قفول وزرافيل

[الشاعر / محمد بن سعد]

​

قفول وزرافيل​

ما هوغرور ولا كبر يوم أخليك
القصد واضح ما يبي له تعاليل​

أبيك تحس بقيمتي يوم أنا أفديك
وأبيك تذوق المر وطعم الغرابيل​

سلمت لك قلبي براحت أياديك
ومن عندكم ما شفت كود البهاذيل​

نسيت يوم تقول ما ني بناسيك
وإلا كلام الصبح تنساه بالليل​

أبعد خلاص أرجوك واللي يخليك
وأحرق بيدّك ما بقا من مراسيل​

والله ما أرجع لك ولا عاد لي فيك
حتى ولو صارت دموعك هماميل ​

أشرب فناجيل الندم لين ترويك
ولا ظنتي بيرويك شرب الفناجيل​

دامك نقضت العهد والله ما أبيك
لو كان تغرق بالدموع المناديل​

بنسى ليالي عشتها في تهاليك
ويكفيني بدنياي نار ومعاميل​

وجلسة رفيقٍ بالمحبه يساويك
ناسٍ لهم وسط الضماير مداهيل​

ولا ضاق صدرك وأصبح الهم طاويك
بتذكر حبيبٍ عاش ليل التهاويل ​

وإن جيتني ندمان وتقول أنا أغليك
بتلقى على قلبي قفول وزرافيل ​

وسلامة الجميع​

 

[الشامخة]

عسى ما ننعدم منْ مدت يُمناك ...

تسلم على الابيات بجد فن ذوووج.....

 

[دانة غزر]

صح لسااااااااانك شااااااااااااعرناااااا

كلمااااااات جميله

وراااااااااااااااااائع وووواصل


على هالتميز اخووووووووووي


والله يعطيك العاااااااااااااااااافيه

 

[أبو سلطااان]

نسيت يوم تقول ما ني بناسيك
وإلا كلام الصبح تنساه بالليل

بيض الله ويهكـ الشاعر و صح لسانكـ ...
كفيت و وفيت بالقصيد من فيض بحركـ ...