" لماذا العتب يا صآحبـي .’’ ترا الدنيا ولا تسوا "

الموضوع في ',, البُريمِي للِحِوار و النقَاشْ ,,' بواسطة إمرآة في عصر الرجآل, بتاريخ ‏8 نوفمبر 2008.

حالة الموضوع:
مغلق
  1. إمرآة في عصر الرجآل

    إمرآة في عصر الرجآل ¬°•| عضو فعّال |•°¬

    السلام عليكم ورحمة الله وبركاتة



    { خلك مع الي بالكذب دوم يعطيك
    وانا ترى بلقى ملايين تسواك
    لاتحسب اني برخص النفس واجيك
    ما أذل نفسي لمثلك وشرواك
    يحرم علي وصلك وقربك ولا أجيك
    العيد عيدين وثالثهم فراقك
    }


    عجباااا يا إبن آدم .’’ ألم تخلق من طين ... مابالكـ تصرخ بأعلى صوتكـ وكلك عزه وافتخار
    بماضيكـ .. فأنت مهما تكن الظروف خلقت من طين ...



    مرحبااا عرب زآيد طمنونــي عنكم ! إن شااء الله مرتاحين ..


    " اليوم بإذن الله حآبه أناقشكم بموضوع ... طبعا مر على الكثرين .’,, بداية الموضوع اكيد
    عجبت فيكم ... واستغربتو منهاا ..’’,,


    هنااااا سأجتمع معكم بعنوان : لماذا العتب يا صاحبي ... الدنيا ولا تسوا


    نزعل ونتراضااا .. ومنا من يزعل ويبتعد ويجد محطه في حياته غير عن التي سلكهااا
    نعاتب ونفارق .. لماذاا .. نحن بشر .’’ والدنيا تراها ولا تسواااااا
    اليوم نحن اهني .. وباجر تحت التراب ..


    اجعلووو من موضوعي محطه جديده لتصاافي ... ومحطه لعودت القلوب ...
    من منااااااا اليوم عاتب صديقه .. أو خاصم خليله ... من مناااااا بدا الفراق
    يؤثر ع سلوك حياته ..


    نعم نخطئ ولا كننا نعتذر .. نتوب .. نطلب الصفح فأين الذي يقدر اعتذارناا ..
    هنالك من يكاابر ... ويجعل في قلبه السواد يسيطر على طبيعة عيشه ..


    قليل مانجد القلوب الرحومه .. القلوب البيضااء التي تغفر وترجع الأمور لماكانت عليها
    و كثيرا ماتجد من يتعطش لمسك ابسط الأمور عليك .. لتكون مبرر لزعله وعتابه
    ومن بعدهااا يبدأ الفراق ..


    " يا جماعة الخير .. الدنيا ماتسواا إنه الواحد يشل ع اربيعه ويفارقه شو ماكان السببب
    خلو قلوبكم بيضه شرات الثلج .. وكل شخص زعل اربيعه او خليله .. يروح يعتذر له ويجدد
    ايام الصداقه ... جريب باذن الله .. بنفتتح شهر رمضاان .. ولا تنسوون انه على الأبواب "



    دعونا نصارح بعض .. لعلناااا نفيد بعضنا البعض .’’’

    - زعلت شخص غالي عليك وندمان ؟ ومالسبب ؟

    - انت انسان بسرعه ترضااا والا تكابر الزعل ؟ و اتجسي قلبك .. ؟

    - عطنا نصيحه طيبه نتعض فيهااا ؟ وتكون كنز لموضوعي .؟





    والسموحة منكم ع الإطالهـ .’,,



    الموضوع من مجهودي الشخصي ,




    أختكم فالله .’’,,, إمرآه في عصر الرجــآل
     
    آخر تعديل: ‏9 نوفمبر 2008
  2. عبير الورد

    عبير الورد ¬°•| عضو مميز |•°¬

    وعليكمـ السـلامـ والرحمـه ..

    في البدايـه أشكـرج جـدا على مـووضـوع الجميـل بل الرائـع ..

    فعـلا أختـي أنتشـر بهاليوميـن الزعـل مو بـس بين الأصـدقاء ..

    حتـى بيـن الأم وبنتهـا .. وبيـن الأب وإبنـه .. وبيـن الأخـوان .. وبيـن الأهل ..

    كـل واحـد يشيـل بخاطـره ويمكـن يحـط في بالـه إنه ينتقـم !

    القلـوب ما عادت مثـل أول .. كـل شـي تغيـر في هالزمـن الغريـب .. !

    وللأسـف الشديـد إنـه أسـباب الزعـل صـارت أسـباب تافهـه ومالهـا أي داعـي ..

    وفـي نـاس لمـا ننصحهـم يزعلـون .. وفي نـاس إذا صارحناهـم بـ عـيب فيهـم يزعلـون ..

    بس لابـد من وجـود نـاس قلوبهـم صافيـه كصفـاء اللـؤلؤ .. وبيضـاء كبيـاض الثلـج ..

    .
    .
    .

    - زعلت شخص غالي عليك وندمان ؟ ومالسبب ؟

    أزعـل أحيانـا .. بس زعلـي ما يطـول يعنـي مال 5 ثوانـي هههه ..

    والأسـباب .. أحيانـا إذا حـد عاندنـي أو طـول السانـه علـي و غيره ^_^


    - انت انسان بسرعه ترضااا والا تكابر الزعل ؟ و اتجسي قلبك .. ؟

    لا أنا بسـرعه أرضـى .. بس اللي يبغـي يراضينـي لازم يهدينـي وردة هههه ^_^

    - عطنا نصيحه طيبه نتعض فيهااا ؟ وتكون كنز لموضوعي .؟

    نصيحـه ( خـذ الحيـاه ببساطـه بتعيـش حياتـك سعيـد )

    أخيـرا كـل الشكـر لج يا مبدعـه .. تقبلـي إحترامـي ^^ ..
     
    آخر تعديل: ‏8 نوفمبر 2008
  3. إمرآة في عصر الرجآل

    إمرآة في عصر الرجآل ¬°•| عضو فعّال |•°¬


    " عبير الورد " .’’,,


    سعدت بتوآجدج في صفحة موضوعـي .. وأحسنتي التعقيب
    فعلا جلام واقعي ميه ميه وكثير ماااا يحصل .’,,
    الله يبعد عنج الزعل ويبعد عن الجميييع .’’,
    شااكره لج حظورج الطيب الي اعطيج علي 8 من عشره ..
    ري يحفظج من كل شررر



    رعآجٍ الله ٍ’ّ,,
     
  4. الفلاحي صاحي

    الفلاحي صاحي ¬°•| عضو مثالي |•°¬

    الفلاحي صاحي سي

    - زعلت شخص غالي عليك وندمان ؟ ومالسبب ؟
    :patch_sante: نعم فقط اختلاف في الراي...

    - انت انسان بسرعه ترضااا والا تكابر الزعل ؟ و اتجسي قلبك .. ؟
    :patch_sante: انسان عادي عايش كل يوم بيومه .....

    - عطنا نصيحه طيبه نتعض فيهااا ؟ وتكون كنز لموضوعي .؟
    :patch_sante: :patch_punnch:do your beast and keep the reast<<<
     
  5. إمرآة في عصر الرجآل

    إمرآة في عصر الرجآل ¬°•| عضو فعّال |•°¬


    مرحباااا بكـ أخي الكريم " الفلاحي صاحي " .,,,,
    مروركـ أسعدنيه وقوآكـ الله ع المشاركــه .’’,,
    دمت في حفظ الرحمـن


    رعآكـٍ الله ٍ.’ّ’,,
     
  6. قلب خدّاع

    قلب خدّاع ¬°•| عضو مبتدى |•°¬

    لــــي عـــــودة ،،
     
  7. كيـِـآטּ

    كيـِـآטּ ¬°•| مشرفة سابقة|•°¬

    وعليكم السلام ورحمة الله وبركاته

    هلا بالغالية،،،،


    ما في أنسان ما مر بهالتجربة...والانسان الذكي هو يلي يتعلم من تجاربه ....

    بالنسبة للزعل من وجهة نظري..بالرغم من كثرة سلبياته الا أني أحس أنه له أيجابية

    وهي أن الانسان يتعرف على أغلاطه ويتجنب أنه يقع بنفس الغلطة في المرة الياية....

    بس أهم نقطة عسب يحقق هالشي أنه لازم ما يشيل في خاطره... لان هالشي راح ياثر عليه

    هو أكثرمن أنه ياثر على الشحص الثاني....أما بالنسبة أذا شخص زعل بدون سبب فانا ما أعتقد أني

    أحب أضيع وقتي واعطي أهمية للموضوع....


    - زعلت شخص غالي عليك وندمان ؟ ومالسبب ؟


    هيه... السبب كنت صغيرة وما أفهم بالحياة... ولاسف ما شفتها من ذيج

    اليوم ...أنا ما أقول أنها ما غلطت بس أنا غلطة أكثر...وتمنيت أعتذر بس

    الظروف كانت أقوى...


    - انت انسان بسرعه ترضااا والا تكابر الزعل ؟ و اتجسي قلبك .. ؟

    أنا من النوع يلي ما أزعل بسرعة ...بس أذا زعلت صعب أرضى..يعنى في بعض الاحيان

    الشخص يغلط غلطة بسيطة بس ما ازعل عليه... وفي أحيان أخر الشخص يغلط غلطة كبيرة

    وما في طريقة أوريه غلطته غير الزعل عسب يعرف أن هذا الشي غلط وما يعجبني وما يرد

    يكرر غلطته... لان أذا قلت له غلط ما راح يهتم بس أذا زعلت راح يتعلم....

    وبعد يعجبني الشخص الصريح يلي يعترف بغلطته ويعتذر...


    - عطنا نصيحه طيبه نتعض فيهااا ؟ وتكون كنز لموضوعي .؟

    فعن أبي هريرة رضي الله عنه مرفوعا :

    " لا يحل لمسلم أن يهجر أخاه فوق ثلاث فمن هجر فوق ثلاث فمات دخل النار "



    عن أبي أيوب مرفوعا :

    " لا يحل لرجل أن يهجر أخاه فوق ثلاث ليال يلتقيان فيعرض هذا ويعرض هذا

    وخيرهما الذي يبدأ بالسلام
    "



    أختي العزيزة:

    بارك الله فيكِ.... وربي يعطيكِ العافية

    دمتى بخير
     
  8. قطوة البريمي

    قطوة البريمي ¬°•| مُشرِفَة سابقة |•°¬

    - زعلت شخص غالي عليك وندمان ؟ ومالسبب ؟
    لا ندم ما اظن .. انا ما ازعل ع شخص الا اذا كان سبب عود ويستاهل الزعل امبينا ...
    - انت انسان بسرعه ترضااا والا تكابر الزعل ؟ و اتجسي قلبك .. ؟
    امممم ع حسب الشخص .. مرات احب اتغلى واتم زعلانة ومرات ارضى بسرعه..
    - عطنا نصيحه طيبه نتعض فيهااا ؟ وتكون كنز لموضوعي
    اممممم خلك كول ع طول وما تزعل من اي شي تافه ..
     
  9. إمرآة في عصر الرجآل

    إمرآة في عصر الرجآل ¬°•| عضو فعّال |•°¬



    بإنتظآر عودتج الطيبه يا العيناويه .’’,,


    رعآجٍ الله ٍ.’ّ’,,
     
  10. إمرآة في عصر الرجآل

    إمرآة في عصر الرجآل ¬°•| عضو فعّال |•°¬



    مرحبااا بكـ أختي " نهآيه " .’’ منوره الموضوع بردج الطيب وحظورج الزآخر بالفاائدهـ
    أحسنتـي وبارك الله فيييج .. ردج جميييل وتستاهلييين عليه 8 من 10 .’’,,
    وشااكره لج تواصلج .. حظورج أسعدنيهـ ..
    وإن شاااء الله نلتقي في مواضيع قآدمهـ بإذن الله ’’,,



    رعآجٍ المولىٍ عزٍ وجلٍ .’ّ’,,
     
  11. إمرآة في عصر الرجآل

    إمرآة في عصر الرجآل ¬°•| عضو فعّال |•°¬



    هلا فيييج أختي " قطوة البريمي " ... وحيااج دوم في مواضيعـي .’’,,,
    شااكرهـ لج أجوبتج وإختصاااارج للتعقيب .’’,,
    جزيتي خيرااا ويعطيج ألف عآفيه .’’,,




    رعآجٍ الله ٍ.’ّ’,
     
  12. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    كح كح


    الظاهر وصات متأخره


    اسمحولي ترى تعبانه شوي ومنهد حيلي بس برد عقب ان شاء الله

    وبرد ع الموضوع ويظهر اللي فخاطري كله ^^


    لي عوده ^^
     
  13. إمرآة في عصر الرجآل

    إمرآة في عصر الرجآل ¬°•| عضو فعّال |•°¬



    بإنتظآر عودتج الطيبه يالفراوله .’’,,



    رعآج ٍالله ٍ.’’ّ,
     
  14. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    اولا الف شكر لج ع الموضوع الروعه ^^



    ثانينا :


    كلنا نمر بالظروف طبعا الزعل بكل مكان وانا بصراحه من النوع اخذ بخاطري بسرعه

    اذا سمعت شي او احد قال حقي كلمه لاني ماتحمل بس اكثر شي اسامح

    لو انا كنت غلطانه ع شخص وربي اسوي المستحيل عشان يرضى لكن لو اهو غلط ومايعترف يغلطته ما اذل عمري


    وايد ناس تغلط وتهدد ولا يعترفون حتى بغلطتهم يعني اهم الصح ونحن الغلط مادري ليش كل هذا


    لكن انا اعاند وما اسامح ولا ارد ع شخص ضايجني بكلامه فيوم او غلطت علي لين مايعرف غلطته

    ويعتذر لكن للاسف لان كرامتي فوق كل شي "كل ابن آدم خطّـأ ، وخير الخطائين التوابون ."

    البعض يكابر عن يقولون له عقب نزلت عمرك واتعذرت بس انا اشوف هالشي غرور

    ولكن العيب كل العيب انه يتمادي المرء بغلطته وهو يدري ان غلطان


    بس مهما كان ترى بعض الأشخاص تكون لهم معزه ف القلب حتى لو صار بينا زعل القلب مايقدر يشل عليهم


    لكن للاسف اهم مايبينون انهم غلطانين يكابرون


    - زعلت شخص غالي عليك وندمان ؟ ومالسبب ؟
    لا طبعا اهم زعلوني والسبب ماقدر اقول شو اهو لان فيه تجريح لسمعتي
    واانا من طبعي لو انا زعلت شخص اندم واسويه المستحيل بس عشان يرضى

    - انت انسان بسرعه ترضااا والا تكابر الزعل ؟ و اتجسي قلبك .. ؟

    ارضى بسرعه اذا كان السبب بسيط ومن طبعي سموحه وما اطول بالزعل
    لكن لو كان السبب كبير وفيه تجريح لكرامتي وسمعتي صعب ارضى ومارامس معاهم مره ثانيه عشان
    يعرفون غلطتهم ومايكرروها مره ثانيه لانهم فهموني غلط
    ولو رضيت صعب ترد العلاقه شرات قبل لان راح يكون حاجز كبير بينا
    وطبعا ربيعاتي اللي طعنوني بالظهر .:*_*:.


    - عطنا نصيحه طيبه نتعض فيهااا ؟ وتكون كنز لموضوعي .؟

    انا اقول نخلي الزعل وصح لو تراضينا ماراح ترد العلاقه شرات قبل بس نخلي الزعل بصوب

    لان اليوم مع بعض وباجر نكون تحت التراب عقبها مايفيد الندم



    الف شكر لج حبيبتي ع الموضوع وان شاء الله موضوعج يكون فيها تصافي القلوب والنيه

    الله لا يحرمنا من مواضيعج الرائعه


    دمتي بود










     
  15. إمرآة في عصر الرجآل

    إمرآة في عصر الرجآل ¬°•| عضو فعّال |•°¬



    مرحبااااا بعودتج الطيبه أختيهـ " فراوله شقيه "
    سعدت بردج الراقي وجلامج المنطقـي .. شاكرهـ لج توااصلج
    أعتبر ردج مكمل واعي لموضوعـي ...
    وعساا ان يكون تواصلج تواصل خير لي في جميع مواضيعي



    رعآجٍ اللهٍ .’’ّ,,
     
  16. دانة غزر

    دانة غزر رئيسة المشرفين إداري

    - زعلت شخص غالي عليك وندمان ؟ ومالسبب ؟

    زعل عود عود وندمت لالالالا ما توصل الى الندم ممكن نزعل دقايق بس

    - انت انسان بسرعه ترضااا والا تكابر الزعل ؟ و اتجسي قلبك .. ؟

    بسرعه اساااااااااااااااااااااااااامح<<<طيبتي غلطه

    - عطنا نصيحه طيبه نتعض فيهااا ؟ وتكون كنز لموضوعي .؟

    الدنيا ما تستاهل حد يزعل عليها خلك كووووووووول
     
  17. إمرآة في عصر الرجآل

    إمرآة في عصر الرجآل ¬°•| عضو فعّال |•°¬


    مرحبااا فييج أختيهـ أنين الصمت .’’,,


    شااكره لج تواصلج وردج المتوآضع .’’,, أجوبتك جدا سطحيه .’’ ولكن أتقبلهاا بسعة صدر اكيد
    قوآج الله ع الخطفه .. ويعطيج العافيه .’’,



    رعآجٍ الله ٍ.ّ’’,
     
  18. عذوووب

    عذوووب ¬°•| عضو مبتدى |•°¬

    ع الجرررررررررررررررح

    أعتذر عن الاجابة ... حتى لا تعود دموعي لمجاريها :)
     
  19. السَعيدي

    السَعيدي <font color="#ff0000">¬°•| إداري سابق|•°¬</span></

    [​IMG]

    - زعلت شخص غالي عليك وندمان ؟ ومالسبب ؟

    هيه زعلت رفيق عمري وبدون قصد يمكن بسبب مزاحي الثجيل وندمان وايد
    وراح احاول اعدل اسلوبي وياه


    - انت انسان بسرعه ترضااا والا تكابر الزعل ؟ و اتجسي قلبك .. ؟

    انا انسان صعب ازعل ولكن لو زعلت خلااااااااااااااص طاف
    انسى اني ارضى


    - عطنا نصيحه طيبه نتعض فيهااا ؟ وتكون كنز لموضوعي .؟

    نصيحتي راح تكون مجروحه بعد ما عرفتو طبعي
    ولكن بقولها
    [ لكل انسان سريع الزعل احب اقوله خل عنك هالحركات وترا الزعل ما بينفعك]
    وبث
    هع هع


    الف شكر لج اختي على طرح الموضوع



    [​IMG]
    [​IMG]
    الأرجنتيني البار
     
  20. إمرآة في عصر الرجآل

    إمرآة في عصر الرجآل ¬°•| عضو فعّال |•°¬


    ياساتر .’’,,


    " هو أنا طارحه الموضوع عشان انبش الجروح وشي من المآضـي ؟؟ طبعاا لا ولكن تبادل الحكمه و الخبره هي من قادتني لكتابتهـ.’’,,
    أنا بانتظااار عودتج الطيبه يالشيخه ..’’,, وأجوبتج اكيد مهمه بالنسبه لـي .’’, ممكن تعطيناا تجربتج في الحيآهـ
    قوآج الله ع المرور .’’,,



    رعآجٍ اللهٍ .ّ’’,
     
حالة الموضوع:
مغلق

مشاركة هذه الصفحة