الدّجاج وعجينة السمبوسا ~

الموضوع في ',, البُريمِي لـ طُبخات أهِل المٌنتدىْ ,,' بواسطة همس العُطر, بتاريخ ‏13 فبراير 2014.

  1. همس العُطر

    همس العُطر ¬°•| روح مُنـاهآ الجنّة|•°¬

    السلآم عليكم ورحمة الله وبركآته
    شخباركم اليوم؟! :ش4:
    الدجاج وعجينة السمبوسا .. أو انتوا سموها أي اسم .. الصراحة ما أعرف شو اسمها ,,
    أو بشو أسميها :29:.. والسالفة هي الله يسلمكم رمضان إلي فات اتفقنا أنا وبنت العم توصف كل وحدة
    فينا أكلة ما تعرفها وتطبخها ,, فأنا عطيتها طريقة (معكرونة البيتزا) وهي عطتني طريقة هالأكلة
    وعاد قالتلي انتي سميّها أي اسم .. وسويتها وعيبتني وطلعت لذيذة ..
    واليـوم يى في بالي أسويها فسويتها وقلت انزلها بعد في المنتدى ..
    اسمحولي عاد طوّلت عليكم .. وندش في الأكلة ..
    الأكلة هي بسيطة ولذيذة .. ومكوناتها :
    [​IMG]
    جزر + فلفل بارد أخضر + دياي + صلصة (تستخدم للأكلات العادية) + عجينة سمبوسا +
    قشطة سآدة (بدون أي نكهة) + جبن + فلفل أسود ..
    الطريقــة :
    نقطع الجزر والفلفل البارد بالطريقة إلي في الصورة وبعدها نحمسهم شوي على الزيت في النار ..
    [​IMG][​IMG][​IMG]
    نفوّح الدياي وبعدها نقطعه ونخلطه مع الجزر والفلفل البارد وبعدها نضيف لهم الصلصة .. (ويمكن نضيف بعض البهارات إذا بغيتوا) ..
    [​IMG][​IMG]
    نقص عجينة السمبوسا الوحدة لنصفين وكل نصف نضيف له شوي من الخلطة (الدياي والجزر والفلفل البارد) ونلفها
    وبعدها نصففهم في الصحن ..
    [​IMG][​IMG]
    من صوب ثاني .. نخلط القشطة والجبن مع بعض ونضيف لهم شوي فلفل أسود .. ونصبهم فوق الصحن ..
    [​IMG][​IMG]
    وآخر شي نخلي الصحن في الفرن بدرجة حرارة متوسطة لين تتحمر شوي من فوق .. وبعدها يكون جاهز للأكل .. : )
    [​IMG][​IMG]
    جربوها .. لذيذة تراها .. مع السلآمة .. : )
     
    أعجب بهذه المشاركة أƒأ£ أڑأˆأڈأ‡أ،أ‘أ¸أچأ£أ¤
  2. خافق احساس

    خافق احساس الفرَيق الإدِاري إداري

    بسم الله الرحمن الرحيم
    السلام عليكم و رحمة الله و بركاته
    يمي يمي ، بصراحة طريقة قمييييلة ،
    قوعتيني ::13 ، تسلم يمينج على هالزين
    ان شاء الله لي تجربة قريبه و بصورها لج
    بانتظارالمزيد منج يا مبدعة
    فالج التقييم و الختم ،

    واصلي :)
    جل الاحترام
     
  3. همس العُطر

    همس العُطر ¬°•| روح مُنـاهآ الجنّة|•°¬



    وعليكم السلآم ورحمة الله وبركآته
    ربي يسلمج لجنآته .. ::13
    إن شاء الله أنتظر تجربتج ,,
    وطبعاً انتي طبآخج وذوقج لا يُعلى عليه ..
    وشكراً وايد أويد شيء ع الختم والتقييم .. (استانست : ) ) :flower2:
    موآصلة إن شاء الله ..
    red-crab1
     

مشاركة هذه الصفحة