ظواهر اجتماعية(1) : ونوماً هنيئــاً لأطفالكم

[رَحِيْلُ الْودّ]

بإنتهاء المدارس وبداية العطلات الصيفيــة يبدأ موسم (العروسات) ، ينشغل أقارب العروسـ والمعرس بتجهيزات حضــور العرس ..

بداية بالتفصيل وشراء (الشكالات والبكالات) وحركات البنات وكذلك الصبيان و(الكنادير والنعلان) !

ثم حين يحين موعد توزيع البطاقات قبل العرس باسبوعين او اسبوع

نرى في أسفل البطاقة العبارة المسجوعه المزخرفه والمبتكره لمنع أجمل مافي حفلاتنا من الحضور !

والاغرب انه لا التزام فيها !

فلماذا ( نشل الشيانه) بهذة الجملة ..

وهل انتم تتفقون مع هذة الظاهرة الدخيلة بمنع الاطفال من العرس

حرااااامات والله يا كثر فرحتهم وهو يخربون الورود اللي ع الكوشة ولما يخبصون الكيكه قبل المعرس والعروس

هههه



هذا عوضاً عن الرجاء عدم اصطحاب الهواتف المزوده بكاميرات ههههههههه الحين تيلفون بو 3 امية فيه كيمرا واااضحه هع ..والعيايز عندهن تيلفونات بكيمرا atch_punnch:

من وجهة نظر خاصة:

الغلط ماهو بحمل هذي الهواتف ولا وجود الاطفال الغلط هو توجيه السلوك اللي تمادى ومحد وقفه وهاي العبارات مالها معنى ..طالما مافي حد وقت العرس بيقول مانبى يهال نحن قلنا جيه ف البطاقه او بيقعد يفتش حقايب النسوان !!



عموماً:

انا ما اتكلم عن هالسلوكيات اتكلم عن جملة معدومه الفايدة في البطاقة وخاصة حق اليهال

مع احترامي للجميع بس احس العرس ملييييغ بدونهم

 

[قطوة البريمي]

مرااااااااااااحب

ف البدايه حبيت اقولج موضوعج غاوي .. ويستحق النقاش ..لوووول

ثاني شي .. منو قالج انه النس تسمع هالرمسه .. محد يعطي ويه حق البطاقه انه ممنوع اصطحاب اليهال ..
يعني اذا يبون اييبون اليهال .. بيبونهم ما عليهم من البطاقه .. ومحد يقول شي ااذا حد ياب اليهال طبعا . ما بيروغونهم

.. وبالنسبة للموضوع .. انا وياج بعد .. هب حلو العري بلاهم .. تحسين العرس حقهم هب حقنا .. لووووول

تقبلي مروري

 

[الغافري]

شكرا أختي رحيل الود .... بناقش دام الموضوع أشوفه بعيني

بالنسبة لكل ما يكتب على البطاقات نقدر نقول (((( خرطي ))))

محد بيلتزم وما تقدر تمنع شخص لعدة أسباب :

1- خوفاً من الفشيلة .

2- أساساً أهل المعاريس منشغلين بالعرس

3- طبيعة الخليج جلب أطفالهم وياهم


تقبلي مروري

 

[رَحِيْلُ الْودّ]

مرااااااااااااحب

ف البدايه حبيت اقولج موضوعج غاوي .. ويستحق النقاش ..لوووول

ثاني شي .. منو قالج انه النس تسمع هالرمسه .. محد يعطي ويه حق البطاقه انه ممنوع اصطحاب اليهال ..
يعني اذا يبون اييبون اليهال .. بيبونهم ما عليهم من البطاقه .. ومحد يقول شي ااذا حد ياب اليهال طبعا . ما بيروغونهم

.. وبالنسبة للموضوع .. انا وياج بعد .. هب حلو العري بلاهم .. تحسين العرس حقهم هب حقنا .. لووووول

تقبلي مروري

يعني متفقه ويايه

انا لان محد يتنقد لو يابوهم ولأن الجملة معدومة فايدة
أبى أفهم شو الفايدة من وجودها

قيس إلا خسارة حبر خخخ
تشكرين ​

 

[رَحِيْلُ الْودّ]

شكرا أختي رحيل الود .... بناقش دام الموضوع أشوفه بعيني

بالنسبة لكل ما يكتب على البطاقات نقدر نقول (((( خرطي ))))

محد بيلتزم وما تقدر تمنع شخص لعدة أسباب :

1- خوفاً من الفشيلة .

2- أساساً أهل المعاريس منشغلين بالعرس

3- طبيعة الخليج جلب أطفالهم وياهم


تقبلي مروري

أمممم والله يبتها من مكان ثاني
وعجبني تحليلك ،’
إتصدق مافكرت بهالطريقة ،

يمكن بعد هالأسباب تمنعهم

لكن يوم هالأسباب موجودة ،’

يعني ما بيرمسون ولا بيعلقون

عيل اشعنه يكتبون العبارة ذي ؟؟

تُشكر أخي الكريم على تواجدك ​