|--*--|قف!!! نبذة عن تخصصك لو سمحت|--*--|

[رَحِيْلُ الْودّ]

بسم الله الرحمن الرحيم

السلام عليكم ورحمة الله وبركاته

كما تعلمون إنتشرت الجامعات الخاصة والكليات وكذلك ظهرت جامعات حكومية جديدة وايضاً بتخصصات جديدة ومختلفة احياناً تخدم حاجة البلد وأحياناً لا فائده منها إلى إشعار آخر !

فما رأيكم لو جعلنا هذة الصفحة مصدر لطلابنا الذين يفكرون بدراستهم الجامعية

فقط دعونا بإختصار نكتب نبذة عن تخصصنا وجامعتنا وأي إضافة تحبون


والسلام عليكم ورحمة الله وبركاتة

 

[إماراتيه عسل]

موضوع حلو من انسانه احلى .. ^.^

موضوع التخصص مهم فعلا .. لانه يعتبر مصيري ..

عني انا لفيت ع كل التخصصات اللي في جامعتناا .. جامعة زايد _ دبي

واحترت بين كذا تخصص .. وافتر راسي بين العلوم الصحيه و العلوم السياسيه

و تخصصات كثيره غيرها لين ما تعبت!!

في الاخير .. وبدون تفكير اخترت MIS .. اللي هو بيكون بزنس واي تي في نفس الوقت !!

بصراحه ما عمري فكرت في البزنس او الاي تي .. لكن سبحان الله تخصصت ودرجاتي اوكيه ..

ونـاويه الكورس الياي آخذ ماينر .. اللي هو بيكون تخصص فرعي في العلوم السياسيه ..

ولاني أحب السيااسه واايد .. حبيت اني آخذه كـ تخصص فررعي .. وبعدين أكمل الماستر في السياسه باذن الله ..

اممم وهذه قصتي وو تخصصي ..!! .. ادري هذربت وايد بس يالله اتحملوني ^.^

وتسلمين ع الطرح الرائع

 

[سعود الظاهري]

[FONT="Comic Sans
MS"]

:: ::
:: بسم الله الرحمن الرحيم ::
:: ::
السلام عليكم ورحمة الله وبركاته

متخصص في قسم الدراسات الاسلامية

وغلطت حياتي أني تخصصت هذا التخصص..

صح هذا التخصص له أحترامه ولكن مب من المعقول ندرس أربع سنوات وعقب نقعد في البيت ..

ماعرف متى بنتوظف ....الله كريم


أجمل تحيه
عبير الود

:: ::
:: والسموحة ::
:: ::
~:●الـظاهـري ●:~.

[/FONT]​

 

[رَحِيْلُ الْودّ]

،،،،،،،،،،،،،

 

[special]

أنا طالبة مدرسه..! ^^"

خذيتلي من المواد: رسم + كيمياء + بزنس

وأحلى شي الرسم.. ما علينا غير نرسم ونسولف..

والدرجات مادري من وين يطلعوهم.. حصلت C !!!

بس درجه تمشّـي الحال.. هع!​

 

[رَحِيْلُ الْودّ]

ملاحظة : الموضوع هادف !
لذلك ارجو فقط من المشاركين طرح خبراتهم لمساعدة الطلبة الاخرين المقبلين على الدراسات الجامعية

تحية​

 

[♦L♦]

انا طالب أدرس في كلية البريمي تخصصي هو IT IS تقنية المعلومات
.
كنت أفكر آخذ تخخص محاسبة لاكن سمعتم يمدحونة ودخلته
.
هو التخخص زين وممتع لاكن الكلية مالتنا تعبانة تصدقون انه فقط يوجد دكتور واحد !! وهو رئيس القسم
.
والبقية معلمين ×_×
.
المهم انا الحمد لله تخطيت الفاونديشن جبت 80 من 100 وأحس أني مظلوم ×_×
.
لاكن الحمد لله الفصل اللي مضي جبت معدل 3.7 من 4 ^^
.
شكرا لج أختي على هذا الموضوع
.
الصراحة موضوع مميز
.
لو يثبت الموضوع بيكون أحسن
.
ولكم أطيب تحية

 

[أ“أ‡أ،أ£ أ‡أ،أˆأ‡أڈأ­]

أولا الموضوع يثبت طلبا من الزعيم Solid Snake
ثانيا لأن لموضوع جدا مميز ورائع وفكرته رائعه بصراحه
عيبني طرح الموضوع وبالفعل يمكن يقدر يفيد منه البعض


انا بصراحه ما كملت دراستي الجامعيه نسبتي ما خليتني أكمل
بس انا احب تخصص المحاسبه وايد وبعد موارد بشريه بس اشوف ناس وايد عليها


بس لو ربي وفقني بكمل على المحاسبه وللا يصير خير لين هذاك اليوم


عثاري

 

[حشيمة القلب]

وانا بعد شرا عثاري ماكملت خلصت ثانويه عامه وكنت متحمسه ادخل الجامعه اهلي موافقين كلهم لكن نااااااااااس ماخلوني والله


كنت ناويه ادخل تخصص ادارة اعمال واعلام وحاسوب طبعا الاعلام والحاسوب موجوده بتخصص ادارة اعمال وشي تسويق


وكنت ناويه علوم سياسيه بس كل شي اخترب ويالله يمكن نقدر نقنعهم مره ثانيه وادرس


الموضوع جدا هادف ويستاهل المتابعه


وبالتوفيق لليميع ^^

 

[السَعيدي]

اممممممممممم

ما ادري شو اقولكم

أنا في البداية
كان خاطري بالقانون ولكن لسوء الحظ وغلطه في التسجيل راحت عليه

وعقبها دشيت التقنيه وكنت محبط وايد لأن القانون راح عليه والتقنيه ماهي بطموحي

طبعا ماحسيت برغبه في الدراسه وعقبها قلت بغير وبدش كليه ثانيه ودشيت كليه وكان تخصصي دراسات اسلاميه
ولكن للأسف كانت ظروف الدراسه وايد صعبه
واضطريت اشتغل

والحمدلله


الموضوع هادف جداً ومميز

الف شكر لج اختي على الطرح
​

 

[غٌَ ـلآ بُنٍيً گـ عُ ــبُ]

انا طالبه جامعيه ادرس في جامعه بوظبي فرع العين

نبذه عن الجامعه:

الجامعه حلوه مب بس بتخصصاتها بس بالجو الي نكون فيه صح ان يكرفونا وهلاك بس صدق يطلعونا مؤهلين لبيئه العمل احيانا اطفر من الجامعه لان وايد بروجيكات وشغل وعفسه بس احيانا اقعد افكر اقول اذا هذا طريج النجاح ولازم ان نمر بهالشئ عسب ان نحقق هدفنا ليش ما اصبر والي يشجعني اكمل واوصل هالشئ رغم التعب يوم شفت الخريجات ما شاء الله كيف بسرعه توضفن والي لقت اكثر من فرصه عمل وغير جي في احصائيه سووها لقوا ان جامعه بوظبي Have high quality education وبعد Low price
اشجع الطلاب ان يدرسون فيها
انا انتسبت لها لان كان في فرصه اني ادرس تربيه في عمان بس انا طبعي ما احب اتخالط ويا بنات ومب متعوده ابتعد عن اهلي عسب جي اهلي دخلوني جامعه قريبه كان خاطري ع نسبتي ادخل جامعه حكوميه بس صدقوني ما ندمت اني دخلتها والاحلى انهم يوفرون لكم منح دراسيه


تخصصي:
اول شئ يدرسونكم انجليزي ويعطونكم شهاده تعادل التوفل وبعدها تدرسون التخصص

طبعن انا تخصصي
Business management

specialization

Management + Marketing
وهاي ميزه ثانيه من مميزات الجامعه انه تقدر تدرس تخصصين مب واحد


اتمنى اني فدتكم ولو بشوي معلومات

 

[كيـِـآטּ]

بالتوفيق للجميع

وعليكم السلام ورحمة الله وبركاته


ما شاء الله عليج أختي ... دوم تيبن أفكاريديدة

وتطرحينهم باسلواب راقي... الى الامام دائماً



من يوم صغيرة كان طموحي أدش الطب... بس في سنتنا كل شي تغير

وكل شي صار ضدي عسب ما أدش الطب...حتى أتذكر يوم التسجيل ..

يوم سرنا نختار التخصصات أخترت الطب عقب الهندسة ( فرحانة بروحي قالوالي

ما ينفع قلت لهم بعدني ما فقدت الامل)... مع أن مجموعي كان ناقص بدرجة عسب

أدش الطب... وبعد ما ردينا البيت..بكيت من الخاطر... المهم قبلوني في الهندسة...


أخترت هندسة مدنية.... درست بعمان... توني خريجة

تخصصي صعب بالنسبة لبنات بس لاني تعودت وحبيت تخصصي أتحملت

أممم شو بعد... أحلى مادة درسته كانت مادة القوانين (laglaislation)..

بس الشي الحلو في التخصص أني درست أشياء عمري ما درستها في المدرسة

يعني كل شي يديد.. معلومات يديدة..



بالنسبة للتوظيف أكثر شي يختارون الذكور... لان جو عمان ما يساعد

البنات أنهن يشتغلن برا....وبالسرعة الشباب يتوظفون....


رحيل الود :

بارك الله فيكِـــ....والى الامام دائما..


وبالتوفيق للجميع​

 

[ذات أثر]

^^!

انا لازلت ادرس بالجامعة ,, ولكن بقول لكم قصة حياتي ,, كح !*

كح ,, اولا انا من جامعة الامارات - العين

الجامعة جديمة من سنة سكتوا ,, حتى امي دارسة فيها !

و طبعاً هي تتغير سنة عن سنة ,,

فيها مساوئ و فيها محاسن ,, أكره شيء انه قلبوا المواد فيها بالانج !*

و هذا اللي اثر على كثير من الطلبة و منهم أنا !*

اول شيء انا دخلت علمي ,, متأملة اني ادخل طب او هندسة ,,

و كان خاطري في هندسة الديكور ,,

مع الايام وبعد الثانوية العامة ,, يبت نسبة حلوة و لله الحمد ,,

هالنسبة تدخلني هندسة لكنها ما تدخلني الطب !

يوم كان التسجيل ,, اكتشفت افرع الهندسة ما تناسبني

و تفاجأت بانه ما شيء مال الديكور ,.

انصدمت صراااحة ,, و قالوا اللي يبا يدخل هندسة ديكور يسافر برا ,,

قمناآآ نتظنز هذيك الفترة قلنا يله بنشتري الجنزات ^^!

المهم اني اخترت تخصص ( IT ) و هو نفس تخصص اخوي العود !*

وكاآآآن خاطري ادخل برمجة ,, لانه حسيت هالتخصص أكثر شيء يناسيبني ،،

و بعد ما دخلت الجامعة العام الماضي ,, و بديناآآ فالفاونديشن ( UGRU )

قاآآلولناآآ انه تخصص ( IT ) غير مطلوب في سوق العمل ,,

انكسر خاطري ,, بس طموحي ما ذبل !*

المهم حاولت ابحث عن تخصص يناسب ميولي ,, ما لقيت شيء ,,!

قالولي دخلي اعلام ,, قلت لهم ما انفع !

آخر شيء قررت اني ادخل كلية ( الأغذية و الزراعة ) <~ بستوي بيداره !

كح ،، طبعاً الحين مختارة تخصص علوم التغذية ( مسار المهن الصحية ) !

و توني بادية دراسة ,, يعني ما عندي ذيك المعلومات اللي هي ,,

بس عندي الخطة الدراسية وهي حلوة بس صعبة شوي ,,

ان شااء الله ربي يوفقناآآآ

أي حد عنده معلومات مفيدة حق تخصصي زين تخبروني ^^!

<< انتي المفروض تقولين مب هم !!

و السموحة / متآآآبـــعة للموضوع ~

 

[Mr.Engineer]

انا حاليا طالب ...

بس اذ الله وافقني ويبت نسبه

بدش هندسة كمبيوتر ^^"

وشكرا عــ الموضوع

 

[omani hack]

خريج جامعة ( كسما بوينت ) ماليزيا - باكلريوز في هندسة الاتصالات

دبلوم هيكينج في كلية ( روسين كلين هيلب ) ماليزيا - روسيا

دورات متعدده في جامعة الامارات

دورات في اللغة ( الروسيه - الانجليزيه ) في كلية (كيد يو ) ماليزيا

وحاليا عاطل باطل في شركة تلحف ونام

عقبالكم

 

[سبونج بوب]

هلاا ..الموضوع حلوو تسلمين ..

انا ..حاليا..طالبة علمي ..بس ان شاء الله اذا خلصت الثانوية ادخل طب!

ما عندي اي معلومات عن هالتخصص !!
اللي اعرفه..والجزء اللي اكثر يلوع..انه لازم تشرحو جثة كتدريب<<حشى ما دراسة

بس يمكن اغير..اذا ما توفقت فالمدرسة وما يبت النسبة الحلوة..بدخل علوم الحياة !

وهذا يناسب ميولي اكثر ..

 

[كيـِـآטּ]

وحاليا عاطل باطل في شركة تلحف ونام

عقبالكم

الله يرزقنا العمل النافع

 

[السَعيدي]

ما شاء الله شادين الهمة
ربي يوفق الجميع

وعقبال الشغل يالي ما تشتغلون


​

 

[قطوة البريمي]

ياااااااااااااي .. عقبالي لما اكتبلكم عن تخصصي ...لوووووووول

يالله انا بتنقى شو من تخصصاتكم اخذ .. نا خاطريه بهندسه كمبيوتر ..

بس احبطني عماني هاك ..دارس برع اخرشي عااااطل .
اهئ اهئ

يالله باتوفيج

 

[الشامخة]

تسلم يمناج أختي الغاليه رحيل الود على الموضوع ......
عيبي طرحج للمواضيع بصراحه ذوووج ......

انا بعدي طالبة بالدبلوم وها اخر فصل بأذن الله ...

تخصصي هندسه معماري ....ِِARCH ENG
من صغري وانا احبب ها التخصص ........

ووصلته وهذا من فضل ربي

وان شاء بكمل حتى اوصل دكتوراه ....

طموحاتي اوصل توووب مثل الدكتوره زهى حديد ......


الدكتوره زهى حديد لها بصمات بالهندسة المعمارية ومثال على اعمالها سيارة بي ام دبل يو

ولها عدة مباني بلندن وابوظبي لها تصميمها الخاص .....

هالاسبوع نصمم فلل صممت فله على شكل كاميرا هع بال Auto CAD ........الله يستر ....​