي طلبته

يلس يضحك على اللي قراه وسكر الورقه ويلس يدوور ع حصه عسب يعطيها الورقه
كان يدورها وانتبه عليها انها في اخر الجمعيه صوب الثلاجات .. فقال احسن اعطيها اياها بسرعه عسب مره وحده تاخذ الاسكريم من هناكي
وقف عرباته في صوب وسار صوب حصه وقال

الريال : السموحة منج الشيخة ..بس شفت هالورقه اطيح من عربانتج فيبتها لج
حصه : (وهي منحرجه ومب عارفه شو تسوي ) : مشكوور اخوي
الريال : ( مد ايده يبا يعطيها الورقه ) : اندوج الشيخة
حصه وهي تاخذ الورقه عنه لمست اطراف اصابعه فمطت الورقه بسرعه وانطرت نصين نص عندها ونص عنده
الريال : اسف الشيخة ما كان قصدي
حصه : ( وهي تاخذ النص الثاني من الورقه وحاسه بقشعريره ) : لا عادي ما صار شيء ..
الريال : السموحة مره ثانيه
حصه : بالحل اخوي

خلاها وراح وتمت مكانها منصدمه ومتلومه في نفس الوقت لانها ما يابت وياها غشوه .. ويلست تحاوط فالجمعيه وهي ميوده والورقه وتحاول انها تركبها عسب تقدر تقرى لي مكتوب فيها وهي تقول .. الله ياخذ بليسج يا شمووه امره ما ينفهم شيء من خطج ..
تشرو وخلصو وظهرت من الجمعيه وركبت موترهم
بس لي ما تعرفه حصووه ان في شخص كان يرقبها .. وشافها يوم تركب الموتر وسجل رقم موترهم ..

جدام المغرب

شما : حصه بخبرج شيء
حصه : قولي يا ام العلوم
شما : تعرفين اربيع رشود لي شفناه فالمول
حصه : هيه بلاه
شما : لقيت صورته في درج رشوود
حصه : كيف شفتيها
شما : اليوم الصبح يوم كنت ادوور كتاب رشوود
حصه : قومي روينيه وين لقيتيها
وسارن حجرة رشوود وظهرت شمووه الصوره وروتها حصووه
شما : هذا ما تحيدينه
حصه : اشوف ويلست تضحك
شما : جيه تضحكين
حصه : حبيبتي شماني ... هذا عبدالله ولد عميه .. حد ما يعرف خطيبه هذا لي محيرنج ..
شما : اشوف .. تصدقين ما عرفته .. يمكن لان ظهرت له لحيه
حصه : عن الخبال ردي الصوره مكانها
شما : ما يخصنيه صورة زووج المستقبل .. باخذ الصوره عنديه
حصه : شمووه والله ان عيونج يلمعن .. رديها رديها مكانها عسب ما تسوين لعمرج مشاكل ..
شما : انزين بس كل يوم بي اطالعها
حصه : كل هذا حب
شما : حصووه خلاص

شوي الا يسمعن صوت رشوود ينعت باسم حصه
ردن كل شيء مكانه ونزلن تحت
شما : خير شعندك
راشد : قلنا حصه هب شما
شما : كنت ابا اعرض خدماتي بس انت الخسران
حصه : نعم يا راشد شو بغيت
راشد : حصووه سوي لنا عشا سنع ربعي بيتعشون عنديه وعبدالله بيبات وياي
شما من سمعت طاري عبدالله : وليش بيبات عندنا ما عندهم بيت
راشد : هو ما بيبات فوق راسج هو بيرقد في حجرتيه
وهدهم وراح
حصه : شمووه بلاج حاطه ع عبدالله
شما : ماشيء
حصه : ادري تبين تبينين لهم انج تكرهينه لكنج تموتين في ثراه
شما : ( احمر ويها ) وانتي شدراج
حصه : شماني فديتج .. انا قبل لا اكون ختج انا امج ..واعرف شقى تفكرين .. يابوج عاينتنج وخابزتج .. بس عبدالله ما ااباج تعاملينه جي
شما : ان شاء الله
حصه : يلا تعالي فيايه بنسير المطبخ .. وسوي الكيكه مالتج والنسكفيه لي يحبه عبدالله
وسارن المطبخ ويلسن يعابلن
شما : حصوه البكنج بودر مخلص
حصه : نسيت اخذ منه يوم سرت الجمعيه
شما : اهم شيء انج ما نسيتي طلباتي
حصه : انزين سيري سوي تيلفون حق الدكان وخليه ايب

وظهرت شمووه من المطبخ ومجبله صوب البيت وفي نفس الوقت ظهر عبدالله من الميلس عسب يرمس في التيلفون ::

::

في العزبه سعيد واربيعه حمدان
حمدان : بو عسكوور
سعيد كان سرحان ..فقام حمدان وهز جتفه
حمدان : سعيد بلاك اشوفك ضايق
سعيد : مافينيه شيء
حمدان : انزين ما بتخبرنيه في شو تفكر
سعيد : افكر في حياتي .. وفي خوانيه
حمدان : اشفيهم خوانك
سعيد : انا المسؤول عنهم عقب عين بويه ربي يرحم ولازم اوفر لهم كل لي يبونه واربيهم عدل عسب ما يقولون سعيد ما عرف يربي خوانه
حمدان : خوانك كبار ما يبالهم تربيه .. بس لازم تجابلهم
سعيد : ما ابا اخلي شيء في خواطرهم .. ما اباهم يحسون انهم ايتام .. خص شمووه تدريبها بعدها ياهل ..
حمدان حب يغير مزاج سعيد لان شكله بالحيل مهموم
حمدان : بو عسكوور بتخبرك
سعيد : خير
حمدان : شحال القلب
سعيد يلس يضحك ...
سعيد : ما ادري عنها ..بس تصدق افكر انيه اخطبها لان مليت من العزوبيه
حمدان : لا وعقب بتهدنيه بروحي .. ومحد بيجابلنيه ..
سعيد : ( وبعده يضحك ) : عاد انت مخوتك غير
ويلسو يسولفون وسعيد يرقب الهندي ايب له لبن البوش ويوم ياه الهندي شل عنه اللبن وسارا مجبلين صوب البيت ..

نرجع لشما ..

كانت تمشي صوب البيت وعبدالله انتبه عليها بس هي ما شافته .. قال : خلني ارمسها دامها اروحها .. بس هي حدرت البيت قبل لا يوصلها ..
وتم يالس يطالع المكان لي حدرت فيه .. شوي وترجع تظهر ..

عبدالله : شما
شما : اعوذ بالله .. ابليس زيغتنيه
عبدالله : السموحة منج بس بغيت اسلم عليج
شما : مسموح
عبدالله : شمووه شحالج
شما : يسرك الحال
عبدالله : والعلوم
شما : اجفيت الهموم .. انت شحالك
عبدالله : من شفتج وانا بخير
شما : عبدالله
عبدالله : آآمري
شما : ما يامر عليك عدو .. طالبه من الدكان ويوم بيضوي هات الاغراض عنه يبهن المطبخ ..
عبدالله : ان شاء الله
شما : خلاص برايك بسير اسوي الكيكه
عبدالله : مالت الجلكسي
شما : هيه
عبدالله : كثري من الجلكسي السايح
شما : انزين

وراحت عنه .. عبدالله كان مستانس لانه من زمان ما شاف شمووه ولا رمس وياها .. اونها عاد كبرت وما قامت تظهر جدامه ..

شمووه في المطبخ
حصه : ساعه تطلبين
شما : لا شفت عبدالله
حصه : غربل الله بليسج ... وين شفتيه ؟؟ لو يدريبج سعيد بيذبحج ..
شما : هو زقرنيه
حصه : يعلني محلمج .. وبعدين
شما : قلت له يتريا راعي الدكان
حصه : وشو قال
شما : شردت قبل لا يقول شيء

شوي والا يحدر عبدالله

عبدالله : هود هود
حصه : اقرب ياعبدالله محد غريب
عبدالله : شحالج حصه
حصه : بخير يعلك الخير .. انت شخبارك وشخبار قوم عموه والبنات
عبدالله : كلهن بخير
عبدالله : شمووه اندوج الاغراض
شما سارت تبا تاخذ الاغراض .. وبدون قصد لمست اصابع عبدالله جان يهد الجيس ويطيح عنها
عبدالله : سلمتي الغاليه
وشل الجيس وحطه ع الطاوله وظهر عنهن
حصه : اشو ياج
شما : زخيت صبوعه
عبدالله سمعها لان بعده ما مداله يروح بعيد ..كان حذال الباب تبسم وسار الميلس .
.
.
.
.
منو الريال لي شافته حصه فالجمعيه .. وشعنه سجل رقم الموتر ؟؟؟
شما .. هل بتم معاملتها لعبدالله عوفه او بتتغير ؟؟
سعيد .. بيعرس او بيتم بليا عرس ؟؟
عبدالله .. هل حبه لشما بيصبره ع معاملتها العوفه له ؟؟
حصه وراشد .. هالاثنين لي مرتاحين ومالهم حاايه في حد ياغير عماارهم ..
\
/
\

 

[رَحِيْلُ الْودّ]

أكيد حصة بيشوفها حد بسوق وبينعجب فيها


نترقب التكملة غاليتي.... وسلمت يمناكِ

طلعتي [كويحرة]

يعني سويحرة يعني مصغر ساحرة !!

مشكورة ع المتابعة ​

 

[أبو سلطااان]

شكله ناوي يخطبها لي بالجمعيه ...
يسلمو رحيل ع القصه النايس ......

 

[حشيمة القلب]

انا اقول اللي شاف حصوه فالجمعيه بيخطبها لان سجل رقم الموتر

واظنننن ان شموووه بعدها راح تعامل عبدالله بهالاسلوب وشكله بيتحمل يمكن مادري عاد هههههه

اممممم نتتريا البارت اللي عقبه انا اندمجت والله ^^


تسلميييييين فديتج ع البارت

 

[غروگ و غيروگ]

نتريا الباجي الشيخة
لا تبطين ​

 

[راعي صوغة]

يا لبييييييييييه,, نتريااا التكمله,,,

يسلمو خيتو

تعالي كل يوم

 

[رَحِيْلُ الْودّ]

شكله ناوي يخطبها لي بالجمعيه ...
يسلمو رحيل ع القصه النايس ......

بنشوووف​

 

[رَحِيْلُ الْودّ]

انا اقول اللي شاف حصوه فالجمعيه بيخطبها لان سجل رقم الموتر

واظنننن ان شموووه بعدها راح تعامل عبدالله بهالاسلوب وشكله بيتحمل يمكن مادري عاد هههههه

اممممم نتتريا البارت اللي عقبه انا اندمجت والله ^^


تسلميييييين فديتج ع البارت

يمكن خخخ
يمكن ههههههه
وانا اندمجت ف ردج
وتسلمين ع هالطله البهية​

 

[رَحِيْلُ الْودّ]

نتريا الباجي الشيخة
لا تبطين ​

من عيوني وحاضرين ​

 

[رَحِيْلُ الْودّ]

يا لبييييييييييه,, نتريااا التكمله,,,

يسلمو خيتو

تعالي كل يوم

حاااضر وتراي يااايه اليوم بحط البارت 3​

 

[رَحِيْلُ الْودّ]

\
/
\
الجزء الثالث

في الميلس عند الشباب

راشد: وين كنت
عبدالله : ارمس امايه .. اخبرها انيه ببات عندكم .. عسب ما تحاتي ..
مبارك : وشو قالت الماما
عبدالله : ( يضحك) : رخصتني وقالت تستاهل عسب يدووه تخليك ترقد من وقت
راشد : فديت يدووه تولهت عليها
مبارك : ولا جنها عايشه فياكم
راشد : فديتها غير عن كل العيايز
عبدالله : رشود وينها ترانيه ما سلمت عليها ..
راشد : تلقاها عند يارتنا ام سالم
مبارك شاف الكيرم واحتشر الا يلعب .. ويلسو يلعبون والشباب محتشرين على رشوود لان دووم هو لي يدخل الخمسين ..
عبدالله : عطنيه من هالفودر بحط منه يمكن اغلبك ..
راشد : ( وهو يناوله الفودر) : محد يرووم يغلبنيه
مبارك : قاري على الحبوب عسب جي تغلبنا
راشد : لا يبوك خبره

يلسو يلعبون وسوالف لين وقت صلاة العشا سارو المسيد يصلو

في الصاله
يدووه توها راده من خاري
وصاح التيلفون جان تشله

يدووه : الو .. السلام عليكم
ميثا : وعليكم السلام والرحمه .. شحالج يدووه وشحال صحتج
يدووه : بخير يعلج الخير .. انتي شحالج وشحال هلج وعربانج
ميثا : كلهم بخير .. تسلم عليج امايا
يدووه : ربي يسلمها من كل شر .. ردي عليها السلام ..
ميثا : ان شاء الله ..
يدووه : تبين حصيص
ميثا : هيه
يدووه : صبري بزقرها
حصه : الو
ميثا : الناس تسلم
حصه : يسد يدوه سلمت عليج .. شو عندج ليش متصله
ميثا : ويا هالراس يعني ما اسال عنج .. وبعدين بنسير بوظبي فقلت اسم عليج
حصه : عن تزعلين اسولف
ميثا : ادري فديتج
حصه : هيه تدرين فديتني
ميثا : طع هاي تتفدى روحها
حصه : عندج مانع
ميثا : انزين عن الهذره .. بتخبرج جيه ما حضرتي كلاس القضايا كان الساعه 8 والا ماتعرفين
حصه : من البارحه وانتي الحين تفيجتي تسالين
ميثا : تونيه اذكر
حصه : بس ما ابا احضره بسحب هالمساق
ميثا : انتي هبله .. جيه بتسحبينه
حصه : لان الدكتور لي يعطينا هالمساق مواطن
ميثا : وامواطن .. شو يعني .. تستهبلين حضرتج
حصه : بس ما ابا دكتور مواطن يعطينيه
ميثا : صدق يبالج تصفيع
حصه : ميثا احاتي كيف بشرح .. احس باستحي وما بعرف اشرح .. لو كان وافد اخير ..
ميثا : حصووه وغلاتي عندج ما تسحبينه .. ماشيء الا هالمساق ومساق المجتمع نحن فيه رباعه .. والا نسيتي ان كل وحده فينا كليتها غير عن الثانيه ..
حصه : بفكر
ميثا : ادريبج ما بتردينيه.. فديت اربيعتيا انا ..دخيلج عشان خاطريه ..
حصه : ان شاء الله .. ان شاء الله
ميثا : بلاج سكتي
حصه : ميثا بخبرج شيء .. اليوم يوم سرت الجمعيه .. وخبرتها بالسالفه الريال ..
ميثا : ( وهي خايسه من الضحك ) والا قلتيليه طويل وعيونه وساع ومربي كشه واسمراني
حصه : ميا والله انه رحيم ويخبل
ميثا : ياويل حالي على اربيعتيا .. شكلها طاحت في هواه
حصه : ميثوه عن الحركات .. انا هبله يوم خبرتج
ميثا : خلاص خلاص بسكت
ويلسن يسولفن عقب سكرن

شما : حصووه رشود رجع من الصلاه ويقول حطن العشا
حصه : انزين انا مخبره كارلا .. بس سيري قولي لها تحط الكيك عقب العشا تراها بغام
شما : ان شاءالله

راشد وربعه رجعو من من المسد تعشوا ويوم تاخر الوقت سار عنهم مبارك وتم عبدالله وراشد وعقب سارو يرقدوون ..

اليوم الثاني

يدووه تفتر بين الحجر عسب توعيهم حق صلاه الفير
سعيد وراشد وعبدالله ساروا المسيد ويوم ردو شافو يدووه وحصه محتشرات ويدورن على شموه وهب لاقينها ..


سعيد : يدووه شو السالفه
يدووه : شمووه ما ادلها وين سارت .. ودورتها في حجرتها وما لقيتها ..
سعيد : دورتوها فالبيت
حصه : هيه ومالقيناها
راشد : يمكن سارت صوب الزرع
عبدالله : أي زرع من الفير
راشد : هيه يمكن سارت حجرة بويه
حصه : كيف ما فكرت فيها
سعيد وحصه سارو حجرة ابوهم عسب يتاكدوون .. يمشون فالممر لي من زمان محد جرب صوبه .. وصلو الحجره ويوم فتحوها سمعو صوت حد يصيح ..
الحجرة كانت شرات ماهي ما تغيرت من سنتين كل شيء مكانه .. وكل يوم البشكارت ينظفن الحجره ويدخننها شرات ما طلبت منهن حصوه .. كانت شما حاطه راسها ع الشبريه وتصيح وماسكه كندورة ابوها .. وهي تقول .. بويه جيه رحت عنيه وشليت امايه وياك جيه خيلتنيه انا بعدنيه صغيره واحتاج لكم وتصيح وتلوي على كندورة ابوها .. حصه من شافت حال اختها يلست تصيح وما رامت تيود عمرها وظهرت خاري الحجره .. سعيد سار صوب شما ويحاول يهديها ويظهرها خاري
سعيد : شماني فديتج تعالي وياي
شما : سعيد ابويه اليوم ياني والله شفته
سعيد : ابويه دووم ويانا بس لاتسوين في عمرج جي
شما : عيونها محمرات من الصياح وتتكلم بصوت متقطع : سعيد
سعيد : يمسح دموعها : قولي يالغاليه
شما : سعيد ابويه قاليه اباج تغدين مدرسه
سعيد : هو قالج جي
شما : هيه
سعيد : ان شاء الله بتغدين مدرسه
شما : تتكلم بصوت متقطع : اليوم يوم زارنيه قال اباج ترفعين راسي وتغدين مدرسه
سعيد : ( يلس يهدي شمووه ويقولها ) : بويه يباج ترفعين راسه وتدرسين وتغدين احسن مدرسه
ويلس يهديها عقب ظهرها من الحجرة ووداها حجرتها

ع الساعه 10 الصبح كان الكل جاهز لسيرة المزرعة

سعيد وعبدالله ركبو موتر سعيد
وراشد والبنات و يدووه ركبو ويا الدريول

شمووه محتشره الا تبا يوقفون عند دكان عسب تشتري جلكسي ورشود مب طايع يوقف اخر شيء يدووه عصبت عليه .. عاد كلا ولا شمووه ما تهون عليها

يدووه : وبتوقف وانت ريال وانت لي بتنزل تشتري لها
راشد : يدووه شوفي شو كبرها اتحرى عمرها ياهل تقول تبا جلكسي
يدووه : انزين برايها اشتر لها لا تخلا شيء في خاطرها
شما : سمعت يدووه شو تقول ..
حصه : شموه الحلاوة لي خذتها لج من الجمعيه شو سويتي فيها
شما : نسيت ايبها وياي .. وعاد الحين خاطريه بجللكسي
راشد : اوكيه باخذلج جلكسي وسندويجت جبن لان اعرف انها هب متريقه .. اذا تبين اهلا واسهلا ما تبين برايج
شما : لا ما ابا سندويج
يدووه : شميم .. انتي هب متريقه
حصه : هيه ما تريقة وتبا تاكل حلاوه ع الريج
يدوه : راشد انزل اشتر لها سندويج وعصير ولا تيب حلاوه
شما : يدووه لا
راشد : ان شاء الله يدووه

وقفو عند دكان وشترى رشوود سندويج وعصير واشترى جيس متروسه حلاوه بس خشها عن شموه
ويدووه يالسه تغصب على شما الا تاكل السندويج


شما : يدووه بس شبعت
حصه : تستاهلين حد قالج ما تاكلين
راشد : انا خلصت سندويجتيا وهاي بعدها .. يدووه صدق انج بزيتها
شما : ما يخصك .. اتبزا عليك والا اتبزا على يدووه
راشد : انا ببزيج بعصا
وتموا سوالف لين ما وصلو المزرعه

يوم وصلو لقو عمهم هادف صابقنهم هو وعياله الشباب ( سلطان وحمد وفاضل )
حرمته اسمها مريم ( ام سلطان)
سلطان عمره 25 وهو معرس وحرمته اسمها مريم وعنده بنت اسمها شما وهو طيار
وحمد عمره 24 وبعد معرس وحرمته اسمها شيخة وعنده ولد اسمه ذياب ويشتغل فالجيش
وفاضل عمره 22 وبعده هب معرس توه متخرج من الكليه العسكريه وهو ظابط

والبنات ( ميره وفاخره وفطووم ووميثا )
ميره عمرها 26 معرسه وعندها بنت وولد
فاخره عمرها 20 تدرس اول سنه فالجامعه
فطووم في ثالث اعدادي
والعنود في صف خامس

الشباب برزو في صوب والبنات في صوب

عقب قررروا يسون الغدى وطبعا الشباب لي بيطبخون والبنات عليهم السلطه
عمهم هادف يالس ويامر عليهم ويغصب ع الشباب كلهم انهم يطبخون ويساعدون في الغدى

هادف( ابو سلطان ) : سلطان وسعيد انتو عليكم المجبوس وراشد وعبدالله عليكم تغسلون اللحم وتقطعونه
عبدالله : وحمد وفاصل ما امرة عليهم
هادف( ابو سلطان ) : فاضل بطرشه ايب البارد
عبدالله : وحمد
هادف( ابو سلطان ) : حمد عليه يطعم
راشد : عميه ما يصير غش
سعيد : اصلن حمد بيسوي الصالونه
سلطان : وانت يابوي شو بسو
سعيد : لا عميه عليه الاشراف بس يطالعنا نحن بنطبخ
حمد : انا بس بيلس احرك ع الصالونه
وبدو في خبصتهم اونهم يسون غدى
عبدالله وراشد
راشد : عبدالله امسك عدل عسب اعرف اقطع
عبدالله : انزين بسرعه مافنيا على حشره سلطان وسعيد
راشد : هيه خلنا نستعيل ما نبا البنات يشوفنا
عبدالله : صدقك والله بييلسن يطنزن علينا
\
/
\

سلطان وسعيد وحمد
يالسن يوروون الضو وفاضل يالس عند يدووه يهذرب وياها


سلطان : حمد سير ازقر فاضل خله يساعدنا
حمد : يالس عند يدووه
سعيد : حمد احس ان الحطب ما يسد
سلطان : هيه صدقك ما بيسد
حمد: بسير ايب حطب من عند الزراع
سعيد : انا بسير المطبخ بيب البهارات وانت يا سلطان ايلس عند الضو لين ما ارجع
\
/
\

 

[رَحِيْلُ الْودّ]

\
/
\
مــــا قلتلك هالوقت قاســــــــي ودوار ..
تشين لو زانت ليالي دهرهــــــــــا
هذا انــت غبت وفرقت بيننا الاقــــدار ..
جت منك والاحلام كلن خسرهــــا
انـت السبب يامرخص كل ماصـــــــار ..
احساسك الميت هو اللي دمرهــــا

سعيد يمشي صوب المطبخ
حدر المطبخ ويالس يدوور على البهارات هالهندي وين حاطنهن
شوي والا يسمع صوت حد
ميره : شحالك يا سعيد
سعيد قبل لا يصد يشوف من يرمسه هالصوت هب غريب علي
ويوم شاف ميره ارتبك ورد عليها
سعيد : بخير يعلج الخير
وظهر بسرعه خاري المطبخ
وسار يمشيء بسرعه صوب موتره
ليش ياربي .. ليش تظهر في حياتي مره ثانيه .. انا ما صدقت انيه بديت انساها .. شو تبا منيه ما يسد انها بدت علي الغريب .. خلاص انا ولا شيء في حياتها شو تبا منيه الحين ..

ملاحظه : سعيد كان محير بنت عمه ميره وكان يحبها مووت بس لي صار ان تقدم لها ريال من هل امها وعمه وافق عليه .. وميره نست حب سعيد لها وواافقة
حتى انه سعيد كان في صف ثالث ثانوي وظهر من المدرسه واشتغل فالجيش وسار عند عمه وقاله انا الحين اشتغل ويوزنيه ميره بس عمه رفض وميرره عرست واستوت مشاكل بين بو سعيد وبو محمد وقاطعو بعضهم كمن سنه وبعد سلطان كان محير حصه بس بعد المشاكل امه يوزته بنت ثانيه من اهلها
وبدت القطاعه بين الاخوان حول الثلاث سنوات بس تراضو قبل لا يتوفى بو سعيد بكمن شهر تقريبا وقررو انهم ايوزوون عبدالله لشما

نرجع لسعيد ركب موتره ويلس يذكر لي صار له
سعيد : عميه انا ظهرت من المدرسه والحين اشتغل
ابو سلطان : جيه ظهرت من المدرسه انت مب قايل تبا تكمل دراستك برع
سعيد : ميره اهم عنديه من دراستيه
ابو سلطان : بس ميره خلاص بتعرس
سعيد : بس انا ولد عمها واولى بها من الغريب
ابو سلطان : وهي الحين على ذمت ريال
سعيد : عميه دام بعدها ما عرست ترووم تخبر الريال
ابو سلطان : سعيد خلاص انا عطيت الريال كلمه
سعيد : وكنت عاطي ابويه كلمة جيه تغير رمستك
ابو سلطان : هذا لي ربي كاتبه يا سعيد .. وميره هذا رزقها

وتذكر الابيات لي كتبها يوم عرس ميره

الغلا ماعاد له داعي....
والمحبه مالنا فيها...
من بعد ماقال الوداعي..
ويل روحي من بيشفيها..
راح عني ترف الاطباعي..
واجبر الاشواق نخفيها..

ملاحظه : هالبيتين بقلم [شاعرة بحرينية]

ويصيح تيلفون سعيد وكان المتصل سلطان
سلطان : وينك يا سعيد سرت وما بغيت ترجع
سعيد : خلاص الحين بيكم
سلطان : انزين لا تنسى البهارات
سعيد : ان شاء الله
نزل من موتره وشاف اخته شما جان يزقرها ويطلب منها تيب البهارات من المطبخ


عند البنات
فطووم : شمووه بلاج شو تبين
شما : سعيد قاليه ايب البهارات وما اعرف شو من البهارات
فطووم : بسير اتخبر اميه
شما : لا ما يحتاي .. بشل هالقواطي كلهم وبوديهم لهم وهم عاد يحطون لي يبونه
فطووم : ما بترومين تشلينهم كلهم مره وحده
شما : تراج انتي بتساعدينيه يالذكية

وسارن صوب الشباب

فطووم : شمووه شوفي عبود ورشوود شو يسون
شما : وحليلهم يقطعون اللحم
فطووم : طاعي فاضل ماخذ راحته ومتيلس عند يدووه ولا يساعد
شما : امبونه هذا
فطووم : شمووه يبالنا نصورهم
شما كانت عيونها ع عبدالله
والريال كان عاق الغتره ومب حاط شيء ع راسه ومربي شعره وموصلنه لين جتوفه
شما : فطيم عبدالله جيه مربي شعره
فطووم : ما ادري به .. بس شكله بيحلقه لان فالمدرسه ياخذون عسكريه وممنوع يربون شعر
شما : هيه
فطووم : لو تشوفينه الصبح شو يسوي قبل لا يرووح المدرسه
شما : شو يسوي
فطووم : ساعه جدام المنظهر بس عسب يعرف يتغتر ويخش هالكشه لي ع راسه مدري كيف يتغتر ما ينعرف انه مربي شعر
شما : هيه .. انزين خلنيا نوصل لهم هالبهارات ونرجع داخل
خطفن من حذال راشد وعبدالله .. شما كانت ملامحها عاديه اما فطووم فكانت تتبسم وهذا لي خلا راشد وعبدالله يحرجون عليها ..
عبدالله يرمس راشد
عبدالله : زين جي شافونا البنات
راشد : عادي
عبدالله : ما كنت اباهن يشوفنا ونحن نعابل هاللحم
راشد : عاد الحين شافنا ومانووم نسوي شيء
\
/
شما وفطوم عقب ما وصلو البهارات عند سعيد ردن عند راشد وعبدالله
شما : سعيد يقولكم غسلو اللحم وهاتو عسب يبهرونه
عبدالله : بعدنا ما خلصنا
فطووم : تراكم تسولفون وتضحكون عسب جي ما بتخلصوون
راشد : شميم تعالي انتي وبنت عمج شلن هاللحم المقطع وغسلنه ونحن بنخلص لي ويانا وبنيكم
فطووم : لا والله انا ما يخصنيه وما بغسل وياكم .. وسارت تربع داخل
شما : عادي بغسله لكم بس ابا حد يساعدنيه ما ارووم اشله
راشد : وجيه ما ترومين تشلينه
شما : لا تقارن بيني وبينك انت ريال وترووم تشله لكن انا ثجيل علي
راشد عصب لان شما شوي بزايا .. بس شما كانت ترمس بعفويه وصدق هي ما ترووم تشله جان يصرخ عليها ويقولها
راشد : اقولج شمووه جلبي ويهج
شما : ان شاء الله .. وهدتهم وراحت
راشد تلووم فيها ... قال في خاطره براضيها عقب بجلكسي
عبدالله ما عيبه اسلوب رشود ويا شما .. بس ما رام يرمس
سعيد كان فكره شارد وجنه هب وياهم وسلطان يساعدهم شوي وشوي يرووح عنهم وحمد لي مشتطط من الخاطر
\
/
\
/
ع الغدى الريايل كانو في صوب والحرمات في صوب ورشود متلوم ع شموه كان يرقبها تنش من ع الغدى عسب يسير يرمسها .. يدريبها حساسه وتحط في خاطرها .. ما رام يكمل غداه قام وسار صوب الموتر سعيد لاحظ ع راشد انه هب طبيعي كمل غداه وسار ورااه
سعيد : راشد اشو بلاك
راشد : ماشيء
سعيد : جيه ما كملت غداك
راشد : بسني شبعت
سعيد : احيدك اخر واحد تنش من ع الصينيه
راشد : سعيد متلوم في شما وما رمت اكل
سعيد : شو سويت ابها
راشد : ماشيء ياغير انيه هزبتها وتلومت فيها لان ادريبها حساسه
سعيد : ما عليك انا برمسها
راشد : لا يا سعيد خلني انا ارمسها .. ماخذ كيسه مازرنها حلاوه كنت ابا اغايضها ابها الحين بعطيها اياها
سعيد ضحك ع راشد وقال في خاطره الحمدلله يوم ان خوانيه ع قلب واحد
سعيد : انزين فديت شمووه تستاهل
راشد : بظهر الحلاوه وبعطيها لشمووه
عند الحرمات حصووه تسولف ويا شيخه حرمة حمد تحسبها طيبه هب شرات حرمة سلطان الخبيثه وهالشي خلا ميره تضيج لانها تعودت ان شيخه دووم ترمس وياها بس الحين لا
شيخه وحصه يرمسن عن ولد حمد ذياب
حصه : انزين حرام عليج مربيه شعر للولد لي يشوفه بالبدله يتحراه بنت
شيخة : شو تبنيه اسوي هذي سوايا ابويه.. وبعد يوم اشله صالون الاطفال عسب يرتبون شعره ييلس يباغم ما يبا يقصه
حصه : زادن عمه عبود جدامه مربي كشه
شيخه : عبدالله كل ما يرمسونه عسب يقص شعره يقولهم الرسول كان مربي شعر
حصه : اسميه صدق يعرف يتعذر
\
/
\
/
سعيد شاف شمووه مجبله صوب المطبخ سار وراها عسب يشوفها جان صدق زعلانه شرات ما قال رشود
وعند باب المطبخ قبل يحدره توه يبا يحدر جان تظهر له ميره .. حس بضيجه فضيعه .. ياربي هاي شو ناويه ..
خاز عن دربها خلاها تمشي عقب حدر المطبخ .. شاف البنات كلهن متيمعات فالمطبخ
سعيد : شمووه يوم تخلصين تعالي اباج بتلقينيه خاري ارقبج
شما : ان شاء الله
ويوم ظهر خاري لقى ميره بعدها واقفه مكانها ما سارت وخى براسه وسار
ميره متحسفه ع معامله سعيد لها .. لان الريال لي بدته ع سعيد فرق كبير بينه وبين سعيد .. ميره كانت تسال عمرها بعده يحبنيه ؟؟ اكيد يحبينه لو ما يحبنيه جان عرس من زمان .. ودامه بعده ما عرس معناته بعده يحبنيه ..
\
/
\
عبدالله : هالجيسه كلها حق شمووه
راشد : هيه
عبدالله : انزين صبر بتنقى كمن حبه وعطها الباجي
راشد : لا ..
عبدالله : انزين بس ابا سنكرز
راشد : لا كله حق شما
\
/
شما سارت عند موتر سعيد بس ما لقته .. رشود شافها يالسه تمشي روحها جان يسير صوبها
راشد : شما .. شمووه
شما : لبيه .. بغيت حايه
راشد : بعدج حاطه في خاطرج علي
شما من غير نفس : لا
راشد : شمووه يايب لج جلكسي وحلاوه ع كيف كيفج
شما : صدق .. انت تجذب علي تبا تغايضنيه .. ادريبك انا
راشد يمطها من ايدها
راشد : تعالي
وبطل الموتر ويلس يدوور جيس الحلاوه وعطاها ايااه
راشد : كله حقج
شما : لحظه بعطيك حلاوه
شما وهي اطالع شو فالجيس .. :: رشوود ولا حبة جلكسي شو هالنذاله
راشد : والله انيه مشتري اكثر شيء جلكسي
شما : شوف ماشيء
راشد : اكيد هذا عبود النذل شل الجلكسي .. صبري بسير ايبه عنه قبل لا يقضي عليه
راشد سار يربع عند عبدالله وهو يصارخ : عبود والله يويلك .. بذبحك لو كلته
عبدالله يوم شاف راشد ياي صوبه يلس يربع عنه .. وشموه اطالعهم وتضحك
عبدالله خطف من جدام يدووه وكانو موطين الفواله ووهو يربع طاحت الدله
يدووه : وابوي عليكم مب جنكم رايايل يالسن اترابعون ورى بعض
راشد وهو سادح عبدالله ع الارض : زخيتك
راشد : ظهر الجلكسي من ماخبيك
عبدالله : ترانيه كلت اثنين
راشد : الله ينطبك ..شمووه بتقول عنيه جذااب
عبدالله : انزين هدنيه وانا بعطيك
راشد : انزين بسرعه
عبدالله وهو يظهر الجلكسي من مخابيه : تعرف طعمه حلو وهو سايح
راشد : ادري مجربنه..(وهو يشوف الجلكسي لي في ايدين عبدالله) ست حباات باجي اثنين ..
عبدالله : ترانيه كلت اثنين
راشد : عبود انا ماخذ 10 حبات باجي اثنين
عبدالله : راشد عيبنيه اباهن بعطيك واحد وانا واحد
راشد : اوكيه عطانيه اياهن
\
/
\