قضية سؤال عن التسجيل في القوى العاملة

الموضوع في 'مركز أخبَار وقَضَايَا مُحـَافَظة البـُريمِي' بواسطة roo7_bur, بتاريخ ‏3 سبتمبر 2013.

  1. roo7_bur

    roo7_bur ¬°•| عضو مبتدى |•°¬

    السلام عليكم ..
    أخواني/خواتي
    أنا متخرجة من الجامعة شهر 2 ولين الحين ما سجلت في نظام القوى العاملة .. لأن كل ما أراجعهم يقولولي التسجيل مب مفتوح
    المرة الأخيرة يوم راجعتهم قالولي بينفتح التسجيل خلال هالأيام ..

    أنا أبأ حد يخبرني يوم ينفتح التسجيل لأني ما أقدر أتواصل وياهم يوميا لأني مب في آلبريمي..
    منو نفسي يتريا يفتحون التسجيل ؟ ويقدر يخبرني إذا فتحوه
    يفضل تكون بنت وتتواصل معي ع الخاص بعطيها رقم الموظفة اللي تتواصل معها من خلاله.. يا ليت حد يساعدني ويكون شاكرة لكم عشان ما يفوتني التسجيل لأن هي قالت فتحوه مرة بس لمدة قصيرة وقالت عشان شخص واحد بس ما فهمت عليها شو يعني يفتحون التسجيل عشان شخص واحد شو هالشخص على رأسه ريشة !!!!
    وشكرا جزيلا
     
  2. عبودي

    عبودي ¬°•| عضو فعّال |•°¬

    وظايف متوفره
    بائعة عطور
    او
    العمل في شركه بعيده عن مقر السكن

    ملينا منهم ومن المذله
    ليتنا حصلنا الجواز نفس ربعنا ورحنا

    الحين خلاص ما يفيد الندم
     
  3. roo7_bur

    roo7_bur ¬°•| عضو مبتدى |•°¬

    طارت الطيور بارزاقها
    الله كريم
     
    آخر تعديل: ‏3 سبتمبر 2013
  4. قانوني ممارس

    قانوني ممارس ¬°•| عضو فعّال |•°¬

    أختي العزيزة التسجيل في سجل القوى العاملة لأول مرة وكذلك التحديث مفتوح الحين في دائرة القوى العاملة بالبريمي .
    كل ما عليج تعبين الإستمارة مع صور شخصية وصورة البطاقة الشخصية والجواز والشهادة الدراسية وشهادات الخبرة .
    وشكرا.........
     
  5. roo7_bur

    roo7_bur ¬°•| عضو مبتدى |•°¬

    متأكد أخوي؟
    أول أمس كنت عندهم قالو مب مفتوح
    ع العموم أنا براجعهم وان شاء الله معلوماتك صحيحة وشكرا لك
     
  6. قانوني ممارس

    قانوني ممارس ¬°•| عضو فعّال |•°¬

    أنا الحين كنت متواصل مع واحد من الأخوان في القوى العاملة قبل ما كنت أكتب الرد وبلغني بهالكلام .
    الحين فيه وظائف في الخدمة المدنية وهذي فرصة تسجلين فيهم.
     
  7. قانوني ممارس

    قانوني ممارس ¬°•| عضو فعّال |•°¬

    فعلا من ثلاث أيام ما كانت هيئة سجل القوى العاملة فتحت مكتب لها في البريمي ولكن الحين تم إنتداب بعض الموظفين في دائرة القوى العاملة لتسجيل الباحثين عن العمل وتحديث بياناتهم .
     
  8. roo7_bur

    roo7_bur ¬°•| عضو مبتدى |•°¬

    آهاآا يزاك الله خير على المعلومة والله يسهل الأمور ويفرجها على الجميع
     
  9. ولد المرخانية

    ولد المرخانية ¬°•| عضو مميز |•°¬

    الله يعينكم ويسهل عليكم
    أنا روحت لهم من سنتين ونص تقريبا عشان الوظيفة لكن ما عطوني خبر ولا نزلو لي ال150 ريال وبعدين طبيتهم والعام خلصت الثانوية العامة والحين بدور لي شغل ف الامارات أو قطر
     
    آخر تعديل: ‏4 سبتمبر 2013
  10. roo7_bur

    roo7_bur ¬°•| عضو مبتدى |•°¬

    يعين الجميع أخوي وبالتوفيق ..

    فعـــلاً التسجيل مفتوح بس عندي أوراق وآيد لازم أخلصها غير تصديق الشهايد ..
    حد يعرف متى يتسكر التسجيل؟
     
  11. roo7_bur

    roo7_bur ¬°•| عضو مبتدى |•°¬

    منو يعرف متى يتسكر التسجيل ؟
    بعدني ما خلصت الأوراق :cry:
     

مشاركة هذه الصفحة