*~( الدنياآآ بعدها بخير )~*

الموضوع في ',, البريمي لـِ مساحة حرة ,,' بواسطة خافق احساس, بتاريخ ‏22 أكتوبر 2008.

  1. خافق احساس

    خافق احساس الفرَيق الإدِاري إداري

    [​IMG]
    كح ،، كح ،، مغبر المكان ،، << صبروا بنفض الغبار وبرجع هع !!

    سلام الله عليكم أحبتي في اللهــ،، ورحمته وبركاته ،،

    شحاآآآآآل حبوبيناآآ اليوم ؟؟ وعلومكمــ،،؟ ان شااء الله كويسين ،،

    من صوبي الحمدلله تماامز ،، احمــ،،

    اليوم خافق يات كاتبة موضوع ،،
    شادة حيلها اونها ومنّاك الموضوع كله خرطي
    <<< !!!

    ما بطول عليكمــ،، اترككم مع موضوعي المتواضع
    ( مصرقع + منقع من الخاطر )
    <<<،، عاد انتظر رايكمــ،،


    ،
    ،

    في كل يوم تمر علينا احداث ومواقف كثيرة ،،
    اما ان يكون مقلب أو موقف سخيف او موقف جميل ،،
    وما الى ذلك من المواقف المختلفة ،،
    البعض يظل محفور في الذاكرة
    و البعض الآخر يكون لثواني ثم يمحى بسرعة ،،
    دائما اقول في نفسي مواقفنا روتينيه
    ولكن يتخلخلها بعض الأحداث العفوية و
    التي تحفر بصداها على ذاكرتنا ،،
    << عاشت اللغة !!

    لندخل في صلب الموضوع ،، <<< محد زاخنج !!

    ولنستعرض بعض المواقف الروتينية
    التي تمر علينا والتي صارت امر
    عادي بالنسبة لكثير من الناس ،،

    اظني فيه ناس مرت عليهم مثل هالمواقف ،، !!

    <<< هاي جنها داخلة عرض !!

    المهم نبدا على بركه الله ،،
    ،
    ،

    يــــوم أسير السوق ،،
    علشان أشتري كم غرص مهم من احدى المحلات ،،
    و يثير انزعاجي وجود أغاني صاخبة تضج بالمكان ،،
    احاول الابتعاد عنه باسرع ما يمكن ،،
    ويمتلا قلبي ضيق وكدر ،،
    و ارجع ادخل محل ثاني ،،
    يكون راعي المحل مشغل
    قرآن أو اناشيد اسلامية ،،
    استااااااااااااااااااانس ،،
    و اقول في خاطري : ( الدنيا بعدها بخير ) ،،

    ،
    ،

    يوم أسير الخياط علشان افصل جلابية
    او كندورة حق العيد ،،
    القى بنت ( شابة ) ،،
    الخياط ماسك القياس يحطه على جسمها ،،
    اتألم وتييني غصة في حلقي ،،
    واضعف الايمان ان انكره بقلبي ،،
    اقول في خاطري
    ( يعني ما تستحي ريال يلمس جسمها ؟؟! )
    لكن تيي اللي بعدها اما يايبة المقاس
    من البيت او اختها تقايس لها ،،
    ارجع واقول ( الدنيا بعدها بخير ،، )

    ،
    ،
    يوم أطلع فوق السطح ،،
    واطالع اللي رايح واللي ياي ،،
    << ابوي دومه يهازبني على هالحركة !!
    و اشوف شباب يخمسون
    فالشارع على وقت الاذان ،،
    اتضايق و يصيبني الالم والحسرة ،،
    لكن ارجع اشوف من الصوب الثاني
    من السطح القى شباب الله
    هادنهم و سايرين يصلون فالمسيد ،،
    اقول في خاطري : ( الدنيا بعدها بخير ) !

    ،
    ،

    يوم أكون في قاعة الانتظار فالجامعة ،،
    انتظر السيارة تشلني ،،
    و الصالة تكون متروسة
    بنات بمختلف الاعمار مقسمات
    على عدة مجموعات ،،
    اشوف إلى اول مجموعة ،،
    اسمعها تحش فخلق الله
    ( فلانة خشمها طويل ،، وفلانة براطمها كبار .. الخ )
    ارجع اشوف المجموعة الثانية
    تتكلم عن الاغاني واحدث الكليبات اللي نازلة ،،
    و آخر صيحات الموضة عفواً قصدي ( الفوضة ) ،،
    يرتفع ضغطي واعصب و لكن القى
    مجموعة من البنات من هداية الرحمن ،،
    اللي ماسكة المصحف
    تقرا قرآن واللي تصلي
    واللي تقرا الاذكار ،،
    اقول في خاطري : ( الدنيا بعدها بخير ) ،،

    ،
    ،

    يوم اسير مكتب الدكتور علشان اساله
    سؤال او اسلم له البروجكت ( المشروع ) ،،
    القى طالبة عند واحد من الدكاترة
    لابسة لبس ما ينطرى ،،
    و تضحك ويا الاستاذ عادي ،،
    و الدكتور يبادلها النكات و الضحكات ،،
    يحترق قلبي غيضاً و اكرهه يومي كله ،،
    لكن ارجع اشوف الصوب الثاني ،،
    اشوف بنت بنفس المعايير السابقة ،،
    لكن الدكتور يغض الطرف عنا ،،
    واقول في خاطري : ( والله انك ريااال ) ،،
    وارجع ابتسم واقول : ( الدنيا بعدها بخير ) ،،

    ،
    ،
    يوم اسير رحلة دار العجزة ،،
    واشوف مناظر العجايز والشياب ،،
    يعورني قبلي ،،
    و اقول في نفسي وين عيالكم عنكم ،،
    وين اللي ربيتوهم
    وسهرتوا الليالي على راحتهم ،،
    وين نحن من بر والدينا اللي
    بذلو كل اللي عندهم علشان خاطرنا ؟؟
    و نحن ما نخاف ربنا في امهاتنا و آبائنا ،،
    ليش كل هذا يروح في غمضه عين هباءً منثوراً ،،
    ليش ؟؟،، ليش ؟؟ ليش ؟؟
    و تبقى التساؤلات في المضي
    و تبحث في دربها عن الاجابة ،،
    لكن ( لا رد ) !!
    و بعدها اقرر اني ارجع البيت
    وانا في طريقي للعودة ،،
    امر على حديقة ،،
    القى فيها عيوز وسط عيلها ،،
    و كل واحد يتسابق منو اللي بيقدم أكثر حق امه ،،
    ( وفي ذلك فليتنافس المتنافسون )
    و الام كما نعلم جنة مب لعبة ،،
    والجنة تحت اقدام الامهاتــ،،
    ينجبر شيء من خاطري
    واقول ( الدنيا بعدها بخير ) ،،

    ،
    ،
    و هذا حالنا كل يوم ،،
    ولكل جهه شيء ،،
    فالدنيا فيها الشين وفيها الزين ،،
    مهما شفنا الجانب المظلم ونتضايق ،،
    نرجع نشوف الجانب الحلو ونستانس ،،
    و من رايي لازم نشوف
    الامور بطريقة ايجابية ،، << كح كح !!
    لانه الشلة الفاسدة مهما كثرت عدديا ،،
    لكنها ما تكثر قلبياً
    <<< منو يشرح آخر عبارة وحقه لبان باطوق !!
    احم ،، و مهما صار راح
    تظل الدنيا بعدها بخيـــر ،،
    وسموحتكمــ،، على الهذربااان ،،

    خويتكم : خافق احساس ،،~

    ،،، قاعدة اجرب استعيد لياقتي الكتابية ،،
    من زمان ما كتبت عربي كح !!:patch_punnch:
     
    آخر تعديل بواسطة المشرف: ‏22 أكتوبر 2008
  2. سجين القلم

    سجين القلم ¬°•| مراقب سابق|•°¬

    خافق أحساس وخيراً أجد اول صدقاتها على القسم العام

    ههههههههههههههه

    خافق احساس هذا واقع نعيشه كل يوم والحياه عباره

    عن وجهين وجه خيراً ووجه أخر محزن ويضيق الصدر منه

    ولكن لنعلم دوام الحال من المحال

    ولن يدوم غير وجه الله

    كل من عليها فان ويبقى وجه ربك ذو الجلال والإكرام


    لكم كل التحية والتقدير لما وضعتي لنا

    وهنا اضع تفسيري للعباره يلي قلتي تبي حد يشرحها

    :)



    لانه الشلة الفاسدة مهما كثرت عدديا ،، لكنها ما تكثر قلبياً

    وتعني هاي العباره انه مهما كان عدد الاصحاب الفاسدون لا يكون قلوبهم على بعض

    ولا يحاول كل شخص معرفت ما يكدر رفيقه الاخر وذلك بسبب ما جمعهم
    وهو الفساد والضياع والهلاك
    ولا يهتم اي احد بهم في الاخر سوى لغرض ومصلحه :)


    لك كل الشكر ونترقب المزيد من عطائكِ الجميل
     
  3. خافق احساس

    خافق احساس الفرَيق الإدِاري إداري

    [​IMG]
    السلام عليكم ورحمة الله وبركاتهــ،،
    أسعدكم ،، اللهــ،، [ صباحاً / مساءً ] بكل خير ،،~
    [​IMG]
    نايف السعيدي ،،

    كح كح ،،

    شاطر 10 / 10

    خخخخخــ،، و هذي هديتكـــ،،

    [​IMG]

    و السموحة !!
    ،،
    [​IMG]
     
  4. سجين القلم

    سجين القلم ¬°•| مراقب سابق|•°¬

    كح كح كح ثانكس على الهدية

    لـــــــــــرفــــــــــــــع
     
  5. كيـِـآטּ

    كيـِـآטּ ¬°•| مشرفة سابقة|•°¬

    بارك الله فيكِ..وفي ميزان حسناتك ان شاء الرحمن

    ما شاء الله عليج يالغالية أبدعتي

    أحس كلماتج تدخل القلب...


    بارك الله فيكِ غاليتي ... والى الامام دائما... يرعاك ربي
     
  6. السَعيدي

    السَعيدي <font color="#ff0000">¬°•| إداري سابق|•°¬</span></

    [​IMG]


    خافق احساس
    مو بس في الصور مبدعه
    حتى في الكتابه
    موضوع قمة في الروعه

    صحيح كما ذكرتي لكل شيء وجهين
    وجة الخير ونقيظة الشر
    مواقف ذكرتيها لاتخفى على احد

    نقائض رائعه

    أعجبتني طريقة طرحج للموضوع
    أعجبني مضمون الموضوع
    أعجبني الهدف من الموضوع وغايتة
    أعجبني المواقف المختارة


    خافق احساس
    أبدعتي وتالقتي

    رائع
    رائع جداً الموضوع

    لاتبطي علينا نتريا يديدج

    [​IMG]
    [​IMG]
    الأرجنتيني البار
     
  7. السَعيدي

    السَعيدي <font color="#ff0000">¬°•| إداري سابق|•°¬</span></

    [​IMG]

    بكل جدارة واستحقاق يمنح وسام المراقب العام للمواضيع المتميزة



    [​IMG]
    [​IMG]
    الأرجنتيني البار
     
  8. ورده جوريه

    ورده جوريه ¬°•| عضــو مــهــم|•°¬

    وااايد ما تشوفي من مواقف في الحياة ... اما تخليج مستانسه
    ... اما تخليج حزينه ومتكدره
    (( بس هذه هيه الحياه ))


    تسلمين يا الغلا ع الموضوع بصراحه في قمة الروعه
     
  9. أبو سلطااان

    أبو سلطااان مؤسس و رئيس الفريق التطويري إداري

    موضوعج نايس و يستاهل الوسام بسيط و مضمونه جميل ...
    يعطيج العافيه
     
  10. سفير الحب

    سفير الحب موقوف

    يعطيك العافية أختي على الموضوع الرائع ..
     
  11. خافق احساس

    خافق احساس الفرَيق الإدِاري إداري

    [​IMG]
    السلام عليكم ورحمة الله وبركاتهــ،،
    أسعدكم ،، اللهــ،، [ صباحاً / مساءً ] بكل خير ،،~
    [​IMG]
    نهاااية ،،
    نروتي الموضووع ،،
    و ربي يسلمج ،،
    شكرا على التشجيع الطيب !!

    ،
    ،

    البار بوالديه ،،
    شكرا على الوسام ،،
    ردج عجوبي ،،
    دمت ع الطااعة ،،

    ،
    ،

    وردة جورية ،،
    ^^
    نورتي غناية ،، هع !!
    و صدقتي لووول ،،
    ربي يحفظج ,, دمتي بود !!

    ،
    ،

    بو سلطان
    شكرا على ردك الطيب ،،
    دمت ع الطاعة ،،!

    ،
    ،

    فتى الظاهرة ،،

    اشكر مرورك اخوي

    دمت على طاعة الرحمن !!

    و السموحة !!
    ،،
    [​IMG]
     
  12. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    مواقف وايده تمر بحياتنا ونتعجب منها


    بس مع كل هذا انشوف الزين ومثل ماقلتي بعدها الدنيا بخير


    ابدعتي يالغلا فالطرح طلعتي مب هينه ههههههه

    يعطيج الف عافيه فديتج ع الموضوع
     
  13. خافق احساس

    خافق احساس الفرَيق الإدِاري إداري

    [​IMG]
    السلام عليكم ورحمة الله وبركاتهــ،،
    أسعدكم ،، اللهــ،، [ صباحاً / مساءً ] بكل خير ،،~
    [​IMG]
    هلا والله مس فراولة هع
    يصلمو حبيبتي على ردج الغاوي لا هنتي
    و السموحة !!،،
    [​IMG]
     

مشاركة هذه الصفحة