1. بريمي_السعودية

    بريمي_السعودية ¬°•| عضو مميز |•°¬

    الأسطورة

    يابنت روحي ماعليكي .. غبينه
    روحي سلامه .. ودعي كيف ماكان
    انا حياتي .. اكبر من المدينه
    فيها صراع ومجد وامال واحزان
    فيها شجون وشد .. فيها سكينه
    فيها عجاج وبرق ورعود وامزان
    فيها شموخ الذات .. فيها لعينه
    فيها فرح وسرور وانغام والحان
    فيها زهور البر والياسمينه
    فيها شروق الشمس .. صحراء وبستان
    باب انفتح من صوبكم قافلينه
    ماعاد له داعي ومن دون عنوان
    اللي مضى بالمرسمه كاتبينه
    امسحه وامسح كل غطات الازمان
    مانتي حيات الذات مانتي سفينه
    عبارةً راحت كذا دون ربان
    فيها بشر كانوا بهاك السفينه
    راحوا ضحايا .. ضايع فلان وفلان
    شئً غريب وشئ مستغربينه
    صارت ألم تهرج بها كل الاوطان
    ناسً قذفها الموج ناسً حزينه
    لليوم باقي غافل الوضع ياانسان
    يوم تحب انسان يومً تهينه
    يوم تعيش افراح وايام طفشان
    يومً تدّين مال يومً تدينه
    عايش معاك العز وتقول حرمان
    غير حياتك للحياه المتينه
    كافي تقلب مثل شاشات الالوان
    فكر بشخصً شايل الدهر عينه
    وآخر بعيد العقل والعقل ميزان
    فكر بمن فالسجن واللي سجينه
    بين الحيا والموت فالقيد منهان
    اذكر مريضاً فاقد اللي ثمينه
    صحته .. ماهي كامله بين الابدان
    ولا يتيمً ماتصفق يدينه
    قفوا هله مايبصره كود جيران
    هذي حياته بالزوابع سمينه
    ثوبه عتيق وحالة الطفل فقران
    واللي بقبره طيب الله جبينه
    صلوا عليه العصر ربعه وعربان
    لا صاحبً عنده ولا له قرينه
    مثله مثل من مات ماغير الاكفان
    يجعل كتابه حامله في يمينه
    في جنة الفردوس ماهوب خسران
    هذا وغيره طالب الله يعينه
    يكون قسمه تالي العمر ربحان
    هذا الكلام اللي لكم مثبتينه
    هذا كلامً صدق مافيه كتمان
    مانتي وطن بارواحنا حافظينه
    الكل لاجله يقذف العمر كسبان
    الله حمانا بالحرم والمدينه
    بالليث عبدالله وبالليث سلطان
    الروح لاجله والولد مرخصينه
    الرابح اللي قدم العمر لاهان
    ماني مثال الخلق لاتجهلينه
    حالي يعرف الجد فالجد بركان
    هيه العمر ماهو لعينك رهينه
    ماني حبيس البيت لاجلك بالاركان
    تلقين غيري مطلبك تعشقينه
    ماحدً ينام الليل يابنت جوعان
    كوني لقولي ياغرامي فطينه
    وان كان رحتي ياخذ الوضع نسيان






    الشاعر: وليد الحميد
    الرياض 2010
     
  2. أبو سلطااان

    أبو سلطااان مؤسس و رئيس الفريق التطويري إداري

    ناسً قذفها الموج ناسً حزينه
    لليوم باقي غافل الوضع ياانسان
    يوم تحب انسان يومً تهينه
    يوم تعيش افراح وايام طفشان

    ما شاء الله ع القصيد الرائعه ...
    يعطيكـ ألف عافيه ......
     
  3. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬





    بريمي السعوديه


    تسلم ياغالي قصيده جزله من رجل جزل

    تقبل مروري
     
  4. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    لا هنت ياخوي قصيده ما فيها حيله
     
  5. بريمي_السعودية

    بريمي_السعودية ¬°•| عضو مميز |•°¬

    يسلم مروركم واناملكم الذهبيه وبصراحه قصيده من عمق المشاعر اهني الشاعر وليد الحميد
     

مشاركة هذه الصفحة