أدفن العبرات بتراب السكوت وأنطوي ع كبري كأني طفله

الموضوع في ',, البُريمِي لِـ الصُــور و الطّرائف ,,' بواسطة ونه العوود, بتاريخ ‏7 أوت 2013.

  1. ونه العوود

    ونه العوود ¬°•| عضــو مــهــم|•°¬

    سلام عليكم

    شحالكم شمسويين شلاعبين..أكيد أموركم طيبه ههههههه "انا فيه جرجر واجد"


    عالعمومه نيي للخبال ههههههه


    بنتكلم عن عن عن م اعرف عن شو بس اللي بيطلع مني بقوله ققق8ققق8


    نبدأ عند النقطه أ "رووووووووووح خالي رياضيات بحته"



    لما كنت صغيره..كانت عندي صعوبه فحفظ جدول الضرب "ههههه" وكانت الابله تقولي حفظيه ترا مهم ونصايح والحاله..والماما اشترتلي جدول ضرب من الدكان يمكن بدرهم أعتقد بدرهم أيوا بدرهم ههههه..وحفظت منه جدول 1 ، 2 ، 3 ، 10، 5

    حفظت السهلات يعني..طبعا فيه عدد كبير من البنات م حافظات جدول الضرب..أظني واصل عدد الطالبات "من 1 إلى 39 طالبه" العدد الكلي للصف من الشطار والداون داون..أنا كنت وسط فالرياضيات..بس سبحان الله كنت وايد احب اليساوي حتى يوم يوصل دوري أغمض عيني واقول يالله يالله اكون عند اليساوي يالله..وبعدين يطلع عند "الاكبر من والاصغر من" 1--/1--/


    النقطه ب :

    أمس أختي قالتلي قومي من وقت باجر ورانا مشوار..وانا ع نياتي شو دراني باجر شو بيستوي مشيت معاها ع جدام ههههه وقتلها انزين حطيت المنبه س 8 وقمت س 10 وشي وشفت الفون قلت ليش المنبه م رن "عثريه رن لين شبع وانا طابتنه هههههه"
    المهم شفت الشمس طالعه وقلت اكيد الشمس الحين حاره ودقيتها نومه لين س 4 العصر ههههههه "رفعت ضغط أختي وتمت معصبه ومكشره وتفر الاشياء وأنا فخاطري اضحك عليها بقوه..ويالسه اقول بيني وين نفسي ايه حرام زعلتها ليش انا م قمت هههههههه" ويوم كامل م كلمتني الا يوم انا اتكلم تتكلم معاي بشده " ققق8ققق8ققق8 " بعدين قلت انا م بييني نوم جي لازم اكلمها ورحتلها عالواتس وكلمتها "وبعدها معصبه وتكلمني بشده أخر شي رحت انام ويلست اصيح صيحه مطوله ههههههه" الله يلطف بالحال ونحن م يتم زعلنا سنوات أو شهور أو اسابيع م نقدر لازم وحده منا تراضي ال2 شي حلو


    النقطه ج:

    قبل اسبوع يمكن رحنا عند ناس..أخوي راح فميلس الريايل ونحن فالصاله الموهم انا يلست اطالعهم واختي تقرصني عاد بعدين ابتسم فويهم..لين م انقلبت المسرحيه ههههه..رن فون وحده من الحريم انا عبالي بتتكلم عربي..قامت تكلمت زنجباري وانا اول مره اسمع كلام زنجباري..ونزلت راسي تحت ويلست اضحك وفتحت الفون اوني اشوف من راسل "شوف الغباء" وبعدين م قدرت ازخ عمري قمت وزدت النايتروس واختي منبطه ضحك وراي م قدرت اصبر واختي تقرصني قرصات وانا ابتعد عنها لأن يعور تقول سمسوم ههههه..لين م اشتلوا من مكانهم وراحوا هههههههه "أهم شي الوناسه"


    النقطه د:


    قبل يومين رحنا الخياط كنت لابسه جوتي..المهم رحنا خلصنا شغلنا ويوم يينا نبا نطلع أنا م شفت تحت يلست اشوف الناس وجي ههههههه قق9 وكانت هناك فيه زحليقه وبنفس الوقت كانت يايه مناك سياره..وم دري شو استوى تزحلقت ويلست مكاني هههههه واختي تبا تزخني من ايدي "بدل م تزخني قامت وقرصتني" المهم يوم قمت آي آي يعور وهي تقولي شو يعورج ريولج ولا ايدج وانا اقول لها م اعرف بس يعور وهي تقول انزين وين قوليلي..وانا بين الضحك والآهات ههههههه بعدين قلتلها هناك كانت فيه سياره اكيد شافتني يوم طحت ههههههههههه..وتقولي وين يعورج انزين أقول لها منيه تقولي وين وأشر لها ان فايدي هههههه اخر شي اعترفت وقالت ترا انا قرصتج قق9



    وبس ذا اللي طلع معاي..نلتقي فحلقه يديده من برنامج الوجه الضاحك 1--/


    اجمل التحايا: ونه العوود


     
  2. أُنْثَے مِنْ ~ بَيَآضْ

    أُنْثَے مِنْ ~ بَيَآضْ ¬°•|مشرفة الهواتف و التقنيات الذكية|•°¬

    عليكِ السّلام والرّحمه والبركاتْ ..

    ههه !
    ما شاء الله عليك ، مُمتِعَه وِيَآ سَوآلفك ")

    ربِّيْ يَخلِّيكْ
    مآعندي كلآم ارد عليك هه :$ سوري


    =)
     
  3. حكآيةة غيم

    حكآيةة غيم ¬°•| مُشرفة الخَواطر |•°¬

    ما شاء الله عليج ليلة شتاء
    اسميج عليـج سوالف:004:
    تسلمين
     

مشاركة هذه الصفحة