يا بحر

الموضوع في ',, البُريمِي لِـلخَواطِر ,,' بواسطة حياتي أملي, بتاريخ ‏6 ماي 2016.

  1. حياتي أملي

    حياتي أملي ¬°•| عضو مبتدى |•°¬

    جيتك يا بحر بعد ما ضاق بي الصمت... جيتك من كثر ما انجرحت وتألمت... يابحر شيل همي خلاص تبت وتعلمت...ماني لاقيها أحد يحس بزفرة الآه...يابحر مدري أنا التايه ولا الحظ تاه...جيت أدور عني أنا...أبي ألاقي نفسي عندك بين صخورك بأمواجك... أو في وجوه هالناس... جيت أفتش عن بقايا أشلائي
    عن صوت اختفى بصمتي... وابتسامه فارقت شفاتي...يابحر قالوا عنك واسع وقلبك ماله شاطئ...بس أنا أبيك تسمعني للآخر... أنا جيتك حزينه أصبر قلبي الصابر..جيتك تداويني من أوجاعي..يابحر مالي غيرك مسامر.. يابحر أبي جوابك
    ليه الحزن مكتوب فيني؟؟؟
    ليه يابحر أحس بوحدتي نار تكويني...يابحر الناس صارت من دون مشاعر...حتى أقرب الناس تغير وتجبر...يابحر محد باقي مثل ماكنت خابر... يابحر مالي ومال الناس؟؟
    اللي فيني يكفيني..أنا محبوسه بين صور من الماضي...أقلبها بأفكاري... حتى ضاقت بي الدنيا وتخلت عني أشعاري...وعاندتني أقلامي وكل الدفاتر...عشان كذا أبي تحس فيني
    يابحر قلي ليه الدنيا عذاب ..هموم .. ودموع .. واكتآب...ليه رااااح...راح بصمت لا تلويح ولا عتاب..
    يابحر
    ليه ناس مرتاحه وناس تنكوي بالنار..وليه جروح الكل تطيب..وجرحي للحين ماطاب
    أدري أتعبتك يابحر..والأسئله ما لها عندك جواب..بس الحقيقه ليتك انسان..يمكن تحس فيني وش كثر أنا تعباانه...ليتك تضمني بين أمواجك..ليتك تقرى قصتي وتعرف مين أنا
    أنا قصيدة ألم من غير عنوان
    أنا الألم كله
    أنا جروح في صورة انسان
    أنا ذكرى منسيه
    أنا دموع وأحزان
    باختصار أنا قصه
    طويله مايحفظها كتاب
    ليه يابحر؟؟ليه ضاق صدرك؟
    حتى أنت يابحر ماتبيني؟
    ليه تنثر قطرات دمعك على عيني؟
    يابحر بيكفي .. دموعي تكفيني..
    مافيني حيل أواسيك أبيك أنت تواسيني
    يمكن حتى أنت يابحر صرت مثل كل الناس قاسي
    ماتحتمل هم أحد..وأنت منك ناقص هموم تكدر أفراحك..أشوفهم حولك في وجوههم سعاده..مدري ليش أنا أعيش لحظات الكآبه
    يابحر أبيك تحفظ شكوتي في أعماقك
    وسر دمعتي احفظها أمانه
    خلاص عشانك برحل وما أكون سبب هياجك
    افرح يابحر من أكون أصلا بين كل هالناس
    أبرحل واعتبرني قطره من ذيك السحابه
    ماراح أتحسف خلاص وش تفيد الحسافه
    أبرحل واعتبرني تائهه ظليله
    أو سائحه مرت على أمواجك
     

مشاركة هذه الصفحة