هل تعرفين معني كلمه أنثي

الموضوع في ',, البُريمِي لـ قَنَاة حَواء ,,' بواسطة حلوة مكحلة, بتاريخ ‏1 ديسمبر 2008.

حالة الموضوع:
مغلق
  1. حلوة مكحلة

    حلوة مكحلة ¬°•| lمشرفة سابقة|•°¬

    الســــلام عليــــكم
    :patch_lov::patch_lov::patch_lov:
    موضوعي عن ... مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى...
    خلقت وعاشت وماتت وهي ماتحمل من الأنوثة الا مسماها وبس!!!

    وهذا اللي صايرفعلا...نشوف بنات ( أفضل أسميهم مخلوقات) عالة عالانوثة...لما أشوفهم ودي أتحول لذكر ولا يجمعني فيهم نفس المسمى الأنثى انسانة أرقى ...كانت ومازالت...الملهم الأول والرابح لغزل الشعراء
    وبموضوعي راح أحاول بقدر استطاعتي...اني أكتب لكم عن خلطة لا تتم ملامح الأنثى (مكتملةالأنوثة) الا بها ومن كل الجوانب

    قبل لا أبدأ بالموضوع...أبي كل وحدة منكم تقول أنا راح أتغير ومن اليوم...
    مو عشان فلانة...ولاعشان أقهر علانة...ولاعشان أنخطب...ولاعشان الناس يشوفوني....
    لين متى راح تعيشي عشان خاطرالناس...؟؟؟أحد كلف نفسه عشانج؟؟؟
    قولي راح أتغير...عشان أنا انسانة...لي ذاتي...لي كياني المستقل عن كل الناس...عشان أحترم وأسعد الروح اللي قدر لها انها تعيش داخل هالجسد...
    معقولة أموت وأنا ماحققت شي لذاتي؟؟؟ ماأسعدت نفسي بيوم؟ ماعشت لنفسي؟؟؟
    لوحطيتي ببالج: أقهر واغيظ فلانة وفلانة...حتى ربنا ماراح يوصلج لمرادج...تأكدي من هالشي...وكل وحدة ونيتها...

    وهذي ملامح الأنثى الحقيقية...:

    المعاملات

    *ملتزمة بدينها

    *حسنة الأخلاق

    *مؤدبة مع الصغير والكبير

    *تحترم الكبير والصغير لأنها تحترم نفسها أولا وأخيرا

    *توقف احترام وتقدير للي أكبر منها بالسن

    *تبعد بأكبرقدر عن المشاكل>>> موتعتبرها فرد عضلات وقوة شخصية وتتدخل بكل كبيرة وصغيرة على بو حلالة مشاكل

    *لها قيم ومباديء صحيحة ماشية عليها بحياتها.>>> مومع كل من هب ودب

    *ماشية بحدودالشرع والعرف

    *ابتسامتها دايما مشرقة على وجهها

    *كلها حيوية ونشاط لما تشوفيها تحسين انها فعلا شابة<<لان الشباب ينبع من داااخلج من روحج وقلبج ومعدنج الطيب

    *لما تكون بمكان تملأه حياة وتترك بصمتها فيه>>> مو وجودها مثل عدمها مافرقت

    *لها أهداف وطموح ...انسانة منتجة

    *متعلمة...مثقفة...( موثقافة مطربين وستارأكاديمي)... ولاثقافة مقتصرة عالجمال والميك أب...

    *اذا قعدتي معاها تفيدج وتستفيد مو بس تضيعلج وقتج بالحش والنميمة<<ترى محد يطير حسنااتج الا هالنماين

    *ناصحة...صادقة...متزنة...رزينة ...بعيدة كل البعد عن التكبر والغرور<<مهما كانت مكانتج الاجتماعيه عالية ومهما كان عندج من خير ، ترى كلها نعم من الله لازم تشكرينه عليها وتتواضعين له مو ترفعين خشمج على الناس (من تواضع لله رفعه اليه) ، في النهايه كلنا من طين

    *تعرف قيمة نفسها وأهلها...حريصة على سمعتها<<للأسف وااايد بنات عبالهم انهم اذا اطلعوا من البيت خلاااص محد يدري شيسووون ، لا ماما الله فووقج يشوفج ، اتقي الله في افعالج واقوالج ، ولا تنسين ان الدنيا صغيره ومافي شي ينخش

    *ماترفع صوتها على أحد<<مووو صوتها يلعلع بالمحلات على بو تكاسر راعي المحل
    وغيرهاكثير...ماتخفى عليكم وأنتوا أدرى فيها باذن الله...التصرفات

    جلستها صحية<<فردي ظهرج وانتي قاعده ، حتى هالقعدة تعطيج هيبة فوق ما اهي صحيه

    *هادئة

    *خجولة.>>> هذي الصفة تميزت فيها الأنثى...فلو ماكانت فيها حطي عليها X

    *صوتها منخفض مو متذبذب.>>> موتطلعين من عندها تروحين على طول لعيادة الأذن والأنف والحنجرة.

    *مشيتها راكزة واثقة وقورة هادية مثل النسمة بدون تغنج ولاتمايل.>>> بنات تشوفيهم تحلفين انهم مشاركين بماراثون أو سباق الهجن، أو تتميع لج بالمشية كأنها رقاصة متنقلة

    *ضحكتها ناعمة ساحرة أقرب للابتسامة من القهقهة.>>> صارت نادرة...الوحدة الحين تضحك تنطرين اللي بمعدتها يطلع بويهج .

    *تحركاتهاا ناعمة وقليلة.>>> مو تزعجج بخشخشتها وتييبلج الحول بكثرة تحركها...في بنات أشك انهم قاعدين على يمرة.



    *ماتتدخل في اللي يعنيها واللي مايعنيها

    *ماتتفلسف على الفاضي والمليان<<أملق شي اللي تتفلسف وتدش بموضوع اهي ما تدري عنه وتشوفينها فوق هذا متعصبه لرايها ومصممه انها صح

    *كلامها واضح مفهوم يخرج من فمها بانسياب

    *ماتسمعين منها ولالفظة صبيانية أبدا ولاسوقية

    *الكلمات النابية ماتنطقها أبدا.>>> ويعه وياحمارة ويازفته ويا....الخ .البنت اللي أسمعها تقول جذي على طول أحكم عليها بالهمجية...

    *الكلمات اللي تخدش الحياء لوتموتين ماتسمعينها منها

    *الدق والتطبيل وشغل الطقاقات هذا مالج أمل تسويه.>>> شايفه هالحركات وااايد خصوصا بباصات التوصيل بين الكليات وبالرحلات وغيره وغيره حمدالله والشكر ، شفتوا تأثير ستار أكاديمي؟

    *اذا اتكلمت بالتيليفون صوتها منخفض مع وضوح.>>> موتصرخ وكل اللي حوالينها عرفوا كل أخبارها.

    *تراعي قواعد الاتيكيت والذوق العام.

    *مستمعة جيدة...ومحاوره ممتعة.<<مو تااااكلج بالكلام وطول القعدة اهي اللي تقرق ، جنه فيها فقرة سوالف.

    *كلامها ذوق ومريح .>>> موتقولج هييييييييه انتي...أو يا انتي...كأنها داخلة عليج من الشارع...ولاتتكلم عن غيرها بلفظ هاااااذي...خير وين احنا قاعدين...استغفرالله في بنات أخاف منهم أشك انهم خريجات سجون

    *تبعد عن الهمز واللمز والمناجاة والضحك من غيرسبب لأنه..................... .........؟؟؟

    *طبيعية غير متصنعة.>>>التصنع صار شي مكشووووووف مكشووووف مكشووووف ، ليش تتصنعين؟ ما عندج شخصية بالأساس؟والا مجرد حب تقليد والسلام؟

    *كل تعاملاتها تحت بند ) لوسمحتي – حاضر – ممكن؟)...وكل الألفاظ اللي تدل على أدبها.

    *نشيطة...مستبشرة...ماتسمعين منها:ما فيّا...تعبانة...دايخه ... زهقانة ....وكل الألفاظ اللي تحسسج انها بعمر الـ 80 سنة<<خخخخ ماراح أعلق

    وعشان تكونين أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم سالفه أو خبر..يردون عليج لااراديا يقولوج ( جذابة)!!!
    أو ( قولي والله)!!!أو (حلفي)!!!
    أو بعضهم تقوليلها شي ...تلاقينها فجأة شهقت ( شوي والا شافطتج)...وتطق بيدها على صدرها(تحسين ان صدرج انتي عورج)...>>> يعني سوت أكشن.

    ومن التصرفات اللي وايد بنات يسووها وماخذينها عادة..وهي تشوههم...وتخرب أنوثتهم:

    *أكل اللبان ) العلج) بكل وقت...شكلها صج موحلو...والأفضع انها تسولف مع أحد والعلج والسعابيل بحلجها يحوسون ...

    *قضم الأظافر...صج عادة بشعة...واللي تعاني من هالمشكلة في محلول بالصيدليات خاص فيها مر وطعمه وريحته مقرفين... تحطيهم على أظافرج خلال فترة بسيطة راح تتخلصين من هالعاده ، بس شوية ارادة وصبر

    *حك الاذن...واذا عندك التهاب حاولي تعالجيه عشان تتخلصي من هذا الموقف المحرج.

    *حفرالأنف (التنقيف)...>>> no comment.

    *لمس الشعر باستمرار.>>> حتى الشعر يدهن من كثر ما تحووس فيه ، وهذي الحركة تدل على التوتر وعدم الثقة بالنفس.

    *في بنات عندهم بثور بوجههم...تلاقينهم طول القعدة وهم يلمسونها وشغاليييييييين.>>> تتسلى الأخت...عندها جلسة فيشيال

    *تقشيرالشفايف...سواء بالأسنان أو اليد<<حطيلج زبدة كاكاو على طووول بالجنطه وحطي منها كل شوي وافتكي

    *الوحدة أول ماتقوم...لاارادي تلاقيها سحبت الاندروير ...>>> لووووووووووووووووول لاتلومونها ضايقها

    *فرقعة الأصابع...>>> حركة بشعة ومزعجة

    *لما تقعد وحدة وحاطة ريل على ريل وطول الوقت تهز ريلها وتمرجحها.>>> ملاهي

    *أو تقعدين يم وحدة تلاقينها تهز وتهز وتهز...افففففففف مزعجة توترج وترفعلج ضغطج غير منظرها طبعا>>> كأنها بيجر حاطينه هزاز

    *أو وحدة طول القعدة كل شوي مطلعة شي من الجنطة ...عشرين ألف مرة تطلع المرايا( ماعندها ثقة)...أو القلوس

    *أوطول ماهي قاعدة معاكم والموبايل بيدها ومشغولة فيه>>> السفيرة عزيزة

    *العصبية...دمارالأنوثة...وتقلل الهيبة والوقار...

    *كثرة التلفت وتركيز النظر عالأشخاص ...ماورى هذي الحركة الا الخفة

    *تجيكي الوحدة بنص الجلسة...تطلع التيشو وتنفر أنفها...>>> تنظيفات بلدية.

    *وهذي الحركة تقتلني وصج بشعة...الوحدة بعد ماتمسح خشمها...تفتح التيشو وتقعد تشوف شنو فيه...>>> تدور على شي مضيعته

    *اذا كنتي بعزيمة ديري باااالج من الكلام الكثير المتواصل وماتعطين مجال لغيرج بالمشاركة...أومقاطعة غيرج...

    *أوتسمعي وحدة قالت شي...تروحين تجذبينها...

    *ذا كنتي من الناس اللي طول القعدة تردد: أنا رحت وأنا اشتريت وأنا يبت وأنا وأنا وأنا.....حاولي تتخلصين منها...لانه اسلوب منفر...والناس راح تقول عليج حديثة نعمة<<والا أول مرة تشوفين خير؟؟
    وغيرها وااااااايـــــــــــد حركات ...فالأفضل تنتبهين انتي لنفسج...وتعدلين أي شي من تصرفاتج...قبل لاينتقدونج الناس ويتكلمون عنج من ورااج


    أغراضها تدل عليها وتتكلم عنها

    كل شي حولها يرتبط فيها وله علاقة فيها...يقولج أنا ملك لفلانة....

    من غرفتها...لأغراضها...لمكتبها... كوبها وصحنها...........الخ.
    تضيف لمساتها الخاصة على كل مايخصها....

    مثلا غرفتها....كل مافيها.....من ترتيبها وتنظيمها....يدل على شخصيتها...يعبر عنها....الألوان والتأثيث والقطع والتحف.....الخ.
    مو شرط لاثبات الأنوثة ان كل شي يكون وردي.....>>> أحسها صارت دقة قديمة...أصلا خاصة بالأطفال.

    وموضوعنا عن الأنوثة مو الطفولة...

    فتلاقين ألوان وديكورات مختلفة...من ابداعها الخاص...
    نظافة...ملفتة...تعرفين ان صاحبتها نظيفة من العمق...
    مرتبة ترتيب يدلج ان شخصية هذي الأنثى نظامية...

    موبايلها...ينطق ويقول أنا لفلانة...سواء من ناحية الكفر أو الخلفية أو الثيم..

    ونغماتها تدل ع اتزانها...وتدي انطباع عن شخصيتها...

    كتبها وقراءاتها...تعطيج انطباع عن ميولها وثقافتها واهتماماتها....

    باختصار كل مايخصها يقول أنا لفلانة...(الأنثى)...

    لنفسها عليها حق

    مايضيع عمرها بلا استثمار...ولا وقتها بلا فايدة...تقدر نفسها... وتعطيها المجال الأكبر من العناية والدلع والاهتمام...

    ومن الأشياء المهمة...اللي أنا أعتبرها من تدليل النفس ورفاهيتها

    الاستجمــــــــــــــــاااااااااااااااااااااااااام


    وهذي طريقة لأحلى حمام رومنسي وهذا ضروري يهدي الاعصاب ويريحج

    اللي نحتاجه:

    1-شموع معطرة
    2-رغوة مغذيه ومرطبه
    والافضل تكون بنكهات الفواكه او الزهور مثل رغوة بودي شوب او من لانكوم بالنكهات او رغوة نونو للاطفال تخلي بشرتج ناعمه وتلق
    3-فاشكول للشعر أو سيرامايد أو ماسك والافضل تكون ريحته حلوة
    4-فوطتين وروب حمام تكونين معطرتهم بعطر تحبينه

    الطريقه:

    ترسي البانيو الين النص ماي دافي ، والماي يصب ضيفي الرغوه ولما تبدأ البابلز تظهر سكري الماي...

    شبي الشموع بعيد عنج شوية المهم تكون اضائتها واضحه وخافتة

    حطي الفاشكول بشعرج وسويله مساج زين وبعدين رفعي شعرج كله فوووق

    وبعدها تمددي بالبانيو بهدوء وتنفسي بهدوء وهدي اعصابك واسترسلي بالافكار

    وبعدها قومي وخذيلج شطفة باردة من الدوش

    وجففي شعرج وجسمج..ورطبي جسمج بلوشن حلو ...

    ولبسي الروب وطلعي من الحمام

    ونعيمــــــــــــــا بأحلى مزاج رايق...

    ومن الدلال والرفاهية...جلسات المساج...

    وبجذي راح تكونين راضية عن نفسج تمام الرضا...

    عايشة بصلح مع نفسج ومع الآخرين...

    راح تكونين مضرب الأمثال ومحط تقدير واهتمام واعجاب كل من يعرفج .....

    هذا اللي عندي حاليا...واللي حابة تضيف نقطة أهلا وسهلا والموضوع موضوعها...واذا نسيت شي ياريت تذكروني أكتبه لكم...واللي ما عجبتها اي كلمة من كلامي تطوفها لي لاني حسبة اختكم ، ومنكم واليكم والسلام عليكم

    :patch_lov::patch_lov::patch_lov:
     
  2. دبدوبة خصب

    دبدوبة خصب ¬°•| عضــو مــهــم|•°¬

    هيه والله صدقتي اختي حلوه
     
  3. واثقة الخطى

    واثقة الخطى ¬°•| عضو فعّال |•°¬

    ناااااااااااااااااااااااايس موضوعج..^^

    وكل كلمة كتبتيها عين العقل..

    يزاج الله خير...^^
     
  4. حلوة مكحلة

    حلوة مكحلة ¬°•| lمشرفة سابقة|•°¬

    مشكورات خواتي على مروركن الحلو
     
  5. قطوة البريمي

    قطوة البريمي ¬°•| مُشرِفَة سابقة |•°¬

    يالله يالله حلاته الموضوع

    غاوي بصرااحه

    ولحو انه الوحده تتبع كل هالخطوات ...

    هااي الانوثه ولا بلااش

    لووووول
     
  6. حلوة مكحلة

    حلوة مكحلة ¬°•| lمشرفة سابقة|•°¬

    مشكورة قطوة على مرورج
     
  7. كيـِـآטּ

    كيـِـآטּ ¬°•| مشرفة سابقة|•°¬

    ربي يعطيكِ العافية

    موضوعج جدا مفيد غاليتي.. سلمت أناملك


    الذهبية.. وأن شاء الله الكل يستفيد...دمتى بخير


    بنقل لقسم حواء
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صح بهالصفات الحسنه البنت تبين انها انثى مب تصرفات همجيه


    يعطيج الف عافيه اختي ع الموضوع المهم
     
  9. بريمية حيل

    بريمية حيل ¬°•| عضو مبتدى |•°¬

    صح كلامج الحلوووووووووو


    ياليت الكل يعرف شوه يعني انثى

    ...............................................
     
  10. حلوة مكحلة

    حلوة مكحلة ¬°•| lمشرفة سابقة|•°¬

    مشكورة يالغالية على تواصلج:patch_music:
     
حالة الموضوع:
مغلق

مشاركة هذه الصفحة