» Ridiculousηess - إحراج ••

[ونه العوود]

مرة سويت مقلب فشخصه من الاشخاصات..قالتلي من معاي
قلتلها انا اليني..قالتلي هههههههه ونون عن السوالف..قلتلها
من ذي ونة؟..قالتلي انتي منو؟..قلتلها انا اليني خبرتج..
قالتلي اليني يتكلم معاي..قلتلها ايوا..قالتلي انا قلبي يقول انتي ونون
وعن السوالف..بعدين م قدرت اكذب زياده قلتلها يس انا ونون..
قالتلي والله كنت حاسه..هههههههههههه

 

[ونه العوود]

مرة كنا سايرين انا واختي الوطنيه..وكنا نبا نشتري مال العجين
وانا م عيبني اللي اختي اختارته قلتلها ذا احسن..والعامل كان واقف هناك
ويالس يطالعنا من بعيد..واختي تقولي ونون ذا تشكيلته حلوه..قلتلها ذا يسوي صوت مزعج..ذا هادي ولطيف..بعدين شليته عنها بالقو وحطيتها هناك وبدلته..قالتلي الله يغربلج الهندي يالس يطالعنا..وميت ضحك ذاك..وكلما نسير الوطنيه يستقبلونا واذا كنا ندور ع شي نشوفهم قدامنا.. :BB-1::BB-1:

وناسه والله crazy rabbit6

 

[ونه العوود]

::x631::::x631::::x631::

فيه مره وحدة كانت معصبه من شي..وانا مالي ذنب وقامت تعطيني شغلي وادحني من ذاك الكلام القاسي..عبالها بيتعكر مزاجي..وانا كنت رايقه ..اصلا انا دوم رايقه :ش11:

وعاد انا قلتلها مشكورة صقيقتي
طشوا الجماعه من صوب 2 قالولي ونون خلاص سكتي
حطيتلهم فيس وقلتلهم انا م ذنبي شي وما قلت شي
قالولي عارفين بس ترومي تسكتي؟..قلتلهم ايوا ::134::134::134

كان بالنسبه لي الموقف مضحك ومسلي..ي بنتي ليش حارقه اعصابج والله ماله داعي..خلج ريلاكس واستمتعي بالحياة ... طراااااااااااخ ونة :BB-1::BB-1:

 

[ونه العوود]

احلا شي فالمواقف المحرجه..انك تستمتع بالخجل الطبيعي مب الاوفري
واحلا شي فالمواقف المضحكه انك تستغبى عليهم



شعوووووووور نايس..يالله اشتقت للمقالب المضحكه يبالي واحد نعم..1112

 

[ŔξVẼήĜξ]

مرة كنا سايرين انا واختي الوطنيه..وكنا نبا نشتري مال العجين
وانا م عيبني اللي اختي اختارته قلتلها ذا احسن..والعامل كان واقف هناك
ويالس يطالعنا من بعيد..واختي تقولي ونون ذا تشكيلته حلوه..قلتلها ذا يسوي صوت مزعج..ذا هادي ولطيف..بعدين شليته عنها بالقو وحطيتها هناك وبدلته..قالتلي الله يغربلج الهندي يالس يطالعنا..وميت ضحك ذاك..وكلما نسير الوطنيه يستقبلونا واذا كنا ندور ع شي نشوفهم قدامنا.. :BB-1::BB-1:

وناسه والله crazy rabbit6

هههه اختلاف وجهات النظر والآراء تؤدي إلى مثل هذه المواقف onion head17 :hai-there: هههه

 

[ونه العوود]

قبل ايام رحت عند بيت الشيخ اللي فحارتنا
كان لازم يوقعلي ع ورقه من دائرة حكوميه
المهم سرنا لبيته وطلعتلنا العامله قالت: باباه
احين م فيه موجود تعالي بعدين..قلنالها انزين
عطيه ذي الورقه يوم يرد عشان يوقعها..وما قصرت العامله معانا
وعطيتها رقمي عشان اذا فيه اسئله او احتاجوا شي مني


بعد يومين الصبح رديت من برا وكنت تعبانه مره..قلت برقد
وحاطيت الفون هزاز..هههههههههههه والشيخ يتصل ويتصل ويتصل
اتصل مرتين..وبعدين رسلتله رساله كتبتله السلام عليكم من معاي؟

ههههههههههه ورد يتصل مره 2..بعدين رحت فبرنامج من المتصل وشفت انه الشيخ..وحتى يوم بغيت اتصلبه كنت متردده قلت م حلوة هههههههههههه ..بعدين اتصلت وقالي انتي فلانه وانا اتصل كم مره ولا تردين...عاد انا ترييته لين م خلص كلامه بعدين تكلمت..

ويوم رحنا بيته عشان نشل الورقه..يطالعنا بنظرات غريبه
ويسآلني اسأله وارد عليه بكل ثقه ههههههه وتوني كنت قايمه من الرقاد..

قالي انا اتصل انتي م تردين. قتله هيه الفون كان بعيد عني واكككككككك
المهم بعدين سالنا وين ساكنين وكذي وبعض الاسئله عشان يوقع عالورقه.عشان يتأكد..

بس يوم سويتله الرساله قمة الاحراج..حتى زوجته قالتلي انتي اللي مسويه الرساله وااااااكككككممم وانا متفشله قلت فضيحه احين شو بيقول...بس الحمدلله طلعنا بنتيجه حلوة وجميله وارضتني..

 

[ونه العوود]

قبل عده ايام سرت التنميه الاجتماعيه
وكان فيه مكتب فيه ثلاث بنات..تبارك الله عليهن جمال
المهم بعد م خلصنا من عندهم..يلسنا فالكراسي اللي بالممر
عشان نعبي الاستبيان..قالتلي اختي عطيني قلم
قلتلها م عندي :ش10: قالتلي قلم م عندج عيل شو شاله فشنطتج هههههه
بعدين قلتلها شوفي انتي يمكن عندج؟..قالتلي انا بعد م عندي..المهم انا سكت ولا كني سمعت شي onion head2


رحت عند وحده من ذيلا البنات ال3..قلتلها لو سمحتي اختي اريد قلم برجعه لج بعد شوي ::41 قالتلي ترا القلم غالي هاه..وهناك كان فيه ريال ياي يخلص معاملته..المهم انا من كثر الاحراج اللي ياني منها ضحكتلها وقتلها برجعه لج :imuae72:

حمااااااااس كان ذاگ اليوووووووم::17

 

[أم حمودي]

مره المديره طلبت من أجيب ماي عشان تاخذ دواها المهم رجعت وانا ماسكة الدبه جلست اكلم وما انتبهت كان اشرب الماي عنها تفشلتRed fox4 وهي يحليها يالسه تنظر

 

[أم حمودي]

لما كنت فالابتدائي او الا عدادي ما اذكر كانوا شالينا عين الكسفه والثواره فالرستاق وفنخل ما اذكر المكان بس اذكر وادي وكانوا في اجانب وناس وايد وانا اتخطى الماي انزحط وطحت قدامهم والاوادم يطالعواonion head17

 

[ونه العوود]

هههههههههههه آحلى شي التزحليطه تحسسج انج بحديقه ههههههه..


لما گنت صغيرة اختي كانت وايد تزاعني ع شي يستاهل ولا م يستاهل المهم تنازعني..وانا كنت متضايقه مره من ذا التصرف..المهم واخوي اللي اصغر مني كنا انا وياه متعاونين فكل شي..بالفلوس بالنكت وبالضرابه واذا نبا نضحك حد ...وذيك اليوم كنا انا واخوي ملانين رحنا تحت النخله وتمينا ندور حوليها لين م شفنا سماسيم..بعدين قلت لاخوي شو رايك نجمع كم سمسومه ونعقها فوق كرفايه اختي..اخوي قالي فكره حلوه يالله نسويها..وهو راح اييب ذا الغطاء البلاستيكي لغرشه الدواء..وشوي شوي نصيد كم سمسومه..وعقيناهن فوق الكرفايه ونشرناهن..وعاد ياي وقت النوم..انا واخوي نمنا من وقت كل واحد بكرفايته..بعد شوي اختي قامت تتحكحك وتركض عند امي..وامي تقول لها كيف ياج كل ذيلا الحبوب الحمر..ونحن نقزنا من مكانا..ونربع عليها اونه م نعرف شو صاير ههههههههههههههههههههه

بعدين فتحوا الليت وشافوا م فيه شي بالكرفايه لان الشرشف مالها كان رصاصي غامق اتذكره هههههههه...فما يبين شي..
المهم بعد عده ايام خبرناهم بالسالفه.. 5:_"5:_"5:_"5:_"


واختي كانت تصيح من العض هههههههه ومتضايقه..
بس كان احلى يوم صراحه هههههههه
ونعم التخطيط
ونعم التنفيذ
ونعم الوناسه

بس الحمدلله محد ضربني هههههههه..:شش7:

 

[ونه العوود]

مره كننا سايرين عرس انا وامي وربيعتها..وانا متعوده اذا رحت العرس
لازم تكون اختي معاي شي ضروري ذا..لان اندق سوالف وايده..وذيك اليوم كنت بروحي وطبعا امي لاهيه بصديقاتها..وانا كنت الوحيده بالبيت عشان كذي رحت وياها..قلت بدل م اقعد بروحي خلني اروح معاهم..

ولما رحنا العرس ويلسنا عالطاوله..م مسكت شي ربيعات امي يقولولي كلي اقول لهم مب يوعانه..وفجأه شفت ثلاث بنات يايات وقعدوا فالطاوله اللي قدامنا..وانا يلست اشوف وحده منهن واقول هاي م كنها آبلتي ابله الانجليزي..وكل شوي اقول لالا يمكن م هيه خلني ادقق عليها اكثر..وناويه اسلم عليها..بس قلت يمكن م تعرفني

المهم تميت اطالعها واطالعني وتخبر ربيعاتها وانا من الملل كنت اريد اروح البيت..محد ابدا يسولف معاي لا صغير ولا كبير

وكل شوي اطالع هاي البنت..بعدين شلت بعمرها هي وربيعاتها وشكلها معصبه وزعلانه ههههههههه لاني طول الوقت وانا اطالعها واقول فخاطري هيه ولأ م هيه ههههههههههههههههه والله نفس الملامح سبحانك ربي

بعدين هم سكروا باب القاعه قالولهم العروس بعد شوي بتدخل ممنوع حد يطلع..قالتلهم لا انا اريد اطلع وما ادري شو خربطه عليهم وخلوها تطلع

ويوم رجعت للبيت قلت فخاطري ي خي ليش انا يلست اطالعها حرام م زين حتى العروسه م شافتها..ويلست أأنب ضميري وقولوا ليله كامله وانا بس افكر فالموقف وليش تميت اطالعها وما ادري شو :3: