شركة الناقل الوطني ومشاكل التوصيل

الموضوع في 'مركز أخبَار وقَضَايَا مُحـَافَظة البـُريمِي' بواسطة aldalal-df, بتاريخ ‏3 أبريل 2015.

  1. aldalal-df

    aldalal-df ¬°•| عضو فعّال |•°¬

    السلام عليكم ورحمة الله وبركاتة

    والله معرف من وين ابداء الموضوع
    غير ان مشاكل شركة النقل الوطنية مع نقل الاغراض كثيرة
    وما اعرف المشكلة وين بالضبط
    هل من الي يشتغلون هناك
    او من الشركة
    او من شرطة الحدود
    لان كل مرة تطلع مشكلة يقولون لي كلام مختلف
    في البداية لمن اروح ارسل غرض كانو يرفضون ياخذون الكراتين ويقولون ممنوع
    يقولون ممنوع اطرش كريمات او زيوت مع اني اعرف تاجرات ترسل بكل راحة
    ممنوع نرسل تلفونات او اي شي فوق 100 ريال
    بعدين
    قالو ممنوع من غير فواتير سويت شركة وسويت فواتير
    قال ممنوع ارسل اغراض كثيرة وصرت ارسل 3 اكياس او 4 بالاسبوع
    الحين يقول ممنوع ارسل اي غرض الحدود مانعين
    بعدين قال الشركة مانعين
    ابي افهم شي واحد هالشركة تابعه للدولة او هي قطاع خاص
    الناس الي تشتغل هناك وتمشي الي تحب والي ما يعجبها تتمسخر علية وتمشية باي حق
    ولمن اقول لهم ضروري اريد ارسلة يقول لي كلمي راعي الباص يشلة على مسؤوليتة ولمن اكلم راعي الباص يطلب 15 ريال توصيل لمسقط هذا شو اسميها بالضبط رشوة او تيسير امور بالغصب عنك

    انا تاجرة وعندي بضايع اسلمها لناس
    فتحت شركة وارسل بفواتير راح ادفع عليها ضرايب صح او لا
    ليش تمنعوني ارسل الاغراض او لازم ادفع
    الي يشتغلون بالنقل ناس ما تبي تشتغل بس تريد راتب عالقاعد لمن يشوفون حد جايب غرض ينقلب وجهه وتحسة معصب وماعندهم غير كلمت لا
    انا بصراحة تعبت من الاسلوب السخيف الي يتعاملون فية معاي و مع غيري ,,
    والناس تعبت وهي تشتكي في حماية المستهلك

    واريد اقول لهم قطع الاعناق ولا قطع الارزاق

    واتمنى يعطوني رد واضع وصريح من الي مانع نقل الاغراض ,,
    على كلامهم
    المركز الحدودي مانع و شركة النقل مانعة يستلمو اغراض
    ولو يغيرو الناس الي تشتغل افضل لانها ما تطبق القوانين الي على قولتهم عالكل على ناس وناس غير شخص واحد هناك بصراحة مراعي ضميرة وما يميز بين الناس الي تريد ترسل .

    اغلب التاجرات حريم يشتغلو في البيت لان صعب عليهم العمل خارج البيت وهالتعب اكيد لان الشخص محتاج مو يتسلى ..

    اتمنى التفاعل معاي لحل هالمشكلة

    و السلام عليكم ورحمة الله

     
    أعجب بهذه المشاركة خافق احساس
  2. سندريلا البريمي

    سندريلا البريمي ¬°•| عضو جديد |•°¬

    انا معاج اختي الكريمة، فعلا نحن نعاني من النقل .في البداية كانت الأمور طيبه بعدين صار يطلبون فواتير وإبراز البطاقة الشخصية وتطور الموضوع وصار يمنعونا نرسل اكثر من كيس في اليوم. آما اللحين صار اصعب بكثير ونحن تاجرات وهذا مصدر رزق لنا ولعيالنا وصراحه انا اشوف ان الموظفين هم الي يالسين يخترعون هالاعذار وفعلا تعاملهم جدا سيء وانا حصلي موقف وتشاديت مره معاهم بسبب عدم تقديره لوقفتي وكان المكتب مليان شباب ولا احترم كوني امراءه وطلب مني ابراز البطاقه الشخصيه ومررتها قدام الشباب عشان توصل له. نرفع الموضوع للمسؤلين نريد حل
    الموضوع ماينسكت عليه خاصة اكثر شي نحن التاجرات الحريم
     
  3. Gala ROO7y

    Gala ROO7y ¬°•| عضو مميز |•°¬

    الله يعينكم و يوفقكم ف تجارتكم يا رب
     
  4. legend

    legend ¬°•| عضو جديد |•°¬

    من الي يشتغلوا احس واجد يستغلوا اول التوصيل ريال صار ريالين وكل احد بسعر يسوي وعقب فواتير وبطاقه شخصيه واحين من سبوعين موقفين التوصيل اونه الشرطه يبوا جمارك ليش جمارك شو شالين شاحنات ولا شو لمفروض يكون اكثر من مكتب موجود فلبريمي نتمني احد يشوف هلموضوع باسرع وقت
     
  5. سندريلا البريمي

    سندريلا البريمي ¬°•| عضو جديد |•°¬

    للأسف محد يتحرك ومحد يعارض :ض27:
     
  6. سالم البادي

    سالم البادي إدارة الموقع إداري

    أعتقد ومن وجهة نظري لو تجتمعون أنتم التاجرات في يوم وتدخلون على السيد المحافظ تقولون لكم المشكله الحاصله ...والله يعينكم
     
  7. ام مهرة

    ام مهرة ¬°•| عضو مبتدى |•°¬

    الله يعين الجميع ياارب
    صدق انا من فترة كنت ابغى اطرش حاجة لوحدة للاسف مارضوا يستقبلوا الغرض لانه اكثر من 100 ريال وقالوا يبون الفاتورة وعطيتهم الفاتورة وقالو هذي ماتصلح نبى ورقة ثانية
     
  8. SamHan

    SamHan ¬°•| عضو مبتدى |•°¬

    # محطة شركة النقل الوطنية العمانية في البريمي عبارة كرفان هو مكتب و"مكدس" للأغراض والأمتعة الخاصة بالشحن حيث نلاحظ أن الأمتعة مكدسة على الأرض وعندما ترغب في إستلام أغراضك تنتظر ريثما يتم البحث عنها ، أما أماكن انتظار الركاب عبارة عن عدد محدود جدا من المقاعد محشورة داخل نفس هذا الكرفان وباقي الركاب عليهم الإنتظار في الخارج مستمتعين بلفحات من الشمس خاصة في فصل الصيف ناهيك عن عدم وجود دورة مياه ، أما نظام شحن الأمتعة فهو من العصور القديمة إستمارة مع الدفتر أو السجل طوله مترين ، طبعاً نظام الحاسب الآلي بعده ما وصلهم..
    المطلوب :-
    * توسعة وتطوير المحطة.
    * زيادة عدد مقاعد إنتظار الركاب وعمل دورات مياه.
    * تطوير نظام الشحن لتكون الإستمارة والسجل عن طريق الحاسب الآلي وعمل أرفف لتنظيم وترتيب الأمتعة.
    * عمل قائمة واضحة ومعتمدة بشروط وأسعار شحن البضائع حسب الحجم أو الوزن.
     
    آخر تعديل: ‏12 ماي 2015
    أعجب بهذه المشاركة خافق احساس

مشاركة هذه الصفحة