قصيده ليس لها عنوان ؟؟

الموضوع في ',, البُريمِي لِـ/ للشٌعرٍوالْقصِيْد,,' بواسطة اليامي, بتاريخ ‏14 أكتوبر 2008.

  1. اليامي

    اليامي ¬°•| بـ ق ــايا ذكـريـات |•°¬

    يابوي ليه تبكي كل ما شفتك وعينـك لـي ؛،؛
    تخاف أموت يابوي ... وقبل الموت تبكيني

    كفا يابوي لا تبكي وأنا موجود معك وحـي ؛،؛
    أجل بعد الرحيل أشلون في قبري توطينـي

    ابوي لو تموت الناس ماتسوى دموعـك ذي ؛،؛
    وأنا يابوي ميت قبل أموت وأنـت محيينـي

    قسم بالله يابوي لجل عينك شربـت الغـي ؛،؛
    جرعت الهم والحرمان وبحر الويل يسقينـي

    تحملت السنين اللي طوتني في عاذبي طـي ؛،؛
    وصار الجمر بكفوفي .. وتحت أقدام رجليني

    يابوي ماعلى عمري حسافه ولا بقا بي شي ؛،؛
    ولكـن بطلبـك يابـوي تكفـا لا تخلينـي

    يابوي مابي غيرك يغسـل جثتـي بالمـي ؛،؛
    وتكفا قبل لا أتكفن .. يابوي فكلـي عينـي

    بأمر الله يمكن ألمحك وأرحل في عيني ضي ؛،؛
    وودع وجهك الطاهر مع دنيـاي وسنينـي

    وخل الناس تحملني وترفع راسي ورجلـي ؛،؛
    وتأخذني على قبري وتكسب أجرهـا فينـي

    وأذا جيت القبر يا بوي نزلني شوي شـوي ؛،؛
    ووجهنـي لبيـت الله .. وقبلـه المصلينـي

    وحط الطين وأدفني وعز اللي يعـزي فـي ؛،؛
    ثلاث أيام يابـوي .. يواسـوك المعزينـي

    ورابع يوم يا بوي تذكر .. ضحكتي وعني ؛،؛
    تذكر وش كنت أقول يـوم أنـك تنادينـي

    تذكر يوم كنت أنام في ظل النخـل والفـي ؛،؛
    تجي يمي تصب الما..على وجهي وتصحيني

    تذكر جرة الموال وصوت في حبالـه كـي ؛،؛
    تذكر يوم أغني لك قصيدي وانت توحينـي

    تذكر ضحكتك لا قلتلك يابوي عشقي هـي ؛،؛
    تذكر كم قصيدة خافيه مـا بينـك وبينـي

    تذكر كل شي كان وأذكر يـوم انـا حـي؛،؛
    ولكـن أسالـك بالله يابـوي لا تبكيـنـي
     
  2. السَعيدي

    السَعيدي <font color="#ff0000">¬°•| إداري سابق|•°¬</span></

    [​IMG]

    روعه روعه روعه القصيدة
    كلمات قوية ومؤثرة للغاية
    هاي القصيدة صح انها باللغة العامية ولكنها تحمل الكثير من جودة الشعر العربي القديم

    الف الف شكر لك اخوي



    [​IMG]
    [​IMG]
    الأرجنتيني البار
     
  3. حورية البحر

    حورية البحر ¬°•| مشرف سابق|•°¬

    روعة ثم روووعة في اسلوب جميل ومتناسق مع الافكار
    دمت لنا ولابداعك الجميل
    اشكرك على وضع جديدك هنا

    تقبل مروري : حورية البحر
     
  4. ريانووو

    ريانووو ¬°•| عضو مميز |•°¬


    صح لسانك ياخوي..ما عليك زوووود...
     
  5. أبو سلطااان

    أبو سلطااان مؤسس و رئيس الفريق التطويري إداري

    صح لسانكـ أخوي و يعطيكـ ألف عافيه ...
    لا تحرمنا مشاركاتكـ
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صح لسانك ولاهنت ياخوي
    ماعليك زود يعطيك الف عافيه
     
  7. اليامي

    اليامي ¬°•| بـ ق ــايا ذكـريـات |•°¬



    اشكركم على المرزور تاطيب اصدقائي

    وموضوع يكتمل بردودكم الكريمه

    ودامت ردرودك


    اليامي
     
  8. الولاء الأبدي

    الولاء الأبدي ¬°•| عضو مبتدى |•°¬

    شكرا جزيلا لك على القصيدة الروعة ...

    دام نبضك الشعري لنا ...
     
  9. اليامي

    اليامي ¬°•| بـ ق ــايا ذكـريـات |•°¬

    اشكركم على المرور
    فانتم موضوعي تميز


    وهذا ردي



    .......................

    اليامي
     
  10. دايم الشوق

    دايم الشوق ¬°•| مُشرف سابق |•°¬

    صح اللسانك ,,,,
     

مشاركة هذه الصفحة