ضروري

الموضوع في 'كلية البريمي الجامعية |BUC' بواسطة ملاك بدنيتي, بتاريخ ‏28 أكتوبر 2013.

  1. ملاك بدنيتي

    ملاك بدنيتي ¬°•| عضو فعّال |•°¬

    السلام عليكم
    بس لو سمحتوا اللي عنده اي فكرة بخصوص موضوعي يعلق قق8
    احين خلصت ساعات الدراسه لاخذ البكالوريوس بس المعدل مثل ما تعرفون ما يخليني اتخرج وسرت الكليه بدون فايده محد يقتنع ع العموم مب هذا موضوعي:
    موضوعي هو اذا سحبت اوراقي من الكليه بيعطوني شهاده دبلوم او لا
    والسموحه من الجميع
     
  2. أخصائية إعلامية

    أخصائية إعلامية ¬°•|كلية البريمي الجامعية|•°¬

    وعليك السلام ورحمة الله وبركاته

    هلا غاليتي المتعارف عليه والقانون ينص على أن الطالب يتخرج بمعدل يعادل 2
    سواء كان ببرنامج البكالوريس أو الدبلوم المتقدم أو الدبلوم و بأي تخصص من التخصصات.

    فأنتي راجعي القبول والتسجيل وشوفيهم على كم حاصله بالمعدل وعلى الاقل درسي مادتين وحاولي تجيبي A في المادتين وان شاء الله بتتخرجي بدرجة البكالوريس ويزيد معدلك.

    وربي يوفقك
     
  3. ملاك بدنيتي

    ملاك بدنيتي ¬°•| عضو فعّال |•°¬

    اهليين ومشكوره ع الرد
    استاذتي العزيزه انا كملت ساعات البكالوريوس بس المعدل ابد ما زاد ابد المعدل الفصلي يزيد بس التراكمي ابد ما يتحرك بس يزيدوا عدد لكسور ياخي حسوا فينا نحن مب يايبين بيزاتنا من الشارع والا حق ناس وناس يعني انا اعرف وايد بنات اقل عني وفجاه يتخرجوا ليج تراه نحن فاهمين شو السبب اللي يخلي فلان يتخرج وغيره لا ومع انه اقل مستوى انه يكون خريج....
    ع العموم مب هاذا موضوعي انا ابي بس اتخرج وارتاح لان محد يعرف حاله الثاني وبشو يعاني نحن ما بنتم طول عمرنا دراسه ورانا اهل محتاجين نصرف عليهم انا ابي بس طلبي يوصل لشيخ لان حاولة اوصل له بس دوم ما احصله ف المكتب ابي حد يحس فينا تراه مب بروحي اعاني غيري وايد ف الكليه....
    انا احين بس ابي شهاده دبلوم عطوني وبسحب اوراقي من الكليه ما نباها البكالوريوس خلاص..
    والسموحه ع طريقه كلامي تراه والله من الحره اللي ف قلبي
     

مشاركة هذه الصفحة