منكم السموحة

الموضوع في ',, البُريمِي لِـلخَواطِر ,,' بواسطة بقايا جرووح, بتاريخ ‏20 نوفمبر 2008.

  1. بقايا جرووح

    بقايا جرووح ¬°•| عضو مميز |•°¬

    هلا وغلا شحالكم يا مبدعين؟؟

    اليوم ابيكم تسمحولي لأني ما قدرت أنزلكم خواطر يديدة

    بس اوعدكم انشاء الله يوم السبت تلقون مني اللي يسركم

    بس بما اني ما قدرت اكتبلكم شي من عندي

    حبيت اشاركم ببعض الخواطر القصيرة اللي تحمل في طياتها

    معاني العتاب التي لطالما تمادت في رسم العذاب


    V
    V
    V
    V
    تزعل وانا اللي منك زعلان
    وارضيك لو حقي عليك اشتكيلك
    احيان اجي ضدك واجبي بصفك احيان
    تطيع من عيني وقلبي يشيلك
    ان غبت عنك ردني الشوق ولهان
    وان غبت عني ما ادور بديلك
    .............................................


    حاسب ضميرك لا تعجل في عتابك
    وين الاماني وين باقي وعودك
    غالي وتبقى غالي في غيابك
    لكن تزيد من غلاك في وجودك
    ...............................................
    خذ فؤادي وأنا راضي تجرحه...
    لي فؤاد قد ما تجرحه مسموح ....
    بس سؤالي اللي ودي أطرحه ....
    هو بقى بي أي مكان للجروح؟؟ !!
    ليش دمعي لي نزل ما تمسحه ؟
    وليش دمعك قبلما ينزل انوح ؟
    فيني حب ما أظنك تلمحه
    ولو لمحته ما تشوفه بوضوح !
    ...............................................
    تذكر صاحبك وارجع
    تقرب له ولو بالصوت
    على آخر نفس واقف
    تجيه والا يجيه الموت
    وأشوف إنك تبيه يموت
    وأخاف إنك بعد موته
    تحن وتفتح التابوت
    أخاف من القهر تزعل
    وتبكي يوم يفوت الفوت
    ............................................

    ابسألك بالله وجاوبني سؤالي
    أو اسألك بالله اصدق بالجواب
    في غيابي مر في بالك خيالي
    و الا ما فرق حضوري والغياب
    قول ما عندك بصدق لا تبالي
    خلني ارتاح من هذا العذاب
    ..................................
    اليوم بكيت وهلت دمعتي
    وسط اهلي وربعي مني بغربتي
    جسد معهم وانا دوم لحالي
    صغير بسني وانسى هرجتي
    لجل تخلى عني حبيب وغالي
    ينتهي الليل واقول يا زمن سهرتني
    ليه كذا يا زمن ما تفي لي بالي
    ..........................................
    أرجوك
    لا تلمس الجرح خل الجرح وأسبابه
    الله يخليك ما فيني يكفيني
    حتى حبيبي زمان الحب ما جابه
    كان آخر انسان متصور يجافيني
    يكفيني انه ترك شي أشقابه
    دفتر قصيد زقلم مسجون بيديني
    ...............................................
    رغم بعدك مشتريك
    ورغم انك قاطع بتم اغليك
    بصراحة أعزك وما ودي اخليك
    .........................................
    لا تلوم اللي يبيك
    لو قسى مرة عليك
    عاتبه وافهم شعوره
    واعرف انه يموت فيك
    ..................................................
    ليش في كل ابتسامة
    القى قدامي دموع
    وكل دمعة من دموعي
    تطفي شمعة من الشموع
    وليش همي هو همي
    ما يتغير وما يزول
    حتى لو حل الفرح
    هو ثواني ما تطول
    ................................................

    قال قلبي عقب ما زاد في نحيبه
    علمني الصبر وقولي وشلون نسيانه
    وين الغلط فيك والا فيني المصيبة
    والا كوني ما عرفت وين الغلط مكانه
    ماهي غلطتك يوم زدت في تعذيبه
    هذي غلطتي تعلمت الوفا والناس خوانه
    ...........................................................
    وشلون هانت رجوتي يوم انا ارجيك
    وشلون هانت دمعتي في عيونك
    وشلون بعت اللي بهالناس شاريك
    قلي علامك بعت ناس يبونك ؟؟!
    ....................................................
    فوق الجروح اللي بقلبي من سنين
    يكفي دخيل الله لا تجرحوني
    ما دامكم ما انتم لجرحي مداوين
    انسو وجودي بينكم وتركوني
    وش من عذابي والعناء مستفيدين؟ !
    وش مصلحتكم يوم تذرف عيوني ؟
     
    آخر تعديل: ‏21 نوفمبر 2008
  2. الحــــضرمي(شبيه الريح)

    الحــــضرمي(شبيه الريح) ¬°•| عضو مبتدى |•°¬

    الللللللللللللللللللللللللللللللللللللللللللللللللللللللللللللللللللله



    قصايد وأبيات روعه و أكثر من روعه حتى انا بنزل قريب بس بتكون زعل






    ومشكوره على هالأبيات
     
  3. @@هاجـ الليل ـس@@

    @@هاجـ الليل ـس@@ ¬°•| عضــو مــهــم|•°¬

    ابيات جميله وكلمات تحمل معاني كبيره اسفه ع الشسمه مو مني بس من غلاتك ع القلب لاتحرمنه من خواطر الحلوووه والجميله ودعي القلم يبدع بين يدك فلديكي الكثير ونحن بنتظار الابداع
    مع تحياتي وخالص اشواقي
    دمووووووووع حايره
     
  4. أبو سلطااان

    أبو سلطااان مؤسس و رئيس الفريق التطويري إداري

    وقفت كثيرا امام تلك الكلمات التي تحمل بين طياتها الكثير من المعاني
    الرائعة
    كل الشكر لج
     
  5. دلوعه ابوها

    دلوعه ابوها ¬°•| عضو مميز جدا |•°¬

    ليش في كل ابتسامة
    القى قدامي دموع
    وكل دمعة من دموعي
    تطفي شمعة من الشموع
    وليش همي هو همي
    ما يتغير وما يزول
    حتى لو حل الفرح
    هو ثواني ما تطول
    مشكوره خيتووووووو ع الكلمات الرئعه
     
  6. دانة غزر

    دانة غزر رئيسة المشرفين إداري

    مشاركه في قمه الرووعه


    تسلمين على الابداااااااااااااع الله يعطيج


    الف عاااااااااافيه
     
  7. يعطيج العافيه يا مبدعه
    وبنتريا خواطرج



    إلى الأمام دووم


    عثاري
     

مشاركة هذه الصفحة