شكوى صدى الحرمان

الموضوع في ',, البُريمِي لـ القَصائد المنقولة' بواسطة أمير, بتاريخ ‏29 جويليه 2013.

  1. أمير

    أمير ¬°•| عضو مميز جدا |•°¬

    السلام عليكم ورحمة الله وبركاته

    كيفكم وشو اخباركم؟

    حبيت اشارك بقصيده للشاعر محمد الذيب


    وسر يا ليل وانته ليل وحسابك على السهران = أعلمك الحياه ومرحلتها الإنسيابية
    على وجه البسيطة أفرق الماضي من المليان = وأغني لي ببيت وتنتحر عشرين حورية
    وبعد هبت على خشمي هبايب موسم الأحزان = تنحرت القصيد اللي تبكيني معانيه
    أنا عز الله إني ما نسيتك يا صدى الحرمان = لو إن مابه علاقة غير حب الخي للخية
    تجمعنا مساحات الأدب والحزن والقيفان = وتربطنا تقاليد العرب والشيمه الحية
    كثر ما الهم في قلبك ديون مالها ديان = أحس الكون في عينك حكومة دكتاتورية
    أشوف إن في قصيدك سلطة الحاكم على الرعيان = ولو تزعل حركات التذمر الانفصالية
    أنا لي بنت فكر من وصلها علمك مسيان = وطاها ما وطى قلب اليتيم فأمه وبيه
    لو أن ما يرهب الشجعان لا من فروا الشجعان = سوى صهلة خيول القوم ودموع السنافية
    أي والله ببكي وبنثر دموع المعرفة من شان = تعابير الغلا والقلب الأبيض والمحنية
    وأنا لولا الأحاسيس النظاف وصادق الوجدان = نحرت خيول دمعي قبل تاطىء جفن عينية
    لو إن ما أنتي بعجمية تعازيها على العجمان = لكنك في عيوني أقرب من الفين عجمية
    لو إن ما أنتي صحابية لها بين الصحابة شان = لكن عندك من أخلاق أم عمار الصحابية
    لكن يا قلب ياللي فيك غصن يابس وذبلان = لا تبلش في السنين المقبلة والأولانية
    اهي مثل الأديب اللي توفى ظامي وجيعان = توفى واكتفت كل القبور الإرتوازية
    وأنا مثل العزيز اللي يعرف إن الفقير إنسان = ولكن عذره من الله الأول ثم مخابية
    وهي تدري ما فيه أقسى من مفارق ربى الأوطان = سوى اللي ينكر أن الجمر يحرق رجل واطية
    وأنا اللي ما عرف نعمة تساوي نعمة النسيان = ولولاها غدت كبد البنادم جمرة حية
    عليها من تباريح الحزن آية من القرآن = ويلهم أهلها صبر النبي عيسى و حوارية
     
  2. اطياف راحله

    اطياف راحله ¬°•| عضو مثالي |•°¬

    تسلم الايادي على الموضوع الرائع
     
  3. أمير

    أمير ¬°•| عضو مميز جدا |•°¬

    الله يسلمك اختي مرورك الاروع

    نورتي موضوعي
     
  4. روح الخير

    روح الخير ¬°•|عضو مهم |•°¬

    سلمت يمناك على الطرح
    بوركت جهودك
    شكرا على اختيارك
     
  5. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    أبيـــات رائـعــة ......
    يعطيك ألف عافية ..
    ما قصرت يا أخوي امير و نتريا الزود
     

مشاركة هذه الصفحة