1. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    لـبـيـه



    لبيه وأمرك يا حبيبي مطاعي ........ يالِلي تعذبني وأنا أقول لبيه


    ياللي علشانك بذلت المساعي ........ حبك متعبني لو القلب راضيه


    أنا عشقتك يالغضي باقتناعي ........ ولحدٍ جبرهالقلب في اللي أسويه


    دعج العيون اللي تسبب ضياعي ........ لا سلهمت بالرمش خالطني التيه


    لا من غدى كل الخلايق هجاعي ........ يجلس يسامرني وقلبي يسليه


    صدر عليه الحكم ولا به ارجاعي ........ أنه حبيبي وغايتي وأني أغليه


    وإذا سألوني قلت ما فيه داعي ........ خوفٍ عيون الناس هالحب تنهيه


    في غيبته راسي يجي له صداعي ........ وكل الجوارح في غيابه تناديه


    ليت اللذي بيني وبينه ذراعي ........ وأطفي لهيبٍ بين الأضلاع مخفيه


    والله لجي لو دست روس الأفاعي ........ وآصلك يا معذب خفوقي ومشقيه


    بقطع بحور البعد واطوي شراعي ........ وأعيد حبٍ ما نسينا لياليه


    يمك عناي وحسرتي واندفاعي ........ متى يديني ياعرب تمسك يديه


    خوفي من الأيام تلوي ذراعي ........ وافقد حبيبي وانحرم منه وأبكيه




    بقلم


    محمد بن سعد
     
  2. صح لسانك اخويه الشاعر
    ولا هان منطوقك
    قصدت فأجزلت
    أسعدني ما قرأت


    ولا تحرمنا من جديدك المميز



    إلى الامام دوما


    عثاري
     
  3. ♦L♦

    ♦L♦ <p><font color="#010000">زξـيم</font></p><p><font

    صح لسانك الشاعر
    .
    وصح منطوقك
    .
    ولاهنت
     
  4. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    عثاري


    صح بدنك ياغالي ولاهنت

    ومشكور طال عمرك على كرم المرور
     
  5. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    Solid Snake

    صح بدنك ولاندمت

    ومشكور على تشريفك لي
     
  6. أبو سلطااان

    أبو سلطااان مؤسس و رئيس الفريق التطويري إداري

    صح لسانكـ شاعرنا ...
    كلمات تعبر عن تمكنكـ الشعري ...
    يعطيكـ العافيه .....
     
  7. دبدوبة خصب

    دبدوبة خصب ¬°•| عضــو مــهــم|•°¬

    دعج العيون اللي تسبب ضياعي ........ لا سلهمت بالرمش خالطني التيه

    صح لسسسسسسسسسسسانك الشاعر فذمتيه ابدااااااااااااااااااااع
    نتريا الزود من صوبك
     
  8. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬


    أبوسلطان​



    صح بدنك
    ومشكور على الاطراء الجميل​
     
  9. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬



    دبدوبة خصب

    صح بدنك عزيزتي

    والإبداع تشريفك لي
     
  10. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    يا لبيه يا خوي لا هنت ولا هان منطوقك ونرقب من جداك الزود
     
  11. سعود الظاهري

    سعود الظاهري :: إداري سابق ومؤسس ::

    [FONT="Comic Sans
    MS"]

    :: ::
    :: بسم الله الرحمن الرحيم ::
    :: ::
    السلام عليكم ورحمة الله وبركاته


    ,,,


    ياسلامي عليك وعلى قصايدك الحلوه والله ^^


    صح لسانك ^^


    القصيده فنانه وماعليها قصور الصراحه ^^


    انت شاعر ومبدع في نفس الوقت ^^

    اتمنى من ربي يوفقك في حياتك ^^

    الصراحه انا ما اعرف شوه اقولك في قصيدتك الحلوه غير ربي يجعل لك من تقدم الى تقدم ^^


    اتمنى لك التوفيق في مسيرتك الشعريه الرائعه ^^


    :: ::
    :: والسموحة ::
    :: ::

    ~:●الـظاهـري ●:~.

    [/FONT]
     
  12. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    غلابني كعب
    ولا هنتي

    وتسلمين على روعة المرور


    لك مني كل التقدير
     
  13. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬



    أخوي الظاهري

    ماشاء الله عليك

    ماترك لنا مجال للكلام

    أشكرك على روعة الإطراء

    وعلى كرم المرور على صفحتي المتواضعه

    ولك مني كل الحب والتقدير



    محمد بن سعد
     

مشاركة هذه الصفحة