القلب اليتم

الموضوع في ',, البُريمِي لِـ/ للشٌعرٍوالْقصِيْد,,' بواسطة رمش العين, بتاريخ ‏15 نوفمبر 2008.

  1. رمش العين

    رمش العين ¬°•| عضو مميز |•°¬

    اتمنى ان تعجبكم هذي الكلمات كتبتها من سنه للاحدى
    صديقاتي اللي فقدت اعز انسان لها وهي امها فقدتها بعد
    ما تخرجت من الجامعه للاسف ما اكتملت فرحتها
    بعد ما رجعت من الغربه تغربت بوفاة والدتها
    بس انا طبعا حورت معنى القصيده وجعلتها
    بمعنى اخر ولكن الحزن والفقدان موجود ومشترك
    اتمنى تعجبكم.............


    دارت الدنيا علينا وما درينا وش علينا

    وابتدأ مشوار همي حاملن شوقي وحنينه

    تاركه قلبي امانه عند خلن ما نسانا

    ما دريت انه بغيابي تذبل اوراقه حزينه

    سافر الغالي وتركني بعد ما ضحى وعانا

    ما قدر يصبر ثواني ويجتمع شوقي بسنينه

    كانت الصدمه اليمة حطمت احلام فينا

    مات روحي مات عمري الا ما بيني وبينه

    وافترقنا يا حسافه مثل سهمن قد رمانا

    وصار موتك مثل نارن احرقت سور المدينه

    وانكتب ميلاد همي بعد ما حظي جفانا

    ااه من دنيا غريبه ضيعتني منذ حينه

    زاد همي في غيابه فاقدة حبن جمعنا

    وكل من حولي سالني لي متى تبقي حزينه

    وصار همي له افتش من في هالدنيا بكانا

    فاقدن خلن خليله قصة(ن) يا ناس شينه

    وكل مره احلمه عالي محلق في سمانا

    وكل حلمن قد جمعنا تحتضن ايدي يدينه

    ضل حبه في فؤادي عايشن لا ما انتهينا

    عانقت روحه الثريا واصبحت بايدي امينه

    ولو يطول العمر فاني لو رضينا او ابينا

    فحذري يا نفس توبي وحاسبي ما تفعلينه
     
    آخر تعديل: ‏15 نوفمبر 2008
  2. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬


    رمش العين



    صح لسانك

    بالفعل كلمات حزينه

    الله يرحمها ويرحم جميع موتى المسلمين

    تقبلِ مروري



    محمد بن سعد
     
  3. ورده جوريه

    ورده جوريه ¬°•| عضــو مــهــم|•°¬

    صح لساااانج
    وفالج البيرق
    كلمااات في قمة الروعه

    الله يعطيج العافيهـــ
     
  4. ام سيف

    ام سيف ¬°•| عضو مبتدى |•°¬

    صح لسانك اختي رمش العين ما عليك زود
    والله يغفر ويرحم جميع الاموات
     
  5. المحروم

    المحروم ¬°•| عضو مبتدى |•°¬

    صح لسانج رمش العين
    كلمات في قمة الروعه والجمال
    والله يعينج ويعين الجميع
    وتقبلي مرورررري
    الـــــــــمـــــــــحـــــــــروووووووووم
    وانتضريديدج والى الامام دائماً
     
  6. رمش العين

    رمش العين ¬°•| عضو مميز |•°¬

    اشكر قراءة اخوي
     
  7. رمش العين

    رمش العين ¬°•| عضو مميز |•°¬

    صح بدنج..........وانا وين والبيرق وين........
    الله يعافيج
     
  8. رمش العين

    رمش العين ¬°•| عضو مميز |•°¬

    صح بدنج ويعطيج العافيه واشكر مرورج
     
  9. رمش العين

    رمش العين ¬°•| عضو مميز |•°¬

    مرورك اسعدني اخوي
    اشكرك
     
  10. الصوري

    الصوري ¬°•| عضو مبتدى |•°¬

    سلمت اناملك رمش العين قصيده رائعه ومعبره

    تقبلي مروووووووووووري

    دمتي بود
     

مشاركة هذه الصفحة