تبي فرقاي!!؟؟ قصيدده لشاعر جاسم الحمادي

الموضوع في ',, البُريمِي لـ القَصائد المنقولة' بواسطة دبدوبة خصب, بتاريخ ‏30 نوفمبر 2008.

حالة الموضوع:
مغلق
  1. دبدوبة خصب

    دبدوبة خصب ¬°•| عضــو مــهــم|•°¬

    السلام عليكم ,,,



    هاي قصيده ثانيه حق الشاعر جاسم الحمادي ...





    تبااا فرقاااااااااي ,,



    تبي فرقاي؟؟ وش يعني؟؟ تراني عشت من قبلك
    شربت وكلت واتنفس طبيعي مثـل كـل النـاس
    تظن انك بتذبحني اذا تقطـع علـي وصلـك ؟؟
    ترى نجوم السما اقرب ولا تزرع بقلبـي يـاس
    تراك بحلم لـو تحسـب أبترجـاك وارجعلـك
    وانا اللي مع حليب امي شربت العز والنومـاس
    ودام انها خربت، قرب، ترا فرصـه أصرحلـك
    لأني كنت متردد حسـب انـك معـك احسـاس
    تـرى مااستوعبـك عقلـي ولاقلبـي تريحلـك
    ولا يوم ارتفع سهمك وقدرك واطـي(ن) ينـداس
    وانا كنت ادري بطبعك ولكـن قلـت اسايرلـك
    واشوف لأي مدى يوصل طموحك يا ردي الساس
    أنا اخطيت مايخفـى عليـك وغلطتـي وصلـك
    وانا أدري خطى مثلي كبيـره حيـل بالمقيـاس
    واذا تبغى الصدق نادم على وقت(ن) مضى لجلك
    خطى فحسابي يوم اني رفعتك فوق كـل النـاس
    وانا شايف مدام انها تجي من عنـدك اريحلـك
    عساك تلاقي الشخص الذي يشوف الرخم جرناس
    عسى يتجاهل اطباع(ن) رديه مع ردى أصلـك
    وابد لاتيأس وربي جعل كل نـاس ولهـم نـاس
    عسى يعمى عن عيوبك يشوفك شيخ وقت(ن) لك
    عسى تتوافق أفكـارك وأفكـاره سـوا بقيـاس
    عسى عيونه يشوفونك عديـم ونـادر(ن) مثلـك
    عسى حسنك يغطيله عيوب(ن) فالوضوح اشماس
    وانا لاتحلم بوصلي نصيحه،، والله ناصـح لـك
    تراك بتتعب وقلبك بتطحـن بـه رحـاة اليـاس
    واذا ناوي على فراقي تراني عشت مـن قبلـك
    شربت وكلت واتنفس طبيعي مثـل كـل النـاس






    ولكم مني الزود ,,,
     
  2. أبو سلطااان

    أبو سلطااان مؤسس و رئيس الفريق التطويري إداري

    موفقه بالأختيار أختي دبدوبة خصب ...
    قصيده رائعه ...
    و خاصه أعجبت بهذا البيت لما يعبر عن تمكن كاتبه ...
    واذا ناوي على فراقي تراني عشت مـن قبلـك
    شربت وكلت واتنفس طبيعي مثـل كـل النـاس
     
  3. دبدوبة خصب

    دبدوبة خصب ¬°•| عضــو مــهــم|•°¬

    مرورك شرف يا بوسلطان
    واتريا مني الزرد
     
  4. سفير الحب

    سفير الحب موقوف

    مهما يكن أختي فالفراق من أصعب الأمور في الحياة ..
    يعطيك العافية ..
     
  5. دبدوبة خصب

    دبدوبة خصب ¬°•| عضــو مــهــم|•°¬

    اخويه فتى الظاهره الف شكر لك ع المرور
    تحياااااتي
     
  6. أسعد الحمادي

    أسعد الحمادي ¬°•| عضو جديد |•°¬

    صح لسانة اخويه الشاعر جاسم الحمادي

    صراااااحة قصيدة ولا اروع
     
  7. بيـاض السحـب

    بيـاض السحـب ¬°•| مُشْرِفَة سابقة |•°¬

    دبدوبة خصب

    الله يعطيك العافية على القصيدة

    تنقل لقسم القصائد المنقوله لانه الانسب لها

    وتقفل لأنها من المواضيع القديمة

    ولك تحيتي ومودتي
     
حالة الموضوع:
مغلق

مشاركة هذه الصفحة