قَآلت "أحبّك" !

الموضوع في ',, البُريمِي لـ القَصائد المنقولة' بواسطة نيروز, بتاريخ ‏17 ديسمبر 2013.

  1. نيروز

    نيروز ¬°•| عضو مبتدى |•°¬

    قالت أحبك.. قلت شفتي الطوابير؟؟
    صفي وراهم كلّهم ينطروني .

    . ما عاد لي ف دروب حبك مشاوير
    ما عادت ظنونك تخيب ظنوني .

    . كنتي جناحٍ به من همومي آطير
    كنتي (سحا..) لا والله كنتي مزوني .

    . كنتي الكتاب الممتلي بالتعابير
    أقرأ عيونك وانتي تقري عيوني .

    . غمضت عيني طحت وسط المقادير
    ما قصروا أقل الوفا كفنوني .

    . فتحت عيني ودي آشوفني غير
    لقيتني عايش لوحدي بدوني .

    . اللي رسموني يا شهد بالطباشير
    مدوا يديهم يا شهد وامسحوني .

    . مدوا يديهم للفؤوس المناشير
    سموا على جذعي وبدوا يحطبوني .

    . يوم ان مال الجذع واصطفت العير
    ما طاح جذعي لين طاحت غصوني .

    . طاحت غصوني قمت أسط العصافير
    ما باقي إلا صوتها في أذوني .

    . طحت ولقوا صوتي شرات الدنانير
    قاموا مع الميراث يتقاسموني .

    . اللي شكت من ريحهم نفخة الكير
    اللي وأنا ميت عطش ما سقوني .

    . اللي صوانيهم ذنوب ومعاذير
    إذا لقوني في عشاهم كلوني .

    . وأنا لو إني من عيال الهوامير
    ما كانت دموعي تبلل ردوني .

    . وأنا لو إني من عيال الهوامير
    ما كان ريح الجوع تذبح صحوني .

    . وأنا لو إني من عيال الهوامير
    ما حطت هموم البشر في متوني .

    . هاتي يديك شوي.. شوفيني بخير؟
    أيوا بخير وهيبتي في حصوني .

    . ساسي متين وهامتي تغري الطير
    ريح المنايا ما تزعزع ركوني .

    . وإذا لقيتي عازفين المزامير
    قولي لهم خلف الضيا يلحقوني .

    . والحين عذرا.. خلف ذيك الطوابير
    حرام صار لهم عمر ينطروني
     
    طالبة الثاني عشر و shatha_28 معجبون بهذا.
  2. سنفورة العين

    سنفورة العين ¬°•| عضو فعّال |•°¬

    صح لسانج يالغلا »
     
  3. نور القلوب

    نور القلوب ¬°•| عضو مميز جدا |•°¬


    قصيده رائعه جدا أشكرك على الطرح

    الجميل :biggthumpup:​
     
  4. زهرة الجوري

    زهرة الجوري ¬°•| مُشرفة الأخبار المَحلية و العالميّة |•°¬

    كلمات جميله
    رأقت لي

    تسلمين على الأنتقاء الرائع:imua41:
     
  5. رمرومه

    رمرومه ¬°•| عضو جديد |•°¬

    كلمات رووووووووووووووعة
     
  6. shatha_28

    shatha_28 ¬°•| عضو فعّال |•°¬

    صح لسانج
    ابيات وكلمات أكثر من رائعة
     
    آخر تعديل: ‏21 أوت 2015
  7. alya_ss

    alya_ss :: فريق التغطيات التطويري ::

    صح لسانك ..
    كلمـــات رائعة وجميلة
     
  8. طالبة الثاني عشر

    طالبة الثاني عشر مشرفة قسم صفوف الـ 11 و 12

    صح لسانج
    وتسلمين على النقل الرائع

    يعطييييج الف عافية

    ننتظر جديدج
     

مشاركة هذه الصفحة