قصيدة للشاعر:بن زريع ف مدينه العين

الموضوع في ',, البُريمِي لـ القَصائد المنقولة' بواسطة شموخ عيناوية, بتاريخ ‏17 يناير 2014.

  1. شموخ عيناوية

    شموخ عيناوية ¬°•| عضو مبتدى |•°¬


    قصيدة للشاعر : جميل بن زريع ..
    فـ مدينة الـعـيـن

    منين ابداك ياليل المشاعر لو غشاك النور
    وانا اللي فيك سرّيت القصايد شبه مجنونه


    أعيشك صمت وافكاري , سرت بي لين سبع ابحور
    تلملم شوقي لديرة , خليفه ورد بغصونه


    دعاني الحب لديار المحبه وانتثرت اشعور
    وجيتك شوق ياجمرة غلاي بروح مفتونه


    دعاني (السيح) من قمة (حفيت) ولاحنتْه اقصور
    عمرها قبل ميلاد المسيح وقبل يطرونه


    دعاني (حصنها الشرقي) , و(حصن الجاهلي) والسور
    ودعتني اثار في (هيلي) , كنوزٍ فيه مدفونه


    دعاني العشق في (زاخر) , و (عين الفايضه) بزهور
    تنسّي كل من جاها , هموم القلب وشطونه


    دعاني (مسجد الشيخه سلامه) بالذكر معمور
    وبرد (مبزره) واثقل , غمام الخير ومزونه


    دعاني كل شغمومٍ (حـبـابـي) وافي ٍ مخبور
    دعاني كل (منصوري) و(كعبي) و (اهل بينونه)


    دعاني كل (منهالي) و (كتبي) , (درمكي) بالدور
    رجال الطيب لو انّه , طريق الموت ياطونه


    دعاني (الشامسي) و (ابن العوامر) والصقور اصقور
    ودعوة كل (مزروعي) و ( وولد امهير ) مصيونه


    دعاني الهيل في ذكر (الرميثي) والدلال اتفور
    و (اهل بالخيل) يابخت المسيّر يوم يدعونه


    دعاني (الظاهري) قرم ٍ على رد الحقوق ايثور
    بدعوة حب من هذي القبايل جات مضمونه


    بدون اقصور في باقي القبايل ماهناك اقصور
    وكلا فيه من روس المراجل زود يزهونه


    دعاني الشوق لتراب الزعيم وقبره المطمور
    دعاني شوقي لزايد عسى الانذال يفدونه


    عسى الله رازقه عنده , بجنة عدن , عينٌ حور
    وعسى الابرار والصفوه , رفاق ٍ له يخاوونه


    دعاني مركز محمد , سليل الشايب المذكور
    عريب الساس من بيت ٍ , علوم الطيب بركونه


    دعتني هيبة الوقفه , لشيخ ٍ فارس ٍ مشهور
    خليفه جعل خلاقه , يديمه ذخر وايصونه


    خليفه من كتبت اسمه , تحول ذا الورق بلّور
    ذكرته وازهر لساني , بعشبه وارسل لحونه


    خليفه والكرم جرعه , ومثله للكرم دكتور
    شجاع ٍ وقفته تاطا , رقاب اللي يعادونه


    دعاني العهد والمومن , بعهده مستحيل ايبور
    وانا بيني وبين العين عهد , ولازم آصونه


    عطتني حب , واهدتني , مشاعر صادقه و(بيور)
    وانا اول شي معطيها , فواد وكل مكنونه


    ورب البيت لو يكتب , غلاها شاعر ٍ مغمور
    بتلقى كل من يكتب , يطبّق بس قانونه


    ولو انها بنت , بتشوف القبايل واقفه طابور
    لأنها الطهر والعفّه , وفوقه لا , ومزيونه


    دعتني العين , يالبّا فواد العين والجمهور
    ألا لبيه يامهجة (جميل زريع) واعيونه


    هذاني جيت , سيّرني , غلاك وهايم ٍ مسحور
    رياح الشوق تتغدى , (جميلك) ويتعشّونه


    سلامٌ كلما عسعس , صباح ٌ وانجلى ديجور
    عليكم عد بيت الله , وعد اللي يحجّونه


    سلامٍ تِكتب احروفه , بحب اللولو المنثور
    وعطره شيح , وخزامى , وريح العود وادهونه


    سلامي كل مانسنس , هبوب وهب ريح ابخور
    سلام ٍ فوق هامات , وتطيح رقاب من دونه


    على من جابنا طيبه , وشيّد للقصيد جسور
    وقدّر قيمة الشاعر , وشعره , واصدق فنونه


    على المركز وكل اللي , تعب لاجل الشعر مشكور
    رجاله والبنات اللي , تعنّوا لاجل يبنونه


    واحيي من سمع منّي , وعشّاق الشعر وحضور
    جسور الشعر , في مركز , محمد والِ يرعونه


     

مشاركة هذه الصفحة