فلانة محجوزة حق فلان .. وفلان ما له حد غير بنت عمه إذا تبي ؟؟ والله سالفة !!

الموضوع في ',, البُريمِي للِحِوار و النقَاشْ ,,' بواسطة سفير الحب, بتاريخ ‏13 أكتوبر 2008.

حالة الموضوع:
مغلق
  1. سفير الحب

    سفير الحب موقوف

    بسم الله الرحمن الرحيم

    السلام عليكم ورحمة الله وبركاته

    ( الحبر يخلص وقضايا مجتمعنا ما تخلص )

    نجي لقضيتنا ومحور حديثنا

    ( ياولدي بنحجز لك بنت فلان )
    ( يابنتي ترى ولد فلان حاجزك )
    ( فلانة محجوزة لفلان )

    _ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

    _ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

    ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

    _ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان

    قصص تبكي القلوب .. وأحلام تضيع في قرار
    أمال وأمنيات تتبخر ..

    بصراحة انا احس ان الحجز فيه ظلم للبنت
    خصوصا ان الولد لو كبر وغير رايه ماهيتأثر
    لكن البنت حساسة وهتتأثر
    وفوق كل هذا محد بيجيها خطاب لانهم يعرفوا انها محجوزة لفلان

    ممكن الشاب يتأثر لان اهله اختاروا له شريكة حياته
    وحجوزها له ..

    لكن البنت هي اللي هتتأثر اكثر


    من المذنب .في هذا كله. الشاب , الشابه , الأهل , العادات والتقاليد ؟؟

    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟

    وانت ايها الشاب مارأيك في مسألة الحجز وان تكون محجوز لفتاة ؟؟

    وهل هذا الشي موجود في عائلتكم ؟؟ وماموقفكم منه ؟؟
     
  2. (الكعبي)

    (الكعبي) ¬°•| مُِشْرٍفَ سابق|•°¬

    يسرني أن أكوووون أول من يجعل بصمنة ع هذا الموضوع الجميل والذي يلامس حيااااااااااتنا ومجتمعتنا

    من المذنب .في هذا كله. الشاب , الشابه , الأهل , العادات والتقاليد ؟؟


    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
    يمكن الاهل هم اللي يقررو

    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟
    للبناااااااااااااااات

    وانت ايها الشاب مارأيك في مسألة الحجز وان تكون محجوز لفتاة ؟؟
    أذا كانت ع دين وأخلاق فلا بئس ف ذلك


    وهل هذا الشي موجود في عائلتكم ؟؟ وماموقفكم منه ؟؟
    بصراحة لايوجد هذا الشئ عدنا


    قمة ف الاختيااااااااااااار ياأخي وف أنتظاااااااااار يديدك
     
  3. ريانووو

    ريانووو ¬°•| عضو مميز |•°¬


    نادرا ما تلقى مثل هالحالات في بعض العوايل ع اساس الاهل ادرى بمصلحة عيالهم ف المستقبل..

    و ما يدرووون ان هالزمن تغير و اللي قلبه يكون متعلق بوحدة ثانية والعكس صحيح وتعال هني الوهقة..

    ما اقول غير كل شي له نصيب وبلا كلمة حجزنا و ما حجزنا ..

    و السموووحة..
     
  4. دلوعه ابوها

    دلوعه ابوها ¬°•| عضو مميز جدا |•°¬

    من المذنب .في هذا كله. الشاب , الشابه , الأهل , العادات والتقاليد ؟؟
    الاهل

    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
    الشاب
    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟
    الصراحه ما صار هذا الشي عندي واذا صار ما راح
    اوافق
    وانت ايها الشاب مارأيك في مسألة الحجز وان تكون محجوز لفتاة ؟؟


    وهل هذا الشي موجود في عائلتكم ؟؟ وماموقفكم منه ؟؟
    ما موجود فالعيله

    وتقبل مروري :patch_balon:
     
    آخر تعديل: ‏13 أكتوبر 2008
  5. السَعيدي

    السَعيدي <font color="#ff0000">¬°•| إداري سابق|•°¬</span></

    [​IMG]

    والله يا خوي هالقضية وايد مهمة
    وافكارك عجيبه ما شاء الله عليك

    بالنسبة للقظية اعتقد انها قلت بشكل كبير وهاي كانت من العادات القديمة الي بدت تندثر

    بالنسبة لي ما ائيد هالفكرة ابد
    واعتبرها ضلم للبنت اكثر من الولد
    وكما ذكرت وايد قصص حزينة صارت بسبب هالسالفه


    نتمنى انا ما نسمع سوالف يديده وان هالمسألة تنتهي من حياتنا

    الف شكر لك اخوي على الطرح





    [​IMG]
    [​IMG]
    الأرجنتيني البار
     
  6. تحياتي لك يا فتى الظاهرة ،،، وبالنسبة للموضوع لي طرحته فعلاً حساس وتصير بصراحة وبكثرة عند العوائل الغنية بالذات ،،، وكله لأهداف مادية لا اكثر ولا اقل __

    - من المذنب .في هذا كله. الشاب , الشابه , الأهل , العادات والتقاليد ؟؟
    العائلة طبعاً لأنهم يتبعون عادات وتقاليد لا صارت ولا ستوت ، الرسول أمر بتغيير النسل ، وهاه الي حاصل اللحين فلان فيه السكر وفلان فيه الضغط هالامراض كلها بالوراثة اصلا ،، فحكمة تغيير النسل لتفادي الأمراض الوراثية.

    - ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
    هو بصراحة في هالحالة الشاب هو قراره النهائي ،، لأنه في النهاية هو الي بيكون العريس ، مب ابوه ولا امه ،، الابو والام بيعيشون وعقب بيموتون وبطيح فجبده.

    - اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟
    بصراحة هالسؤال حق بنات ،، ومن الأفضل إنها تقول لأ.

    - وانت ايها الشاب مارأيك في مسألة الحجز وان تكون محجوز لفتاة ؟؟
    انا عكس هالرأي ،، وما أحب حد يحجزني ولا أحجز حد ،، لا بعد يمكن يقولون يلا ادفع عربون جان تبا البنت هههههههه اسولف ياخي ،،،
    لكن صج يعني مب حلوة ،، يمكن الله ما كاتب هالبنت حقي ،،، فـ شو حقه اعلقها .

    وتقبل مروري وتراه رأيي _


    وهل هذا الشي موجود في عائلتكم ؟؟ وماموقفكم منه ؟؟
     
  7. بنت البريمي

    بنت البريمي ¬°•| استغفر الله |•°¬

    من المذنب .في هذا كله. الشاب , الشابه , الأهل , العادات والتقاليد ؟؟

    الأهل وتمسكهم بعاداتهم القديمة والخاطئة ..

    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

    الشاب طبعا ..

    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟

    اذا كانت أخلاقه طيبة ومحترم ومحافظ على دينه فعادي بس طبعا ما تطول فترة الحجز يعني يكون هو على السنوات الأخيرة ف الدراسة ..

    وانت ايها الشاب مارأيك في مسألة الحجز وان تكون محجوز لفتاة ؟؟

    حق الشباب ..

    وهل هذا الشي موجود في عائلتكم ؟؟ وماموقفكم منه ؟؟
    لا والحمدلله ما عندنا ..

    تسلم اخوي فتى الظاهرة لطرح مثل هذي القضية الهامة والحساسة ..
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صح انها عاده قديمه ومب حلوه وفيها ظلم بس معظمهم يبون بنات عماتهم او خالاتهم

    وانا منهم من يوم صغار انا وولد عموتي محجوزين لبعض والحمدلله نحن نبا بعض والله يمعنا ومرتاحين

    بس البعض منهم مايبون وتصير مشكال والبنت ماترتاح والذنب كله ع الاهل ياليت بس يغيرون هالعادات والتقاليد اللي مالها لزمه

    لان بالنهايه البنت بتعيش حياتها مب اهم



    يسلمووو اخوي ع الطرح يعطيك العافيه
     
  9. من لي غيرك

    من لي غيرك ¬°•| عضو مميز |•°¬

    يمكن هالعادة للحين موجودة فأغلب البيوت ،،، لكن ما نقدر نلوم الأهل بهالشئ ؛ لأن هالشئ من العادات والتقاليد


    يمكن اللي يزيد الطين بلة انه اذا تقدم أي شاب لخطبة فتاة من عائلة غريبة " يعني مو عيلته " أول شئ راح يصير فحالة الموافقة : من وين عرفت هالشاب ؟؟ وكيف عرفها ؟؟ وانتوا أخبر بفضول الناس "هههههههههه"

    أولا وأخيرا هي سالفة نصيب :)

    يسلموووووووو فتى الظـــــــــــــاهرة على طرحك المميز ،،، وبالتوفيق
     
  10. سفير الحب

    سفير الحب موقوف

    أخي الكعبي أشكرك على مرورك الرائع ..
    الله يعطيك العافية ..
    والله يسعدك دوو إن شاء الله ..
     
  11. سفير الحب

    سفير الحب موقوف

    تشكري أختي على مرورك الرائع ..
    وهالشي نادر بس موجود في بعض العوايل ..
    الله يعطيك العافية ..
     
  12. سفير الحب

    سفير الحب موقوف

    مشكورة أختي على المرور والمشاركة ..
    الله يعافيك ..
     
  13. سفير الحب

    سفير الحب موقوف

    الله يعزك أخي الغالي ..
    والله مرورك وطلتك البهية أسعدتني ..
    الله يسعدك بدنياك يارب ,,
    والله يعطيك الصحة والعافية ..
    خويك فتى الظاهرة ..
     
  14. سفير الحب

    سفير الحب موقوف

    أشكرك أخي على مرورك ومشاركتك ..
    الله يعطيك العافية ..
    وبالنسبة لهالموضوع لا يوجد في عيلتنا ..
     
  15. سفير الحب

    سفير الحب موقوف

    الله يسلمك أختي ..
    الله يعطيك العافية ..
    وتسلمي على مرورك الرائع ..
     
  16. سفير الحب

    سفير الحب موقوف

    الله يسلمك أختي على المرور الرائع ..
    الله يعطيك ألف عافية ..
     
  17. سفير الحب

    سفير الحب موقوف

    الله يسلمك أخيه ..
    الله يسعدك ..
     
  18. الغافري

    الغافري ¬°•|عُضوٍ شًرٍفٌ |•°¬

    من المذنب .في هذا كله. الشاب , الشابه , الأهل , العادات والتقاليد ؟؟

    تبي الصراحة إذا جيت للمجتمع تحسه متقلب مرة كذيه ومره كذيه .... أنا أقول الكل


    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

    الأفضل الشاب والشابة يكون لهم راي في الموضوع

    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟

    ....................................

    وانت ايها الشاب مارأيك في مسألة الحجز وان تكون محجوز لفتاة ؟؟

    ما عندي سالفة ..... كلمتي هي يلي راح تمشي

    وهل هذا الشي موجود في عائلتكم ؟؟ وماموقفكم منه ؟؟

    موجود ............. وأنا معارض وألحين بصراحه متورط
     
  19. AMS

    AMS ¬°•| عضو مميز جدا |•°¬

    ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

    الاهل اكيد في حد غيرهم ....

    اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟

    لما اكون سيارة بعدين يحجزني ...
    طبعا ارفض واذله بعد ...

    وانت ايها الشاب مارأيك في مسألة الحجز وان تكون محجوز لفتاة ؟؟

    انا مب شاب بس راح اجاوب ع سؤال....
    والله انه راح يفرح ...
    راح يقول حق اصدقائه انا عندي حبيبيه .....
    ولما يتخرج راح ينساها ....

    وهل هذا الشي موجود في عائلتكم ؟؟ وماموقفكم منه ؟؟
    لاااااااااااااا مب موجود....
    .............................
    انا اصلا ضد زواج الاقارب ...
    افضل واحد ما اعرفه ويكون جديد علينا ...
    عائله جديده لحياة جديده ....
     
  20. سفير الحب

    سفير الحب موقوف


    أشكرك أخي على مرورك وإبدا رأيك ..
    الله يعطيك العافية ..
    حاول بالكلمة الطيبة يمكن تحصل حل لهاذي المشكلة ..
     
حالة الموضوع:
مغلق

مشاركة هذه الصفحة